BLT Burger (Closed)

趁海港城有$100-$50 cupon就黎試下呢間幾出名以前好多人排隊嘅burger，可惜期望越大失望越大。落單後唔夠5分鐘就上左杯milkshake，成餐最合格就係呢杯飲品。我比較好甜所以杯野甜度係ok，朱古力+咖啡口味呢d野好少出事，不過都唔係有特色到會特別想再試一次。跟住等左差唔多15分鐘個blt burger combos先到，本來諗住等咁耐餓左野食食落會好食d，點知每part都係伏。薯條唔香唔脆又冇味，落埋茄汁都係覺得唔好食。個口唔夠大所以切開Burger食，切到差唔多肉位切極都切唔開，再望真d唔係塊漢堡而係塊煙肉切唔開。挑左塊煙肉出黎食，嘩！成塊鹽做嘅膠咁咬唔開。處理完煙肉食番個包。Burger 個包明明見佢微濃有煎過，但又係唔香又唔脆。舊肉明明係5成熟有血色但係極柴，牛肉成份應該重嘅，但係又好似冇落鹽咁，如果肉味好香我覺得塊漢堡唔調味係ok，可惜佢唔係，而且點解5成熟都可以乾到冇汁，我真係唔明。包入面其他菜同汁係正常，不過包同肉都唔得一舊burger已經冇靈魂。唔計食物環境係舒服服務都正常。不過野食唔得，用cupon平左一舊水食呢餐都都嫌唔抵食，原價兩舊水更是不了。同價位

哩間成日行過海港城都好想食，今次就趁coupon 到期前最後幾日試下先☺️ 店內裝修好美式🙈同同事掛住傾計 無睇下周邊枱既食物添 一上碟嚇親我地 個漢堡超級巨型🍔🍔The classic 經典漢堡 ($98)個漢堡超級超級厚，絕對無可能一啖咬曬😂入面同樣有塊好厚既安格斯牛，order左medium，切開肉質較紅，但牛肉味唔太重，亦無咩肉汁🥺，食起出黎會比較乾身，搞到要係咁飲水先得🙈🍔Spicy Kowloon Chicken 地道九龍脆辣雞漢堡 ($108)有無人知哩個漢堡同九龍有咩關係😂 同事一樣覺得個漢堡上枱時唔夠熱，似係整好係到放左陣咁🥺，哩個價錢就expect要好d啦 整體黎講都係比較乾身洋蔥圈 ($56)一如哩到既style，超級大個圈😂 但哩個反而好食☺️炸得夠香脆哩個burger 實在係太大個啦😂 如果兩個女仔去食，不妨叫待應上碟前幫忙切開兩半，方便大家share食🎈BLT Burger (尖沙咀)地址：尖沙咀廣東道3-27號海港城海運大廈3樓OT301-301A號舖

【瘋癲試食】｜BLT🍔🍔行開尖沙咀海港城都經常見到佢門口都會有一條人龍排隊等食Burger 難得行過見到唔算太多人排 林小姐又好想食 就決定食Burger做lunch😋😋澳洲和牛漢堡上面加上煙肉 太陽蛋😍😍 切開蛋黃 成個漢堡都沾滿蛋漿😋😋另外仲有一款經典漢堡🍔兩款漢堡都不過不失咁 未算去到太特別 太好味🤔 如果揀左Combos Set 仲有得揀埋粗/細薯條 或者 格格薯😍如果唔想飲汽水 仲可以加錢換果汁/奶昔/啤酒嫁🥰

每次經過海港城永遠都好多人排隊但次次都無心機排 今次專登早啲嚟食（星期六 下午三點）點知都係要排隊(￣^￣)ゞ好彩排咗半個鐘就有位！一入到嚟就覺得啲裝修好靚 好似去咗外國咁！第一次食老公話要食佢嘅BLT漢堡餐（$198）！而我就食咗個黑椒蘑菇漢堡（$148）另外叫咗杯鹽味蝴蝶脆餅焦糖奶昔（$72）(๑˃̵ᴗ˂̵)另外仲叫咗水牛雞翼8隻（$84）首先講一講個BLT漢堡餐配粗薯條！入面嘅蛋黃醬得好少 成個包整體好dry塊漢堡都唔夠juice 偏乾！個粗薯條原來係似薯角嘅嗰種 不過都不過不失 無乜特別提提大家 跟餐仲可以加$20 加餐飲 如果想轉奶昔就加$28然後就係我叫嘅黑椒蘑菇漢堡佢有另外配一個蘑菇汁 比客人自行加落個包度食其實個包唔需要特別加汁都夠黑椒汁 唔會好乾 蘑菇份量適中 個包都好鬆軟真係唔錯重有成餐飯我最期待嘅原味蝴蝶脆餅焦糖奶昔因為我本身係非常鍾意飲奶昔但其他地方嘅奶昔一般都會偏甜 比較漏但今次真係好好飲 唔係特別甜之餘 仲要啖啖都有脆餅 好有咬口 個賣相都好靚 飲晒成杯都唔會覺得好漏 好想叫多杯繼續飲最後就係水牛城雞翼 個雞翼真係好鞋口！都幾失望 無諗過連雞翼都唔好食！所以整體

哇。好大個burger，賣相吸引，又大份，件牛牛仲好厚添！因為經過就吸引左我地，所以就排隊等食啦😬環境坐得好舒適，職員有部分係外國人，不過簡單溝通就ok啦✌🏻經典漢堡牛肉職員會問幾成熟，我地點左7成。漢堡好大個，入面夾住蕃茄生菜。麵包有烘焙過，牛肉好大塊又厚，唔會過熟仲有小小生嘅。。BLT漢堡呢個漢堡多左煙肉，配料都差不多，另外仲有件酸青瓜同一份沙律菜。套餐配薯角，份量好多，即點即炸，熱辣辣！餐飲可以配汽水或者加錢轉特飲都可以。其實成個套餐分量真係好多！一個包飽哂，女仔食一個會好飽，連埋薯條真係食唔哂。餐廳仲有好多特飲，不過個人覺得漢堡薯條配汽水就係perfect match啦😎

毎次經過BLT burger都見到食客們枱上嘅漢堡包好吸引，今次有機會試下啦。Lunch time入座人唔多，枱同枱之間相距甚遠，感覺形成一個小小空間，同朋友暢談更舒服。🍔Turkey 香草牛油果火雞漢堡 另加炸薯格第一次食火雞漢堡，意外地肉質唔鞋，配合牛油果食可以沖淡牛油果嘅微油膩感。包係一向嘅外國style — 厚，但烘得相當香脆，而且包上撒滿黑胡椒增加香味，每咬一口都有微辣刺激，越食越上癮😋但沙律同酸瓜比較失望，配菜可以做得更好。炸薯格不過不失，同時亦叫左出色嘅炸蕃薯條！天然蕃薯甜味令人不禁食完一條又一條。另外一提，香草原來係指芫茜，唔食芫茜嘅朋友要留意下啦🙈

每次行海港城，海洋中心既BLT burger永遠都有一條人龍排隊食burger，想試很久，終於試了！ Menu有分散叫及經典漢堡set，當然set會比較抵，但由於set只有牛肉，也試了散叫其他漢堡。 第一次食，沒預料分量大大份，也叫了小食及沙律。 一開始來飲品先，相信花生醬奶昔很少地方有，而且跟餐轉奶昔是+$28 叫了凱撒沙律+ salmon 🥗 因為要多吃菜！ Salmon是三文魚餅，不會腥，值得添加，否則沙律會有點dry 前菜叫了燒雞翼，味道酸酸的，有點像水牛城雞翼燒雞翼8隻起跳， 如果4人用餐share會比較好 上菜時間很快 一來就來了沙律及燒雞翼 還未吃完前菜 漢堡就來到了 經典漢堡牛肉由5成熟起 而且可以選粗薯條式幼薯條 我們選擇了粗薯條 （薯角） 份量很大 所以不用擔心不夠飽另外我點了九龍辣脆雞漢堡 雞扒炸得很香脆 而辣味是慢慢滲出來的 很不錯 👍🏻整體來講 肚子很滿足的一餐 其實上菜快 排隊等位沒想像中耐 海港城內可以encore 的餐廳

這店在疫情前週末經常要排隊, 不過疫情剎到, 佢都難以幸免見佢經常吉枱吉櫈員工無野做,直至商場推出coupons 奇招救市, 在此期間我們亦有去用coupons  消費一下, Nachos $72 即炸薄片幾熱氣下, 張底紙都索咗唔少油, 兩個醮醬都調得幾好食但份量可能較少最後的薄片無汁, 其實都可以問佢再攞醮醬都得嘅!Waffle Fries $48 即炸新鮮, BLT Burger (Combos) $178 招牌漢堡套餐連薯角, mayo 菜絲沙律, 梳打, 漢堡牛肉的確係五成熟的, 但無咩牛味只知係牛肉! 如果只食漢堡包就$118不過都應該諗諗值唔值? Turkey Burger $88 只有呢個包才是用onion bun 在包頂加咗少少芝士烤溶, 包質地較淺色, 件肉沒太特別一般只吃得到醃味,Beyond Vegan Burger $168 經典的食菜貴過肉, 內有大啡菇但不是整個只有切片, 到底一件人造肉漢堡真的值這麼貴的嗎? 大家最近都經常在家煮飯, 知價錢吧!BBQ Pork Ribs $188 味道正常但份量細Fresh Watermelon Juice $44 好細

雖然疫情嚴峻，也不能總是留在家。幾個月，小朋友不用上學，慶幸也不需要 home office，所以在下班的時段，決定在平日有晚飯消費免費泊車的時段，一家大細來海港城開心下，食下靚野。當日，我同太太選中了成日都過門而不入的《BLT Burger》來一個常期待但總沒有決定要來的晚餐。為何這一次矢志要來，因為太太看見了 "Beyond Meat" Burger。來時大概是2月，剛開始停學同許多人都變成 home office。自然地，街上、商場內都比較少人。就是因為人不多，突顯了餐廳的西式幽雅感覺。就是這一個場景，令我們到覺得，我們在紐約 city 內某中高級的西餐廳用膳一樣。按西方的慣例，飲品屬於餐前的，我們特意地為同行的兩個小朋友點上果汁。一杯橙同一杯蘋果，起初，我們都估計會是普通的衙外買版本果汁，到果汁來時，才知道兩個果汁都是鮮榨，仲應該是 cold pressed 的那一種。太太就點了一杯 PBJ 花生奶昔。花生的味道絕對是很香濃，比得上多年前，我們在西雅圖飲過的。由於這一個奶昔是非常飽肚的，我們一家四口一齊飲。點了一份純炸物的 Chicken Fingers 給妹妹。此 Chick

女人行街可以去到幾盡？咪就係晨早血拼到下午茶時間先醒起未食lunch.....星期六難得出尖沙咀shopping行到攰攰地又好肚餓、要搵d開心野食下、就去BLT 歎個burger開心一下⋯⋯焦糖奶昔：好甜、但正到無朋友、好味到停唔到⋯Buffalo wings ：要開心緊係order15隻啦、真係出事啦⋯⋯完全雞有雞味、辣有辣未、真係雞同buffalo sauce 貌合神離但唔可以浪費食物、全部放晒入肚、呢個教訓係唔好「貪心」turkey burger：主菜賣相好吸晴、但實際上好dry, 件turkey漢堡一食散開雖然疫情有段時間無黎、唔知係咪下午出品同平時有點出入⋯⋯好在有杯奶昔balance返、 希望下次唔會咁啦

平日行過呢間burger店都大排長龍，咁啱呢日早咗黎，仲有好多空位，而且可以用到海港城dining coupon B $100-$50，一於黎試試佢。套餐嘅選擇唔多，只有三款漢堡選擇，另外跟薯條同飲品，我地驚兩個人食唔晒兩份薯條，最後揀咗一個BLT BUGER SET，另外單點一個WAGYU burger，價錢偏貴。不過等候時間略長，我地等咗超過20分鐘先上菜，難怪門外成日咁多人排隊，可能只因上菜時間太慢。BLT BURGER SET～我仲加咗$12轉甜蕃薯條，我超鐘意食，甜甜脆脆咁。BLT Burger入面有蕃茄、生菜、洋蔥、煙肉，漢堡扒，份量好大，一路食都擔心食唔晒，最後兩個人都食淨咗至少半份薯條。Burger唔係好夠汁，漢堡扒雖然話係5成熟，但食落有點乾身，有點失望。呢個澳洲和牛漢堡單點都要$188，入面有煎蛋、煙肉、和牛漢堡扒，味道ok，但我覺得唔值咁貴。

老公鐘意食Burger, 平時放假一有機會就會去試唔同既Burger house。BLT Burger 次次經過都見好多人排隊，抱有點期望，但我地去食完感覺一般，唔算難食但又唔會咬落去有驚喜。老公本身都算要求高，坦言未必會特登再去食。我地去食個次餐廳無Milkshake供應，無試到。淨係食左Burger同雞翼，Burger無咩特別，跟餐個小salad出晒水無食到。雞翼既肉好「鞋」，對我而言最好食係雞翼個配菜。

每次係海港城行都會見BTL門口都有人排隊令我都想試下係咪咁好味，值得咁多人等食我係下午茶時間去食就唔駛等好耐，好快就入得 環境開揚 都坐得舒適但如果坐門口卡位就會俾排隊既人望住有d唔自在 BTL burger combo試左佢出名既BTL burger combo牛肉好juicy 鹹度剛好可惜麵包太濕 冇牛油香 煙肉太過乾有d失望 Buffalo wings 水牛城燒雞翼 **必食**有雞膇同雞翼 辣辣地幾野味 肉質滑味道偏濃 建議最後先食 否則食其他野都冇乜味炸芝士條味道偏淡，一般總括性價比低，味道一般，唔抵食

光顧位於尖沙咀「海港城」，「海運大廈」三樓的牛肉漢堡包餐廳「BLT Burger」，除了因為西貢假日有直通巴士，省掉不少車費和步行前往餐廳所需時間之外，最重要是「BLT Burger」有屬於自己的套餐。例如選擇享用「BLT Burger」裡面的同名招牌牛肉漢堡套餐「BLT Burger」，還可以免費把套餐裡面原本的「薯條」改為其他薯條食品，例如我今次選擇了，比較粗身的「粗薯條」。至於「BLT Burger」套餐裡面的飲品，套餐飲品原本只是像「汽水」的一般飲品，但是食客另外加港幣廿八元的話，就可以改選享用「BLT Burger」餐牌裡面列出的「奶昔」飲品。我一看見「BLT Burger」餐牌有關「奶昔」飲品的那一欄裡面，有加入甜味花生在裡面的「PBJ花生奶昔」飲品之後，二話不說就立刻決定了，整個「BLT Burger」套餐裡面所有的內容。我曾經計算過我原本在「BLT Burger」裡面，以套餐名義點了「BLT Burger」漢堡包、粗薯條跟「PBJ花生奶昔」之後，未計算加一服務費前的套餐價錢為港幣二百二十六元，比單點便宜了三十二元。星期日黃昏我來到尖沙咀「海港城」光顧「BLT Burge

出尖沙咀又想食Burger 總係會去BLT BURGER ～～疫情下排隊等候既時間係比較長，但都還可以接受既～～安排入座後，就即刻揀野食，我地點左B.L.T. Burger combo, mini burger for kids, Buffalo wings 同埋 chopped Greek salad chopped Greek salad - feta cheese 好香好食，dressing 有啲唔夠B.L.T. Burger combo - 有啲失望，因為肉偏乾，冇以前咁好食了Buffalo wings - 應該係最好食既一樣野，微辣又惹味～～最緊要配埋藍芝士醬蔬菜條，好味至於mini burger 都係偏乾同埋未做到well dine, 反而唔想俾小朋友食😅飲品就點左雲尼拿奶昔，好甜，但一次半次就冇所謂啦薯條就揀左幼薯條同埋薯格，相對薯格好食好多～～最後食哂啲薯格留番哂啲薯條😂😂總括然而，食物質素好似差過之前，定係因為假日多人而影響左呢？！BTW, 啲梳化爛哂都唔肯換，真係好影響食客心情⋯⋯坐低左會拮肉😅😅😅另外，啲水杯好污糟，好彩老公飲之前見到有食物污漬，要求換過杯咋⋯⋯