Burgerman (欽州街) (Closed)

我和他 終於也挨過了彼此的忙碌日子可以見個面 吃個包簡單的一頓晚餐 勝過千言萬語❤️·這包子 我也吃過了數次大角咀店 深水埗店 通通嚐過了還記得第一次吃 點了個巨巨的至尊還有和牛、藍芝士的款式滿足到芝士控、牛肉控的癮·兩個悶蛋 一個偏愛魚柳 點了個漁夫之堡一個偏愛傳統 點了個經典招牌不花巧 平凡卻出色尤其 招牌的牛肉漢堡 賣相比較之下算普通 但煎香的牛肉漢堡 肉味香濃 一口咬下肉汁嗶出 沾濕了臉蛋 是的 我狼狽 但它肉汁滿滿的確很讚❤️·但要留肚子 品嚐別的街頭小吃只點了一份套餐 薯條滿滿 香脆可口 再啪罐汽水 呵一呵胃氣爽😌

經常係深水埗附近行過都見到呢間漢堡包，之前同朋友係大角嘴食過都覺得好好食，今日見到好想食，同朋友一齊去食，宜家只做外賣決定買外賣返去自己家食，見到漢堡包選擇幾多呀，薯條種類都幾款。～和牛漢堡 配 番薯薯條 和牛漢堡一咬落去肉汁爆哂出黎，個麵包好鬆軟，底層仲要有啲菜，食落去好清新。番薯薯條 熱辣辣好脆。～鵝肝安格斯牛漢堡包 配洋蔥圈最面層有一大塊鵝肝，再配合安格斯牛入口即溶，仲要有滿滿嘅芝士，好正。洋蔥圈新鮮熱辣，好香洋蔥味。

而家啲餐廳賣好少少既burger都要百幾蚊，呢度60幾蚊都有🤩加$20就有薯條/格配汽水.漁夫之堡 $69成日食burger 都食牛肉，今次想食清少少就揀左魚burger (雖然都係炸🤣) 門口有好多人等緊，我都等左一段時間先有，因為真係即叫即炸！成個包好大個，魚柳大大塊又香脆，魚肉嫩滑，仲有千島醬同他他醬同芝士，一啖食落去好rich!.薯格連汽水 +$20薯格好大份，超熱超香脆🤤炸到啱啱好又唔會乾身。成個餐好大份，女仔係唔會食得哂🤣

店舖比較細只有四個座位，咁我哋就等咗5分鐘就有位啦今次叫咗和牛漢堡($88)，侯斯頓BBQ漢堡($69)任何漢堡加$20就可以轉套餐，套餐可以揀有皮薯條或薯格及汽水一罐另外加咗一款小食炸洋蔥圈店舖比較細只有四個座位，咁我哋就等咗5分鐘就有位啦今次叫咗和牛漢堡，侯斯頓BBQ漢堡任何漢堡加$20就可以轉套餐，套餐可以揀有皮薯條或薯格及汽水一罐另外加咗一款小食炸洋蔥圈和牛漢堡相對地比較淋，而且肉汁比較多，有好香濃嘅牛肉味。侯斯頓BBQ漢堡就比較有咬口，因為佢嘅漢堡扒唔同和牛漢堡一樣咁淋同多汁，佢就額外加咗煙肉同埋醬汁，口感更豐富。我同朋友都覺得洋蔥圈好食過薯條，炸到脆卜卜，點埋個醬，冇得頂！

唔知香港有冇人同我一樣咁鍾意食burger呢🤤🤤？之前同大家試完Honbo，今次就同大家試吓位於深水埗嘅 Burgerman😋😋😋！Burgerman 店舖環境唔算好大，最多只可以坐10個人左右，所以佢都係主力做外賣生意，但係佢堂食質素亦都唔差。今次叫咗個丹麥藍芝士漢堡，芝士味都非常之濃，亦都好重肉味🐮🐮，漢堡入面呢亦都有洋蔥同埋一大塊生菜，所以絕對唔會覺得過分油膩！佢同時間亦都有沙律，成個口感好清新，亦都可以中和返牛肉同芝士嘅油膩感，做得非常之好。喺度推薦比大家試吓。

丹麥藍芝士漢堡，這配搭實在太好吃了🤩 藍芝士放在煎香了的漢堡扒上呈半溶狀態，味道超級濃郁，卻沒有蓋過美國安格斯牛肉的味道。牛肉、芝士也很濃厚，重口味的一個漢堡，超正🤤 麵包皮烘得脆脆的，夾著蔬菜一起吃，多了爽脆口感😎 加了$20配薯條和可樂，薯條的份量多得誇張，還要是有皮薯條，識食就知好味😎黑松露和牛漢堡，menu上說是用榖飼120日的澳洲和牛呢！但這塊和牛已被邪惡的美國芝士完美覆蓋，見不到它的真身🤭 食落發現這個牛味再重一點，而且口感較軟身，滋味十足。而賣相扁身的這個漢堡配料也不少，除了芝士和牛，還有黑松露醬、磨菇、煎蛋、日式芝麻沙律，用的是青豆苗，草青味較重，帶來清新味覺。

見呢排疫情冇咁緊張終於可以出下街食野今次食下burger其他不嬲都有去開burgerman貪佢大件夾抵食而且交通方便坐地鐵去深水埗站步行三分鐘就到食完仲可以去行下黃金睇下野我好鍾意佢個開放式廚房整緊咩野食都一目了然衛生有保證老公叫左至尊漢堡加薯條餐 塊漢堡好厚肉 咬落好嫩滑仲好重牛味添呀中間仲有好多蔬菜成個包好厚好高呀而我就叫左漁夫之堡 魚柳好大塊呀炸到外脆內嫩雖然感覺熱氣 但我真係忍唔住呀成塊食曬呀佢個田園沙律好清新岩岩好balance 返冇咁熱氣👍🏿👍🏿

位於深水埗的『Burgerman』 佢地出名#Handmade #burger聽聞佢地個意粉都幾好味 尤其係肉醬意粉 〔期間限定〕 所以我今次無試到🥺黑松露和牛漢堡 $98 加炒蛋 $8 配套餐 $20肉汁豐富🥰切開漢堡嘅時候啲汁流晒出嚟🤤增加左食慾食落都好juicy💦黑松露醬味道都好唔錯 唔會比和牛的香味掩蓋哂加埋隻流心蛋💕一切落去就feel到好有心咁去整 味道幾夾到薯條的部分 係香脆乾身又唔油膩 加埋有少少的秘製粉 食落超match😻 和牛漢堡 $78 加炒蛋 $8 呢個係平價之選👍🏻 同黑松露和牛漢堡分別唔大 肉汁都非常豐富💋而且店家為咗唔好太過單調 喺上面加咗啲脆脆👅不得不提 個芝士係可以拉到絲🥳仲有個包 都好有心思炸到外脆內軟 有啲似豬仔包 超好食🤤水牛雞翼 $38個人覺得雞翼麻麻，除非你好鍾意食雞翼，如果唔係可以唔使叫！P.S 身為吃貨的我，有個小tips同大家分享這個小店子只收現金，要同女朋友去食的男士 記得要㩒錢先😉

雖然鋪面唔大但因為出面唔係大馬路亦唔太人來人往我就一個人食 坐bar枱我覺得都幾chill本身我喺菇burger同漁夫之堡之間決擇不下燒大菇漢堡其實我之前食過就係覺得好食好香之餘 又唔會太heavy 之後可以再食得落啲小食但一場唻到我又想試吓其他包小朋友才做選擇我就揀漁夫包之後再加$20夾個燒菇落去魚柳真係同食開嘅魚柳bell有分別架魚柳新鮮起上唻 個醬就自然唔洗咁濃芝士香啲生菜新鮮啲 加加埋埋即刻已經好唔同逢見餐廳水牛城雞翼我都會試因為每間餐廳都有唔同recipe個味都唔同呢間就整得幾開胃炸得幾脆咁

收工同左老公去公司附近食野一見到餐牌就比至尊漢堡吸引住因為佢份量係好大2塊大大既漢堡扒係手打漢堡好多肉汁，手打既漢堡好鬆軟好有牛味 好香是極高水準啊手打漢堡就係唔同一般既漢堡仲有厚厚既蛋中間仲有夾蕃茄同埋菜另到佢更加有鮮味煙肉中和返知漢堡包所有味道都剛剛好唔會淨係得一種味道好突出食得出每種材料既味道另外 薯條都有驚喜老公話係連皮薯條係高質薯片 唔係普通出面既粗薯外脆內軟我老公會讚既薯條真係唔多堂食係立食的無座位不過就好貼心放曬紙巾同手套快快食完晚餐仲可以行街

Bookmark左好耐嘅burger，今次黎深水埗分店，入面都幾細下，店內只有幾個座位，見到啲客都係買外賣多，等我今日黎個速戰速決快食burger先🤣..⚠️加$20 combo 薯格/薯條/沙律同罐裝汽水.◾️至尊漢堡 • $90一早睇定呢個咁豐富嘅配搭，所以已經諗左係佢😹有雙層安格斯牛肉漢堡🤤🤤、煙肉、雙層芝士、煎蛋、蘑菇、炒香洋蔥、蕃茄，牛肉漢堡只有簡單調味，能夠食到最原本嘅牛肉味，肉質厚實唔會鬆散，炒過嘅洋蔥帶出左佢嘅甜味同香味，加上半熔狀態嘅芝士，令成個burger更加香濃，咁厚嘅burger 想一啖食晒所有配料都有啲難道！薯格炸得非常酥脆，唔係油淋淋果啲，份量多到完全食唔晒😱食完真係超級大滿足🥰​

朋友日講夜講好好味既Burger Man ，今日我終於有機會試到啦！仲要係黃店😍又有良心又高質既小店！Burgerman雖然舖位唔大，只有企位，但係係度企住食都舒服，因為一黎多數人都外賣走，自然有唔少空間比你慢慢食，佢仲有冷風機，一路食都好涼爽，呢度既配套都好足，有手套，又多紙巾，消毒用品都有，食得好舒服，有手套真係大大加分！真係方便好多～今次我叫左個$69水牛城雞扒漢堡，加$20升級做餐，有薯條，仲有餐飲，再加8蚊就有津路飲，埋單$100都唔洗，但味道就超正！！！正過好多200蚊件既漢堡😍水牛城雞肉漢堡，雞肉好滑，有口感，有彈性，加上水牛城醬，仲有芝士撞埋一齊，不得了！口感、味道一流！勁惹味，又多汁，真係好好味，超有驚喜，食到我都要加入我朋友既吹奏行列😂薯條即炸又連皮，又係好好味，超好味～好滿意既burger 店！😍

深水埗呢間黃店burgerman真係每隔一排就好掛住，因為真係好味到令人回味，食親其他店既burger，就會拎burgerman出黎比較，始終都係burgerman正😂今次再黎burgerman，我又揀新既包食！今次揀左侯斯頓漢堡，好似都好吸引，再加20有沙律可樂飲～擺盤勁靚🤩好吸引～呢個漢堡好足料，外型勁厚，塊扒大大塊，食落勁多汁！牛味又香，仲有芝士隻味又好出，所有野加埋好惹味，呢度既漢保果然係唔會令人失望，勁好味～沙律都好大份～個醬係比較酸果種，不過我係唔怕酸既，所以都好岩我口味～一定會再再再幫襯！

幾日前和男友逛深水埗黃金廣場，經過面對大馬路的Burgerman，適逢晚餐時間，加上是黃店，晚餐毫不猶豫地選擇了這裏。小店麻雀雖小，不過如果想要堂食的話，還是可以在兩旁地的吧檯進食。店員熱情地向我們推薦和牛漢堡和黑松露和牛漢堡。想了想，最後點了光聽名稱便已經很有吸引力和牛漢堡，另外要一份丹麥藍芝士漢堡，再追加一份薯格和飲品變套餐。餐廳提供膠手套，衛生而且免卻了食完成隻手油膩的煩惱。一個是美國安格斯牛肉，另一個就是日本代表和牛，兩個口味相比，我個人覺得安格斯牛肉與藍芝士的配搭更勝一籌。藍芝士的鹹香配上肉香濃郁而且帶陣陣煙燻味的安格斯牛肉，更加入了番茄增加濕潤口感，非常不錯。和牛漢堡口感比安格斯牛肉牛香會來得更細膩，加入了豆苗，令味道多一份清新感。包塗了牛油煎香，令口感更香口。

我同Friend未入鋪頭眼見覺得細細間，帶有解釋唔到嘅香味吸引到我地入去😃，餐單方面我同Friend叫左兩個餐，分別係：⊰⊹═════════════⊹⊱【漁夫之堡、 候斯頓漢堡】睇個賣相冇乜嘢特別，但咬落感受到蕃茄與洋蔥都好新鮮，可能即叫即整，值得讚👍另外牛味夠重，唔會太韌，跟餐仲有三包茄汁送👍 食完咁好味嘅嘢點少得可樂呀，爽到爆😋⊰⊹═════════════⊹⊱良好事項：消毒洗手液好齊，夠Juice，店內有手套提供。缺善地方：未入門已經有好大陣油煙味, 希望下次再黎時能有所改善。