35座車仔麵 (Closed)

今天來到九龍德寶探望姨媽，表妹帶我來到這間懷舊車仔麵吃個午飯，原來這間車仔麵以前位於秀茂坪邨35座，現在在德寶商場重開。表妹強烈推下，我地便來試試。整間餐廳以八九十年代懷舊風格為主，裝修上用了不少舊式餐廳元素。餐廳的點餐紙十分環保，可以重複多次使用，值得讚賞。這裏的麵食配料選擇繁多，差不多有40多款，實在有點難選擇。柱侯牛筋柱侯牛筋是這裏的招牌配料，牛筋炆得很是入味，味道濃郁。口感腍身滑口，入口即溶。黑椒牛筋丸牛筋丸黑胡椒味濃厚，咬開時帶有香滑油花，爽口 煙韌，實在驚喜。瑞士雞中翼雞翼份量肥美，醬汁甜度剛剛好，醃得微甜入味，肉質嫩滑，令人回味無窮。魚皮餃外皮比較薄身，口感煙韌，外型精緻小巧。湯底選擇川味麻辣湯。車仔麵上枱的時間，已經香氣逼人，辣味撲鼻 ，令人食慾大增！麻辣湯十分惹味，辣而帶香，麻而不苦。麵條方面選擇了粗麵 ，煮得剛剛好，而且很能吸收湯汁 ，每吃一口麵都吃到辣湯的精華。道地烏龍茶吃完刺激的麻辣湯麵後，喝一口清茶，去除口腔中辣燙的感覺。整體而言，裝修有特色，乾淨企理。自選配料多不勝數，而且價錢親民，絕對值得推介！

無幾可出九龍東， 所以突登行左過得寶廣場嗰頭試呢間車仔麵。叫左碗淨餸，加辣醬菜脯好後悔走湯，因為好鹹， 但無論佢嘅秘製辣汁，定麻辣醬汁， 個人覺得都唔夠辣， 只有鹹味配料1-辣魷魚當中最出色的，有5-6 塊， 仲幾大塊， 爽口， 個醬無咩特別，但抵食配料2-牛肚好淋，切到好碎， 無咩味配料3-牛筋不是我喜歡的彈牙口感， 係好淋好淋，又有少少稔牙， 所以不是我杯茶，不過同一致命傷， 切到好碎好細個到講下啲小食櫻花蝦餅同普通蝦餅無異，勝在擺盤有心機皮蛋皮蛋係有2 粒的份量， 醬料味道一般， 但有一粒皮蛋處理不善，以至有皮蛋的弱弱腥臭味， 食落口臭臭的餲味醉雞翼有足夠的酒香味， 雞翼皮夠脆，肉也夠嫩後來加單的小食炸雲吞有點後悔加單， 一來雲吞皮厚， 二來内餡不均，肥肉太多， 只加了一隻好細嘅蝦， 而非用蝦膠，一啲都唔彈牙，影響口感。加上皮也炸得唔脆，又無收好油，所以不太推介蜂蜜綠茶似一般街邊飲品店的水平， 不會太甜， 無嘜綠茶味

而家車仔麵周街都有，但真係有小時候既味道，感覺真係少之又少，但35座真係令我有番哂回憶😍嗌左大碗麵同炸雞翼，可以揀5定6個餸加一款麵底，岩哂我呢d乜都想試但又怕太多既人，夠50蚊仲送杯豆漿，真係抵到怕佢蝕😂😂😂少可既車仔麵餸有牛肚，仲要五香而入味既！豬手都係，食得出有比心機炆過！豬皮夜晚食都唔冧，正！魷魚雖然寫辣但落左湯就只係香，唔太食得辣既人都可以叫😆雞翼都係即炸，夠熱夠脆！唯獨可能少少可惜因為真係48蚊，台灣腸得一條，不過都明既！豆漿就唔太甜，不過重豆味，完全係小時候健康屋企人比飲個隻🙈😊

黎到九龍灣當然要試下出名的35座車仔麵啦！門口細細，裝修都好係時尚點餐都好環保老實講，車仔麵都冇乜話點唔好食得去邊架喇，反而出色位係環境舒適，座位唔會好迫，最緊環係夠衛生三個人每人一碗麵兩個小食三杯野飲每人平均消費$70

「35座車仔麵」這小店的老闆娘父母，以前在秀茂坪邨35座擺檔，深受街坊歡迎！現在兒女於得寶商場開店，傳承上一代廚藝，發揚啖啖老香港風味！小店門口貼有反送中文宣，去年更因拒絕招待黑警而被人爆玻璃，絕對是間食良心兼食味道的車仔麵店，值得支持！車仔麵餸有43款選擇，真的花多眼亂！最後，我點了48元有六個餸的大碗麵，抵食！大碗麵（$48）可揀六個餸，連炸魚片頭和流心蛋都有，正！其他車仔麵店少有的花枝丸和芥末沙律球，48元就食到，咁抵邊度搵！汽水（$5）第一次喝樽裝Coke Zero，很有屋邨風味！收據印有「希望黑暗嘅盡頭會是光明」，絕對是香港人的心聲！

35座車仔麵如果係住過秀茂坪既人 一定會知道餐廳都貼左好多以前既相雖然個陣係幾歲 但見到啲相都好有親切感車仔麵既餸硬係多到揀吾落😂😂樣樣都想食揀太多又驚貴😂😂最後揀左貢丸 牛肚牛肚勁冧好好味不得不提 呢間係黃店係呢個事事不公既香港要幫襯返一啲同自己持相同意見既餐廳先岩🤟🏼🤟🏼🤟🏼

4月之內幫襯左無數次既35座車仔麵平均都係$30多就有一碗當時仲係疫情高峰之一,店家都只做外賣,不做堂食最近才改回可以堂食,反正本來都是買外賣回家吃,沒影響個人就幾喜歡呢種簡單不花巧既老派車仔麵小店店主講,車仔麵既湯底都係用左好多豬骨煲煮而成,啖啖鮮香食材方面,選擇也相當多,雞翼尖,牛腩,滷水豬腸,五香牛肚,南乳豬手等等煮得入味濃香南乳豬手炆得軟,骨膠原感重,豬腸夠乾淨,牛腩桂侯醬濃郁,好入味魷魚咖哩夠爽口夠辣仲有派口罩,食一碗麵自取一份2個口罩,多謝老闆地址: 牛頭角牛頭角道3號得寶商場地下A1 號鋪

懷舊的人不能錯過 😙緣於店內的裝修擺設都帶有懷舊風味🤩總令人想起小時候吃過的車仔面🥰店內有一些35座車仔面的舊相估計係呢間車仔面嘅歷史😎這張是點菜單🤩超級多選擇❤️❤️我幫襯左$48大碗面餐🤞🏻有6個餸㨂！👍🏻好抵呀！👏🏻👏🏻出面d 車仔面三四個餸都要4x蚊啦！除左餸選擇多👍🏻面底 湯底 以至湯底配料都有選擇貪心嘅我要左蕃茄湯底🍎加腩汁 加沙嗲汁 再加秘制辣汁 仲有葱喜歡淡味的不用像我那麼誇張🤣🤣仲有超底嘅係買$50送豆漿一杯 冷熱皆可🤩咁只要我㨂一個加兩蚊嘅面底就到$50啦！😌加嘅醬另上 好貼心呀 🤩湯底正每樣配料都好食小花菇好林 特讚！😝加埋豆漿就係咁樣一個餐啦除左我叫嘅餸款呎間店嘅丸丸類都好出色 🤩有好多特別嘅丸丸🤩例如芥末沙律球黃金麻吉燒等等店內嘅海報都好美 😍😍令人目不暇給😘

行過見到懷舊裝修，吸引左我地目光。行到門口發現係黃店就緊係要即刻試啦！餐牌有超多餸揀，仲要好多特別的餸。例如黃金麻吉燒，牛舌心，南乳豬手，台灣腸等。麵同醬汁都比其他車仔麵店多選擇，有拉麵，薯粉，車仔飯，文記麻辣混醬，秘製辣汁。我揀左黃金麻吉燒，牛舌心，大腸，豆卜，川味麻辣湯，腩汁。份量超多：黃金麻吉燒3粒，牛舌心6片，大腸豆卜各有6-7件，叫滿$50仲送豆漿，超值。牛舌心好稔，高質！推介！另外一碗係豬紅，蠔皇小花菇，秘製辣魷魚，酸齋，川味麻辣湯，辣汁。所有餸麵有5-6粒，加加埋埋差唔多都有25粒架，所以平時覺得食車仔麵唔夠飽嘅人，嚟到都一定會夠飽。魷魚爽口，豬紅入味。

受到同事早幾日介紹, 所以是日佛誕, 專程去食佢~下午3點幾, 因應疫情要隔枱坐所以唔算多人, 堂食要5分鐘左右就有位。只要剔咗$48大碗麵, 就可以任選6個餸及$8基本麵底, 當然如果要特別麵或加底就要加$2,我揀咗河粉配豬骨湯底加文記秘製混辣醬, 比預期中冇咁辣, 可以再濃味啲!個湯係熱嘅, 所以食到尾都仲有煙出, 但啲河粉同餸其實未係熱到入唔到口, 應該可能係已經預先整咗, 但浸湯時間唔耐所以我個人覺得熱度可再熱啲啲~俾咗好多嚿牛腩我, 好腍好入味!!! 不過鮮蝦腐皮卷/墨魚腐皮卷/韮菜餃只得一件, 有少少唔夠喉~如果自問食量較大人士, 可以粉麵加底或加錢揀多兩款餸, 堂食淨大碗麵點夠$50會送豆漿架(不過我唔揀夠$50, 所以冇豆漿飲)黃大仙區一碗車仔麵都閒閒地30幾蚊先得3餸, 35座呢間絕對係良心價!!!! 值得支持!!!

第一次來食，點了油麵，蘿蔔，魚旦，豆卜，豬紅。湯底點了川味湯，略鹹，下次試返原味先。豬紅同蘿白好入味，正! 豆卜因吸了湯汁，稍為鹹了點，魚旦則普普通通。下次會再試其他食物。

疫情關係無得堂食不過唔緊要叫外賣支持黃店35座車仔麵呢間成日都好想食但次次都好多人要等好耐所以有得外賣自取就非常好啦我就叫左碗 米線 豬骨湯 腩汁 懷舊牛腩 瑞士雞中翼 咖哩魚蛋 生菜 仲有罐可樂 total $48首先 米線份量比較少 所以我會建議大家叫多少少餸 會飽d 第二 湯底好正 生菜吸哂d湯 勁有味第三 牛腩勁多幾大舊第四 咖哩魚蛋 但我唔覺得辣 但好彈牙仲好大粒第五 雞翼 有3隻都算多 肉質都幾嫩但有少少唔夠味總括而言麵份量雖然少 但餸既分量好多 互補不足會再食

一向唔太鍾意食車仔麵，因為成日都食我唔飽😅，所以 35 座車仔麵雖然非常近我屋企，亦都非常出名，但係一路都的唔起心肝去幫襯。直至舊年年底佢畀人惡意破壞，同仇敵愾，於是走去作出懲罰。我知唔少人都讚呢度嘅豬大腸同南乳豬手好食，可惜我兩樣嘢都唔好，加上亦唔鍾意食豬紅，牛筋等傳統車仔麵餸菜，所以只揀咗魚皮餃，五香牛肚，台式風味腸，鮮蝦腐皮卷等 “小朋友食物”，本來仲想叫蠔皇小花菇，秘製辣魷魚兩樣名物，但係落 order 時已經賣晒。四樣餸中最正係五香牛肚，非常入味，又有咬口，份量亦算多；其餘三樣餸都係現成來貨，味道不俗，加埋湯底入面嘅腩汁，成碗麵質素其實頗高。小店另一名物係張收據，每張都印上振奮人心嘅字句，例如 “希望黑暗嘅盡頭會是光明”，，“盼自由歸於這裡”，“ 同行兒女為正義 時代革命”等，算是對食客一點心靈的慰藉。

平日去食 夜晚6 7 點都已經開始多人我諗佢都係屬於街坊飯堂啦~有好多街坊幫襯之餘又買外賣 相信都係同路人佢地餸款有好多可以揀，而且湯底 麵款都比平常既多而價錢都係可以接受既 睇落下午茶好似仲抵食我揀左蕃茄湯 粗麵，對面揀左豬骨湯 油麵餸就每人各3款，因為晚飯時間有最低消費我覺得啲湯唔多掂，蕃茄湯無蕃茄味仲有陣青味 好淡比佢個3舊蕃茄呃左添所以呢個湯底有進步空間啦不過可能辣湯底會唔會唔同? 有無人試過?最好食既餸當然係台灣腸同雲吞~咖喱魚蛋好可惜係無咩味道 無咖喱味份量黎講係有啲啲偏少推介: /5

想試一輪嘅車仔麵黃店之前幾個月成日要排隊今日八點左右過去就都仲有枱就即刻入咗去車仔麵最容易遇到嘅問題就係選擇困難呢度有個套餐係一次叫六個餸啱晒我呢啲咩都想試少少嘅人今次叫咗清湯加佢哋嘅招牌辣汁都幾辣下好在有本身送嘅豆漿中和返六個餸入面最中意花枝丸 感覺好足料價錢合理下次再經過會再試嘅🤪