盤子工房 (建生商場) (Moved) New Location

平時好少去屯門，今日入去搵朋友食飯之後去打波，朋友住近屯門碼頭嗰邊所以就約咗喺海趣坊食，佢推介有間Cafe叫盤子工房，就去試吓裏面唔係太大有幾張枱朋友叫咗自家製青醬煙三文魚意粉個青醬好清新，有青草味，好特別，仲有兩塊新鮮煙三文魚，有煙燻嘅味道仲有芝士碎我就叫咗個egg benedict 早餐，賣相好靚好吸引，有朱古力熱香餅、溫泉蛋、牛油果同煙三文魚，仲有芒果醬同脆脆，三文魚包住溫泉蛋，牛油果睇落去好似抹茶雪糕，拮穿溫泉蛋將啲蛋汁撈埋熱香餅食，味道唔錯，牛油果好新鮮，份量多，配埋芒果醬好清新嘢飲方面朋友叫咗玫瑰伯爵茶我就叫咗玫瑰鮮奶咖啡，因為玫瑰美白養顏，咖啡嘅拉花好靚，上面仲有啲玫瑰花碎，飲落去有玫瑰香味整體來講食物質素唔錯，坐嘅時間亦冇限制，可以同朋友傾計談心，下次如果再嚟屯門會再幫襯

建生附近果頭有間我覺得都幾似BYOB既叫做盤子工房可能同市中心有段距離都唔算多人餐廳入面唔算大得五六張檯牆上面有連豬睇見都傷心開放式廚房餐牌都多野揀夜晚仲有all day breakfast主菜黎講應該係食過咁多最親民既可能開係屋邨掛凍柚子特飲加九蚊補35蚊既餐湯同沙律呢份普普通通咁蒜蓉包係多士黎一樣都係叫左兩種意粉青醬煙三文魚幾清新話個醬係自家制不過就唔算好岩我口味非正宗卡邦尼連溫泉蛋咁其實就唔會話好抗拒呢一款既始終價錢定位都唔一樣我自己係屋企煮都會咁煮簡單方便呢份味道都唔錯兩份曳姐雞翼幾香脆咁樣都係食左兩舊水左右比起其他cafe算係抵食一樣都係後生仔女侍應服務正正常常不過可能試下佢地既咖啡或者沙爹牛意似係會有更好體驗見佢地近排轉左新menu仲有熱狗供應都似想向唔同方向發展仲開埋分店不過呢一間地點都算偏要特登坐輕鐵入去先食到有少少麻煩仲好似無左晚市供應近期都應該未有機會再食得到

上個星期五同朋友去咗屯門建生邨呢間盤子工房食西餐，一去到見到個環境好靚，店舖裝修以木工為主，俾人個感覺好舒服，算係沙漠裏嘅一點綠洲。 睇吓佢哋個餐牌，餐廳都有心思，選擇唔少，最後我哋叫咗all day breakfast同埋炸魚薯條，另外我哋叫咗杯焦糖鮮奶咖啡同抹茶咖啡。先講個all day breakfast，份量真係好大，足夠兩個女仔食，擺盤亦都好靚，絕對嘅IGable。炸魚薯條雖然放喺小食區，但係份量都不用小覷。嘢飲方面，兩杯嘢飲都非常出色，好好飲，而且份量仍然都係大大杯，飲極都仲有，真係好滿足嘅一餐。焦糖鮮奶咖啡，估唔到佢嘅焦糖真係一大舊脆卜卜嘅焦糖快，俾人感覺有用心，而且佢撈埋鮮奶咖啡嘅味道真係好夾，好飲！抹茶牛奶咖啡同樣好飲，冇焦糖咖啡咁甜，但係就多咗抹茶嘅甘香味，出色。總結而言，店舖環境舒服，而且位置坐落喺屋村中，真係好難能可貴，住附近嘅朋友一定要試一試，如果住得遠都可以入去試一試。

今日同朋友嚟到屯門建生商場地下嘅一間小舖，佢鋪入面嘅裝修同商場附近嘅環境格格不入，因為入到去環境非常舒適，以木為裝修主要材質，令入到去嘅顧客有種好放鬆嘅感覺。經朋友同店員嘅推介，我決定叫一杯「自家製焦糖鮮奶咖啡」。未飲已經覺得好吸引，因為有大大塊焦糖餅係面，就咁咬塊餅都唔會覺得太甜，配埋咖啡一齊飲仲Perfect。然後，我同朋友叫咗一個「盤子大早餐」同「炸魚薯條配沙律」。個all day breakfast 份量十足，就連個黑松露炒蛋都落足料，蛋都夠曬香滑。佢嘅煙肉同埋煙三文魚都唔係平時食開好咸果啲，唔會越食越口渴。另外，炸魚嘅炸粉唔會太厚，但略嫌薯條唔夠熱，有啲失色。希望有機會下次再嚟試吓其他菜式

原來建生商場有間很chill 的cafe, 有熱狗、意粉、all day breakfast 等食物，又有各式咖啡飲品，被它木框花園裝飾吸引了，進去坐一個下午。這裡所有食物都用木盤子盛著，回應盤子工房的名稱。餐廳枱椅都用木的，加上很多綠色盆栽，感覺有花園景緻，令人心情放鬆，門口裝飾最漂亮，打卡不錯。早餐和午餐都沒吃，在這裏就吃個big breakfast $118,加一杯espresso $30,看著街外和煦的陽光灑進落地玻璃，感覺超悠閒的，一個人放假來坐坐也覺得很享受。Big breakfast 食物豐富，有蒜蓉多士、芝士焗蕃茄、黑松露炒蛋、大啡菇、熱狗腸、香脆煙肉、煙三文魚、菠菜芝士薯仔波和沙律。一上桌便聞到很香黑松露味，配滑滑的炒蛋更添香味；喜歡這裏的食物都加上一點rosemary, 就算焗完或炸完，都覺得有清新感覺，蒜蓉多士就是好例子，蒜蓉牛油味道恰到好處，微微咸味又不會覺得太乾，又有香草味道。熱狗腸脆皮又爽口，煙肉脆炸，口感香脆又惹味，覺得口乾的時候就吃一口沙律， 沙律份量很多，絕對達到均衡飲食的要求。吃完肉再吃大啡菇，外表看似乾身，其實裏面很多汁，充滿香菇味，口感又軟軟的。

今日放假去屯門約朋友食下午茶，朋友住在寶田附近，竟然說屋企附近的舊式屋邨有不錯的咖啡店，由於好奇，所以我哋一齊去食。 咖啡店位於建生商場，木系清新裝修，有不少植物佈置，環境舒服寬敞，門外是休憩空地，因此不會有車聲或嘈吵聲，門口位置有打卡位 (咖啡店原來已開業 3 年，有慶祝氣球佈置) 由於未食午餐，所以叫左all day breakfast 加杯咖啡。而all day breakfast有分為Big 或Green，即是分別在於煙肉/腸/三文魚，最後選擇了Green 因為已經夠豐富! 😋 =GREEN BREAKFAST $108=包括有多士、薯餅、黑松露炒蛋、牛油果、大啡菇、芝士蕃茄、沙律等。每款配料的份量很足，而且新鮮即整。特別要讚黑松露炒蛋，炒蛋夠滑口，調味控制好，唔會過熟或過鹹，上面的黑松露超多，十分喜歡!  薯餅夠脆口，三角形的一口薯餅，厚身很滋味。牛油果的生熟程度剛好，食落淋身，配上香脆的多士一起進食，清新美味。蕃茄經過烤製，上面有一層芝士，將蕃茄味道提升，juicy口感。大啡菇經過烤熱，調味剛好又新鮮。沙律菜有幾款菜類，而且有醋汁調味，清新開胃之選。 =朱古力咖啡 $44

11.11.2021 星期四盤子工房（建生）想來盤子工房很久了，之前去了屯門海趣坊那一間，印象好深刻，好喜歡；建生這間出名多人幫襯，假期往往要排長龍。最近還裝修，一直耐心地等，直至今天機會來了，裝修剛完成重開，還遇上自己放假，馬上要來。這間位於建生商場，好近輕鐵站，好易找；惟一同海趣坊一樣，完全看不到招牌，好低調，因為裝修好相似，所以一眼就認出來。未夠十二時來到，幸好還有座位，偏愛他們的木系風格，好舒適自在的感覺，尤其枱子的木紋，任何食物放在上，拍出來的照片都很漂亮。餐牌包括熱狗餐、小食、意粉、沙律、全日早餐和飲品。雖然選擇不是很多，總有一款適合你。上次試過Green Breakfast ，今日再encore。午餐：盤子大早餐 $118蒜蓉多士、菠菜芝士薯仔波、黑松露炒蛋、熱狗腸、香脆煙肉、煙三文魚、芝士蕃茄、沙律多士又香又脆，記得趁著熱辣辣就吃，薯仔波好特別，整個餐好豐富！素素地早餐 $108蒜蓉多士、菠菜芝士薯仔波、黑松露炒蛋、大啡菇、牛油果、芝士蕃茄、沙律這個當然好吃，新鮮的牛油果，不少的沙律菜，炒蛋加上黑松露實在太好吃！White- iced這杯不是我喝，但看起來不錯Charc

屯門冇乜靚cafe今日嚟到大興就順便食返個盤子工房enjoy下，過一個休閒嘅下午除咗多款熱狗如肚餓嘅，都有啲飯/意 或者all day breakfast可以揀熱狗可以跟薯條/薯角我食熱狗跟薯條熱狗又唔係咩高難度菜式都係啲芝士呀，腸呀，肉醬呀，茄汁呀咁炒埋一碟夾落個飽度ga la味道都係咁上下，好難話會整得難食, 算係冇驚冇喜薯條嘅份量都多，不過係McDonald式嘅幼薯條加埋杯9唔撘8嘅熱奶茶，cill住渡過一個下午唔係好多張台平時食晏時間要等位，最好早啲或tea time

沒想到今天下午會來這裡純粹想找個地方輕鬆一下最後，再來這裡食熱狗今次我點了一個之前品嚐過又好味的《墨西哥莎莎莎莎醬熱狗》好好味，準備吃的時候，我的眼睛幾乎只有它哈哈因為擺盤也不錯啊點了個餐飲+$9：凍蜜桃🍑茶嘩，一飲便覺得 — 真的叫得好因為味道好合我心意，心情立即大好啊哈哈再來一個追加的薯條$15完全同吃了個earlier dinner無分別啊！而我最開心的是，坐在窗邊位感受陽光慢慢食，傾下計，上下網，找下近來需要的資訊一個輕鬆悠閑的時光差了電心情大好啊

對呢間屯門隱世cafe聞名已久，突登入大西北拜訪一下佢，要搭輕鐵、捐窿捐罅先搵到🤪感覺非常神秘😳😳-番茄肉淋淋熱狗🍅🌭️ ($40 +薯條🍟$15)熱狗皮外脆內軟，十分香口😋腸仔係脆皮果隻，大大條好好咬😎再喺面頭淋上多到瀉嘅肉醬🍅新鮮嘅番茄又酸又甜，非常醒胃，正呀🥰👍🏻薯條新鮮滾熱辣炸起，屬於比較厚身果type😋個人覺得點啲肉醬好食過點普通茄汁🤣🤣-日本抹茶鮮奶🍵 ($40)飲落都唔錯，唔會太甜，中規中矩😋-青BB梳打 ($40)(估計😂)包含青蘋果🍏、青檸🍋、青提子🍇提煉成🤣偏酸帶點甜，怕酸嘅朋友可以不啲青提出嚟食😂juicy得嚟又可以中和下啲酸味🥰👍🏻

朋友介紹過呢間「盤子工房By the tray」，見今日開車嚟開屯門 於是決定去試吓, 餐廳位於屯門建生邨入面嘅建生商場，相當有隱世小店feel 💛鋪內裝修幾靚 有乾花同木系 好Warm! 同埋係黃店 更加要支持！💛由於個晚我同fd 都好肚餓🌝 所以分吃叫左2個main course 再每人加左$35 配埋Mini餐湯、蒜蓉多士、沙律🥗！點知食完兩個都超級飽🤣🤣 前菜已經好驚喜！餐湯係南瓜🎃湯 好濃郁 仲有粒粒南瓜、蒜蓉多士都係少有既香脆、沙律落咗開胃既醋汁（？）好好味呀！主食叫左黑松露配大啡菇雜菌忌廉飯（$85）上碟個好靚 仲配埋大啡菇汁🤎 撈埋芝士同黑松露 份量足又正～另外仲叫左自家製青醬煙三文魚意粉（$75）份量依然足料 青醬都好唔客氣！飲品方面叫左杯Iced Match Latte ($50) 少貴 不過又幾香抹茶🍵味 好飲！整體嚟講 樣樣食物都above average🥰 屯門屋邨Cafe 有呢個質素 係超晒班！屯門友一定要試試🙉🙉

平時去開屯門都係去市中心搵野食，今次專登去遠少少，黎左間係建生邨附近嘅café 。嗌左個自家製青醬煙三文魚意粉，煙三文魚有兩片，幾香魚油味，脂肪分布均勻，而青醬（羅勒醬）嘅份量出奇地多！每條意粉都掛滿晒青醬，每食一啖落口，都充滿住羅勒醬嘅香味！另外，仲加左$30要多士+沙律+南瓜湯，多士上面茶滿牛油+蒜蓉+香味，而多士亦稍微烘底，令蒜香味提高更香層次！沙律🥗上面淋上柚子汁！食落去好清新！而個南瓜湯好creamy! 唔會溝得好多水，而且有好多夥粒狀！食落去好有𡁻口，另外就加左$5飲熱檸水，正常水準啦～女朋友就嗌左大啡菇黑松露醬燴飯，非常香黑松露嘅味道，份量落得好唔客氣！而大啡菇亦煎得好香！另外仲有啲草菇係入面，飯嘅份量基本上有兩碗以上！最中意就係呢碟！So far, 呢間野性價比高！份量都幾多，但價錢亦唔係特別貴，食物質素亦較高，只係地理位置稍為偏左少少

/地理位置係有少少偏遠嘅，就喺屯門建生商場，咁啱我夏天炎夏去，外面冇遮，商場又冇冷氣，熱到傻咗，所以相信嚟緊秋天去等位會冇咁辛苦 // 雖然位置偏但keep住都有兩三pair人排隊，店內位置唔算少，算係中間size嘅小店，裝潢都幾靚入面，田園風簡簡單單，同個舊商場好似特別唔夾咁～/蟹籽明太子意大利粉 $75嚟到第一下見到都嘩咗聲，上面嘅蟹籽畀得好多好正🥰而且明太子醬畀得好足都整得好均勻，而且味道夠creamy又唔會太咸，意粉軟硬度啱啱好，重點係份量勁爆多，我哋兩個女仔share都食到勁飽，一個女仔好大機會食唔晒🙈墨西哥莎莎莎醬熱狗 $40呢個真係開胃之選，味道酸甜帶辣，味道豐富又多層次，而且加埋墨西哥莎莎莎醬有洋蔥碎蕃茄碎同牛油果醬，口感都好豐富，而且配埋粗薯條都好夠飽﹗桂花蜜糖鮮奶咖啡 $44第一次聽桂花蜜糖配咖啡，叫嗰陣都有少少擔心，但嚟到試飲比想像中好飲﹗估唔到都幾夾，入口桂花味好香，而且蜜糖嘅甜味好自然又易入口，唔似平時啲砂糖嘅甜味﹗好新鮮嘅口味﹗Dirty $40Dirty嘅口味都唔錯，易入口又有咖啡嘅甘香，亦都有奶滑嘅口感，又唔會甜﹗（因為唔算試過好多Dirty嘅咖啡，不過

今次我哋嚟到海趣坊嘅一間木系文青cafe位置幾好搵，就喺屯門碼頭輕鐵站附近😍成間舖頭嘅裝飾都係用木做主題🪵廚房水吧同埋枱櫈都係用咗不同紋理、圖案嘅木嚟裝飾，十分有特色，啱晒鍾意打卡嘅你👍坐近窗台仲可以望住個靚靚海景食嘢添😍我哋兩個人就叫咗一份墨西哥粟米片配黑松露醬、一份自家製青醬煙三文魚意粉同埋一杯羅勒菠蘿梳打🤤🌟墨西哥粟米片配黑松露醬粟米片上面有溶咗嘅cheddar 同mozzarella cheese 🧀 就咁食已經好夠味，同埋粟米片焗得好脆🤤佢嘅黑松露醬十分有驚喜，店舖好有良心👍 蛋黃醬上面大大pat 黑松露醬，一啲都冇同你慳錢，十分扺食😍蛋黃醬嘅味十分特別，酸酸甜甜，十分開胃，中和咗芝士嘅咸膩🌟自家製青醬煙三文魚意粉一嚟到已經聞到好香嘅羅勒葉味，意粉好掛汁，係加咗好多羅勒葉再加埋忌廉打成嘅青醬，唔會淨係得個咸，十分香口，食得出店舖俾咗好多心機整😍 同煙三文魚係絕配意粉煮得啱啱好，唔會太淋，仲好有咬口唯一美中不足嘅嘢係煙三文魚嘅份量比較少，得兩塊，不過煙三文魚本質比較鹹，可能如果加得太多就會唔balance 🤔🌟羅勒菠蘿梳打菠蘿梳打超級有驚喜😍 首先賣相已經好靚😍店舖仲好有心思係

食過幾次早餐同午餐，係建生黎講算坐得舒服，食物又幾好既餐廳。早餐份量對女仔黎講好夠，每次都飽到食唔晒d沙律菜。沙律菜精神既唔似某d餐廳，夠膽死比d霉菜人食Cappuccino 正常，個人覺得係對得住個價錢既午餐方面，試過熱狗🌭️同意粉🍝。肉醬熱狗正如你所諗嘅，肉醬+熱狗，愛肉既朋友會鍾意小朋友自己一個可以食晒。至於多重浴芝士熱狗呢，我自己就覺得食完有少少滯，雖然個味道係好既，但我唔會再叫😂意粉不過不失~ 整體食物質素同價錢正常，環境舒適，店員都好helpful，食物上菜速度都夠快