初味

Open Now

Now Closed

朋友約我去咗天后食飯，問佢點去，佢叫我喺天后站出，話行一陣就到架啦。好彩我睇咗地圖先，其實應該喺炮台山站出會行得小D，不過都唔係差太遠嘅。如果我真係要行多好多冤枉路我實要佢請我食呢餐呀。點咗西班牙燒乳豬、黑松露意大利飯配北海道帶子、 香草牛油焗磨菇田螺、沙律。乳豬完全唔覺得有肥嘅感覺，燒到皮下完全無脂肪咁，皮脆到好似食薯片，D肉仲要係好嫩滑。意大利飯好濃黑松露味，D飯煮到啱啱好，唔會太正宗，始終食唔慣太硬嘅飯。

今日泥到唔係好熟路既天后，行行下諗住搵野食既時候發見依間初味。開頭睇個名以後係間日本餐廳泥既，點知原來係食西餐！我地一泥到門口就俾佢個oyster set吸引，三隻生蠔加一杯白酒都係100蚊鬆D，仲可以試3個唔好地方既生蠔入到去餐廳裝修好靚，有fine dinning 既feel!好適合男女朋友泥個date night 好鐘意食生蠔既男朋友就緊係會叫個生蠔set啦！有三隻分別來自唔好地方既生蠔🦪，有南非、紐西蘭同澳洲！就算係我依個唔太好生蠔既人都覺得好鮮味好好食呀生蠔set仲有杯有氣既sake，味道唔錯，易入口另外我地仲叫左個乳豬好好食呀！外皮脆而且肉質鮮美完全拍得上係西班牙食果d!最後我地叫左個risotto ! 個飯整得好好！唔會太淋亦唔會太硬而且啖啖都有好濃既cheese望落細細碟但絕對飽肚呀依間餐廳真係令我地好驚喜！下次一定會再泥！

香港地雖然美食林立，各國美食都有，但搵一間好味嘅多國菜餐廳就真係有啲難。不過呢啲都係可遇不可求，我都係偶爾一次經過決定試下便發現了這間隱世餐廳。小店主打西餐，但都會有啲日式料理。例如刺身，海膽燒。第一次食係公司包場食飯就被驚喜到，今次就帶屋企人嚟試下，我印象深刻有幾道菜式：1.     韓式泡菜大蝦帶子湯，韓國風味都有，泡菜酸辣味又有大蝦和帶子嘅鮮甜味，好開胃。2.     虎蝦胡麻汁番茄意大利麵，醬汁調味惹味又不失清新，唔會重口味，虎蝦都燒得好好，好鮮嫩。3.     暖心芝士蛋糕，蛋糕都幾出色，口感綿滑，香濃又唔會覺得膩。

C慣常地在星期六學完西班牙舞後和我食lunch, 今天和她揀了在天后木星街初味Bistro，慶幸遇上一間用心和抵吃的小店。Set Lunch共有8款選擇，價錢由$78至$168, 包沙律，餐湯，主菜，coffee or tea, 加錢可加甜品和改飲品。今日我們order了燒西班牙黑毛豬柳配虎蝦 和扒海鮮碟一起share, 很期待！沙律的材料有車厘茄， 沙律菜，櫻桃蘿蔔和好清甜多汁的蜜瓜粒，配以意大利黑醋，健康又開胃。是日餐湯是芋頭湯，未試過食西餐飲芋頭湯，好特別，一上桌已聞到好濃好香的芋頭味，亦食到有芋頭蓉，很錯！扒海鮮碟$148~海鲜碟有帶子，虎蝦，魚柳，蟹餅和三文魚籽，賣相非常吸引，聞到已經流哂口水。帶子煎得好金黃，肉質嫩滑，有帶子的鮮味，好正。虎蝦的肉質好彈牙，蝦頭勁多膏，煎得好香好鮮味！好彩燒黑毛豬柳餐有多一隻虎蝦，可以和C一人一隻唔使爭鱸魚表面煎得好脆好香口，肉質嫩滑有魚的鲜味，好正。蟹餅的蟹肉好鮮甜， 好濕潤和juicy !mixed咗啲紅椒粒令口感更有層次。燒西班牙黑毛豬柳配虎蝦$128~ 黑毛豬肉質又腍又軟又有彈性，豬味好濃好甜，好好味！配菜有法邊豆，紅椒粒，翠肉瓜和

有時候返工太忙太大壓力都想放鬆下自己有啲人會選擇搵朋友出黎吹水食飯但我放鬆自己既方式就係自己一個人搵間餐廳食好少少，坐低冥想下或者睇下書去減壓今次我就近近地搵左公司附近既初味Lunch黎過幾次，晚市都係第一次黎大腦話俾我聽想食下肉，仲要係牛肉於是就order左一份西冷同埋生蠔去慰勞下自己，另外再加多杯紅酒西冷肉質唔錯，生熟程度如我預期般啱啱好生蠔係新鮮來貨，甘甜鮮味有齊哂，好滿足今晚佢地晚市都算幾多人，斯文客居多，幸好無難以受控既小朋友在場，可以寧靜舒適咁享受下我既晚餐。

以前一直覺得天后區係無嘢食嘅，嚟到先發現原來都有幾多選擇。不過後尾我地都係揀咗呢間不起眼嘅西餐，因為揭咗下佢個menu，發覺有我地啱食嘅嘢，所以就決定入去試下。我地各叫咗一個意大利飯和意大利麵，一齊share食。黑松露意大利飯配燒北海道帶子：意大利飯醬汁濃郁，好creamy，香甜嘅意大利飯配上焦香嘅帶子，好match，唔會食到膩。帶子都係大大粒，好鮮甜。胡麻汁鮮茄意大利麵配炭燒虎蝦：呢個意大利麵我地都一致認為好味，醬汁好特別，又惹味，意大利麵好掛汁，虎蝦亦都係大大隻，用料一啲都唔馬虎。環境雖然細咗啲，但都無影響舒適度。

We went to this restaurant after enjoying a lazy morning last Saturday. We’ve been to this restaurant once before and we enjoyed the food they prepared. The food I had before was very good and I wanted to go back for lunch this time.Since we had the roasted suckling pig and rib eye steak last time, we decided to have something different for lunch. I had the grilled pork loin with tiger shrimp and my boyfriend chose the stuffed chicken roll with pan-fried seabass.I am not a big fan of fish so I d

諗唔到食咩，誤打誤撞入左間望落環境幾好既餐廳。我地計過叫晚市套餐最抵，所以叫左兩個餐。套餐有五道菜，第一道有36個月西班牙依比利亞黑毛豬腿片，火箭菜，芝士同北海道刺身帶子薄片，三文魚籽。我本身唔好黑毛豬腿片，但呢個幾好咬，幾好食。帶子刺身新鮮甜美，唔錯。第二道菜係南瓜蟹肉濃湯，口感順滑帶點甜味，加埋蟹肉，成件事高級晒。第三道菜有法式焗田螺伴薯蓉同燴香辣安格斯牛丸，兩個都好食，冇野好挑剔。第四道菜有法式油鴨脾肉牛肝菌意大利飯配香煎鴨肝同燒西班牙依比利亞黑毛豬柳。前者鴨脾肉幾香口，鴨肝入口即溶。後者豬柳口感淋淋地，好咬。第五道係心太軟，分別配左士多啤梨同蜜糖脆脆雪糕，好食。最後仲有餐茶，要左檸茶。呢間餐廳出人意料高水準，擺盤好有心機，服務都唔錯，只係上菜比較慢。

今日同小女生來到木星街吃午餐，見到有間餐廳有聖誕節午餐，咁就要應下節呢！餐廳放了雪人佈置，都頗有聖誕氣氛！下午二時來到，不用等位，小女生本想吃龍蝦帶子意粉，不過好可惜已經售罄，原來這麼受歡迎，下次要早點來吃呢！set lunch 百多元起，但相當豐富。有頭盤，餐湯主菜，餐飲，加$28還有精選甜品。頭盤有燒火雞胸，焦糖栗子，忌廉野菌釀酥皮盒。買相也不錯，焦糖栗子又甜又粉，酥皮盒又相當香脆，整體味道也不錯呢！餐湯是日餐湯是周打魚湯，很多蜆肉，足料又鮮甜呢！西班牙乳豬併燒虎蝦飯嘩嘩嘩！有四件西班牙乳豬及一隻大大的虎蝦啊，份量十足！乳豬烤得很香，沒有腥味，外皮脆脆的，豬肉非常嫩，嫩中又帶點彈牙口感， 伴點特製的醬汁來吃，更添美味！虎蝦烤得剛好，肉質彈牙。黑松露薯條炸得金黃香脆，熱辣辣的，伴上兩款醬來吃，更加美味！精選甜品是心太軟加$28，真係好抵吃啊！一切開，朱古力醬就流出來啊！外面香脆，和士多啤梨味雪糕一起吃，又不覺太甜呢！另加了一份軟心芝士蛋糕，其實同朱古力心太軟一樣，只是換了是流心芝士，同樣出色！再來杯熱咖啡，吃到捧著大肚子離開啊！

較早前上網買左coupon今日黎食，幾抵同唔錯，岩岩再上網check左仲賣緊，可以買多幾張同朋友過來聚會用！午餐選擇都唔少，包廚師沙律，是日餐湯，主菜及餐飲。沙律既醬汁好特別，帶有少少泰式辣醬既味道，都幾開胃！至於餐湯係薯仔忌廉湯，有粒粒薯仔粒，滑口得黎又有口感！我既主菜燒西班牙黑毛豬柳配燒虎蝦，上檯時好香喔～豬柳有度好，就係唔會鞋口！而且好淋無筋唔靭，燒烤得剛剛好！不過隻虎蝦就比我想像中有點細隻，但都好爽口！餐飲配咖啡唔需要另外加錢。香濃咖啡為呢一餐畫上句號。

之前上網睇好多人讚呢間餐廳啲嘢食好好味，仲好新鮮tim…..所以今次趁假日去試試佢，平日工作咁忙假日當然要好好享受一下啦！63°C溫泉蛋 · 黑松露牛肝菌意大利麵 $108溫泉蛋好滑溜☺️意粉嘅彈牙度啱啱好唔會太淋，牛肝菌嘅菌味好出好濃郁，但可惜嘅係食唔出黑松露味。但整體而言碟意粉🍝都幾好食，但未有驚喜。香草🌿燒春雞（900g） $158估都估唔到！反而呢個燒春雞個名平平無奇，本身對呢個菜都冇咩好大期望，但估唔到一上碟超香，個雞仲要勁 juicy 個皮又燒得好香脆又金黃！

家姐生日，屋企人全部出動去食西餐。我地就book咗呢間西餐小店。因為我睇佢MENU都幾多選擇，我打電話去Book果時，佢地都會建議我地揀邊啲菜式，認真親切。我覺得呢個就係小店嘅好處。我地嚟到就好似包場咁，因為店鋪不大，我地一行人已經佔據咗餐廳一大部分。感覺好正。一道道菜上嘅時候感受到食物嘅精緻，雖說係小店，但擺盤和味道一點都不馬虎。從沙律，小食到主食都令我地覺得滿意，家姐都好開心。我尤其鐘意佢個燒豬，我一向唔鐘意食肥膩嘢，但食呢個燒豬食得幾享受，唔會覺得肥膩感。搭配酸酸甜甜嘅醬汁認真惹味。

今日難得中午跟舊朋友聚會，知道在天后區，食店的數量比例可能比非食品店鋪的數量還要多，要在眾多餐廳中突圍而出，卻一點都不容易，天后比較多小店，非常支持小店的我也經常到此區覓食，今天選了這間位於天后木星街初味BISTRO吃個休閒午餐，和朋友下午1點來到，店內不算太多人，非常喜歡店內的裝修，還有聖誕節裝飾，氣氛不錯，又坐得舒服，餐牌有八款午餐可供選擇......我們點了燒西班牙乳豬配黃薑飯,醬油蝦$98、炭燒紐西蘭肉眼扒配蟹肉釀蘑菇$168。剛叫餐侍應已很快上了沙律和餐湯，沙律菜非常新鮮，有火箭菜、青提、車厘茄，配了沙律汁十分開胃。忌廉濃湯味很重，很張口。燒西班牙乳豬配黃薑飯 - 乳豬件肉嫩，皮薄外皮超級脆，有如薯片般，黃薑飯也味道新鮮無膩味，不錯！炭燒紐西蘭肉眼扒配蟹肉釀蘑菇 - 肉質柔嫩，多汁無草腥味又香醇，點了五成熟，生熟程度剛剛好，加上炒雜菌份量都不少，夠晒飽肚。咖啡即叫即用咖啡機磨。凍檸茶茶味足，不錯 總評：整體非常滿意，服務也很好

烤美國牛柳配明太子燒帶子🥩 $168叫咗五成熟，牛肉非常嫩滑，燒完仲能夠保留肉汁😍牛扒嘅邊邊燒得微焦，幾好味！可惜帶子得一粒有啲慘😢但其實都ok嘅因為食完塊牛扒已經好飽🤣.燴日本免治豚肉醬意粉配軟殼蟹🦀 $118朋友叫咗呢一個軟殼蟹意粉，上菜就見到一大隻軟殼蟹喺面，好足料😍 佢地即叫即炸，軟殼蟹熱辣辣食落去勁好味！佢哋嘅免治豚肉肉醬應該係自家製，好新鮮😋.初味📍天后木星街9號永昇中心地下1-2號舖

星期六來到天后區遠離核心地帶， 感覺比銅鑼灣安全一點。 地點更隱蔽， 我們足足花了十分鐘尋找，終於來到。我們是當晚的第一枱客， 店子面積很小， 有點擠迫， 裝潢上也和一般西餐廳無異， 不花巧。 十多分鐘後開始有客人到來， 看來大部份也是熟客，街坊的樣子，店員對他們的態度明顯比我這種生客來得熱情。 厚厚的餐牌， 食物種類不小， 但此刻我只想喝一口湯暖暖肚。湯的選擇只有三款， 我選了感覺最輕盈的一款。 $62 大廚以極多的牛乾箘煮成濃湯，條留了粒粒牛乾箘，每一口也口吃到爽口的菇箘,口感相當豐富。 雖然忌廉的比例不算太多，輕度的棉密的口感，也不俗， 感覺輕盈¸但味道絕對是濃麵無比的，而美中不足的是沒有配上餐包。 頭盤/小食選擇不小，大路如沙律、黑松露薯條， 多士、炸雞粗亦、炸洋蔥圈等數之不盡。 但令我們鎖定目標的只有 $98  上枱時已感覺到那熱騰騰的溫度， 田螺已起殼，有嚼勁，但不靭； 田螺底下墊著香菇，其爽口質感和薯蓉的棉密口感， 形成了很大反差，薯蓉牛油味突出細滑，薯蓉反而是我最欣賞的部份。 $148                 一拆蝦殼就知殼超新鮮，無痴殼，蝦殼可以一拆到尾。蝦