十六座車仔麵

Open Now

Now Closed

十六座曾經我覺得好食，旺角店我都食過好幾次，因為好耐冇食特登去咗太子店，好可惜今非昔比，個人認為超級咸和味精，我食咗都冇一半真係食唔落了…再見十六座，我以後都唔會再嚟

一路都有幫襯開呢間車仔麵，前前後後都有六七年，雖然D嘢食越嚟越貴，但因為方便所以一路都有食開。但今日真係俾個員工激到到以後都唔會再幫襯。我係去買外賣嘅，咁俾錢嗰陣時我發現身上得返500蚊紙，咁冇辦法都只可以咁俾，跟住個員工就係咁比面色我睇，咁其實我都明白佢都想收可能$100或者50蚊紙，咁同佢講咗我身上真係冇，咁我可以做啲咩呢？跟住等外賣嘅時候，因為天氣好熱我問嗰個員工可唔可以喺入邊等，嗰位員工好冇禮貌咁樣話：因為我冇嘟安心出行，所以如果衛生署嘅人嚟查嘅話我要後果自負。跟住我同佢講但係我買外賣喎，跟住佢話因為餐廳入邊呢係一定要都安心出行嘅如果我要等嘅話你應該出返去等。先唔好講我喺其他餐廳買外賣嘅時候佢都係會比我喺餐廳入邊等嘅，就算有啲地方係就真係唔俾餐廳入邊等，佢都會一開始就同我講可能外賣要喺出邊等，而唔係好似呢位員工咁樣嘅陰陽怪氣咁講話我要後果自負。我真係希望佢可以改善吓自己囉，又或者呢如果唔識講嘢呢就搵第二個人嚟講，陰陽怪氣係做乜事呢請問？

近太子地段既花園街或好多人稱為太子酒吧街附近店舖多左唔小食肆·令住附近既觀眾們多唔小選擇·今次見到間好似唔錯既車仔麵😃即管去會一會佢先😋😋1️⃣稻庭烏冬～唐生菜～鮮豬五香蝴蝶腩～騸牯爽滑牛肉～魚皮餃～牛腩汁小辣湯底入口勁淡～再搞搞碗底先飲濃味左小小同帶出辣味·小辣黎講都算辣(應該似中辣)烏冬唔會煮到淋哂👍質地入口爽滑·豬蝴蝶腩食落似牛腩·有咬口但無咩肉味·爽牛肉係幾爽口同有咬口煮得剛剛熟👍不過肉味都係偏淡🥲2️⃣米線～滷水雞腎～蘿蔔～豬紅～滷水日本溫泉蛋～滷水金錢肚～清湯無辣清湯底小小清甜味·雞腎夠入味亦無雪味.大細切得岩岩好·咬落爽口唔係煮過火肉質實實咁·蘿蔔爽口清甜無渣·有落工夫處理唔馬虎·唔小鋪頭會忽視蘿蔔係車仔麵既重要🙄入味無渣既蘿蔔係好正😬溫泉蛋味道同外面食既無特別大分別·可能大家都係工場貨·反而金錢肚同雞腎有比下去既感覺·金錢肚滷水味唔突出·但勝在唔癡牙👍🏻豬紅要比讚👍🏻因為依家大部分食肆會用雞紅溝豬紅·但呢間食出係新鮮豬紅原有既味道加上清湯一齊入口既清甜又能突出豬紅獨有既味道—————————————————☻非專業食評·純個人口味☻

其實車仔麵黎講，呢間都算係幾高質。除咗價錢貴咗少少之外，食物質素都好高。同埋餸嘅款式好特別，有嗲於一般車仔麵嘅餸。.金沙青 - 非常推薦！好爽口，又唔算太肥！.牛爽 - 牛舌芯原來又唔用牛脷，呢個厚身啲，淋身唔韌，都不妨一試。.雞腸 - 其實呢個好好食，好爽口又有膏，不過$15得幾條少咗啲。.蠔油冬菇 - 炆得幾入味，唔會太咸。而且冬菇好大舊.鮮榨檸檬茶 - 本身見到20幾蚊一支覺得好貴，但太口渴都叫咗。其實份量好少，一支仔，不過係好飲嘅，好香檸檬味。

可能係我最鍾意嘅車仔麵⋯每次都唔會失望，今日叫咗豬大脹、陳皮魚蛋、豬皮、陳皮魚蛋，真係買小見小，彈牙又有陣陣陳皮香味，豬皮就最吸湯，一啖呀落去正！豬大脹煮得好淋，清潔又乾淨，正！配粗麵底夠曬掛湯，而仲點係佢嘅獨家辣汁，真係會食到上引⋯

昨天下午突然想食車仔麵 走了到旺角店去到發現沒有開 之後行到太子店 店員說旺角維修叫了蝦子花膠 豬大腸同金錢肚配油麵花膠係有蝦子係面 所以一上即刻食左先 怕沉曬落堂好有蝦味不過好似有d怪 花膠不算太多味道然後大腸和金錢肚還可以份量可以多返d配個六花茶 其實不用瓶子那麼小吧 也是10蚊的

至今仍然係我致愛嘅車仔麵，特別係佢嘅湯底，今次試佢哋近排大熱，痲辣湯底，好有其他連鎖米線味道，又不失自己風格，good⋯今日試吓佢個騸牯牛竟然有驚喜，雖然唔係好大舊，但真係好有牛味；陳皮魚蛋，每次都唔會放過，好彈口好味，豬皮亦都係必然之選，鐘意佢可以吸晒D湯淡⋯⋯ 🤗🤗🤗今日有試佢哋自家製青檸檬汁，非常唔錯⋯⋯#旺角 #16座

車仔麵價錢平食得飽又有得自己揀餸 所以我都幾鐘意車仔麵幾個月前食過一次十六座車仔麵覺得幾好食 餸款都幾多 服務都唔錯 所以返轉頭再食呢日黎到坐滿曬人咁滯 要等一等先有位坐好鐘意呢度嘅蘿蔔好鮮甜 份量又多 支竹豆卜好得意好好味 次次黎都要嗌 今次一碗轉左菠菜麵 有少少貴但好味值得 啲餸揀揀下揀到忘左形 最後呢碗要$70 但食得好滿足，食得開心又飽飽,麵質優良 湯底夠味又香濃 餸菜量多 調味一流咁高質素嘅車仔麵真係食過返尋味 極力推介

呢間餐廳裝修係有花心思係懷舊既感覺 見到唔少舊物樽裝凍奶茶個樽幾特別見到奶茶既色係偏濃 好似幾好飲咁 所以就點左佢茶味係真係香濃 奶味都好足魷魚 好入味 但係份量左少左dd豬紅 無異味 好好味蘿蔔唔會煮太耐 仲保持到咬口蟹柳 大大條

食咗好幾年，因好味衞生又抵食，都成日幫襯，重一直都有啲好好服務既姐姐，堂食外賣都好好。到年中唔知點解換咗黑口黑面既女仔做，態度差，已減少去幫襯。3-4個月前重係夏天時間，試過一次外賣個咖哩面筋係變酸咗既，我都會打去提醒，重會話下次比返個餸我。到2個月前，我同朋友堂食坐响廚房前面，竟然有個女侍應除低口罩，整佢粒暗瘡，重一邊同廚司傾偈，所以我地都有留意個廚司係冇帶口罩！我去咗收銀度同個中年姐姐講，佢去叫兩位帶返口罩，而個女仔，我地睇住佢帶返，冇洗手，就拎嘢食出來上菜，同時，佢知我投訴佢，佢再上小食時就咁飛响枱邊就算。自嗰次之後，我已轉去食其他，就算有幾好味都好，唔想成日去。點知上星期路過又想買外賣，又係黑面女仔入單，我寫漏要乜味道，出聲同佢講講，佢先改，乜唔係應該問返個客要乜味架咩？買咗返屋企就發現，5餸麻辣撈米線得返半碗份量！以前係會成大碗食到飽飽架！米線同扣底一樣，4啖就食完，重要係個面筋又係酸咗！我今次唔再提啦！大熱天時容易變壞我明，冬天都變壞既，係店舖唔理自己提供既食物，冇得原諒！

車仔麵三個字，由細聽到大，每間不同特色，今次俾佢”16座”(小巴?)招牌吸引。坐上吧檯睇個餐牌，見到麻辣乾撈，就叫佢，夠特別。油麵起車仔麵從來唔缺席，再加個推介鹵水豆腐。碗麵勁麻，麻到雙唇漲大，麻勁一路伸延至胃再升上頭頂，汗水好似開水喉，一包紙巾就咁用哂，好彩叫左杯凍奶茶頂住。但去到鹵水豆腐索哂麻辣味，今次叔叔不行了，食完成身濕哂。鍾意食麻辣既朋友，黎到記得一定耍揀麻辣乾撈。腸胃唔好既人表示:辣得濟，去廁所麻到開花，係麻到開花。

三餸麵 / 50菠菜麵(14)爽口彈牙 菠菜味唔係特別重騸牯爽滑牛肉(15)個樣唔太吸引但食落特別滑又香牛肉味 非常有驚喜菜肉燕餃(11)燕餃皮又薄又滑 菜比例較少枝竹豆卜(10)第一次食 感覺似大粒啲又軟滑啲嘅譚仔魚腐——————————————————推介度: 7.5/10——————————————————太子花園街215號地舖——————————————————

谷友曾經向我介紹16座車仔麵（聽聞這間舖頭係以前係80、90年代嘅時候係位於觀塘秀茂坪16座的，所以舖頭名係咁樣取名而來），這間舖頭有我哋喜歡食嘅牛舌，所以今日同閏蜜就專程去左位於太子的分店品嚐一番😋😋坐低我哋拿住個餐牌，分別叫左兩碗車仔麵，不過，一碗只係叫豬類食物，另一碗只係叫牛類食物！牛類食物，當然唔少得我哋非常鍾意食嘅牛舌部.份，有牛舌心、滷水牛脷、金錢肚，蘿蔔，配蝦子麵，另上多一串鹽燒牛舌心！牛舌心，初頭食入口嘅時候，就冇乜特別，但趙嚼啲，慢慢就食到牛舌香味！滷水牛脷，顧名思義當然只係食到滷水嘅味道嘅牛脷，都尚算爽口！最後係金錢肚，不錯！蘿蔔也夠林、夠入味😋😋另外鹽燒牛舌心，落咗黑椒及鹽去燒嘅牛舌心，焦香味道足，但牛舌心邊位我覺得有啲難嚼，不過食到中間位置都，都尚算不錯😋😋可能基於餸的份量不是太多，所以在埋單時，我個人就覺得有啲貴🤨

個魷魚係每次都一定會嗌 佢個醬真係勁好食 不過今次個量少左好多…原條蟹柳就第一次見 煮既時間岩岩好 無話煮得太耐煮到爛D餃個皮好薄 入面D餡都幾豐富 唔錯~蘿蔔就…um 味唔夠 係夠淋身囉~ 下次唔會嗌豆漿無得嗌無糖 餐送既野飲主要都係有糖如果可以照顧下D戒糖人士就好啦!

今次去的車仔麵店走中高檔型路線，入面以香港舊式公屋作背景，周圍也有不少懷舊的古玩與擺設。湯底是整個麵的精華，餐廳標榜用豬骨湯熬製，辣鮮甜味美。可能今次order了辣汁，辣味蓋過了豬骨湯底，令豬骨湯的味道不太突出，實乃非戰之罪。自己本身對咖哩魷魚情有獨鍾。這間店的咖喱魷魚非常爽口彈牙，不會太韌。辣魚蛋也有驚喜：餐廳用了陳皮魚蛋作配料，魚蛋散發出香濃的陳皮味，在香港的車仔麵餐廳買少見少。豬紅不過不失，算是有咬口。最美中不足的是麵底：今次沒有選擇平時常點的油麵，因為除了平時常見的車仔麵底之外，餐廳還有自家製的麵，例如蝦子麵、菠菜麵等等。今次膽粗粗，叫了芫荽麵（平時非常討厭食芫荽🙈）。但芫荽麵不但吃不出芫荽味，麵底還因為未完全熟透而變得有點硬，實乃今次試食經驗中的一大敗筆。飲品叫了樽裝凍奶茶，茶味香濃且有豐富奶味。因為餐廳行走中高檔路線，食材最低消費是由$12起跳至$18不等，價錢方面不算便宜。今餐除了麵底有改進空間外，其他方面也是一個不錯的經歷。