Burgeroom (美麗華廣場1期) (Closed)

十幾年前食過，琴日再去食，都仲keep到水準，仲多唔唔同款式嘅burger可以揀.今次揀咗個煙肉牛肉burger同埋鵝肝牛肉burger.牛肉漢堡仲keep到水準，肉質好嫩好juicy, 唔會好散，仲好彈身，配埋芝士同埋特別醫，成個burger好香好正好juicy!煙肉煎到好脆身，又唔會太咸，同啲牛好夾。鵝肝啲油落咗去包同埋牛肉嗰到，令到個burger有勁香口嘅鵝肝味，鵝肝都唔會超細粒，鐘意食鵝肝嘅可以嗌個雙鵝肝burger過下癮.薯條係有薯仔皮嗰款薯仔，薯條炸得好脆.最後配埋杯好好飲又唔會太甜嘅荔枝冰茶清一清.

📍Burgeroom 平日晏晝lunch time嚟到，唔多人，我哋兩個人坐得好舒服。餐廳座位闊落，有少少音樂，幾適合可以坐低慢慢傾偈、慢慢食嘢。佢喺QR code落單，可以自選想要嘅配菜、或者想走洋蔥、走蕃茄都可以自己選擇，夠方便。🍄 牛肉漢堡套餐 $115我哋叫咗兩個牛肉漢堡套餐，一個加配芝士（+$10）。佢個漢堡包好厚，好明顯見到佢哋有用牛油輕輕煎過，香牛油味。牛肉充滿肉汁，脂肪同埋肉嘅比例啱啱好，充滿油脂之餘，亦都食到牛肉嘅香味。另外佢嘅蕃茄同埋生菜都幾新鮮。成個漢堡整體幾完整、新鮮，唔錯。🍄直薯條 跟餐跟餐係直薯條，份量都唔少。見到佢個薯條連埋薯仔皮，睇得出佢係逐個薯仔慢慢切出嚟再令佢炸。我鍾意食佢多薯仔皮嘅地方，好重薯仔味。🍄 Cappuccino、熱玫瑰鮮奶咖啡見到佢個Bar枱有部好大嘅咖啡機，已經感覺到佢哋嘅咖啡應該幾唔錯。落單可以客制化，熱玫瑰鮮奶咖啡就免費揀咗少奶同脫脂奶。一上枱有簡單嘅一個拉花，咖啡味道香，咖啡豆都幾高質。估唔到一間漢堡餐廳嘅咖啡，水準都幾高。值得$35加配套餐，連埋薯條同埋嘢飲。📍Burgeroom (美麗華廣場1期) (尖沙咀)尖沙咀彌敦道13

呢間食過好多次了，好耐冇食，呢排想食burger就諗起呢間～仲係keep到水準，大份又好味🥳1- 煙肉漢堡今次試咗一個煙肉牛肉漢堡包，真係好好味。⭐️漢堡包嘅麵包外皮脆口，內裡鬆軟，🍔同牛肉漢堡肉一齊食真係好夾。⭐️漢堡肉烤得啱啱好，表面微焦，入面仲係多汁嫩滑。重點係好大份同好厚！個口細啲都食唔晒～🤩🤩2- 牛油果醬薯條薯條炸得金黃酥脆，上到枱時熱辣辣。不過小心辣親個嘴～。佢個牛油果醬無得頂，勁正，同薯條超夾！配啤酒食下食下就食晒。😎都係嗰句，勁大份，建議兩個人share食～否則會太大份🍻

Burgeroom創立於2007年，是一間主打美式漢堡的餐廳，設於銅鑼灣及尖沙咀，裝潢以工業風為主調，場內佈滿車轆、銀色酒罐、霓虹燈、噴畫和塗鴉等裝飾，充滿man爆金屬感，設計時尚奪目，非常有型。這裡的漢堡款式都好豐富，除了牛肉、雞肉、鱈魚和素漢堡，仲有平時很少見的鵝肝漢堡、軟殼蟹漢堡、吉列廣島蠔漢堡和帶子漢堡等。今次去到尖沙咀美麗華分店，點了牛油果醬芝士牛肉漢堡$100漢堡夾著車打芝士、牛肉、蕃茄、羅馬生菜、自家製醬汁，餡料分佈平均，每口都吃到麵包、醬汁、配料和漢堡扒。麵包佈滿芝麻粒，包身烘焙出外層輕脆的口感，內裡鬆軟有彈性。重量級餡料層層疊起後確實是一口無法掌握，漢堡扒口感扎實爽彈，牛味濃郁。綴以翠綠軟滑，極高營養價值的牛油果蓉，平衡肉食的膩感。香脆鱈魚柳蛋漢堡$100炸魚粉漿金黃鬆脆，裡面包著嫩滑雪白的魚柳，咬下去外脆內軟，充滿蛋香的厚厚煎蛋，配合生菜的鮮脆和清爽得來帶酸甜味的他他醬和千島醬，令人胃口大開。直薯條$35漢堡包配薯條可說是永恆經典配搭，厚切薯條連著薯皮炸得金黃酥脆，肉心軟綿細密。旋風薯條$35呈螺旋形的扭扭薯條，比一般薯條炸得更金黃香脆，而且薯仔味亦非常突出。

食過都唔少 Burger restaurant ，距離上一次食 burgeroom 都有一段時間，所以今日試咗美麗華廣場呢一間入到去，可能啱啱開門嘅關係，一個客人都冇之餘，仲好似有啲死氣沉沉嘅感覺，唔知係因為枱面唔乾淨、地方有塵嘅關係呢？QR code 落單，所有野自助，斟杯水都係自己嘅，冇所謂，都明白餐廳需要cut cost 自己一個食，order 左個classic burger 加蛋，食完之後，連一張濕紙巾都冇，又要走去商場廁所洗手，下次真係不了

食肉獸今晚想食啲好邪惡嘅嘢去咗食鵝肝漢堡同埋邪惡薯條，超級大滿足！Burgerroom係一間歷史好耐嘅漢堡店，選擇好多，仲可以加好多唔同配料！小食都好多選擇，完全係眼闊肚窄！啤酒都有好多款～今晚真係好想食鵝肝⋯先嗌咗一個鵝肝薯餅，將兩樣最肥嘅嘢擺埋一齊，係超級邪惡不過好好味好滿足 薯餅真係炸得非常香脆仲好食過麥xx！鵝肝漢堡加咗煙肉同埋煎蛋份量十足，兩個人share都夠食，旁邊有少少沙律，減低邪惡感；另外仲要咗扭扭薯條，又係整得超好味、夠濃味又夠香脆。食完咁多熱氣嘢飲返杯冰凍啤酒，好滿足。呢度人流唔算好旺，可以慢慢坐同朋友食飯傾偈，係一個唔錯嘅地方。

收工黎到尖沙咀搵野食，係美麗華2樓發現有一間漢堡店門口有放menu, 睇完又覺得唔錯wor!即刻就同朋友決定試下呢間Burgeroom!店內裝修行工業風, 好有特色坐低馬上就睇下叫咩食啦!我就最鍾意食大啡菇, 所以叫左個大烤菇芝士牛肉漢堡朋友仔就叫左個軟殼蟹漢堡, 另外叫左個黑松露芝士薯條, 一杯蜜桃茶同埋凍既Latte落完單等左5-10分鐘左右就開始上野食啦黑松露芝士薯條我地特登叫左個醬另上, 因為廢事底果D薯條完全無醬個醬芝士味好濃厚同埋唔知係咪加左芝士既關係感覺個醬比其他餐廳再「杰」身D軟殼蟹漢堡 (走番茄同洋蔥)首先佢一開始就分開定2份好貼心同人SHARE都好方便!一上檯就知道佢絕對無偷工減料!隻軟殼蟹勁大隻!因為朋友唔食番茄同洋蔥既關係就走左以上配料但係望落去都係咁大份! 足料又好味軟殼蟹咬落去仲要脆卜卜嫁大烤菇芝士牛肉漢堡上到檯都係好大份阿!牛肉味好香好好食仲有我最愛既大啡菇成個漢堡都好多JUICY蜜桃茶唔會好甜又幾好飲食住漢堡飲返d茶解下膩都唔錯!

週末去尖沙咀行吓街，行到去美麗華，咁啱想食漢堡包，所以就諗起呢間burgeroom，以前都食過幾次，印象中都幾好味。今次再食，覺得水準保持到。餐廳裝修有特色，係工業風，環境暗暗地，行型格嘅路線。🌟叫咗個煙肉芝士牛肉漢堡，午市加$35可以有埋飲品同薯條，以尖沙咀區同埋咁樣嘅質素嚟講，其實都好抵🌟漢堡包份量十足，中間塊肉幾厚同埋Juice，配埋輕微溶溶哋嘅芝士，口感豐富美味！薯條係脆脆地，係我鍾意食嘅質地。

喜歡吃漢堡包的朋友仔，應該都有光顧過 🍔 𝐁𝐮𝐫𝐠𝐞𝐫𝐨𝐨𝐦吧(⁎⁍̴̛ᴗ⁍̴̛⁎)!!!這間漢堡包已開業多年，除了有基本款，牛肉、豬扒、雞扒、魚柳堡之外😳，還炸蝦及軟殼蟹堡🦀呀～☆ 𝐇𝐎𝐊𝐈 𝐅𝐈𝐒𝐇 𝐄𝐆𝐆 𝐁𝐔𝐑𝐆𝐄𝐑🐟$𝟏𝟏𝟎炸魚堡真心好吃，魚柳炸漿厚脆，魚肉白滑又嫩，充滿肉汁。配上雞蛋🍳和菠蘿🍍，更好吃～☆ 𝐏𝐈𝐍𝐄𝐀𝐏𝐏𝐋𝐄 𝐁𝐀𝐂𝐎𝐍 𝐁𝐔𝐑𝐆𝐄𝐑🥓$𝟗𝟖煙肉菠蘿牛堡也不錯，相當大一個😳!! 煙肉甘脆，菠蘿多汁鮮甜，好飽阿。～☆ 𝐓𝐖𝐈𝐒𝐓𝐄𝐑 𝐅𝐑𝐈𝐄𝐒🍟$𝟑𝟓扭扭薯條非常香脆，鹹香十足，不用蘸蕃茄醬也夠味。☆ 𝐊𝐈𝐖𝐈 𝐉𝐔𝐈𝐂𝐄🥝$𝟑𝟖•

話說今日早收工，突然好想食burger，第一時間就諗起去食burger room。去到見到啤酒做緊promotion都有d心動，不過自己一個人食都係快手食完算。叫咗個墨西哥辣椒芝士牛肉漢堡加大蘑菇，吉列廣島蠔沙律同埋芝士直薯條。呢度嘅漢堡塗左牛油會香口d，但係食落可能會少少膩，所以配搭墨西哥辣椒就岩岩好，夠哂辣，夠開胃。吉列廣島蠔大大隻，趁熱食勁juicy。芝士薯條係私心最愛，最怕就係個d淨係比得少少芝士，呢度食到底都係咁多芝士，簡直係芝士控天堂。 冇叫啤酒，所以都叫咗個西柚飲品。食完幾樣嘢都真係飽到上心口，呢度嘅野食份量真係十足。雖然一段時間無來，但係環境都印象中咁chill，今次自己一個食得有啲趕，下次都係約埋幾個朋友叫埋啤酒送burger chill住食慢慢嘆！

過去一兩星期天氣好凍食咗好多餐打邊爐🍲呢兩日暖番少少，可以食啲唔係熱辣辣嘅嘢想食漢堡🍔🤪都好耐冇出街食唔係連鎖快餐店嘅漢堡包，於是都搵咗下，搵到呢間喺美麗華嘅Burgeroom人氣都好高🤩所以我放工即刻衝過嚟驚要等好耐嘛好彩時間尚早，唔係好多人我同個朋友👯‍♀️都唔算太肚餓所以打算叫一個漢堡包薯條沙律share我哋叫咗～-蕃茄牛油果沙律-芝士薯條-大烤菇芝士牛肉漢堡（加菠蘿）首先嚟咗芝士薯條啲芝士好均勻，唔會剩係得面頭有醬新鮮炸起熱辣辣，加埋鹹香嘅芝士醬冇得頂漢堡包～好大個好足料切開咗半個，但我哋兩個女仔都唔可以一啖食晒所有材料😝食到開始有啲飽嘅時候好彩有個沙律🥗係牛油果醬+原個無皮蕃茄凍冰冰加埋酸酸地嘅沙律菜 好fresh ✨下次再餓啲可以一人一個漢堡😬😬最後走果陣先見到原來隔離餐廳都有叫呢到嘅啤酒🍻仲有全日$39 幾抵

尖沙咀美麗華有一間食漢堡包，又有酒飲嘅餐廳，覺得真係好特別，一入到去，就見到每個客人嘅漢堡包都超大，感覺更吸引。 睇下餐牌先 之後就要由QR Code落單啦！ 菠蘿燒烤醬牛肉漢堡🍔$98酸瓜+$10/炒滑蛋+$20/ 煙肉+$10加左咁多樣嘢，侍應姐姐都忍唔住話加左咁多嘢，好高。 宜家麵包裡面夾住滑蛋、煙肉🥓漢堡扒、菠蘿🍍酸青瓜🥒厚切紫洋蔥、番茄🍅同生菜。麵包兩邊都有落牛油烘，所以好香脆。炒滑蛋唔係茶記主打有好多奶，或者好多油嘅效果，可以話有少少鞋，不過果少少未夠滑嘅滑蛋，放漢堡包反而適合，因為漢堡扒同菠蘿好多汁，多蛋汁嘅滑蛋應該會合唔埋。當攞起竹簽嘅時候，就知道點解呢度主打食漢堡包，都要俾刀叉🍴你就算拍到個包點扁都好，個口都唔會咬到，最後真係要刀叉🍴最後燒烤醬滴埋落薯條度，連茄汁都唔洗點。 直薯條+$35直但粗嘅薯條，有啲部分仲見到有皮，係薯仔切出來嘅感覺。 奇異果汁+ $15奇異果汁酸酸甜甜，真係似鮮榨，食啲咁Heavy 嘅漢堡包，真係要啲清爽嘅感覺。

朋友約係尖沙咀美麗華食Burger💁🏻‍♀️我第一次黎食,餐廳特色裝修,好有空間感,幾舒服食物既種類比我想象既豐富,剩係burger都有好多款選擇🍽️ Mega Cheese Burger身為芝士控既我就緊係揀芝士🧀burger, 個burger 果真係Mega,分量十足,芝士控最興奮係見到好似小瀑布既芝士,每一啖都充滿濃郁既芝士, 鐘意芝士既朋友必選!🍽️ Bacon Cheese Burger朋友就揀左煙肉芝士漢堡, 最欣賞係d牛肉咬落去仲係juicy,有汁必出黎,如果個包再炕多少少就仲正😄🍽️ Truffle Cheese Fries想叫多兩個小食,但個burger真係夠曬分量,所以只係叫多左份薯條, 薯條底面都有松露芝士醬😌值得一提既係佢有好多配料可以揀除左食burger,都係同friend飲杯野同食下小食既好選擇

Combo牛油果醬芝士牛肉漢堡（+菠蘿）直薯條、餐飲熱玫瑰朱古力漢堡充滿牛脂香味，入口 juicy牛油果醬 眼見都好多菠蘿 好甜，juicy鱈魚手指 配他他醬鱈魚口感軟滑，炸得香口及外脆內滑配粉酸酸地他他醬十分正迷你薯餅 配藍莓醬薯餅都炸得香口及外脆內軟朋友好鐘意 dip 個藍莓醬 食熱玫瑰朱古力入口先有熱玫瑰味道，而朱古力味道會跟你湧出，2者味道好 balanced 及出味女職員送上熱玫瑰朱古力時，同我地説 “送個心心比你地”。Wow，好窩心，Happy Lunch and really a Good Day！環境 chill，尤其坐係窗邊位，feeling good！

Burgeroom 二間分店也食過不下無數次，因為佢性價比好高，叫一款漢堡包二份分（店員會自動切開二半的），再加三個小食，2人巳經可以食到好飽好滿足，埋單也只不過$300☺️尖沙咀的漢堡包會比較多次，銅鑼灣的即較香口乾身，可看各人喜好選那間分店食😆 二間的環境都好舒適，有自助食水及調味料區。小食點了Twister Fries，Mini Hash Brown with Blueberry Sources, Chicken Strips with Honey Barbecue sources! 這三款都是我所愛，雞柳好幼滑，一份份量多；薯餅中規中矩但勝在有少有的藍莓醬做配搭而加分，甜甜的開胃；而扭紋薯圈香口。Bacon Cheese Burger + bacon濃濃車打芝士醬，牛肉厚身又多肉汁！由於煙數級數提升，口感及味道立刻比一般牛漢堡更令人滿足😆