漢堡王 (Closed)

因為有e-mail coupon 既原因, b泡魚和相公決定買完lomo, 就由上環行去金鐘呢間burger king 食晚餐唷~~coupon 係買一送一, 仲要指定要買一個whopper 餐, 再送39蚊以下既餐, 本身相公想食某一個有bacon既包包餐..但b泡魚一定食唔晒整個whopper 餐, 於是..我把個whopper 加了bacon 而我自己食了whopper jr. 既餐了...這一餐味道還可以, 水準無以前咁好味了...但一定係抵囉...因為有...coupon~!

下晝同一個朋友行金鐘廊，行完就走既時候見到開左間Burger King，一行二人就去試，點知有買一送一既優惠，$39買一個Whopper餐送多一個餐，真係好抵同行中得我一個食過Burger King，我之前喺灣仔試過Whopper餐，好正好好味。所以今次決定試呢個promotion。估唔到夜晚都有唔少人食Burger King，可能係個優惠既影響掛…等左唔夠十五分鐘就有得食，叫左一Whopper加一個雙層磨菇芝士餐，全部都cut一半，方便食~講下先:Whopper:我冇食，不過朋友話好正!!雙層磨菇芝士:我反而覺得呢個好過Whopper，食得出D芝士係靚野，食既時候D芝士係半溶狀況，好新鮮，不過D肉冇Whopper 既肉juicy，磨菇可以再多D~~同Whopper比細左D……薯條:比老麥好好多，如果加埋pepper就一流，但係唔知Burger King有冇pack pepper供應呢…下次一定要問下先得~整體黎講真係好好食``朋友都係咁話，環境幾好…有梳化同窗邊位坐，分量對男仔黎講岩岩好…要食都係約埋三五知己去食，一邊傾計一邊食都幾好~~另外一提…cashier既員工服務唔錯，成個氣

八月六日(星期四)老公之前send了張burger king買一送一coupon,立即引起department極大迴響!有部份同事已經早在星期一去試了!當時coupon還未周圍傳,所以人不太多,但是直至昨日已經很多人了!由12:30等到1:15!所以今日我們一行8人,部份早點去等位,排隊分工!可是到1:15才有得食!不過我們的time cost(在lunch時)不高!所以都可以等等的!我要了wopper 餐!包很大個!鬆軟!而有生菜,salad,還有我不吃的蕃茄,青瓜!我是分層吃的!牛肉都不錯!比麥記好!而且很大塊!還有我喜歡吃的洋蔥圈,很香口呢!老公要了雙層煙肉芝士漢堡!不過包就比wopper小!老公應該不夠飽呢!所以我分了一半的牛肉絡他!而薯條都不錯!比麥記的新鮮呢!!!!不知道買一送一過後,此店的人流會怎樣,因為此終比麥記貴呢!沒有coupon我們也不會來!因為四十元我們會選擇吃點比較清的東西作lunch!

中午時份叫咗個華堡餐, 薯條轉洋蔥圈,對上一次食burger king 係响機場(早餐),一直都無機會試下個洋蔥圈~印象中小時候burger king 既洋蔥圈係較依家既大個小小,入面有原條洋蔥,今時今日既係小圈, 質感硬, 完全食唔到有洋蔥, 洋蔥味都唔覺有。至於個飽, 肉無牛肉味, 最令我接受唔到既係, 菜同蕃茄令我一路食個飽, 一路有好多水, 混和埋入面既茄汁、沙律醬既水係咁流出黎, (無錯,混和埋醬汁而流出黎既水都係好多水)令到個包好濕, 叫得呢個價, 平過佢而做得好過佢有老麥,大把小店, 貴過佢小小都有大把~應該唔會有下次囉~

5/7/2009 (星期日)啱啱係金鐘太古廣場行完街，跟住要去中環，於是由金鐘廊行去美國銀行中心落中環，經過美國銀行中心時見到 Burger King 的廣告牌，原來剛剛開了一間分店，於是走落去 Ground Floor 八下，新店環境整潔，近窗口係梳化位，坐得比較舒服，星期日下午唔係太多人，我揀咗窗口位坐，順便叫咗一個小華堡套餐試下：小華堡：Burger King的牛肉宣傳係百分百爐火燒烤，食落果然係比 M 記好食好多，非常美味，而且仲有大大片的生菜同蕃茄，食得健康d，唔怪得最近分店越開越多。薯條：係同 M 記一樣粗幼的薯條，新鮮熱辣而且炸得香脆，好好食。

剛開業lunch time好多人排隊,我地幾個等位;幾個排隊買野食,都夠時間慢慢食。有侍應向客人派menu,可以預先諗定食咩。有一外籍人士,見我地未有人坐落黎,佢硬要坐,話我地未買野食,店員也無奈對我地說,幫我地加櫈。鱈魚柳華堡餐,同事說都ok,不過我覺得鱈魚腍左d(M記好d),醬汁幾好食(BurgerK好食d!)粗薯條好好食,食到即炸薯條,流量快才可做到!(4/7/09)早餐$25：豬柳牛角堡、火腿牛角堡,與同事share,失望牛角包,因為一點也不酥皮,牛角是角對角,圓形包,跟本可說是漢堡包的麵包。兩者,豬柳好食d,惹味d,火腿太咸了。脆薯球,細細粒狀,會比薯餅脆,味道淡少少。Lavazza coffee 唔好味,咖啡好薄,輕微酸味,沒有飲晒。食完整份早餐,竟然唔係好飽ju wor~

上星期聽朋友說, 美銀開了間 Burger King, 嘩! 係呢一兩年內, Burger King 真的是越開越多, 睇黎呢次捲土重來, 真係想係老M, 老K, 搶返一席位. 美銀不嬲都好隱蔽, 人多但始終有限. 所以排隊永遠都不會太辛苦. 這家 BK, 是 open 式設計, 地方雖少但一點都不覺迫夾.大大個華堡包一定食不下了, Double Burger 亦感覺太大, 都是叫下簡單的 Mushroom Swiss 好了. 其實, 最欣賞的, 始終是BK塊牛肉. 肉味十足, 而且帶有一定的鮮味. 若不是繁忙時段來, 即叫即燒時, 味道更佳, 而且薯條比起老M香脆, 亦是薯仔原味, 沒有添加.而家不再懷念Burger King了, 因為, 已經有一間係左近.

終於等到 Buger King 在美銀開門呢。環境幾 open 同舒適。因為佢 d 飽都幾大個，所以選了最 basic 的蘑菇芝士飽餐。原來加 $2 可以轉健康工房竹je椰子、山渣蘋果、Bonactive等飲品。太好了，唔洗焗飲汽水！薯條幾脆，好過麥記的。個芝士飽亦都好 juicy 呢。一定再翻兜。