十六座車仔麵

Open Now

Now Closed

同學仔介紹我去呢間太子十六座車仔麵 又平又好食-舖頭裝修 紅綠為主，今次主要來係食佢個（屋村價$35 ）「懷舊四品麵餐」仲要送罐咸檸檬味梳打，好鬼平阿。第一次食車仔麵唔洗林唔洗揀😃好快就到。哇！好大碗 ！有 「腩肉，魚蛋，豬紅，唐生菜」。好足料，腩肉魯得唔錯，入味，肥瘦剛好，有好几舊👍🏻豬紅都唔錯，湯底揀手腩汁。個湯底就淡咗啲。不過整體都ok 啦。$35大大碗 足料學生 ， 女仔 食lunch 夠唒飽。送罐咸檸檬味梳打，一般，感覺甜左啲。

💛 十六座車仔麵 (太子) 💛..............................今日我地想搵吓平嘢食 其實都唔止今日😂所以就揀咗呢間車仔麵食🤤因為睇食評都好好 又有啲特別少少嘅餸睇落又好重口味咁 簡直係我地杯茶🤤.🔅想知黃店原因請Pm💛..............................🍽稻庭烏冬 (滷水汁、中辣、乾撈) $53。米糖滷雞翼、五香蝴蝶腩、牛爽（👏🏻8.5/10）.烏冬好滑好彈牙 嗌乾撈真係無得頂😍滷水汁同辣汁好惹味 不過就有啲偏鹹🙊米糖滷雞翼個皮好爽滑彈牙 帶啲甜味 好好食五香蝴蝶腩係豬嚟 都有5-6嚿 份量好足不過就唔太啱我口味 太鹹同埋有啲痴牙😣牛爽好好食呀 佢係牛舌芯嚟 大約有5塊雖然切得比較薄 但依然好彈牙同好重牛舌味😍鍾意食牛舌嘅人一定要叫 唔可以錯過！利申油渣過兩日再嚟都有嗌💛.🍽油麵 (腩汁、中辣) $43。鹵水豬大腸、"慢煮"鹵水牛脷、貢丸（👏🏻7/10）油麵同湯底都正正常常 無咩好突出嘅嘢不過絕對唔係伏 唔係難食！只係啲餸太好食😂鹵水豬大腸洗得好乾淨 就算係肥腸都唔會臭👍🏻鹵水牛脷都幾好食 佢係類似角切牛脷咁食到牛脷本身嘅味道 入味得

食車仔麵通常係貪平，但原來車仔麵同車仔餸都可以咁刁鑽呢間車仔麵裝修好有懷舊風格，小道具都真係係舊式嘢，係幾有心思車仔麵價錢相宜，每款一般9蚊或11蚊兩餸一麵最平30蚊，三餸一麵最平39蚊除咗傳統粉麵，俾多兩蚊可以叫藜麥麵、紅菜頭麵、菠菜麵、蝦子麵甚至日本乱切烏冬同本州刀麵今次叫咗一紅一綠，紅菜頭麵同菠菜麵顏色搶眼而且睇落夠健康，幾特別車仔餸款式同樣特別當中最特別係限量金沙骨，但賣晒，未必次次有而牛爽（牛舌芯）、騸牯爽滑牛肉或牛腩、五香蝴蝶腩、米糖鹵雞翼、鹵水牛脷或豬大腸等都係招牌車仔餸。牛爽都係限量，好爽口，有少少輕脆感夠軟腍，似牛筋腩，入口順滑唔會韌至於傳統車仔餸如豬紅粒粒滑溜，唔會一夾就散蘿蔔無渣易入口，亦好入味鹵水豆腐質感結實而滑溜，鹵得好香辣魚蛋好有以前掃街嘅感覺，不過味道的確偏辣提一提中辣湯底辣味好重，如果唔太食得辣建議叫小辣/鹵水汁/牛腩汁本來漏咗豬紅，店員都隨即補返俾我

今日經過太子入去食碗麵，叫左粗麵加三餸。豬紅，牛肉及牛舌都好好味，夠冧，好食。豬紅好入味，牛肉是本地的扇牯牛，入口即溶，但略欠牛味，牛舌，份量又多，但湯底就超級味精，食完飲左成支水及冰凍椰汁都勁口喝。而家叫四餸，飲品半價，抵玩。講真味道唔錯，車仔餸有特色，是誠意之選，唯獨味精超濃，飲完2匙羹湯喉嚨已勁那喉。希望你地盡快改善一下，下次經开附近一定會再試。另外佢地D飲晶好有自家特色，印象中有花8花茶等，下次我一定叫下試下。

防疫期間，舖頭要限制人流，於是就係門口排隊等堂食嗰陣揀定食咩餸。見到有「金沙青」咁特別嘅餸名，就問左問店員，對方話係金沙骨上面的肉，就揀左試下，最後就點左藜麥麵（$14）+金沙青（$13）+鹵水豆腐（+$9）+鹵水汁，另加一碟腐乳通菜（$18）。入去之前要探熱，座位上都有不透明隔板。藜麥麵比較挺身少少，不過無咩特別味道；金沙青幾爽口，有少少似豬頸肉；豆腐鹵得好入味，加埋鹵水汁就鹹左少少如果配返清湯可能無咁重口味。另外都有試下朋友叫嘅五香蝴蝶腩，都幾入味好食。

高質車仔麵推介❗️價錢合理份量足更有不常見的麵底同配料選擇麵底有自家製的紅菜頭麵、蕎麥麵、菠菜麵仲可以揀菜底添! 啱哂唔想食carbs的朋友😏配料方面有非常特別的肉部位兩款牛脷同樣出色各有各好 推介試哂兩樣滷水慢煮牛脷 厚切粒 煮得夠腍身但依然有嚼口 滷水好入味而牛爽(牛脷芯)就較少見 薄切超爽口好好食亦推薦滷水雞腎 又係超爽勁入味 👍🏻另一招牌貨係五香蝴蝶腩無論口感外型質感味道都似足牛腩但竟然係豬肉😱唔係餐牌寫明係豬肉都不能相信可惜當日沒有招牌金沙青 要下次再來試麵底揀左豉油乾撈粗麵+小辣撈麵點都要辣先正 小辣已經夠辣非常惹味另外蕎麥麵同普通粗麵分別不大純粹感覺上健康d? 🤣

😋👍無論是一粒魚蛋、一磚豬紅、一個湯底、一碟撈麵、一件厚切牛舌，一條豬腸、一住油麵、一塊豬皮，一滴豉油汁 ，尤其是佢嘅牛舌心特別好食，全部都經過用心製作，是我吃過的車仔麵中最好的一間。。

今日又要係太子食lunch，時間唔多，但又想食美食，就黎到呢間十六座車仔麵啦今次由於想食下撈麵，叫左碗豉油干撈，配菜最少叫三樣，今次叫咗韭菜餃、魚皮餃同爽滑牛肉😍😍牛肉，人如其名，夠曬爽滑，又夠冧，好味🥰🥰韭菜餃，皮薄餡靚，入面啲韭菜好多，值回票價❗️❗️魚皮餃，就不過不失，唔錯唔錯❗️❗️平時食開車仔麵，今次真係第一次叫豉油干撈，豉油味好足，但又唔會太鹹，未食過既都值得試下，唔錯唔錯❗️❗️

雞先生一早有事車出旺角做，做完打算去太子花墟行個大運，行到附近發現弊，肚子餓🐓於是上網搵下附近有咩黃店食下，發現前面就有間16座車仔面，於是入去睇下👀環境方面，成間店都幾懷舊風既，我無影到內部環境但影到佢牆上個大黑板，用粉筆畫左碗面，枱上個筆桶都幾復古下。餐牌就幾多選擇下，單單面底佢都有十款以上，仲有幾款佢寫到明係自家製，另外餸方面都有好多選擇，唯一比較要挑剔係無乜菜可以簡💩💩💩雞先生本身只係揀咗咖喱魷魚、雞翼、同蠔油冬菇。落單果陣店員提醒我四餸可以飲品半價，於是問店員有咩好食，佢話不如試下金沙青，其實我唔知係乜野但費時諗所以照要，之後要埋枝自家製凍奶茶☕️首先講下啲餸，金沙青其實係豬肉🐷🐷🐷，估唔到呢款聽都未聽過既肉係幾好食，又嫰又滑，好彩有試唔係走寶。咖喱魷魚方面，有啲車仔面係好是但，得個汁濃但魷魚唔爽口，但呢度既魷魚係幾正👍🏻爽口而且個汁有以前掃街小販檔既味道，同埋唔會太辣。雞翼同冬菇我唔知佢搵咩野入味，但兩樣野都甜甜地又淋，我覺得都幾好味。唯一挑剔既係冬菇有小小細舊但算正常發揮。打邊爐最重要個爐，車仔面最重要緊係個面底同湯。我簡左鹵水汁，都幾香同濃既，但唔適合飲埋佢🚫個面底係唯一

每逢過年之前，#小秘書 都習慣落 #花墟 走一轉，買啲 #賀年花 返屋企做擺設。今年我同樣地嚟到 #太子，不過我哋今次就食嘢先，費事到時一袋二袋咁論準😅為咗爭取時間，我哋諗住求其食碗麵填飽個肚就算，醒起附近有間 十六座車仔麵 - 太子店，一於走去湊熱鬧。每次路過都總係有班fans喺門口等位，呢次終於輪到我哋做傻事🤪 雖然喺門口等左15分鐘，不過喺等位嘅時候，大家已經可以落定單，坐低好快有就有得食🍜 我哋叫咗兩碗5餸車仔麵，份量認真唔少，加多個 #菜 同 #飲品，每人平均都要八九十蚊😕 不過如果味道好嘅，其實都冇所謂啦。呢日我叫咗#魚蛋、#豬紅、#豬腸、#咖喱魷魚、#滷水雞翼 配 #粗麵，另外加咗杯 #凍咖啡，仲有個 #腐乳通菜 開心share☺️ 整體味道似乎比我上次幫襯略為遜色，每樣餸菜嘅味道似乎都差唔多，只係覺得 #魚蛋 比較特別，居然keep到兒時嘅口感👍🏻 唔知係咪食得太飽 / 定係食咗啲 #豬紅 關係，食飽冇幾耐之後就開始肚痛😅 最終我要食完 #胃藥、後加 #益生菌 先搞得掂👉🏻👈🏻 都怪 #小秘書 太睇得起自己... 唔食咁多咪

午餐時間經過太子，立即開電話搜尋附近餐廳，看見附近有16座車仔麵，從門口看進店已經見人頭湧湧，門口店員宣傳話午餐有半價飲品優惠，於是進店一試！我一人入座，很快有位，接過車仔麵點菜牌，第一樣當然要選擇麵底：紅菜頭麵、菠菜麵、蝦子麵、稻庭烏冬、本州刀麵都是特色麵底。當然還有其他傳統式的，但我這次選擇了紅菜頭面，吃下去並沒有濃郁的紅菜頭味，可能是因為湯底味濃，但看見面色是粉紅色的感覺比較健康呢！看見餐牌上有招牌推介：五香蝴蝶腩、牛爽、咖喱麵筋、咖喱魷魚、日本糖心蛋、滷水豬大腸、雞翼、牛脷、雞腎、牛腩。還有一些傳統配料：蘿蔔、豬紅、辣魚蛋、雞翼尖、豬皮和各式丸類等等，多樣選擇，一定有幾款合心水的。我選擇了咖喱魷魚、豬大腸和豬紅。咖喱魷魚：爽口、重咖喱味、份量算多豬紅：軟綿綿、爆汁、6粒鹵水豬大腸：少量肥膏、軟硬度適中、非常入味這裏還有醬汁免費任選：牛腩汁、滷水汁大辣、中辣和小辣，任君選擇！愛辣之人記得一定要選中辣或以上喇！

呢一天放假，出咗花墟買葉種植物，行完又未係好肚餓⋯⋯真好，見到車仔麵！ 唔飽唔餓最好食麵😁😁都少少人多，揀咗坐bar枱，呢度最少叫3個餸，我揀蘿蔔、蟹棒、豆腐卜，要米粉😋至於女友就要蘿蔔、貢丸、韮菜燕尾餃，要油麵😋 行到有點口渴，加支竹蔗矛根水添。女友碗先到，色香都唔錯，女友一食，話唔錯喎，湯底都算ok，佢好怕白雪雪無味道嘅湯底😝 蘿蔔煮得好入味，可惜唔夠靚，有少少苦🤭 但燕尾餃同貢丸都好味😋食食吓，我個碗都到了！好味😋

旺角車仔麵另一可返食之選!必叫之選一定係"咖喱魷魚" 同 "雞腸" !唔係講笑, 佢個"咖喱魷魚" 真係好好好正!  重要0既0野要講3次!   點解咁好食呢~ 就係條魷魚有口感得0黎配上0個個汁..... 不得了!!! 同有D淥到條魷魚淋一淋咁... 真係唔同級數囉~ 再講就係要講碟 "雞腸", 真係食完都忍唔住講返句雞腸讚佢 VERY GOOD!!   雞腸俾個醤汁煮到好入味, 仲散發陣陣油看, 最正就係放0係碗底0個幾條菜.  如果我食得哂會再叫多碟菜點個雞腸汁囉~~ 其他食物都有一定水準, 但就冇話非講不可.  總括0黎講, 撈麵好過湯麵. 價錢一般, 唔算特別平, 但食物有D質數我都覺得係合理, 可以一試!  

係附近上完興趣班，就同左班朋友黎食車仔麵，我地就分別叫左2個4餸麵同埋1個3餸麵，1. 菜肉燕餃+懷舊牛腩+蘿蔔+芝心丸+蝦子麵（$52）、2. 菜肉燕餃+咖喱麵筋+蘿蔔+墨魚丸+紅菜頭麵（$52）、3. 咖喱魷魚+魚皮餃+蘿蔔+湯飯（$39）。牛腩應該係牛筋腩，無渣唔韌，蘿蔔好入味，好淋而且無渣，強烈推薦，菜肉燕餃比想像中細粒，仲細粒過粒丸，但包得好實淨，味道唔錯，但可惜既係其中一粒有豬骨碎，好感度下降，芝心丸唔知係咪煮得太耐，煮到入面既芝士熔晒，冇左平時拉絲既口感，蝦子麵煮得剛剛好，唔淋唔硬，口感剛剛好間鋪標榜住無味精豬骨湯底，但唔知係咪因爲揀左腩汁，所以豬骨湯味唔濃，感覺唔到有咩特別，只係覺得冇平時個d車仔麵湯咁鹹，味道清d，所以想試真d佢地個湯底既就記住唔好揀其他xx汁！墨魚丸同普通既墨魚丸無咩太大分別，咖哩麵筋咖哩味濃，所以連個湯底都充滿咖哩味，紅菜頭麵味道清淡，紅菜頭味唔突出，岩晒想食有特色d而且又健康d蔬菜麵既人，口感方面就同蝦子麵差不多，都係彈牙得黎唔算太淋/太硬魚皮餃同普通既魚皮餃無咩分別，但咖哩魷魚就唔錯，都算彈牙，而且咖哩味都濃，至於個湯飯d飯就比較硬，而且個湯俾

放工要去做運動，為咗唔好食咁濟，同男朋友去食車仔麵，係太子行行下就見到呢間十六座車仔麵，就試下。首先麵嘅種類唔只得一般普通車仔麵店食到嘅粗麵幼面等等，仲有三種自家制嘅麵，有紅菜頭麵、菠菜麵同蝦子麵。豬紅、韮菜燕餃、鹵水牛俐、腩汁、小辣、菠菜麵男朋友叫咗自家制嘅菠菜麵，食落同幼麵差不多。豬紅夠入味，無奇怪味。鹵水牛俐就真係鹵得非常之入味，一啲都唔韌，值得一讚，如果份量可以再多少少就好喇。👍🏻韮菜燕餃就一般般，韮菜味唔夠濃，亦都比起一般燕餃細隻啲。而我就叫咗豬紅、咖哩魷魚、鹵水豆腐、腩汁、小辣、粗麵。咖哩魷魚同鹵水豆腐都唔錯，夠哂入味之餘，魷魚唔會韌。而豆腐都食落都唔會好似出面啲鹵水豆腐咁實同鞋。總括呢間車仔麵絕對有誠意，好多自家制嘅餸都做得唔錯，絕對好食過深水埗 _ 記！！！