波士冰室 (Closed)

不一般的早餐今日週末搵新地方食早餐，波士開左吾夠半年，每次下午茶時間行過都好多人，所以去試下。8點半去到，裝修有點復古味道，週末都坐滿80%左右，算不錯啦；睇下餐牌，系吾同普通茶餐廳有餐肉，煙肉鴨胸雙蛋。。。。幾特別，當然價錢亦貴小小。服務員都吾錯，見我地坐低望望下，就告訴我們哩個位大風D,可以改去其他位置，上餐亦好快。但有小小意見系早餐不能米粉改公仔麵或其他，比較不夠靈活。味菜櫻花豬柳湯米粉(4分)～ 豬柳的醬料有點甜酸，好好味，豬柳超鬆嫩，米粉也是難得的不粗鞋，唯一不好是味菜太酸和帶剌口的苦味。奶茶～奶茶是它的推介，滑是夠滑，但覺得不夠熱和茶香。丹麥多士～多士超鬆，連皮都是一樣，正，牛油融入麵包中間，正正正

早餐：本想食雞翼撈公仔麵， 点知佢話早餐冇雞翼．但menu 明明寫住7：00am起有！ 我已經不是第一次遇見哩D歺廳！最憎！冇就吾好menu有啦！之後本想轉食沙嗲牛麵轉米粉，佢又話公仔麵就公仔麵，冇得轉米粉！ 佢menu其他歺有米粉，甘点解吾可以轉？！ 第一次遇見有甘既情況！但係吾要炒蛋，又可以轉太陽蛋喎！「O」嘴！沙嗲牛味ok. 但牛太林，冇口感．牛份量ok.牛油多士ok.炒蛋不太乾，ok.p.s.not come again for breakfast

兒時最愛每朝起身到樓下冰室吃早餐，冰室比人感覺比較富人情味，而且設計懷舊，感覺舒服。星期六放工後到荃灣附近覓食，發現新開了一間冰室，裝修設計新派但又有少少懷舊玩味。冰室最受歡迎一定是茶餐或是常餐，通常通粉，炒蛋配多士，快靚正之選。我們各自點選了一個茶餐與常餐，再加2款小食。原味冰波凍奶茶奶茶比例恰到好處，香濃軟滑，而且配以奶茶製成的冰波，令你飲到最尾奶茶味都不會變淡，保持茶香。味菜海蝦米銀絲米粉配香辣炸雞鎚 (茶餐）海蝦米味道香濃，配上銀絲幼身米粉，非常滋味。香辣炸雞鎚外層酥脆可口，雞肉嫩滑，微微的香辣味增添滋味。香煎豬扒公仔麵 (常餐A)豬扒肉質鬆軟鮮嫩，香味多汁，公仔麵爽口彈牙。北海道牛乳炒滑蛋配丹麥多士炒滑蛋嫩滑又充滿蛋香，加咗牛乳特別滑溜，而且丹麥多士香脆又有濃濃的牛油香味，好食！瑞士汁雞翼見到每枱都有order我又怎麼能夠放過呢，瑞士汁不算太甜，入口甘甜，而雞翼非常入味，入口嫩滑。芝士流心西多麵包沾上蛋汁再炸香，外層香脆香口，內裏芝士呈流心狀態慢慢流出，芝味十足，芝士軟滑不太漏，好食！

今晚逛街逛到荃灣千色匯I期1樓，看見到有間「波士冰室」，裝璜有懷舊風格，「波士」又是極之懷舊對上司的稱謂，近年餐廳又流行番用冰室，一切都吹著懷舊之風。看見門口的「波士日報」號外，有著「波士十大必食」報導，又幾吸引喎！我的煎蛋手打牛肉漢堡伴薯條$40，麵包屬中型份量，我接受到煎荷包蛋的半生蛋黃，半生蛋黃甘香可口，是小時候熟悉的味道，手打牛肉漢堡軟滑彈口，配合適量薯條，晚餐都夠飽。原本原價$24的原味冰波凍奶茶，現在只需加$16，冰波保持冰凍，不會越飲越淡。朋友的芝士流心西多士$32，金黃色的西多士頗吸引，切開了西多士，芝士呈現半流心效果，感覺火喉控制上尚有進步空間，不過，我不愛吃芝士，我說芝士流心西多士非常魔鬼，朋友却說非常好吃，真係冇佢咁好氣！看來十分靚仔的芝士汁大蝦繪伊麵售$68，都算相宜抵食，雖然餐牌是寫燴伊麵，但我覺得是焗燴伊麵，碟子是熱騰騰的，看著朋友吃得十分滋味！我們分享的黃金蝦$72，包裹著大蝦的「黃金沙鹹蛋黃」味道甘香，蝦肉鮮嫩，令我們大大快朵颐！

這家(波士冰室)是位於荃灣千色1期，這間冰室裝修很傳統，很有懷舊香港特色風味。上至餐廳的整體裝修燈飾招牌，下至他們的菜單，甚至菜單裡面的菜名，都很有濃厚的舊香港氣息。我們點了魚香茄子肉碎飯$53，豉椒排骨炒河$53，兩款都很有懷舊風昧。芝士汁大蝦燴伊麵$68和銀芽肉絲炒麵$53。還有餐廳推介十大必食的 黑松露炒蛋厚多士 $42， 炒雞蛋嫩滑，配合黑松露 夠特別。每個餐都很有香港茶餐廳的水平，也有我們平時習慣的味道。如果身邊有一些不是在香港居住的朋友，他們有機會來香港旅遊，不防帶他們來這餐廳體會一下舊香港茶餐廳的風味。

每星期都會到荃灣 公幹， 行經千色匯一樓商場， 都看見有間特色的餐廳， 從窗櫥望入去， 那間餐廳很有 懷舊特色， 因每次都是匆匆忙忙經過，沒有停下腳步探究。今次終於體會下這餐廳懷舊的氣氛。餐廳內環境 闊落 ，座位舒適 ，牆上圖片 實在有 五六十年代的 氣氛， 就連枱上的 砂糖、 更換了方糖。 認真有趣。我們坐下後朋友先order咗 一碟瑤柱雞粒炒飯和一杯原味冰波凍奶茶瑤柱雞粒 炒飯 钣質 爽口， 可是味道 大眾水準。 餐廳推介 十大必食的 原味冰多凍奶茶， 冰冰凍凍 送飯 最涼快。碟銀芽肉絲炒麵， 賣相很吸引 ，一人份量，我和朋友一邊聊天一邊享受晚餐 ，不知不覺 愉快地 渡過一個晚上。

環境：荃灣新開既冰室, 主打懷舊情調. 冰室都幾大, 不過假日中午都有人龍, 排左10幾分鐘先有位. 冰室位置不算難找, 城市中心一樓, 而且遠遠望去綠色招牌便是波士冰室.食物：冰室除左裝修懷舊, 餐牌賣既都係懷舊食物. 除左冰室必備常餐, 還有農夫包, 瑞士汁雞翼雞脾, 黑松露炒蛋多士等等. 農夫包不是很多冰室有做, 所以都值得一試.今次我叫左佢個常餐試試, 個常餐係瑞士汁雞翼撈天使麵和多士炒蛋. 首先講講佢個多士炒蛋, 一定要推介佢個多士, 佢同平時的多士不同, 麵包係用牛油酥皮麵包, 再搽上薄薄一層牛油, 食起黎比平時既多士更香濃牛油味. 至於炒蛋就不過不失.另外到常餐主角, 瑞士汁雞翼撈天使麵, 我覺得就有些少失望, 瑞士汁不太夠甜味, 再甜少少會好好多, 先似瑞士汁. 至於天使麵就正正常常, 不過重口味朋友可能會嫌不夠味.講完食物, 佢個飲品都要介紹下. 每次去冰室. 我都必定會點我至愛既紅豆冰, 除左係因為可以飲番小時候既味道, 仲可以試到一間冰室既水準, 所以今次我都點左杯雪糕紅豆冰. 佢雪糕可以揀唔同味, 今次我揀左正正常常既雲呢拿, 因為我好怕其他味搶左紅豆冰既味道,

服務態度超差！！！明明店鋪好多卡位，我一行兩人坐卡位，已經坐埋一邊，但都要用好差態度叫我地唔好坐！ 跟手轉個頭見佢安排左分別一個人同兩個人既客人都係坐卡位！不知所謂. 無名牌，女侍應，男裝髮型.入黎都係食個快餐姐！唔駛咁既態度既😔

第一次吃呢間，可以話係我吃過最難吃咖冰室。叫左四樣野，全部都係號稱十大必食第一樣，奇趣芝士雞腿農夫包，麵包太硬，麵包入面咖芝士焗飯無味得個漏字。炸雞比真系無野講，又乾又無味。第二樣，咖喱牛腩飯，味道中下，薯仔硬牛肉基本上係未熟。第三樣 ，芝士流心西多士，味道普通，完全無野流出來，唔知點解叫流心西多士。第四樣，冰波奶茶。唯一值得推薦，因為係唯一正常。所以唯一一星係備杯奶茶。一句講曬，賣相好但難吃。

說到冰室，在香港已有多年的歷史，能夠流傳至今真不是一件容易的事，是香港的懷舊餐廳文化。某程度，我覺得自己也算是「冰室控」，不論是大大小小的冰室，在不同的地區，我都有興趣去試試。最近發掘到一間在荃灣新開的冰室，在千色店一帶，叫「荃灣千色匯」，由於朋友找路時走到了「千色匯」百貨公司那一邊，以致浪費了一點時間，記得冰室是在百貨公司的另一邊，有個小商場的。店內的裝潢顯然都是以懷舊作為主題，牆身有一個個紅色和綠色的郵箱，雖然自己不是80年代的人，但會想像到以前有些家庭或店偏所用的郵箱便是這個樣子。時代變了，很多東西都變了，真有一份感慨。餐牌是「波士日報」，餐廳嘗試用傳統報紙的形式去列出不同的食物，餐廳還真是早開，竟然七時正就開始營業七時至中午十二時有提供早餐，另外大部份的特色小食和飲品都是中午或之後才提供的。很少看見冰室有售賣肉醬意粉，還要是「加倍的」，看賣相跟一般的肉醬意粉沒有分別，同樣是厚層的芝士在肉醬意粉上面。芝士的數量也蠻多的，十分滿足。不得不讚賞一下它的肉醬，在外面吃的肉醬意粉大多味道太濃，這個肉醬意粉的肉醬鹹度剛好，吃完也不會太口乾。然後點了一個奇趣芝士雞腿農夫包，說是奇趣，還真是奇

身為港人, 特別鍾意茶餐廳, 更要一朝一港式奶茶才能叫訓醒~波士冰室新間於荃灣千色店, 而早餐更直至中午12點~ 行經附近, 當然要試下有丹麥多士的早餐啦~點了早餐C: 味菜櫻花豬柳銀絲米粉 配   丹麥多士 + 熱奶茶- 味菜櫻花豬柳銀絲米粉: 湯底有味, 不是淡的, 而配上味菜甜甜酸酸, 個人喜愛味菜, 所以滿意湯底。米粉更有掛湯效果, 所以啖啖滿足。豬柳咬起來肉質算滑, 可惜頗乾- 丹麥多士 : 手慼鬆軟, 口感酥軟, 充滿牛油香, 加上熱培, 好味~~- 熱奶茶: 不過不失, 最特別是用方糖, 坊間少有~~總括:  可Encore~

波士冰室的前身是喜棧，還未來得及去寫評已結業；喜棧的前身是嚐越，還未來得及去吃已結業。是否："理想當然我的錯，令你忽然離開也是我錯麼?為何這麼快看清楚，落得這結果"。這麼多菜式，“知我是個無法討好的人，點菜一刻只是我很頭痕"：大蝦粉絲雜菜煲$68：不要說我大蝦細，大蝦我就留給女人吃，粉絲就留給粉絲吃，雜菜，就留給習總吃，至於個煲?就留給我吃吧，清淡，可以當菜吃的一碟菜式。啫啫雞煲$70-$80左右：小學常識題，啫啫究竟是指雞的哪個部位？其實啫啫像聲詞，只是描繪雞在焗的過程之中所發出的聲音，吃得出此煲的鍋氣和雞肉的穌脆細嫰。蒸蒼魚$70-$80左右： 這條目測應有1/3-1/4吧，我發覺不同餐廳的魚都在考驗我的數學能力，因我整天在計算著，這條魚究竟佔了整條魚的幾分之幾，如果整條上的話，慳返我腦力之餘，又能大飽我的口腹，多完美呢。份量有所不足，但味道如何能夠挑剔，一蒸即能帶出魚的鮮味，除非條魚本身不夠新鮮架者。懷舊雪糕紅豆冰$28：潮流興懷舊，我就永遠一舊舊，這裡的波士特飲有黑牛、菠蘿冰、雜果冰、懷舊香蕉船，我們選擇了懷舊雪糕紅豆冰，好味到我和女人爭住吃，其它都甚有興趣一嘗滋味。整間餐廳都

奇趣芝士雞腿農夫包好好食麵包入面全部都係芝士同飯就連麵包上面咁住白飯嘅蓋都可以食落肚法包外皮好煙銀同芝士白飯配搭得好好如果夠大食 應該可以 成碟都光盤雞腿外皮醃製過配搭埋內裏嘅雞腿好好味絕對係波士冰室嘅招牌貨價格唔係好貴如果可以送埋飲品就更加好因為咁啱電話冇電問餐廳借埋個電話打畀朋友原來個電話真係用得到聽知客講好多人都嚟借用電話尤其係2000後好多人都未見過呢隻電話餐廳人客流量都幾多以後荃灣有多間嘢食

< 新餐廳 >路經大鴻輝，見咁就腳，就去咗新餐廳食左個晚餐，套餐包湯及飯， 同一般冰室一樣都係免加一。不過今日冇叫set dinner. 叫左個茄汁焗豬飯，二款十大必食。<十大必食 之一>十十大必食之一> 呢個真係必識貨品， 一般嘅冰室都好少有呢個食品。< 餐廳環境 >餐廳裝修典雅，有掛畫， 古色古香70年代電話， 地方闊落，估計餐廳大致可以容納100人左右， 餐桌之間亦有中隔， 增加咗私人空間感， 同朋友傾計都舒服。<特飲系列>餐廳增添咗冬日飲品

偶爾和媽媽去冰室吃晚飯，嚐些道地港式小食飯菜，也別有一番風味。而冰室價錢亦比大部份餐廳便宜，份量足，可謂經濟實惠，所以蠻多食客熱捧的。從小到大我最愛吃的就是瑞士汁雞翼，來到冰室怎會不吃。油油亮亮，色澤均勻的瑞士汁雞翼閃閃動人，鮮嫩的雞肉都被香甜的瑞士汁團團包裹著，吃來超入味。另外必吃的，一定是咖哩牛腩飯，咖哩牛腩還未來到桌前，已香氣撲鼻，令人垂涎三尺。薯仔煮得軟綿，牛腩軟腍，一咬就鬆散，牛筋滑溜富膠質，咖哩濃郁惹味不太辣，相當棒呢。XO醬海鮮炒飯醬色十足，上桌時大火炒過的飯粒和XO醬香一擁而上，海鮮如魷魚及蝦隻爽口彈牙，濃厚海味，跟乾爽分明的飯粒一同入口，好不滋味。波士椒鹽蝦陣陣炸蒜香味襲來，蝦殼微微金黃酥脆，蝦殼裡的蝦肉極具彈性，肉汁豐沛。蝦隻經椒鹽與辣椒粒提味，入口香辣過癮，媽媽都不顧儀態用手吃，她說這樣吃椒鹽蝦更為可口。