八分廚

Open Now

Now Closed

經朋友介紹，去咗觀塘工厦一間隱秘私房菜，每晚只做一枱，可以同自己朋友傾偈食飯好地方，預約時問帶酒要開瓶費嗎？但原來不收開瓶費，實在有驚喜，因出面大部份食肆都會收開瓶費，而食物都非常好食，窩貼小棠菜出面我都沒有食過，富貴烤雙方，一道好食的手工菜，讚👍🏼！而甜品花膠桂花蜂蜜糕，出面從未食過，而花膠也沒有腥味，值得推介，因為食物一出來，賣相太吸引，忘記影相，下次再去，一定要影相環境方面，裝潢設計俾人有種舒服感覺，也很時尚，整體不錯👍🏼

朋友介紹之下去咗觀塘工業大廈入面一間新開嘅私房菜，本身就冇乜特別期待，點知食完有驚喜😍～～～入到去已經俾佢個裝修吸引，睇得出係有花心私搞過，唔會好似有啲私房菜搞到成間公屋咁🤭食物方面亦都好多特別菜式，例如𧄌家蒸蟹砵、海鮮卜卜魚、煎焗魚三寶呢啲菜式出邊好少見，最驚喜係個甜品～花膠桂花蜂蜜果凍，好清新，就算食到好飽都唔會覺得食唔落👍🏽特別一提係個廚師，估唔到係一位中年女士，佢會成日走出嚟同大家傾吓偈，煮嘅餸菜好有家庭feel得嚟又上到大枱🥰，綜合食物環境同埋服務，$468一位真係唔貴，必定翻啅

d 野食，好多都係手工菜。出面做法無咁細緻及好味。我個人會推介以下菜式：富貴烤雙方，出面一般只有金華火腿加饅頭，依度正宗地用返炸多塊腐皮，一塊一塊炸，工夫十足。同埋幾種花膠菜式，好好。（平時我唔食花膠，都覺得正）性價比好高。另外，我平時比較鍾意食魚，蒸魚要蒸得好，再加上蒸魚豉油，簡直無敵，而佢既欖豉醬蒸魚，竟然更勝一籌，我覺得係必食，必食，必食。（重點既野，要講3次）同埋，帶了紅酒及清酒上去飲，免開瓶費比起出面食飯，真係抵好多。

難得同朋友約到星期五晚飯聚，想試吓搵間靜啲食得開心啲嘅餐廳。朋友介紹官塘區呢間樓上中餐八分廚，每晚只開一枱，而且有花膠有海鮮每人都唔使五百蚊，WhatsApp 去訂枱，結果 book 到星期五晚，一行十人去開飯。雖然地址喺廠廈，但係入到去裝修格局好似入咗另一個世界咁。餐廳一張大枱，仲有張小梳化，十個人入去好闊落，坐得舒服。一坐低老闆問我哋睇電視定聽歌，點埋飲品後閂埋咗度間門，畀我哋傾下計，人齊坐咗十至十五分鐘就開飯。今晚因為第一次嚟，菜單點嘅係佢哋嘅花膠宴，成餐飯有三個花膠菜式，最有印象係一開始位上嘅花膠鮑魚，同埋最後個甜品。花膠鮑魚裏面有好大嚿花膠，朋友話好味之餘，仲要留返剩返啲汁撈飯；最後個甜品花膠啫喱，餐廳話係原創食品，街外冇得食，個甜品好清爽，裏面嘅花膠少少彈牙，再加少少蜂蜜，啲幾個女性朋友可以話係秒殺咗個甜品（甜品一嚟朋友剩係掛住食，相都冇影到...）。其他菜式大部份係手工菜，煮法同味道係似細個食嘅中菜嘅，大廚話佢哋唔落味精（朋友有味精敏感，第二朝早喺 wts grp 話完全冇問題），開舖都係想將順德菜同舊有傳統味道煮返出嚟，例如佢有個鍋貼小棠菜，喺出面一啲老字號或者高級啲嘅

非一般的私房菜（Omakase 手工菜）首先不得不讚個大廚，可以諗出甘多精緻既菜式，讓我地每位朋友都食到讚嘆不絕，絕對感受到你對食物既執著，確保到每度菜既優質出品。呢個私窟私穩度高，可以俾我地成班朋友高談闊論，談天說地都唔會有任何騷擾，仲要無限時任玩，有得唱K、睇埋世界杯，服務好到加零一，但又唔收加一，真係重點推介。全晚最令我驚喜既食物，就係富貴四方包，用個饅頭仔包住塊趣一趣既響鈴，同埋蜜餞金華火腿。味道層次感十足，仲有幾層口感，塊響鈴趣到忍唔住空口都咬幾塊，非常不得了。另外，要講下個甜品，桂花花膠膏，真係諗都無諗過，花膠都可以用黎做甜品，食落口非常清新，感覺就係食左好多度菜之後，用個甜品黎幫你Refresh，極度難忘，真心要推介呢個甜品，直頭贏盡東九龍，殺盡全香港，無得輸。不過要話聲俾大家知，佢地每晚只做一台，最少8個人，最多20個人，所以如果大家都想試必須要提早訂位，有其它人Book左就無得食架啦。#八分廚 #私房菜 #私窟 #手工菜 #Omakase #花膠 #桂花花膠膏