波士冰室 (Closed)

今日下午本想一試這間餐廳，兩点十五分鐘点餐午餐很多已沒有，想了食常餐，客氣問可否更改其他面食，阿姐立即拒絕。好。。朋友叫了普通面食加錢叫飲品，轉頭十分鐘左右想叫下茶餐，問可否轉回飲品，又拒絕❌，阿姐話吾得，仲叫我地搵主任吖，真係火都黎！我一定吾會要襯！全程黑口黑面，佢係波士就真！

今日老中青三人搵食，唔想又去飲茶，見囡囡想飲奶茶就試下lee間波士冰室，雖然位多客多，但侍應服務態度尚算不錯，自動波搵位等位都唔使搞好耐，但坐低叫野食之後就開始覺得幾趣怪。首先諗住加十二蚊轉杯冰波奶茶試下，點知話起碼要十二點半後先有（明明我喺早餐牌度見既）咁算啦，唔叫住，但轉頭試下同個疑似高級d既職員（制服唔同）叫又有喎（只係十二點）。之後就真笑死你，叫個豬扒煎蛋飯啫，第一次就黎個豬扒火腿飯，咁我就話唔係我地既（之後俾左第二枱），第二次就黎個肉醬煎蛋飯，咁我都話唔係我地既（又俾咗第二枱）,第三次黎個淨豬扒飯，我就諗住等咁耐食住先啦，叫佢轉頭補返煎蛋算啦，廢事d飯同豬扒凍，點知擺底唔夠十秒就返黎話唔得，d碼唔同，咁都算，由佢成碟換啦，第四次終於黎啱啦，但個飯又無俾汁（明明落單時問我要咩汁）,好彩今次肯擺低個飯後補返d汁，唔係又唔知會唔會俾埋人地。好好彩今日唔趕時間，唔係真係多謝哂，不過都要講句唔好意思，叫左個豬扒煎蛋飯咁刁鑽搞到佢地整幾次（好彩無浪費食物)。p.s.$50豬扒煎蛋飯，一扒雙蛋無飲品／湯，覺得貴左少少

荃灣千色匯可算是荃灣的龍頭購物兼美食商場，可惜逛到腳仔軟都係買唔到嘢。個肚開始打鼓，老老實實醫咗個肚至為要緊。離遠睇到好大個波士冰室招牌，入面客人坐到八八九九，好旺場。餐廳有特色裝修，大玩六七十年代的懷舊feel，有以前的鐵閘、街市賣魚的紅吊燈、又有鐵皮信箱……餐牌寫住號外 “波士十大必食”，咁誇張? 等我今晚就做個波士 (一晚咁多啦)，叫番三款會一會你。叫咗瑞士汁雞翼、咖喱牛腩飯和原味冰波凍奶茶。奶茶先到。雖然係凍飲，但係都可以聞到茶香味。裡面有兩大粒原味奶茶冰，發揮奶茶膽作用，唔會越飲越啖。咖喱牛腩飯咖喱汁又香又濃，惹味得嚟唔太辣，撈飯一流。牛腩又腍又入味，好食!瑞士雞翼煮得好腍，一啜就可以將佢骨肉分離。個瑞士汁好好味，而且滲到入雞翼裡面，好味到不得了。所以，我認為呢個瑞士汁雞翼，以今晚呢三個十大必食來計，可以排名第一。唔知其餘的七大會係咩料呢? 要搵日來食埋，評評佢先至得。

今日和朋友往荃灣波士冰室食晚餐,我們點了咖喱牛腩飯,椒鹽朱扒飯, 奇趣芝士雞腿農夫包, 凍lemon tea和原味冰波凍奶茶。咖喱牛腩飯咖喱辣度適中, 有椰香味, 牛腩食落軟腍, 薯仔爽脆, 飯食落軟綿香滑；椒鹽朱扒飯朱扒肉質美味, 炸蒜椒鹽食落惹味香口, 蔥花和辣椒帶出椒鹽朱扒美味；奇趣芝士雞腿農夫包賣相吸引, 農夫包食落香脆, 芝士味道香濃；炸雞腿炸得金黃, 雞腿食落肉質鮮嫩；最後原味冰波凍奶茶另一特色飲品, 賣相吸引, 茶味香濃, 奶味香滑。冰室座位舒適, 很有懷舊冰室格調, 食物有特色, 份量十足, 價錢合理, 美味懷舊冰室。

香港人日日都得低頭返工幾時有威過?可能係夜晚打機嗰陣時得嘅。。。人人都想做老細過嚟呢度食嘢就可以做boss啦點解咁講?因為價錢相對抵食環境又舒服仲唔嘆過你老細?Tent card設計好似係舊報紙上面呢曬咁多種值得一試嘅選擇!我都唔執輸兩杯嘢飲全叫另外亦都叫多一份黑松露炒蛋厚多士紅豆冰可以揀雲呢拿雪糕綠茶雪糕同朱古力雪糕我就梗係雲呢拿啦夠曬傳統呀嘛味道唔甜奶味重但飲落唔夠紅豆味只有紅豆粒粒冇紅豆蓉另外冰波奶茶嘅冰真係用奶茶做㗎溶咗都唔會令到杯嘢飲味道變淡就咁睇落去都幾似兩粒牛丸好得意飲落茶味較奶濃適合愛茶人士🍵🍵🍵原來係個大蝦雜菜粉絲煲最先上枱黐線㗎起碼有五隻大蝦顏色鮮豔奪目紅卜卜🦐🦐🦐🦐🦐睇得出啲蝦非常新鮮優質🐸湯底夠味粉絲好多蔬菜爽口 但冇吸收得太多湯底嘅精華好容易就成個食曬啦黑松露炒蛋多士非常足料如果將蛋同黑松露mix埋一齊效果更佳雖然好多蛋係上面，好濕潤但係就冇影響多士香脆口感如果炒蛋再濕潤啲就更正正子啦輪到我期待咗好耐嘅芝士撈丁🧀🧀🧀🍝🍝🍝成碗黃金金點知入口唔會油膩公仔麵底味足夠但加上芝士汁都唔會太鹹仲有彩椒粒粒中和口感不過真係要趁熱食否則醬汁好容易會黐埋一齊好神奇好難想像一間

城市中心有新茶記:波士冰室好懷舊咁樣入到去，咦，收銀爆炸頭姐姐好熟口臉喎再黎個短髮型女，係佢地嘞，葵芳好好粥麵過咗黎呀講番個lunch先常餐 雞翼天使麵，無得轉麵，雞翼🤔似瑞士汁，不過好甜。個天使麵撈咗個麻油定唔知咩豉油汁底，好怪味，食幾啖都頂唔順嘞。冰粒奶茶，要加12蚊喎，點都試下，上枱時未溶冰就好奶好甜，但中段飲就very good, 有茶味。不過唔算香濃喎。地方夠寬敞，夠舒服，不過嘢食就認真麻麻地。

荃灣多好野食，連冰室都咁高質。今日行完街黎到千色店搵食。餐牌有個十大推介，我地都係當中揀左幾樣黎食。加倍腸仔焗肉醬意粉一撈起Ｄ意粉即刻香味洋溢，意粉面頭有少量切碎左既三色椒，估唔到食落都有好香三色椒味，肉醬同腸仔味道都唔錯，意粉有少少焗過左有少少乾，整體都高分。常餐-沙丹豬扒公仔麵，炒蛋，丹麥多士。公仔麵原來係出前一丁，好香好重麻油味（係比平時重）豬扒有點香矛味唔錯但硬左Ｄ，丹麥多士好好味可惜冇得單點。餐飲加左杯特飲冰奶茶奶茶只有兩粒大冰，冰係由奶茶製成，特別既係我地食左成個鐘Ｄ冰都係冇溶到，可以整碎佢做奶茶沙冰。最後叫左兩個甜品。拉芝西多士同埋普通西多士。個人認為兩款味道差不多（西多士一定好味），芝士個款係多左重口感。

今晚黎左呢間波士冰室, 平時行過見佢裝修得咁特別已經想試下介喇 !! 當然 ... 環境係其次, 食物質素先係最重要 !! Anyway, Let’s Check It Out !!冰室牆上掛左佢地嘅特色美食Posters每張枱仲有一張十大必食嘅 Menu 添 奇趣芝士雞腿農夫包大大個烘到非常香脆嘅農夫包入面裝左滿滿嘅芝士 & 白飯, 半溶嘅芝士漿同白飯撈埋一齊食, 味道相當不錯, 而且份量超大, 一個人食係絕對唔會食得晒 !! 農夫包旁邊仲配有一隻炸雞腿, 外脆內嫩, 邪惡得黎又非常惹味 !!焗芝士腸仔肉醬意粉雖然意粉有點偏淋, 但佢嘅肉醬真材實料, 番茄肉醬嘅味道香濃, 而且肉碎粒超多, 真係冇得頂 !!星州炒米米粉炒得好均勻, 而且又好夠鑊氣, 入口乾爽, 咖喱味香香辣辣, 炒到色澤金黃, 條條分明, 自己加左少少辣椒醬, 食落去非常醒胃。原味冰波凍奶茶用左奶茶整成嘅冰波取代冰粒, 令奶茶唔會因為冰粒而溝淡, 正 !!

首先, 呢間野係新,諗住抱住個心態試新野......我同朋友本身覺得荃灣都多茶記都食到悶晒。有食前身喜棧, 都好一般冇諗過咁快執左, 本身都一般, 點知呢間波士就越來越衰。叫左個雞扒撈丁....簡直就嚇呆左! 因為首先應該唔係出前一丁, 而且d 麵浸到直晒。唔知想點, 未試過撈丁係可以難食到一個點;雞扒仲硬過我條命。最重要係唔熱>< 好似求求其上碟。稍為叫好d 就係個丹麥多士, 比較似返個樣, 出面亦少見瑞士雞翼亦可以唔好食, 真心想問師父係岩岩入行? 唔知整低左幾耐。其實入茶記唔預你好好食, 但係唔好衰到咁。整體感覺, 裝修ok, 但食物真係幾垃圾。絕對冇下次! 加上, 侍應十分招呼麻麻。其實如果食物ok, 都可以拉返高分, 隔耐d 幫襯。但呢間真係........唔會再來加上唔會再叫人來~!!!!

最近同朋友路過荃灣區見到一間新開的冰室見未食早餐就入去試試 因為放飯時間所以很多人坐抵發現價錢不單比附近有名連鎖餐廳平連食物質素都比較高 我叫左個豬排公仔麵 朋友就叫左黑椒牛排飯 另外在加個小食瑞士雞翼豬排麵雖然外表平平無奇好普通 但豬排食落有香茅味而且煎得比較香脆肉嫩 跟餐炒蛋多士更係無與倫比 炒蛋嫩滑比美某牛 多士烘得外脆內軟餐飲叫左杯冰波奶茶 奶味偏重 但飲到後期粒波波溶左之後茶味就出哂黎跟奶混合之後一杯正奶茶就出現了茶味濃厚 奶跟茶的比例到達一致 奶茶味一齊入口正 終於吾駛怕飲到冰溶左之後既水瑞士雞翼雖然睇落吾夠色水但食落非常入味甜甜地非常正但吾鍾意佢落左麻油搶左瑞士汁個味

1-1-2019 (Tue)晏晝,同老公o係荃灣買完o野後,食個下午茶,原本想去又係美心集團o既香港地,但等唔到老公o既男友人NT  send o黎download apps o既code,咁見到呢間,於是入去食,繁忙時間,須搭枱坐埋一邊.睇完menu後,我要$25.00 o既法蘭西多士餐,飲熱奶茶.老公要同樣$25.00o既厚切餐肉滑蛋治,同樣要熱奶茶.熱奶茶口感滑,茶味唔濃但有少少苦.要落粒方糖飲.厚切餐肉滑蛋治到o黎,午餐肉腍o既,可能唔係煎,其他o野都正常冇問題.然後我o既法蘭西多士到o黎,炸到金黃色,揭開睇,有花生醬,但塗得好薄,加少少糖漿食,都已經好甜.味道: 2.27分環境:又係玩懷舊,但以前o既茶餐廳o既燈會用紅色燈罩o既咩?

是日返夜開工前黎荃灣幫朋友買啲野🙈搞掂正值放飯時間🍴還掂早餐都未食一於黎食下茶餐醫下肚先🤪位於荃灣千色薈既波士冰室🍜雖然距離荃灣站比較遠🙈但有「天空之城」之稱既荃灣可謂四通八達！由B出口直行沿住南行天橋過黎都算方便😆呢度環境裝修簡約之餘☺️牆身掛滿著仿報紙既餐牌設計☺️以及一幅幅懷舊香港照片同埋舊信箱☺️🇭🇰亦盡顯香港地道傳統特式😆以地道傳統既香港特式環境做襯托😆亦配合著高質素茶記食材☺️🍜咖哩牛腩飯呢個波士牛腩夠哂爽口之餘煮得夠腍嫩😋🐮根腩比例平均🤤脂肪比例均勻食落亦油香滿溢🤤另外亦有大大舊咖哩薯仔🥔😋配合濃郁滑香既咖哩汁慢煮更是入味🤤🍛Perfect Match😋🇭🇰🍴瑞士汁雞翼將雞翼配以濃郁既瑞士汁細火熬煮🤤十分入味既雞翼食落肉質滑嫩之餘😋🐔啖啖瑞士汁甜香☺️熱咖啡雖然奶味稍為重🙊但無落糖飲落亦有帶出濃郁咖啡香😋

香港人最愛食茶餐廳，而且叫常餐亦都是我哋經常會叫的，因為包羅萬有，一定會有雞蛋，麵包配個粉麵同茶飲一杯，價錢合理，仲有多款食物，心理感覺好抵食。今次嚟到荃灣千色匯嘅“波士冰室”，梗係要來一個十大必食的常餐啦～ 我叫嘅係瑞士雞翼撈天使麵、北海道牛乳炒滑蛋、丹麥多士、餐飲加12蚊配原味冰波凍奶茶。單睇就已經好豐富，味道真係很不錯， 瑞士雞翼非常入味，雞肉好滑溜， 天使麵份量十足，撈埋瑞士汁一起食，好滿足呀～丹麥多士酥香鬆脆，加上奶味濃郁嘅北海道牛奶炒滑蛋，十分好食。原味冰波凍奶茶，有2大粒用奶茶造的冰粒，奶茶香滑，茶味愈飲愈有。朋友叫嘅“ 雞扒芝士撈出前一丁”仲配埋半份厚多士，好抵食呀～ 雞扒炸外脆而且很香，芝士味濃烈，出前一丁軟硬兼施，好正呀～厚多士都不錯，合格架。叫咗杯熱的蛋白杏仁茶，夠熱又有杏仁味，仲有好多雞蛋白添，非常足料。小食又點少得“黑松露薯條”，全是粗身薯條啖啖薯肉，仲炸到熱辣辣而油又不多，沾上黑松露醬 ，美味非常，我好喜歡呀～價錢十分合理，下次必定會再來。

聽聞荃灣千色匯開了一間新冰室，友人仲熱烈推介冰波奶茶！熱愛試新野的我當然要去一試！星期六的早上，我帶埋老公黎試食下早餐🥣店舖門面裝飾吸引，是著重懷舊風味的冰室，睇得出餐廳花了不少心思設計裝飾。大大個燈箱招牌配上綠色的鐵閘，顯而易見。餐廳內部燈光明亮，以綠色為主，加上舊式信箱，唐樓的鐵閘，感覺好像回到從前。早餐餐牌👇🏻👇🏻👇🏻我選了D，老公選了C。等待期間發現餐廳用上方糖，非常有特色。C餐來了！是味菜櫻花豬柳銀絲米粉。成個名都好有卓頭，但真係睇到碗米粉時都有點回失望，不過凡事不可只睇表面。老公話味菜太咸，令到成碗湯底又咸又酸；櫻花豬柳到底是一個品種名還是什麼🤔豬柳配咸酸湯好奇怪....老公只係比2粒⭐️...認真低喔！丹麥多士-就是一塊加熱了的丹麥包配牛油🙃D餐。賣相還不錯👍🏻蕃茄湯味道不是很濃，如果食開濃味的朋友應該會覺得湯底比較淡味...排骨應該煮好了良久嗎？肉和骨早就分開了，不太好吃。煎蛋正常。食完時發現螺絲粉很少，但有很多薯仔。牛油厚多士-我覺得是全份早餐最好吃的食物！（陰公）多士鬆脆可口👍🏻溶了的牛油很香😋本來一心想試冰波奶茶，因為冰是用奶茶製成的，但去到餐廳時才發現要加$12才

難得有假期，同朋友坐車去荃灣試。聽人講呢間店幾好食，平靚正。結果抱住興奮既心情去吃，但食物平平無奇，侍應態度麻麻，食到後期只能用「冇癮」去形容。完全唔明點解要黎咁遠食，咁難得有假期最後就比呢間餐廳破壞左。最無奈係拉左朋友落水，真係好內疚。呢個故事教訓我地唔好對未食過既野抱有太高期望，根本好多都係名過於實，吹大左。呢次專登坐車去絕對係浪費時間！暫時諗到既只有「失望」二字，希望各位未食過既唔好亂黎，以免後悔。