水上人魚蛋粉

Open Now

Now Closed

講真，平時成日都見到啲食評好似高不可攀咁，但我呢次就想同大家講下我喺呢間老字號茶餐廳嘅平實之選。一入到去，就已經覺得好有親切感㗎。我揀咗碗牛腩併雲吞粉，個牛腩好到不得了，淋滑得嚟唔肥膩，嗜口到一個不得了，香而不腥，入口即溶。雲吞呢？幾好，功夫落得位置，豬肉與蝦肉嘅比例適中，皮薄餡足，個口感即係得嘅嘞！湯底清甜，溫潤透心，呢啲冷風吹得人牙痺痺嘅天氣，一啖湯落肚，暖笠笠。哎吔，仲有添，啲麵條彈牙爽滑，同牛腩雲吞嘅配搭簡直一流，真係食落有種「咁嘅好嘢平時都冇留意」嘅悔意。我話你知啊，呢碗嘢小食，真係平民化之選，好食到連話都講少咗幾句。🍜✨😋你問我會唔會再嚟？絕對啦！下次我仲要試下佢哋嘅車仔麵呢！别客氣，快啲嚟試下啦！

今日去左粉嶺聯和墟，品嘗地道美食，第一站去左水上人魚蛋粉，食地道廣東粉麵。行到入去第一個感覺係好乾淨，地方算幾大，唔係小店感覺。我去到既時候唔洗等位，侍應服務態度又好好，一見到我地就打招呼，非常有禮。今日食左魚蛋牛肚河，魚蛋彈牙魚味重，牛肚腩汁味香濃唔韌，味道恰到好處。友人食左牛雜河，牛腸香，牛肺無起沙，不過不失。 凍檸茶紅茶味濃，整體感覺良好。其實以平民價錢黎講，呢間粉麵店真係做得好好。總的來說，水上人魚蛋粉是一家值得推薦的餐廳。如果您想品嘗地道的廣東粉麵，那麼水上人魚蛋粉絕對是您不容錯過的選擇。

疫情期間少咗堂食，成日食外賣有時想食啲清清地嘅嘢。有次，突然間好想魚蛋粉咁啱經過就買咗一碗。結果發現佢嘅魚蛋有驚喜，魚片就正常冇乜特別，魚蛋彈牙，而且唔係假嘅味道，又唔會太鹹啱啱好。網上見到有人話水餃好食都要買啲生嘅返屋企，咁我就另外叫咗一碗淨水餃🥟。啲水餃果然係人手包嘅，因為其中一隻特別細隻，但係其餘嗰啲都係要分開兩啖先可以食晒嘅嗰種大隻。味道係幾好嘅，不過其中一隻咬落去嘅時候咬到一啲好似貝殼咁硬嘅物體，但係個樣似係蝦殼或者係佢啲炸蒜頭啦，冇乜點深究不過隻牙有啲痛🤓30幾蚊呢個質素，冇投訴。😎

水上人魚蛋粉地點位於粉嶺聯和墟聯昌街2號地下A-B號舖，即投注站和名氣豬手對面的位置堂食牛腩、牛筋，雲告，水餃味道不錯，可加錢叫飲品，油菜，炸魚皮，價錢合理，味道有水準。除了堂食，我會買外賣生料水餃，雲吞回家作火鍋生料或煮自家麵食。 外賣生料來說，水餃較雲吞好吃半打一盒，放在一個細小的透明膠盒內，方便衛生一隻隻排列整齊我會先略略飛水一次，沖走餃上的粉，再放湯水餃脹卜卜，看得出餡料豐盛餃皮薄薄，隱約透出鮮蝦和木耳一口咬下，蝦鮮，木耳爽脆，蝦和豬肉比例均稱，豬肉鮮味，口感豐富半打價錢是$24，無論是堂食和外賣生料，水上人的水餃都是我在聯和墟小區的首選

好耐冇食過雲吞面啦，細細個都成日食水上人，最鐘意係雲吞面加腩汁。呢到D雲吞粒粒都好大，面都唔會有鹼水味。呢到既辣椒油都好香而且夠辣，重點係都幾抵食，炸魚皮都好唔錯。

餓C人啦！一人啪一碗麵。加一個淨餸share。再配碟菜呀唔該！本人的牛腩麵。正路。腩夠淋。冇騷味果匙蔥茜蒜真係好精神！！朋友的牛雜麵蔥茜蒜close up淨水餃俾個大頭唔該！右：朋友一咬就有蝦左：我咁好彩冇！我__！我再接再厲都係冇蝦。我冇食神腐乳通好難失敗！但記得走油咩調料都！

水上人喺聯和墟有兩間一間食魚蛋粉 一間食粥食粥嗰間 個粥底好出色我成日幫襯🤩🤩住咗聯和墟一段時間都冇試過水上人魚蛋粉食粥個間好食 我估魚蛋粉都唔差Lunch time 去咗食碗淨水餃全場爆滿 不過好快有位入同牛什河多色走青$32 + $33牛什河我一上枱後～load咗一陣豬大腸喺邊呢？Oops....失望....我想食豬大腸唔係咁我想食嗰啲唔係一片片而係一個圈圈有肥膏即刻對佢大打折扣河粉唔會一夾即斷 都滑身對佢太有期望 所以失望水餃不錯 但冇咩特別水餃嘅話 粉嶺有一間幾好食喺花都嗰邊好似叫津苑 水餃同雲吞都好大粒 好抵食牛什河嘅話 榮福附近有一間好食過水上人我之前食評都有俾個評語嗰間水上人魚蛋粉試過一次就算啦

每次同朋友行完山都會黎醫肚！今日我就叫咗魚片頭水餃河粉 $37呢度嘅魚片頭好新鮮，完全沒有魚骨而且好爽口，水餃大大粒全部都係鋪頭自已包，脹卜卜入邊裝滿木耳及鮮蝦！河粉又好滑！最鍾意加埋醋一齊食好正！朋友就叫咗佢最鍾意既牛肚米線 $ 32牛雜嘅數量都唔少，呢度嘅牛肚紋到好林，一路食都唔會痴牙，加埋大量嘅蔥好野味！椒絲腐乳通菜 + $ 8 （原價$12)呢啲天氣最啱就係食通菜，腐乳醬經過調製！少少咸而且腐乳味超香！最後一定要必點嘅新鮮炸魚皮 $16 大碟每次黎必食嘅炸魚皮，每一條都超級香脆，索索聲唔似出邊街買返嚟嗰啲有機會林左！所以有時食完都會外賣返屋企打邊爐！

要保持魚旦做得好食新鮮，尼到一直都做得好好！已經好多地方D魚旦都唔再好食，魚皮又香又脆，留意佢啲辣椒油係自己炒👍🏻👍🏻唯一可以挑剔係D姐姐真係太急進落單唔好次次追住我俾啲空間我諗食咩好唔好

A tasty little noodle shop in Luen Wo HuiEnvironmentA typical noodle shop in HK but inside it is very bright and clean. There are numerous round tables for casual eating and lots of staff bustling around doing their thing.ServiceOnly came here for a takeaway but the staff are quite friendly and fast to take your order and prepare your food.FoodThey serve a range of noodles here and you can choose what to have with your noodles here e.g. beef brisket, fish balls etc. I ordered the beef brisket an

午餐求其出黎食啲野，同事話食魚蛋粉，咁就黎水上人啦，都好耐無黎過，夏天好熱唔想行咁遠出黎嘛。午市好旺場，全場滿座，好好彩有張邊邊二人枱走，一黎到就有枱。豬肉丸河粉同事叫左豬肉丸，都幾爽口唔係粉頭，河粉好滑。牛腩紫菜米自己要左腩米加紫菜，勁多紫菜正呀，牛腩軟腍，米爽口，最正係多蔥多冬菜，咁先夠濃味㗎，哈哈。炸魚皮仲叫左細份炸魚皮，用碗仔上好特別，一碗有四五片左右，好脆又厚身，唔知係咪自家貨式呢，好食喎。加左價，但都仲係平嘅。

還記得幾年前，在粉嶺聯和墟工作的日了，每逢午膳時間，都會煩惱去哪裡吃午餐，原因是這裡有太多優質的餐廳，今日重遊故地，去了一間十多喜歡的魚蛋粉鋪，叫水上人魚蛋粉。去魚蛋粉鋪，當然要叫一碗招牌魚蛋粉，再加紫菜，如果要用詞語來形容這碗粉，可以用魚蛋有魚味，爽口又彈牙。除了魚蛋粉，在店員的強烈推薦下，點了一碗淨魚片頭和炸魚皮，與魚蛋一樣，魚片頭同樣出色，炸魚皮卜卜脆，點一點附送的上湯，味道層次更多，又無咁熱氣，這間粉麵鋪的每款食物總是令人回味無窮的。

呢啲叫牛腩我完全唔認識囉所謂既牛腩瘦過啲牛肚少少肥都無全都係肉勁細舊小朋友食完全唔哂剪黎食都可以以前食都好正常又好食㗎宜家啲質素差到呢姐姐仲話係咁嘅牛腩無問題喎唔會再食囉

魚蛋粉同菜都幾抵食但魚皮餃超咸！As an eczema person basically all the beef and shrimp containing food cannot be eaten by me. What I can eat is the fish dumpling and it is super salty. Veggies price is low though.

聽同事講呢間便宜又好食於是中午黎試下。本諗住呢個價錢冇咩野應該一般般既心態估唔到有驚喜。叫左個牛根併水餃米線$34，兩隻水餃脹卜卜幾大隻好足料，皮薄到有d透可以望到入面既料，有蝦有豬肉仲有木耳，牛根份量都唔少而且唔差幾入味，價錢仲好抵同事話d牛腩同雲吞都好食，諗住下次可以試埋