Brooklyn (Closed)

呢間餐廳比起佢其他分店嘅裝修較好，亦都幾特別，一行8人安排坐在寬敞嘅位置幾舒服，裝修亦帶點型格😎😎佢哋嘅Dinner Set都幾抵，連湯、頭盤、主菜及飲品，唔駛諗食乜又經濟👍👍佢哋嘅頭盤份量頗大，特別係佢嘅脆皮慢煮紅菜頭好好食😍😍又特別，紅菜頭熱熱的脆脆哋仲好食👍👍椰菜花脆球都好正👍👍主菜份量都足料，叫咗燒肉眼牛排、炭燒厚切豬腩、煙肉蛋汁意粉、燒三文魚扒，樣樣都好食，最好食係厚切豬腩，肉汁多好鬆軟👍👍😋😋甜品最鍾意食佢哋嘅72%朱古力蛋糕，好香濃鬆軟😋😋要Encore但唯一要改善係待應嘅服務態度，完全木口木面，好耐都未遇過不友善嘅服務態度，好彩仲有一兩個比較友善😵😵但以今時今日嘅服務態度，就認真唔得，幾好嘅環境加上美食，仍要有好員工嘅配合，先會係好嘅餐廳條件，服務態度真的要改善一下😬😬

之前都去過這裡幾次,因都有D特別菜式試下,今次去發現多了週末同假日Brunch set.有多款唔同價錢嘅主菜選擇, 而且有包頭盆, 沙律,湯同飲品.我們選了澳洲和牛番茄讚岐烏龍麵同奶油蜆肉意大利麵. 首先講下頭盆的炭燒一口厚切煙肉, 有煙熏味, 因每份的部位都唔同, 一份半肥瘦剛好,一份比較多肥肉.煙三文魚沙律,菜比較苦. 澳洲和牛番茄讚岐烏龍麵的湯底同番茄素菜湯一樣, 不過和牛的牛味比較出, 奶油蜆肉意大利麵的份量比想像中大份, 味道都保持水準.飲品方面叫了凍檸檬鴛鴦試,其實係青檸加檸檬的茶, 茶味可濃d.大致上兩個set加埋一都係$250,算係抵, 而且唔使等位,又冇限時, 真係週末hea的好地方

以前經成日同同學仔一齊去新世紀，今次重臨裝潢過既新世紀，去左Brooklyn同朋友食個悠閒tea.唔知係咪Brooklyn打正旗號係一間美式餐廳，令人覺得d野食會好heavy, 所以係星期六既下午，相對同場既其他餐廳，人流較少，只有三，四枱客人。人少也有好處，唔會咁嘈雜，好啱同friend傾計。Tea time梗係要食下cake啦，一睇餐牌，原來一件甜品都成60蚊，咁就明白點解Brooklyn人唔多了，價位偏高！平時都好鐘意食朱古力蛋糕, 見到menu有個Brooklyn blackout chocolate cake,仲要係用左72%dark chocolate, no brainer一定揀啦。朋友則揀左lemon tiramisu，另外我再叫左杯Arnold Palmer,即 iced tea & lemonade 。用個樽裝，好大杯而且都幾好飲。件chocolate cake一上，不得了，好大一件呀～～ 濃濃既朱古力真係正到爆，軟綿綿既蛋糕配上72%既黑朱古力令到成件cake既層次好豐富，唔似普通朱古力蛋糕咁甜，香滑既朱古力滿佈口中，令人欲罷不能，希望可以一直留住個種美妙既感覺。

因為本身同朋友都係鍾意食西餐嘅，所以基本上每次出嚟大家都係搵西餐食有個鍾意食同一樣野嘅朋友真係好好今次出開旺角，行過見到呢間個名好熟口面，係我一套好鐘意既美劇two broke girls佢地住個度個地方名，就試下佢環境唔錯，個鐵竇都好有new York street style😹😹😹我哋叫咗個burger，加左牛油果同蘑菇，估唔到佢整到個漢堡肉係超好食因為一直同朋友都有出街食唔同嘅burger，但好難搵到一個包又鬆軟，肉又煮得好既，所以呢個真係滿足到我哋兩個比五粒星星佢另外一個主菜係蘑菇汁嘅肉眼扒，本身食完個漢堡對另外呢個牛扒都好有期待，但可能煮嘅廚師唔同，你個蘑菇汁超級奇怪佢唔係普通蘑菇嘅味道，反而似係茶樹菇🙈🙈🙈原諒我地唔識欣賞！但個漢堡真係值得一試，真係好好味估唔到兩個主菜差別咁大😹😹😹

旺角新世紀既西餐選擇都多，多數都係連鎖有分店的，係openrice見到得呢度一間，就想試下啦店內黑漆漆，有點氣氛，裝修都有點格調。坐低睇餐牌，都幾ok wor~148蚊一個dinner set, 有頭盤，湯，主菜同埋飲品(仲有特別飲品如檸檬梳打)，即刻拍板叫了三文魚同自製肉腸意粉，仲有檸檬雞粒同炸椰菜花做小食。一上小食，好大碟喔～個人鐘意炸椰菜花多點，好特別。餐牌推介的檸檬雞粒配特製醬都好食。係滿心期待主菜既時候，意大利粉黎啦…一見到個意大利粉係用鐵兜上，感覺即刻打折扣再食，完全搵唔到有肉腸既痕跡應該係切到非常細粒混入肉醬度……再上三文魚。賣相好靚，食落可惜肉有點乾，味道一般。野飲就大大杯，喜歡酸既朋友可以一試檸檬梳打~除左比兜意粉嚇親，其他都還可以的可以一試，未必再試……

食西餐個半鐘點夠食呀？茶餐廳咩野食幾好食都無用，趕客！門口帶位跟本就唔想你入去食，留都唔會留你。想人快D食完就轉賣公仔麵啦！西餐夠膽同人講1.30鐘，用下個腦先講！

係旺角附近做完野，唔知食咩好，個friend就話：「不如去返Brooklyn?」似乎成日去既口吻，咁應該唔錯喎，星期六晚8點幾，都等左差唔多半個鐘位，係門口聞到啲香味搞到勁肚餓🤤🤤餐廳屬apple green同一個集團其下，但就行美式西餐，炸魚薯條、沙律、扒類、漢堡包、意粉飯統統都有，選擇都幾多👍🏻 加埋手工啤、紅白酒等，岩哂happy hour🍻黑松露薯條 $68朋友推介必食🙌🏻 薯條粗身，面頭加左芝士碎🧀 雖然黑松露味唔算太好濃，但薯條本身係炸得靚好香口，送啤酒岩哂😉煙肉蛋卡邦尼意大利飯 $108睇落好似火腿蛋飯/印度炒飯😂😂 卡邦尼汁好濃，飯粒唔係偏硬果隻，煙肉香煎蛋靚，不過不失青檸蜜糖燒黑豚排 $208兩塊8安士黑豚排有睇頭，外層燒得紅紅地，蜜糖味超出，有少少蜜汁叉燒感覺，肉質仲好嫩😋😋 只係骨既部分都唔少，切得好啲攰😵整體食物幾好，環境都坐得舒舒，係張枱細左啲，4人枱放2-3個餸已冇位，都好適合朋友/家人聚餐既地方。

抵食喎，$88-138係星期六日有湯，包，沙律同小食，一個主菜而且仲有飲品都吾錯，我地個人叫左咁多野食每人好似$105左右其實都有7成飽添，味道質素一半半啦，都整體可以。這間坐得都舒服但一定要訂位先得，因為我地2點去到都有人係出面要等位。薯條夠粗又夠熱但脆就吾太覺啦，份量都可以且上面仲有芝士添。蜆肉意粉味道偏淡但意粉都幾有口感。牛扒薯條的牛肉味道吾錯而肉都夠嫩滑但薯條堅吾得炸得太耐完全吾似薯條得個脆同硬，吾得。雞肉南瓜沙律味道十分好味又大份添！～南瓜甜甜地吾錯而沙律都新鮮，雞肉份量都夠而吾係硬口感。軟殻蟹粟米飯，軟殻蟹偏淋麻麻地，粟米飯好香而煮得剛好好味。豬扒薯蓉，豬扒厚身而口感好，薯蓉口感吾似粉開出黎都OK。奶油松露意粉，這個意粉好香而奶油口感勁所以好滑身，比蜆肉意粉更好味但冇咩配菜係度就差點。飲品吾得係有失望，奶茶和檸檬茶都吾好有希望。

因酒樓太多人，所以選擇嚟呢間食西餐。 味道不錯，份量是可以。 但服務態度極其差，侍應黑口黑面，不知道是否我們人太多，所以放食物係有些困難，當叫放另一邊時，態度極為不滿。叫他們幫忙影相時，他們是有幫忙，但語調顯得非常不願意。因我們張枱近出食物通道，走時，我們站着穿外套，但突然有個男侍應大聲呼喝叫我們唔好阻塞通道。其他食客都聽到， 我地即時有表現不滿，但他沒有道歉繼續去派飲品給其他客人。 因沒有經理在場，所以不能即時作出投訴。 所以不會再有下一次了。

A nice leisurely brunch on a Sunday at Brooklyn @moko Starters inc mushroom soup kale salad croissant bacon, main course of beef ribs with string fries and a porkchop with mash.Ribs were tender and delicious and the porkchop thick cut and juicy.

一班朋友假日聚會午餐Brooklyn 位置都幾方便 一出地鐵入商場上lift5樓開門就到了一入去就比近窗既位置吸引 好光猛 可惜只有4人枱 岩岩我地5個人就坐唔到了 待應安排左門口既長枱比我地 除左近窗既位置較光 其他位置都好暗,影相都唔太滿意假日Menu我地揀左：1) Fish n Chips $1282) Creamy mushroom spaghetti $783) Barbecue shrimp salad $1184) Maize crab Risotto $1185) all day breakfast $138每樣都好味 除左蜜餞燒蝦沙律 太乾其餘既 軟殼蟹燉飯 all day fish n chips 都好正每個set 都會配頭盤：自家醃三文魚沙律（可惜揀錯沙律菜太硬），蘑菇湯或蕃茄湯，牛角包同推介既一口厚切煙肉 好juicy !!!& 餐飲呢個價錢非常抵食！加1 total$638 每人$128

地方太細，四個人逼在一張圓台，十分擠擁。剛巧隔壁有一群人坐在長桌上，非常大聲地說話，好像是在演講一樣，實在太缺德。食物份量少、質量差，廚藝粗糙，羊扒更是燒焦的，但價錢卻相當貴，物非所值。要了一個200多元的海鮮飯，竟然只是幾隻蝦及帶子，兩隻青口和兩隻小龍蝦，另加非常稀的湯和大約一小碗的飯。最匪夷所思的，是服務員放下了我們沒有點的食物，隔幾分鐘後，回來不問由來，一手拿走桌上的一碟食物，只說拿錯了。換上另一份，亦沒有問過我們吃過沒有，更沒有道歉。吃完晚餐，還要到下面food court 食碗麵才夠，實在荒謬！為什麼我不再加點食物？因為對這餐廳已經完全失去信心。😡😱

本月是老公生日，朋友同佢慶生，諗到吃咩係最頭痛的，由於朋友有小朋友，所以要考慮埋坐得舒服，又唔迫。打去餐廳訂位，意外的已經問定要唔要bb凳。當晚去到，發現除左bb凳，仲有兒童餐具，氣球，仲有填色紙，bb一見到十分hyper, 完全乖乖坐係度，呀爸呀媽有啖好食。今次我地點左4 個餸，海鮮salad, 燒牛扒配黑松露薯條，黑豚肉豬同埋炸雞。 雖然我覺得份量就細d, 但味道好好。特別係黑豚肉，有肉汁，又嫩，炸雞香脆，就算見到人地食評話好薄的牛扒(可以已經有心理準備) 上枱後我覺得比想像中好，唔係真係咁薄，咬落有口感，又淋。最好的係我地吃完都唔會趕我地走。很好的服務態度。

14Days Homemade Bacon Steak 7oz聽個名有啲得人驚"Bacon Steak"...會唔會係一舊厚又肥的煙肉呢!.上枱時...咦! 又燒幾靚喎!30% apple-wood + 70% mesquite house smoked 煙豬腩肉用蘋果木煙燻後, 食落真係帶有微微的蘋果🍎香味整塊煙豬腩塗上厚厚蜜糖烤, 豬腩肉本身唔係好肥, 肥瘦心例大約係3:7, 而且烤過後的肥肉唔會好油, 仲帶有油脂的香味...非常好食

是日係12月23號，放4日連假前，又點會放過呢個goooood Friday! 第二次來食野，仍然係飽覺得呢度嘅悲勤好好食! Bacon 肥肉40% 瘦肉60%, 燒得好香，好有木香味，配手工啤酒真係一流! 另外叫左一個蝦wrap, 軟殼蟹risotto, chocolate browne, 都屬於係一般。悲勤悲勤，我真係好愛你!!