十六座車仔麵

Open Now

Now Closed

今次去的車仔麵店走中高檔型路線，入面以香港舊式公屋作背景，周圍也有不少懷舊的古玩與擺設。湯底是整個麵的精華，餐廳標榜用豬骨湯熬製，辣鮮甜味美。可能今次order了辣汁，辣味蓋過了豬骨湯底，令豬骨湯的味道不太突出，實乃非戰之罪。自己本身對咖哩魷魚情有獨鍾。這間店的咖喱魷魚非常爽口彈牙，不會太韌。辣魚蛋也有驚喜：餐廳用了陳皮魚蛋作配料，魚蛋散發出香濃的陳皮味，在香港的車仔麵餐廳買少見少。豬紅不過不失，算是有咬口。最美中不足的是麵底：今次沒有選擇平時常點的油麵，因為除了平時常見的車仔麵底之外，餐廳還有自家製的麵，例如蝦子麵、菠菜麵等等。今次膽粗粗，叫了芫荽麵（平時非常討厭食芫荽🙈）。但芫荽麵不但吃不出芫荽味，麵底還因為未完全熟透而變得有點硬，實乃今次試食經驗中的一大敗筆。飲品叫了樽裝凍奶茶，茶味香濃且有豐富奶味。因為餐廳行走中高檔路線，食材最低消費是由$12起跳至$18不等，價錢方面不算便宜。今餐除了麵底有改進空間外，其他方面也是一個不錯的經歷。

講到香港地道食品, 當然唔少得車仔麵啦, 香港咁多車仔麵, 要搵一間出色既真係唔容易 今次黎到太子既十六座車仔麵 以車仔麵檔黎講呢間餐廳算好企理, 雖然行懷舊風, 都算幾乾淨 但係枱方面有少少窄, 唔算好好坐 今次我試左佢嗰個懷念四品面餐, 材料方面有雞翼, 豬紅, 魚蛋同生菜 雞翼, 豬紅都好入味, 魚蛋方面我自己就覺得唔夠彈 今次我擇左少辣, 感覺比其他餐廳既少辣辣, 仲食到出汗, 好彩呢個餐有野飲送, 可以中和一下 另外我仲叫左一客黃金豆腐 皮薄餡靚，咬落去都幾香，同埋D豆腐好滑 我都幾滿意呢個小食

💛黃店🔱今次要介紹嘅食物就係位於太子！📜” 十六座車仔麵 (太子)📌 地址:太子花園街215號地舖🕐營業時間:12:00-23:00📍分店地區: 旺角📝評價💬📢 超多配料既16座車仔麵💛💛每款數量吾算特別多 餃子3隻 雞翼2隻 糖心蛋1隻🙆🏻‍♀️ 令我好滿足既小食 黃金豆腐💛💛💛真係必叫！又香又炸得好脆 豆腐又滑👍🏻👍🏻🌟冇得輸💛💛💛😋叫左鮮榨檸檬茶 同比時飲開既凍檸茶好吾同😂真係新鮮好多 酸味多dd 🏵環境指數:⭐️⭐️⭐️🏵味道指數:👅👅👅👅🏵抵食指數：💰💰💰🏵回購指數:❤️❤️❤️

老公係旺角剪頭髮～咁我就上mee app搵下有咩食～見平時食黎食去都係西餐或者譚仔再唔係就餃子。見呢間都多人讚，咁咪試下囉。但點知中伏。其實我個人食野要求真係唔高，同埋只要我食既野，我都唔會抗拒(要求真係好低)我只係知道個味道真係好一般，冇啲人講到咁好食，價錢五十幾蚊，認真下次都唔會再食。我嗌既果個係佢店推介既，唔記得叫咩「女團」，因為我見自己揀餸又唔抵食，所以就試下。雞翼味道正常。另外果幾片肥膏多到爆，唔覺得自己食緊肉。

🤠今日係旺角做完野，簡單揾咗間良心小店食返個late lunch，貪車仔麵夠快又飽肚，而且呢間鋪頭仲好有本土特色。鋪頭主要用木系裝修，令人聯想起以前木頭車年代，車仔麵既名稱由來都係因為咁🛵 .📖落單採用寫紙仔方式，係旁邊舊式鐵皮信箱拎出黎，懷舊感十足。入面有好大塊黑板，寫住各種材料，令時空返到上學既時候咁📚 .🍝今日食咗豉油乾撈，配騸牯爽滑牛肉、蟹棒同韮菜燕餃。牛肉食落順口無渣易咬，牛味足。蟹棒一般，差少少就煮散咗。韮菜燕餃皮薄多餡，食落香氣滿溢🥟 🥬另外仲叫多咗碟腩汁唐生菜，食得健康有營營少少，唐生菜食落仲爽，腩汁味道夠哂濃🐂

午餐時間想食啲有湯嘅嘢暖吓個胃，經過見到呢間車仔麵，咁啱有位就入咗去。本身諗住求其依飽個肚就算，點知竟然有驚喜。佢地車仔麵有啲特別配搭嘅set(公司麵，男/女團麵），亦可以自由配搭唔同嘅餸，最後我選擇咗雞翼尖/牛爽/滷水豆腐/蟹子丸/米線/小辣。特別推介係牛爽（牛舌芯）🐮👅未試過乜嘢係牛爽，睇落似普通鮮牛肉，一食落去就覺得好有驚喜，本身塊牛好有肉味，咬落去好爽又好有𡁻口，但係肉質好嫩，配埋個湯嘅少少辣味就更加好味！😋米線軟硬度適中，湯係腩汁，加咗啲辣即刻刺激到醒咗👀，佢嘅辣係有啲咖喱味。雞翼尖係用滷水汁煮，好入味，不過如果煮腍多少少就更加好。飲品就揀咗樽仔咖啡，味道幾濃，唔錯唔錯！

鮮豬限量金沙青+騸牯爽滑牛肉+牛爽（牛舌芯）+米線Price：$57慢煮台鹵叉燒+咖哩麵筋+海鹽日本流心蛋+本州刀麵Price：$51📌2個人食叫左唔同餸可以試多d款式😛麵底方面呢間鋪款式超多😱有出面少見既藜麥麵、芫茜麵、菠菜麵。而今次我地嗌左本州刀麵，類似好闊既河粉咁🤔餸方面分量都幾多，每樣都有5-6件👍🏻我地仲嗌咗小辣，但唔係好辣，下次可以試下中辣😝牛爽超有驚喜😍係好薄嘅牛舌，咬落好爽口彈牙🤩牛肉方面佢地用既係鮮牛肉，保持到個鮮嫩口感，唔會嚡熠熠👍🏻金沙青個口感好似豬頸肉，但無豬頸肉咁肥，口感幾爽😉流心蛋係原隻唔係半隻😱不過味道唔算好突出。叉燒係半肥瘦嘅日式叉燒，有啲普通，亦食唔出鹵水味。而麵筋就類似魚腐咁甜甜地🤤整體嚟講無論麵款同菜式都好新奇好值得試🥳脆炸黃金豆腐Price：$35📌個皮炸到好脆好香口🤤但入面個層既豆腐依然保持到咁嫩滑。小妹有時食豆腐好怕佢淡茂茂咩味都無🥲但呢個炸完後個皮有d蒜味，餸豆腐一流👍🏻

星期五黎到花墟一帶搵野食，通常無咩特別idea既時候都一定會揀返啲comfort food，身為粉麵愛好者就決定食車仔麵喇！！😜😜六點鐘入座，餐廳已經唔少人，店員都好快手安排入座，自己幾鐘意店舖裝修設計，好有香港懷舊特色。分別叫左一碗「台鹵叉燒、花枝丸、咖哩麵筋，麻辣撈油麵」幾滿意今次叫既餸，全部都好味，尤其係咖哩麵筋，醃得好入味，花枝丸都非常岀色，如果下次再食應該會再叫呢兩款餸，麻辣撈揀左小辣，辣度都偏辣，不過接受到，好味既！另一碗「男團麵：騸牯牛腩、騸牯牛肉、牛脷、醬油菜脯，粗麵」到於呢碗就有少少失望，因為粗麵煮得太硬，餸方面牛脷不錯，其他餸都係正常！！不過都值得比多次機會既，價錢唔貴，粉量都大碗😉😉👌🏼

呢間友人推介...我次次叫親既餸總比人感覺奇怪又唔match😂😂😂今次也不例外⋯⋯咖哩面筋係因為有啲特別唔係度度有佢既滷水物係幾香幾入味既👍义燒普普通通蝴蝶腩份量大方，肉質厚實但係我都係偏愛鬆化軟淋果隻口感湯底我叫咗普通果隻腩汁因為其實本人唔食得辣嘅不過我覺得下次點都要加少少辣因為個湯底都偏淡

今日再來幫襯十六座，第一次寫十六座食評😚原因係今日有緣和老闆相見，難得有時間和我們閒談吓，我們發現他對車仔麵的要求原來係來自他多年大廚經驗，仲要曾經攞過奬，也曾稱叉燒王子的師傅😄我們知道下提議佢加埋叉燒係車仔麵餸🤣🤣總知就係水準甚高👍🏻👍🏻今日男友order了傳統的車仔麵餸魚蛋、豬紅、紅腸還有超好味的汁煮牛脷😋😋，而我order了滷水雞翼、豬大腸、魚蛋撈麵。佢個撈麵汁好好味食得出嘅甜豉油係自家炮製。估唔到一碗車仔麵老闆都咁用心去製作，真係要繼續支持小店😃

同朋友去食午餐，經過太子呢間車仔麵試吓，見到金沙青個名咁特別，咁就叫嚟試吓，又幾好食喎，肉質爽口，感覺有啲似豬頸肉！豬腸，都好正呀！因為本身我唔鍾意食豬腸最肥最粗嗰個位置，佢啲豬腸係尾段瘦啲嘅位置，所以好啱我食！蝴蝶腩 ，平時車仔麵好少見有呢啲餸，所以叫嚟試吓，估唔到有驚喜，腩肉比較腍，但囗感又帶少少脆👍雞翼，豬皮，蘿蔔，全部滷水都好入味，雞翼又大隻，唔會好似出面嗰啲車仔麵煮得過耐啲肉好腍！我揀咗豉油乾撈，估唔到又幾好食喎，佢個豉油調得好好！價錢合理，又好食，值得推介👍👍

都有一排無黎太子，呢條花園街都已經人面全非，唯有呢間仍然在。咁點都要黎幫襯下😌呢間車仔麵，記得以前黎過，係好喜歡佢既裝修，老香港主題，最arm我胃口。最近環境艱難，各行各業都苦苦掙扎，大家都要準備捱過呢個寒冬🥶見到呢間舖頭都有出特價套餐，不禁概嘆，平民美食都要再特價招徠，可見經濟真係差到不得了。既然店家爲客人打氣，我都要支持一下，就叫一份試試。雞翼，豬紅，魚蛋，菜既組合，好有傳統車仔麵既神髓，送多一罐鹹檸檬特飲，$35真係算係咁。魚蛋一貫彈牙，豬紅亦夠鮮。我就配左粗麵底，純粹自己偏好今時今日，咁既價錢，已經無嘢好投訴希望大家都繼續努力，頂埋佢

前排同朋友仔上咖啡堂, 上完堂順便係附近食個晏花園街有好多餐廳, 我地十五十六唔知去邊, 最後決定食十六座車仔麵<三餸車仔麵>大食妹嗌左份三餸車仔麵, 出到黎份量好似幾多麵底方面, 大食妹揀左比較少見嘅刀麵, 本身以為係煙韌嘅刀削麵, 出到黎竟然係又薄又淋嘅麵配料方面, 大食妹就嗌左豬大腸可惜十六座嘅豬大腸同大食妹食開嘅完全唔到, 口感爽身, 亦無咩味, not my cup of tea牛腩仲不得了, 肉質硬到令大食妹懷疑人生, 裏面仲要有筋最後, 大食妹覺得唯一無伏嘅係佢嘅鹵雞翼, 超級入味

呢個屋邨價懷舊四品麵餐係幾抵三十幾蚊有野飲可惜佢嘅米粉 唔係正常嘅米粉加左腩汁麵冇咩味想加辣油店員話得咖喱⋯⋯⋯有啲九唔掂八最後食唔哂因為真係食唔落反而朋友叫果個淨餸好似正常啲因為有蠔油冬菇😂菜底係開心啲起碼唔係奇怪麵不過佢叫個淨餸貴過我個懷舊餐間野裝修係幾靚但應放更多資源做好食物車仔麵都可以唔好食車仔麵都可以唔好食麵底唔好食 湯底冇味腩汁冇味 又冇辣油辣汁車仔麵都可以唔好食真係our爆頭 真係第一次⋯⋯⋯⋯

前幾日唔知點解突然想食車仔麵朋友話呢間湯底正 好好味於是就冇啦啦去左食門口見到佢個牌懷舊四品麵餐 屋邨價$35有雞翼 魚蛋 豬紅 唐生菜仲已經包埋咸檸梳打抵到咁 又喺我唔想諗叫咩餸嘅情況下就梗係叫左呢個經典車仔麵食啦揀左油麵 然後再另外加左$10要韮菜餃牛腩汁湯底 如朋友所講 夠濃味豬紅 鹵水雞翼都夠入味 魚蛋彈牙韮菜餃比想像中細隻 但餡料都算飽滿另外裝修走懷舊風 仲有擺設都好有香港風格加埋車仔麵 呢樣咁有香港特色嘅食物喺度可以食到真真正正嘅香港味