保家山 (Closed)

.‼️❤️ 記得CLICK我PROFILE關注我呀 ❤️‼️.🍔 YᑌᗰᗰY ᗷᑌᖇᘜᗴᖇ @ 🌟 保家山《👽食神大媽食西餐》.💁‍♀️ 圖片展示美食為：Burger Set 🍔- Wagyu Beef Burger with Blue Cheese Sauce HKD 108 🧀- Korean Pork Burger with Kimchi Sauce HKD 98 🐷Spicy Chicken Wings HKD 38 🐔.👽 大媽聽人介紹話觀塘開左手工漢堡專門店，同區好似唔多呢類選擇，一於黎探店。.👀 原來呢度係主打優質手工漢堡，有牛有豬有雞仲有素嘅漢堡多種選擇。每一款都係配套餐，又有薯條又有汽水好抵呢！🥤.🍔 今次大媽就選擇左特別嘅藍芝士口味，同埋韓式辣豬口味。肉質當然係鮮嫩好味啦，話晒手打喎，但係連個包本身都要讚下，好好味呀！😋.🍟 而配搭嘅薯條，肥嘟嘟脆卜卜，仲有三種口味可以選擇，牛油、紫菜、麻辣，真係好貼心。🥰.🐔 漢堡以外，大媽見到有單骨雞翼，即刻心心眼要試吓。超級惹味，呢個價錢已經有好多條，好低呢。.🌞 大熱天時喺工廈尋幽探秘完，嚟呢度食嘢歇息絕對係好選擇呢。.‼️❤️ 記得CL

環境舒服乾淨，枱與枱之間不會太密，店員親切有禮。山葵和牛漢堡$98（連汽水、紫菜薯條）漢堡juicy，山葵配搭漢堡非常夾，仲有紙袋包裝，防漏汁，可見店長的細心💛Blue cheese 和牛Burger $108（連汽水、沙律）😋芫荽特飲好特別，味道清新又勁解渴，好飲。紫菜薯條超好味物量，而且份量適中。蘑菇忌廉湯 $26超抵章魚燒外脆內軟$36（6粒）真心推介，Burger不二之選一定會再來💪🏼💪🏼

工廈burger，藍芝士和牛漢保，藍芝士水狀，芝士味濃偏鹹，和牛漢堡肉味都俾遮蓋晒，肉同包微熱，滿中不足。薯條有驚喜，紫菜薯條夠熱，香脆，加埋扭文薯條，好睇好食。總結，食物味道ok，價格合理。

保家山餐廳裝潢喺簡約工業風，以水泥牆身配搭木系家具，放入特色擺設，環境舒適寬敞。餐牌主打喺漢堡，另有沙律🥗、薯條🍟、小食同飲品🥤。我哋點咗2️⃣個手工和牛漢堡餐，配薯條同汽水。💙''藍''手工和牛漢堡🍔， 配紫菜薯條同津露烏龍茶 $108手工和牛厚肉又juicy，''藍''指藍芝士醬汁，醬汁夠creamy而且味道濃郁，配以紫洋蔥、蕃茄片、生菜，食落口感十足 💯。紫菜薯條~食落有紫菜嘅香氣，薯條香脆可口。🏞️''山''手工和牛漢堡🍔 ， 配牛油薯條同提子汽水 $98手工和牛厚肉又juicy，''山''指招牌醬汁，醬汁夠惹味，配以紫洋蔥、蕃茄片及生菜，口感豐富😋。牛油薯條~食落有濃郁牛油味道，好味道!

今次係第一次食，因為朋友見到係手功和牛漢堡話想試下。我叫咗個招牌和牛漢堡，而朋友就叫咗個藍芝士漢堡，仲買咗麻辣薯條同埋單骨雞翼。每一樣都好滿意。塊漢堡食得出係自己醃過嘅，同出面唔同，好味得嚟又口感，充滿肉汁，一啲都唔會乾唔會硬。而朋友都話個藍芝士醬好好味，一啲都唔臭，同塊和牛漢堡仲出奇地好夾！最有驚喜係個麻辣薯條，真係有種「麻」味，唔使點醬都好好食！睇得出呢間唔係馬馬虎虎咁求其整，絕對會想返嚟試其他口味嘅漢堡同小食！

觀塘工廈內有間簡約工業風嘅漢堡包專門店-保家山佢地嘅漢堡採用澳洲和牛同埋美國安格斯牛手工製成，非常高質小店仲出咗個芫茜漢堡啱就晒我呢個#芫茜控 😋漢堡勁多芫茜，牛肉厚肉味濃仲好juicy添跟餐我仲配咁個健康沙律+汽水，每份$98好夠牛味嘅 - "山" 手工和牛漢堡 配麻辣薯條 + 汽水 $𝟿𝟾兩種牛肉打成和牛漢堡質感結實肉汁豐富，仲好惹味添😋個麻辣薯條一定要highlight, 濃濃嘅麻辣花椒味！熱辣辣又好脆，絕對回味無窮另外叫咗個芝士紫薯波波脆皮熱辣辣，紫薯甜甜地超好食，咬開仲可以拉絲添呀😍呢個小食要推介呀👍

💛保家山💛係良心小店，主打手工和牛漢堡🍔，質素高，價錢平，性價比高，值得支持！💪🏻所有漢堡套餐都包埋汽水🥤、薯條🍟或沙律🥗！🍔招牌醬汁手工和牛漢堡$98🍔傳統醬汁手工和牛漢堡$98不得不讚 😍佢哋嘅手工和牛漢堡扒係好厚身，牛肉味濃，勁多肉汁，肥瘦比例均勻，好味道呀！推介！招牌醬汁及傳統醬汁都同整個漢堡好夾，好滋味！🌶麻辣薯格薯格炸得好香脆，麻辣味原來同薯格好夾，麻辣味仲要有後勁，無得輸呀！

觀塘駱駝漆工廠大廈的樓上食肆真係多到食極都試唔完 ⋯⋯ 始終兩三個星期先至來一次，有部份餐廳未試過就已經轉了手。汰弱留強，可以生存下來的一定有其出色之處。今日又來試一間去年年尾才開業的漢堡包店。餐廳個名明顯玩食字，「保家」諧音「Burger」。始終係工廠大廈單位，駱駝漆大廈內差不多所有餐廳都會在門口放置一個易拉架，以吸引客人注意，「保家山」也沒有例外。細心留意會發現餐牌上的漢堡包名字相當特別之餘，還刻意標注了正統的廣東話羅馬拼音；餐廳老闆似乎非常尊重廣東話文化。室內裝修簡約，有濃厚工業風；既配合駱駝漆工廈的本位，亦較工廈的其他餐廳來得特別 ⋯⋯ 要不是裝修簡陋，就是同一間普通餐廳沒有大分別。長洲包山聽得多，保家山模型還是第一次見。如果有實物，應該相當震撼。以快餐店經營模式，先排隊買飛落order，然後坐低等訊號，再自己出去取餐。排隊時發現原來更新了餐牌，多咗幾款漢堡包，有豬、有雞、有素（大啡菇），當然以牛為主，有五種不同口味：”山”、”葵”、”藍”、”傳統” 及 “芫荽”。標榜採用安格斯牛及和牛混合製成的漢堡牛扒，既有安格斯牛的濃郁牛肉味及咬口、又有和牛的油脂及軟滑，係相當聰明嘅漢堡牛

今日跟觀塘友搵食，佢帶我黎呢間係工廈的漢堡包專門店，主打手工漢堡包🍔，環境很不錯，空間感大令人沒有焗促感覺。漢堡包餐是跟埋汽水同薯條/沙律的。🍔手工和牛漢堡 （藍芝士醬汁）漢堡包煎得很香夾微脆，而且份量充足，餡料有蕃茄、生菜片、紫洋蔥🧅，厚身的漢堡扒，配上特製醬汁，真係人人食過笑哈哈。🍟麻辣薯條點了比較特別的麻辣薯條，麻辣味很足，真係正，炸得酥脆可口，喜愛麻辣的朋友真係要試呀😽。🐥唐揚炸雞塊 唐揚炸雞🍗炸醬薄，咬落肉嫩多汁，質素很不錯👍。🍠🧀紫薯芝士球香口食物真係食唔厭，仲要係紫薯併芝士，睇個樣就知佢咩料啦！🥫香草蕃茄濃湯（微辣）溫度剛剛好，蕃茄湯好足架料，飲到有番茄🍅籽跟香草味道，微酸帶小小辣都幾特別。

再訪呢間手工漢堡店親民價錢又高質素，絕對值得再三嚟食喔！套餐包有薯條/沙律+汽水（樽裝茶+$4）CP值好高呀👍🏻除咗漢堡，佢地嘅湯都好高質推介大家試吓呀💛-🍔"葵"手工和牛漢堡套餐（$98）漢堡層次豐富，非常吸引呀🤩和牛選用咗澳洲和牛配穀飼安格斯牛咬落肉汁豐富，牛味濃郁配上wasabi 醬汁，惹味得嚟又唔會太攻鼻喔！🍟紫菜薯條新鮮熱辣即炸，咬落酥脆香口撒滿紫菜，非常好味😋🍔“釜”韓式豬肉漢堡（$98）呢款fusion 漢堡有創意又好食😋配料有韭菜、洋蔥、豬肉、生菜泡菜醬汁香辣惹味豬腩肉肥瘦相間，經過高溫烹調口感有小小似煙肉🍟麻辣薯條推介鍾意食辣嘅朋友仔必試❤️麻辣有致，但唔會太嗆喉愈食愈上癮呀！🍄忌廉蘑菇湯湯頭濃稠適中，無添加麵粉真材實料之作！入口啖啖都有蘑菇蓉推薦大家試吓呀👍🏻🍅香草蕃茄濃湯（$22）呢款湯非常有特色...香草同蕃茄味濃郁後勁帶有黑胡椒嘅微辣🌶而且每啖都食到有蕃茄蓉同蕃茄皮更添口感喔 💕P.S 醫護購買任何一款漢堡套餐可享85折

經過觀塘工廈見到這間光猛簡潔，專營漢堡小店便試試店員推薦招牌~"山"手工和牛漢堡配麻辣薯條和汽水漢堡配料就如小店佈置: 簡單&實在蕃茄、紫洋蔥、生菜和醬汁，每樣材料亦非常新鮮配搭美味自家醬汁，漢堡質感和味道亦比很多大店出色，而且沒有油膩感，非常欣賞🍔🍟😋👍特色麻辣薯條又是另一驚喜，夠麻夠辣，而且很香，最重要外面脆卜卜裡面又唔乾看似簡單的出品，才吃得出小店用心主理💖👨‍🍳

去開觀塘工廈買野，就到lunch 時間就去左呢間好有特色都既一間保家山漢堡包專門店，主打手工製漢堡包，選用澳洲和牛和美國安格斯牛肉及有嫩雞漢堡有韓式豬肉漢堡或嫩雞漢堡或和牛漢堡仲有多款湯及小食選擇採用水泥牆配木枱凳，店內環境寬闊仲坐得好舒服亦有吧枱座位供客人堂食薯條有三款口味選出紫菜味薯條牛油味薯條麻辣薯條平均由 HK $96 至 HK$108 套餐每份漢堡跟餐會配上薯條及汽水嫩雞漢堡配傳統醬汁 $96配了牛油薯條牛油薯條炸得香脆入口仲熱辣辣炸得香又黃金色而入口嫩滑的既雞肉同醬汁完全唔覺得會油膩，配上新鮮生菜更有風味手工和牛漢堡配招牌醬汁$98漢堡配以自家製既原創醬汁加埋新鮮爽口生菜好夾最喜歡就係個特製醬汁連埋包食滲入包中好滋味和牛味真的濃郁，而肉質豐厚又多汁保家山 Burger Saan地址：觀塘開源道60號駱駝漆大廈三座5樓O室

突然心血來潮想食burger，朋友就推介左呢間burger店😍😍小店位於觀塘駱駝漆，主打本土風味手工和牛漢堡～～裝修走簡約工業風，環境舒適，仲有好多打卡位🤩🤩🍔「藍」手工和牛漢堡 $108✨🍔「山」手工和牛漢堡 $98✨我地叫左2個和牛漢堡餐，分別在於一個係招牌醬汁，一個係藍芝士醬～～burger好足料，裡面有漢堡扒、蕃茄、生菜同洋蔥，口感豐富😋😋佢地既漢堡扒係用澳洲和牛同美國安格斯製成，咬落好厚實，好有牛味，同埋都好juicy！！藍芝士醬就好濃芝士味，酸酸地幾開胃🤤🤤招牌醬汁係自家製，味道鹹鹹地，都唔錯👍🏻👍🏻跟餐會有薯條同汽水，薯條有麻辣/紫菜/牛油味可以揀，我地揀左紫菜同牛油味🙆🏻‍♀️🙆🏻‍♀️因為係即叫即炸，所以都好香脆同熱辣辣😋😋紫菜味好香口，牛油味就甜甜地～～下次會想再黎試埋其他❤️❤️

位於觀塘工廈駱駝漆大廈入面，有一間漢堡包嘅專門店，主打香港製造嘅漢堡包，當然要支持下。喺中午繁忙時間好多附近工商廈嘅人士過嚟食漢堡包，幾受歡迎。「山」手工和牛漢堡和牛漢堡用咗兩種牛肉手打而成，包括澳洲和牛同美國安格斯牛，牛肉味濃，肉汁豐富，口感紮實，食落唔油膩，加埋飽滿自家調製嘅招牌醬汁，令漢堡更惹味。另外蕃茄丶生菜丶洋蔥，咬落幾fresh 。除咗有和牛漢堡，仲有雞肉嘅漢堡嫩雞漢堡配傳統醬汁，雞肉口感鬆脆，雞汁飽滿，配埋生菜味道好清新。唔油膩之選。女士如果覺得牛肉太大份，可以選擇嫩雞漢堡。紫菜薯條套餐包左薯條及汽水，呢度薯條有幾種口味選擇，我揀咗紫菜味薯條，食落酥脆香口，薯條表面嘅紫菜好多，勁惹味。健康沙律套餐除咗薯條之外，有沙律可供選擇，沙律菜夠晒新鮮，份量多，有多款唔同嘅菜，加上香口嘅橄欖油，食咗唔怕有罪惡感，健康人士之選。

🍔高質手工和牛漢堡🍔推介指數 ❤️❤️❤️❤️❣️位置於美食工廈駱駝漆竟然有手工和牛漢堡！仲要係由五星級酒店廚師主理，手工漢堡足料厚肉、漢堡用上澳洲和牛同美國安格斯製成，絕對有誠意。每款漢堡餐均可以自由選擇主角漢堡飽、薯條同汽水！漢堡包配搭homemade嘅醬汁份外惹味！除咗和牛漢堡，都有豬肉、雞、素啡菇，總有一款啱嘅！🍔「藍」手工和牛漢堡即係和牛漢堡配上藍芝士醬，芝士味道濃郁，和牛漢堡夠哂份量，食落牛肉味極濃且有牛脂又唔膩！🍟牛油薯條粗薯條卜卜脆，有淡淡牛油味，好好食！漢堡同薯條都係即叫即製，新鮮熱辣辣，好好食！裝修以簡約工業風設計，整體環境寬敞，坐得舒適！總結：-食物 ❤️❤️❤️❤️❤️環境 ❤️❤️❤️❤️❤️服務 ❤️❤️❤️❤️🤍.··餐廳：保家山 (觀塘)地址：觀塘開源道60號駱駝漆大廈三座5樓O室