Butterfly Patisserie

Open Now

Now Closed

近排生日朋友勁有心🩵係Butterfly Patisserie買左佢地嘅招牌拿破崙蛋糕🎂招牌果然係招牌，佢仲揀咗我好鍾意嘅海鹽焦糖味，暫時係我食過最好食既拿破崙蛋糕😍另外仲有近期熱烈討論嘅百元蛋撻Hokkaido Custard Flan，每日新鮮出爐賣哂就冇，好好彩今次預訂左終於可以一試😙🦋 Hokkaido Custard Flan 🦋蝴蝶形狀嘅糖霜賣相十分精緻🥰北海道忌廉製成嘅吉士餡勁香滑，建議即刻食仲會有流心嘅效果添！佢嘅酥皮牛油香味濃，鬆脆層次豐富👍🏻而拿破崙就可以講係呢到嘅招牌，酥皮味道同樣香濃而且夠薄同鬆化，加埋軟滑嘅吉士真係超滿足🥰

餓鳥.....有話兒：「這天價蛋撻了到底值不值得吃😎」-提前一個星期，終於成功訂上了🇭🇰瑰麗酒店一款很火的蛋撻，價格進取，堪稱全港最貴，餓鳥當然要去一探究竟😏一拿到手，迫不及待快步走到酒店外面的海濱長廊，找個長椅坐下，準備吃上這人生最貴的🥧蛋撻，海風輕拂，眼前一片🌊維港的海景，就在這樣愜意的氛圍里，開啟品嘗之旅😝.🔹《北海道吉士撻》遠遠望去，金黃的撻皮泛著誘人光澤✨酥皮層次分明，像是層層疊疊的金色裙擺🌼忍不住輕輕咬上一口，酥脆的牛油撻皮咔嚓一聲在齒間散開，而重頭戲的半流淌吉士醬緩緩漫出，入口絲滑冰涼，細膩綿密😋用上了大溪地的雲呢拿忌廉，肉眼可見內裡粒粒的雲呢拿籽，在口中瞬間綻放馥郁香氣，絲絲香甜和奶香交織在一起，幸福感飆升好幾倍🥰Size都比一般蛋撻大一點，建議兩人一起Share吃會沒那麼膩😉-✨餓鳥點餐✨ 北海道吉士撻（$98/件）-

瑰麗酒店啲蛋糕真係好好味，今日心思思又走咗去行一轉，發現好似出咗啲新款蛋糕，個樣好吸引，即刻買番去試吓。哩款個名叫雲石朱古力胡桃法式撻，始終對朱古力情有獨鍾，必試撻皮係香脆嘅牛油皮，中間係幼滑濃郁嘅朱古力吉士忌廉，再加面頭有果仁及黑朱古力葉裝飾，味道配合得天衣無縫，真係好好味回味無窮

Rosewood嘅「天價蛋撻」絕對係城中熱話❤️‍🔥索價近百元 但堅高質 值得一試‼️每日出爐都好快賣晒 最好就訂定✨.📌Hokkaido Custard Flan $98老實講 佢唔係蛋撻 更接近法式吉士撻🇫🇷面層用糖粉灑上蝴蝶圖案 勁精緻🦋外層酥皮有水準 擺左幾個鐘都勁酥脆有層次🥧焗至金黃色 濃郁牛油同焦香🧈流心內餡 超軟滑creamy 混入大量雲呢拿籽 香氣濃郁🤍同時又食到淡淡蛋奶香甜味🥚🥛用料矜貴 聚手大件 完全對得住價錢💯.如欲查看相關食物相片 可查閱本人已上傳之影片🎦

兩年前食過Butterfly Room個下午茶，覺得啲甜點一般😳最近見好多人推佢啲原個蛋糕，決定再比多次機會🤫▪️ Red Berries Chiffon Cake💲388 (12cm dia, ca. 400g for 3-4 persons)面頭有啲藍莓、紅桑子、士多啤梨粒，都算係幾甜既，最值得一讚既係忌廉滑而不膩，可惜蛋糕體略為乾身，間層係得好少量嘅士多啤梨粒，稍微單調👉🏻👈🏻以酒店蛋糕嚟講，價錢的確實惠，不過味道平凡，驚喜不大🫣🔎 整體評分（7/10）

呢間餐廳係💕favourite之一，慶祝生日周年有出席，而有咗🤰🏼果年我都有，而🍗髀哥間接都有食過嘅😛，隔咗一年冇嚟，唔知道食物嘅味道仲keep唔keep到水準呢。基本上食完三文治開始有少許飽🙈今次主題係士多啤梨🍓，酒店環境氣氛好雍容華貴，唔單止環境，坐得舒服，食物質素味道方面水準一樣keep到，酒店職員好有禮貌，笑容滿面，每年都要幫襯佢嘅原因就係蛋糕真係好好味，做得好精緻之餘，唔會過分甜。今次下午茶最鍾意其中兩款蛋糕就係係🍓🍰Strawberry, Shiroan, Azuki & 🍓Fraisier當然唔少得最出名嘅拿破崙🥰酥皮又脆又好味，原味已經好好食啦🤤下年再嚟

今個月生日🎂未到正日有個朋友買到我最鍾意食既雲呢拿拿破崙俾我做生日蛋糕超正，又好食。佢呢個拿破崙成日都賣晒，同埋要提早去定或者早啲去買先買到。雲呢拿拿破崙🩷🩷🩷🩷🩷佢用咗好靚嘅雲呢拿油，加落去啲cream度。佢啲cream真係超級無敵滑入口即溶，完全唔會漏。以前有買過其他酒店嘅蛋糕都未至於咁出色，佢呢個cake真係做得超好。不過價錢都有少少貴，喜慶日子值得一試👍🏻今個月生日🎂未到正日有個朋友買到我最鍾意食既雲呢拿拿破崙俾我做生日蛋糕超正，又好食。佢呢個拿破崙成日都賣晒，同埋要提早去定或者早啲去買先買到。雲呢拿拿破崙🩷🩷🩷🩷🩷佢用咗好靚嘅雲呢拿油，加落去啲cream度。佢啲cream真係超級無敵滑入口即溶，完全唔會漏。以前有買過其他酒店嘅蛋糕都未至於咁出色，佢呢個cake真係做得超好。擺咗第二日一樣咁脆。不過即日食會好啲，但價錢都有少少貴，喜慶日子值得一試👍🏻

經過瑰麗酒店的餅店，見啲蛋糕好靚好吸引，就買兩件返去試吓。只有小蛋糕，大嘅蛋糕要一早預訂，不過小蛋糕款色也唔算多。朱古力係我至愛，所以有得㨂必定㨂這款雲尼拿朱古力鹽味焦糖蛋糕而這款榛子蛋糕成粒導彈咁款幾吸晴😅兩款都試了。超級好味，朱古力外層入面慕絲超滑超濃朱古力味，食晒成件都唔覺得好漏😅，真係好好味，上面嗰塊朱古力應該係黑朱古力，都好濃滑。榛子蛋糕也很出色，入面都係濃滑慕絲加粒粒榛子，口感好好下次會試試其他口味😋

Does it really worth HKD$98 per piece?🤔Well I’d say, it’s certainly a pleasure to have it for celebration, or simply to cheer yourself up on a gloomy day😋Indulge in the art of French pastry perfection is always something you will not regret🦋The Butterfly Patisserie is best known for their millefeuille but this time, I decided to try something different😍Each pastry is an absolutely piece of artwork✨

由於我平時好鍾意整甜品，蛋糕，麵包等等，通常想食甜品或者蛋糕，我老公都會叫我自己整唯獨係Butterfly嘅拿破崙蛋糕，我老公會特登揸車去買今年生日，我哋都係揀左Butterfly嘅拿破崙蛋糕🩷🩷🩷咁大個，生日嗰日食唔晒，放咗去雪櫃第二日就咁喺雪櫃攞返出嚟食，都仲係好好食

話說上個月友人生日，book左枱係BluHouse食生日飯慶生～同埋友人最鐘意食拿破崙蛋糕～岩哂！係website度自助落order, 之後打番去餐廳同佢講你嘅蛋糕訂單號，當晚就會幫你送埋個蛋糕過去餐廳嗰邊～夠哂方便👍🏻最緊要係訂呢間蛋糕係唔需要收切餅費嘛～😁-🎂Tahitian Vanilla Millefeuille Cake / $408$408價錢已經包埋寫生日牌～果然係最出名嘅拿破崙蛋糕🎂能看得見的層次酥脆感❤️中間嘅香草奶油餡帶點微甜🤍一口咬下去非常的脆～友人表示好好食😋最細size都已經夠三至四人分食～

去Rosewood Bayfare食飯order 佢地既蛋糕會幫手送埋蛋糕黎餐廳🫶🏻呢個拿破崙唔知食第幾次了招牌就係招牌🤭🤭佢既酥皮有種獨特嘅烘焙味 又香脆又薄估佢唔到個咖啡味好surprise好濃好好食！一入口咖啡味係個口到爆發💥　而且價錢唔貴 可以話同社交平台shop差唔多或者平過😬🙈不過rosewood cake暫時淨係會幫襯拿破崙，食過cream cake係一般🥺（even係佢既tea既cake/ 曾經order過cream cake)

好耐都冇嚟啦，最近同朋友都想食hightea，而家一個星期前book已經有位啦😄食物份量好多，食到我哋兩個人都好飽食唔晒，我最鍾意食佢哋甜品，特別係拿破崙蛋糕同鬆餅，朋友都話佢哋既甜品好食過鹹點，下次再嚟唔好食曬鹹點，留返quota食甜品好D~會再encore!!

好開心再訪蝴蝶餐廳，上次黎無寫食評…. 今次黎要記錄下。環境非常之華麗，服務亦都非常之親切。每次上菜都會介紹。同上次一樣，餐單都係5道菜，加甜品。但係內容係有少少更改嘅對於二訪嘅客人嚟講係好事，因為有少少新鮮感。前菜四款三文治最喜歡係松露火腿芝士三文治同埋魚子醬三文魚三文治。蘑菇湯我記得入邊係有最少三款菇類，佢打到成用，然後有泡沫放喺一個小杯裏面俾你品嚐。飲落去好似有千萬個菇菇喺你個口裏面爆發，香濃芬芳，回味無窮。原味及提子scone配三款醬原味係濃濃嘅牛油味道，質地實得來其實好鬆化，優質至於提子味就係原味基底加上粒粒提子。兩款果醬一款係類似cream嘅。火腿芝士泡芙及蔬菜芝士撻火腿芝士泡芙好惹味，蔬菜芝士撻要熱食先好食。甜品時間服務員會推介甜品車過嚟每樣甜品介紹，今期甜品加入咗焦糖元素。見到個甜品車已經心花怒放當然唔能夠錯過佢嘅招牌拿破崙今次因為加咗焦糖元素，將成個拿破崙再加入咗另一個層次，口感更加複雜，非常喜歡。另外估唔到佢個三重朱古力曲奇都係鬆脆而濃郁朱古力非常好味，好欣賞。另外佢個雜莓都係非常之好味，新鮮清新食咗咁多甜品之後食啲酸酸甜甜嘅雜莓真係可以消制。我哋仲叫咗每人一壺熱茶

❮ 𝙍𝙤𝙨𝙚𝙬𝙤𝙤𝙙 𝘽𝙪𝙩𝙩𝙚𝙧𝙛𝙡𝙮 𝙋𝙖𝙩𝙞𝙨𝙨𝙚𝙧𝙞𝙚 ❯📍尖沙咀梳士巴利道18號香港瑰麗酒店2樓⟣⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⟢ 講到口水都乾埋亦都推過好多次嘅拿破崙蛋糕一共有6種口味vanilla, salted caramel, nespresso, taro vanilla, dark chocolate, matcha green tea我試過以上頭4隻味全部都非常高質!!!!當中最鍾意嘅係taro vanilla味感覺好似一個價錢試到兩種口味咁哈哈個酥皮好夠鬆脆同好有牛油香通常食拿破崙都會切到成枱碎但rosewood呢個好易分又唔會食得好論盡咁小編 on diet 緊都不惜留返啲quota俾佢好想食曬 The Butterfly Room 嘅甜品 (｡•̀ᴗ-)✧▻ 𝐍𝐞𝐬𝐩𝐫𝐞𝐬𝐬𝐨 𝐂𝐨𝐟𝐟𝐞𝐞 𝐌𝐢𝐥𝐥𝐞𝐟𝐞𝐮𝐢𝐥𝐥𝐞 𝐂𝐚𝐤𝐞 $𝟒𝟎𝟖