Bones & Blades (Closed)

同女朋友想係元朗食個牛排，原本興致勃勃覺得依間menu好正，我地選擇了300g肉眼扒同250g封門牛柳。黎到賣相尚可，唯鐵板完全不熱，牛柳叫了七成熟最後熟度只有三成，五成的肉眼扒也十分多根，牛味欠缺，溫度也十分冷。其次環境方面，感覺好像普通茶餐廳的店面，檯同檯的空間十分窄，完全對不起這個價位。服務上可幸服務員態度很好，十分helpful，菜品的上菜速度可以接受。最後有一說一，薯條和焦糖布甸可以接受，扒類真的不要嘗試。

好鍾意食漢堡既我，雖然聽過呢間性價比唔高又麻麻，但持平既我等都要試下先， 我同朋友食羊肉，而我食漢堡，先講羊肉口感唔係差，但又無咩特別好味，真係如大家所講，性價比唔高，食扒的確可以唔黎呢間；但我食漢堡，真心講返句係幾好食，口感1流，jucie又多汁賣緊128／138性價比係高，因為係雙層芝士牛肉漢堡所以都幾好口感，食一個真係好飽，如果想食漢堡既朋友都可以試試呢間， 餐廳裝修一般，我去果間分店係元朗，坐既位都舒服

我一定要寫呢篇食評，警告各位唔好中伏 我與家人第一次去呢間餐廳，叫咗兩份午餐：羊架（$148）同芝士漢堡（$118）。呢個價錢包括一碗湯、主菜、一份薯條。牛肉骨湯味道一般，無肉，得湯水 另一方面，漢堡還可以。但所謂份 “羊架” 呢，只有兩塊好細、好薄既羊肉，但就好大舊骨同肥膏，肉只有幾啖！完全唔夠我一個女仔食 呢個價錢（$148），食得幾啖肉，咩料呀？！上菜個陣，我真係呆咗，係咪玩野？份量細到咁！唔係掛？食完後，要係YOHO 買杯奶昔飲先夠飽！好心呢間野執咗佢啦，去北京樓食都無咁嬲呀！

昨日同個friend行完山，去到元朗，由於疫情關係，禁止晚上六點後堂食，所以急急腳找間餐廳就衝入去，不用等位，當時大約下四點半，我本來想要骨膠源湯，點知沒有，我只好要疏菜湯！味道尚算可以，比較杰身！到主菜方面，本來我想要側腰，點知又無，只好要臂頂肉三成熟，到上枱時，件肉唔熱，好似煮好後放咗好耐咁，無肉汁，而且比較韌，$148這個價錢，這個環境，我認為不合格至於我朋友就點了封門柳五成熟，一樣不夠熱，不過夠淋，而且有肉汁，$148這個價錢算是僅僅合格！至於薯條只是一般，沒有驚起！總括來講，下次再到元朗，我寧願試其他食店！

話説星期日同朋友踩單車黎元朗，攰攰地就係Yoho mall求其入一間食算，點知就中伏了。見到個餐牌有dry aged牛扒，order左黎試下，諗住真係會好似個餐牌講既香濃多汁。Order左五成熟。黎到之後一切，發現有d熟得滯。。。食落口發現真係幾乾爭爭，唔好食！我自己屋企煮都多汁過佢。。。$288呢個質素，好唔掂。跟住個薯條仲差，涼既，唔熱嫁😂又硬，麥當勞薯條都好食過佢。。真係好無奈，咁既質素。。。平時我都無寫食評，迫到要上黎寫低佢。唔建議大家食

畀unlimited fries同埋個肉廚房吸引幫襯，點知嚿牛扒極普通，我感覺係自己去超級市場買塊冰鮮扒去煎都會好食過佢。見下面留言話煮牛之前會畀客睇睇，完全冇呢件事。個薯條先嬲，本身又細條又硬硬地，已經唔多好食，仲差過我幫襯開間M記，啲「薯條尾」非常多，長薯條好少，明顯間鋪對於薯條係冇任何原則及底線，下面留言話有粗薯條唔知係咪謊言。咁嘅價錢、座位、食物質素，我寧願去食多幾次M記，要食好啲嘅牛，去隔離Outback仲好。

YOHO 呢間扒店，一直都好想試一次，終於的起心肝，book 埋枱，要食一餐好嘅。好多食評都話flat iron唔錯，我哋要咗一份300g。我哋鍾意食生少少，要咗medium rare,好有肉香，點少少鹽已經可以提鮮，如果你鍾意重口味，都可以加枱面嘅BBQ sauce. 我自己覺得就咁食已經好正。芝士芝士芝士芝士芝士🧀🧀🧀新鮮香脆，不過一陣間出現嘅薯批，搶晒佢哋風頭。好食到癲咗！薯仔本身都靚，唔會焗完散收收。creamy sauce 處理得好好。鍾意食薯仔嘅話，我驚你會encore⋯呢個酥炸豬腩肉，我都唔知講咩好了。減肥兩個字已經拋諸腦後，點埋橙橙地色嗰個醬，少少辣，肥膏入口即溶，好正喔！已經諗定下一次食乜嘢記住留意我下一次嘅報道

放假要食好西⋯游完水更加要補充番體力，6月底趁疫情開始減退約定好筆弟去商場搵好野食😋食晏時間現場都有人等位既但唔算等好耐囉，帶位既職員好有禮貌，前一個家庭有小朋友佢地會主動問坐位需唔需要遠啲驚撞親小朋友呢點我幾欣賞既⋯🥰🥰講番塊封門柳先，職員會拎過黎俾你睇住先你Okay佢先煮～塊扒無記錯係要5成熟，佢都做到俾我既，無論係色澤還是口感都感受到塊扒好juicy，牛魔王一定要黎挑戰下❤️❤️叫左支蘋果汁飲無咁漲胃～再叫左個小食好似係薯條，係出面西餐廳粗條個隻，炸得岩岩好，同埋佢既茄汁係homemade 既值得一讚👏🏻👏🏻👏🏻

之前知道元朗YOHO開左間扒房，難得放假就去試下，畢竟大西北無乜扒房可以選擇去到餐廳門口，餐廳雖然唔大但感覺好乾淨，又有天然光照入黎，令人感覺好舒服我叫左Hanger Steak Medium rare，而大廚又真係煮出Medium rare太開心了!我中意塊扒無加任何調味料，只係將鹽放係碟既一旁，你中意就可以自己灑上，咁先食出扒既味道!朋友就食左芝士漢堡，啲芝士係漏出黎，塊漢堡好惹味好有牛味!!其實個漢堡2個人食都唔過份，因為都幾大份，如果2個女仔真係未必食得哂!不過我地肚餓所以就覺得岩岩好總括來講，餐廳價錢合理，環境舒適，可以再去幫襯!!

Weekend 心情太好所以要盛裝打扮去食午餐去YOHO食左間經常擦身而過但從來冇食過既餐廳～呢間餐廳好特別！除左可以堂食，仲可以買扒返去食～上網睇原來佢仲有online shop而家好多人因為疫情關係都未必想成日出街食☹️ 所以可以買走返去自己整黎食都ok今次有卡位坐😍 開心Lunch 食 steak都真係過份豐富！不過有得食唔食、真係罪大惡極！我地揀左Medium rare 既Hanger Steak，仲有Breakfast Sausage 同 Italian Sausage😋side揀左薯條同番薯條～Order完店員會拎件牛扒比我望下先～之前就算去高級少少既餐廳都未試過🤪薯條 ：唔油、好脆、有我喜歡既薯皮 蕃薯條 ：好有驚喜！一樣唔油同脆，比薯條幼身！仲甜甜地timBreakfast sausage：好juicy 😋口感豐富，黑椒味偏濃Italian sausage：味道偏濃、微辣、肥肉比例多d～Steak ：外皮脆！唔un ～多肉汁冇得輸！食到中間有少少渣，可能因為有筋 可惜冇 tenderloin 🤨下次要試餐廳食物款式都幾多！有牛、羊、豬、腸仔同埋burger食物味道都唔錯☺️

Burger 嘅質素普通 ，以價錢$90-$120來說，唔係特別推介。旁邊幾片好薄嘅酸瓜味道反而幾好。Homemade 茄汁及BBQ 醬同平時食到嘅分別不大。可能Homemade 嘅意思係慳成本，不代表特別好食。印象最深刻係side dish ，一生人未見過咁細份side dish. 每份$50，但係份量少得可憐（我點咗蘑姑同蘆荀），可以三啖就食完。希望餐廳改善side dish 份量問題。座位窄，係快餐店嘅格局，所以坐得唔太舒適。

第一次幫襯, 之前睇過啲食評，有好有壞，所以都有啲擔心，結果都ok, 不過服務質素有待改善。之前已經留座，另一半早左幾個字去到，想先入座，但職員表示要再等10分鐘，但眼見係有空位，可能唔係俾我地坐所以冇得入⋯之後睇menu, 發現佢牛肉個頁改咗啲價錢做100g, (我見之前啲食評相有啲係200g 價錢）但旁邊又細隻字寫咗min.200g, 感覺有點誤導，以為好平，其實價錢係double 或以上。我哋叫咗兩個牛扒、薯蓉、兩杯coke zero, 但佢只黎左一杯zero, 我哋同個職員講（職員係用英語溝通），佢就拎咗兩個吉杯同倒水俾我地，其實唔清楚可以再問我，可以講多次⋯之後拎咗切好未煮嘅扒俾我地睇，話其中一塊切多咗，變咗300g, 咁冇所謂嘅，食多啲囉，咁佢都幾好，話300g 會free 一杯啤酒，補返杯冇嚟既zero🙂一塊係肉眼，一塊係rump cap, 兩塊都叫咗medium rare, 所以熟咗啲都唔緊要。我覺得食材質素好已經贏咗一半，le 兩塊扒亦都煮得唔錯，幾好味，如果鐵板角落的鹽多番啲就更好。個薯蓉都唔錯。我哋食完冇耐已經有位職員問我地有冇興趣叫埋甜品，真係好員工，我本身都想

Weekdays難得有假放同朋友過泥食牛扒，聽聞佢地d扒相當出色。見到依度個環境又清丘，店員笑容又親切，就入左去了。去到我同朋友叫左2個set,我朋友叫左個rump cap我就叫左個tenderloin. 個湯一泥到我地就聞到好香，好想快d飲返淡，(結果雖然覺得有d咸)。之後就到個扒，我朋友個rump cap口感相當唔錯，d脂肪令個扒嘅香味升華🤤🤤不過我個tenderloin 就好鞋，明明叫左medium rare結果好似well done咁，咬到牙都卑卑地。不過我同朋友都覺得個薯條幾唔錯，放左幾耐都好脆。

今日去yoho mall時咁岩經過新開既bones and blade，見個環境幾好，所以同朋友決定試下 因為依家正值疫情，所以一入去餐廳，服務員就幫我地量度體溫，做足功夫先帶我地入個位到。我同朋友睇左一陣個lunch menu，決定左rump steak試下，要左medium rare。先黎左個骨膠原湯做前菜，開下胃，一黎到就聞到好香濃既骨膠原味，令人食指大動Medium Rare 既 rump steak - 好juicy，同埋好嫩滑，正呀成個set會連埋薯條，個薯條外脆內軟，好驚喜！同埋本身都有調味，唔錯，可另點茄汁，有清新既感覺Overall 都幾好，推薦大家黎yoho想鋸扒時可以黎試下

Generally speaking, the meal was fantastic, 酥炸豬腩仔非常有層次，every bite you take is full of juice , extremely succulent and with layers...As for 西冷扒，油甘香味恰到好處，又有咬口，肉味十足，last but not least 個薯仔薯條非常新鮮熱辣，炸得金黃鬆脆! Absolutely impressive. Strongly recommend.