吉豚屋吉列豬扒專門店

Open Now

Now Closed

今日來了新都城和男朋友行下街，然後再去返工。途中因為唔知有咩好食，所以就隨便在男朋友常去的吉豚屋食午餐。吉豚屋是一間吉列豬扒專門店，店鋪入面幾乎餐牌上的所有食物都是炸的。我們去的時候大概是十二時正，時間比較早，因此不用排隊。坐低咗之後，我們看了看餐牌。其實午餐都幾多款式可以選擇的，有吉列蝦、吉列豬扒及雞扒等等。最後我們點了吉列炸蝦斑塊帶子定食和吉列雞扒烏冬。首先到的是吉列炸蝦斑塊帶子定食（＄69） 由於是定食的關係有麵豉湯，而湯的配料也相當地多，並以蔬菜為主，如蘿蔔、洋蔥等等⋯⋯在食物方面，餸菜的份量都挺多的，完全夠飽！在吃的時候，炸蝦帶子等可以沾一些附上的沙律醬，令整體感覺更上一層樓。 在乾脆的炸蝦表面上沾上沙律醬，使口感乾得嚟又帶點濕潤，味道十分好。吉列的口感配上入面軟軟的和熱呼呼的蝦和帶子，值得一試！另一份是吉列雞扒烏冬，烏冬和雞扒是分開上的，使雞扒的吉列表面不會變淋。雞扒亦是外脆內軟，吃落去口感鬆軟，味道不錯。此外，烏冬做得十分出色，有咬感而且湯底挺好，清得嚟又不會冇味，亦有一些紫菜和魚蛋做配料。而在每一份食物也會配有大量切成一絲絲的菜，而我喜歡點上芝麻醬食用。吃炸物的同時加上

今晚同家人來到將軍澳新都城吃晚飯，見這間喜豚屋好似唔錯，就試一試佢。餐廳裝修得唔錯，很有日式感覺。我點了一客吉烈炸蝦豬扒定食，豬扒都算幾大而且厚切，入口很脆口，炸漿做得非常好，但肉質略嫌唔夠味，炸蝦粉多，蝦其實很幼，不值得吃家人點左咖哩雞扒飯，感覺同豬扒一樣，略嫌太淡，但好彩有日式咖喱汁，味道是絕日式咖喱，做得不錯。我們分別加錢轉了特飲，香芒果粒乳酸一般，無咩芒果香味，但確實有果粒, 巨蜂乳酸反而味道不錯，有提子味道。

呢間吉列豬扒屋之前已經食過, 水準都唔錯, 今晚心血來潮又想食吉列餐, 見到佢有呢個推介, 由豬扒轉為食吉列海鮮!點左呢份吉列炸蝦班塊帶子定食 ($69), 跟白飯及野菜豚肉湯成份吉列有蝦2隻, 炸漿夠晒香脆, 唔會有油份滲返出黎, 咬落去時外皮會跌出黎散滿碟上, 蝦身見到唔算好粗身, 但食起黎都OK!班塊亦有2件, 咬落去見到雪白魚肉呈現出黎, 肉質有少少咬口唔會係"梅"身, 啖啖肉! 送飯好岩數!個帶子比較薄身, 食到淡淡帶子味, 加少少檸汁提升味道!食左咁多炸野, 可以唧少少芝麻醬落去個椰菜絲變成沙律, 減底一下個熱氣感! 成個餐連飯連湯一齊食晒, 相當滿足, 每件炸物都係即叫即炸, 熱辣辣上枱, 咁既價錢有咁既質數算係好合理!!

難得約男朋友爸爸媽媽食飯，晚飯時間等左好耐，終於有位坐底佢爸爸想叫門口印哂宣傳既咖哩豬扒飯（梅），點知佢話唔係間間店都有優惠飯就走左，無咪無囉，比正價唔要套餐無問題，態度差到極點，叫另外一個人落單我叫左滑蛋番茄豬扒定食轉烏冬，食第一啖咸到嘔出黎，要問佢拎杯水沖下先食到，豬扒得3塊，番茄超明顯1個切開4塊掉落去，仲要連皮⋯⋯⋯生到無煮過咁牙姨食個個係泡菜湯豬扒烏冬，2塊豬扒，係韓國辛辣麵湯底，真係難食到不會再黎食，服務態度又差

係吉豚屋幫襯左幾次，因為每次食完佢都會比啲現金券下次光臨，所以刺激左我再喺度重複消費。當然要重複消費嘅首要條件，係食物必須有返咁上下好食，先至吸引到人再嚟食過。今次趕時間就買咗個外賣，叫和風汁豬扒便當。用咗酸酸地嘅梅汁混合燒汁，濃口得黎有啲酸酸地，夏天食幾開胃。佢呢度做得最出色，係佢嘅豬扒炸得好香脆。即時係外賣，攞返屋企半個鐘之後，外層依然係脆口嘅。非常佩服佢豬扒炸完又唔會乾身，保存肉汁，水準都唔錯！

下午茶去左呢間炸豬扒專門店。其實一直都有食開,係今次打閒打食評。一條友黎食只係叫左個咖哩豬扒飯,但等左10分鐘先有得食,個炸豬扒其實係真係冇得輸,但千其唔好叫炬雞扒,你會後悔,本人食過100蚊既烤黑豚,但呢度只係一半價錢,味道一樣好味,。外皮脆,少油,肉質岩岩好,同我係日本東京食真係差唔多味,咖哩岩岩好,飯量對我黎講就岩岩好。其實冬天食夜晚打邊爐都好正,不過夏天就冇,主要都係得炸物。呢餐40幾蚊有找,,平靚正。

吉豚屋在油麻地經過了很多次，從未一試。想不到今天反而在將軍澳分店吃了。As its name suggests, 招牌菜一定是吉列豬排定食吧！第一次，就交給你吧。主角未到，桌上已有豬排汁及胡麻醬讓你自行調味。主角登場！吉列豬排外皮炸得熱辣香脆，內裡肉質卻保持了肉汁及咬感，不會太硬太乾。學日劇的主角一樣，把一口豬排夾著一堆椰菜絲吃下去，正！！冷凍的椰菜絲中和了豬排的熱氣，加上胡麻醬（豬排醬略咸，個人不喜）配上白飯簡直停不了（只可惜白飯不是特別好，如果是煲得軟硬恰好的日本米飯就完美了）。味噌湯味噌湯很有驚喜，是水準以上。通常香港吃到的，都是只有海苔作湯料的。而這碗卻有著蔬菜、胡蘿蔔、豬肉等，相當足料，很有誠意。環境/服務不同吉野家，吉豚屋係用譚仔的落單模式，但要加一。適逢lunch period，比較嘈吵。總結這個價錢吃到這個質素的豬排定食，十分高興，翻兜指數為10/10。可以進步的是米飯。

琴日見到朋友上載左呢間店既相 見到又想食吉列豬扒於是就上左黎OpenRice搵下今日去試確實唔錯👍8點到去到唔洗等位直接入去服務態度唔錯 員工人數都幾充足我就叫左吉列豬柳炸蝦定食同行朋友叫左壽喜燒鍋之後朋友唔夠飽追加左個唐揚炸雞吉列豬柳炸蝦定食：幾好食，果然去到吉列豬扒專門店都係要食吉豬。不過個吉豬汁個人覺得太勁醋味，我唔係太中意。壽喜燒鍋：味道不錯，不過同行朋友覺得唔夠飽唐揚炸雞：比較普通可以不試

每次要老公決定吃什麼當午餐， 他就一定選吉豚屋， 皆因此店抵食又好味。 久而久之這裡似乎成了我倆的午膳飯堂。今天老公一如以往的點了咖哩吉列豬扒飯，豬扒非常大份而且是厚切的， 外皮炸得酥脆，肉質肥瘦適中， 肉味香濃沒有膻臭味， 厚切相當有口感。咖哩汁是偏甜的不太辣， 正合我倆口味， 咖哩汁份量不多不少剛剛好， 伴飯吃很惹味。炸雞飯很便宜， 其實很好吃， 外層鬆脆， 內裡卻能保持嫩滑有肉汁， 配上酸甜汁正好可以解油膩， 而且汁不夠的話， 每枱桌面都放了一樽，可自行按喜好添加。雞扒下伴有椰菜絲， 伴上酸甜汁也是頗搭的。 價錢便宜，份量驚人， 已經吃得很撐了。

結左婚幾年，其實都唔會再特別過情人節。原本林住返屋企食，不過唔想煮，所以都係出街食😆情人節商場內的餐廳全部都有好多人排隊，所以我地揀左間冇咩人排隊既。食間連鎖店我同老公之前都食過，食品唔並差，最緊要唔使等好耐😂😂天氣凍凍地，佢又出左燒鍋，梗係要試下啦😋老公點左泡菜鍋定食配飯。個泡菜甜甜地，好好味，令人想起韓國旅行時食既泡菜，少少辣又甜甜地。再配薄薄既豬肉片，豬肉味中又浸一點泡菜味，好好味😋我叫既喜壽燒鍋配烏冬，一上枱個豬肉山已經好吸睛😍湯底係甜鼓油，大蔥、大蒜、豬肉片浸泡在甜鼓油湯中，帶出蔬菜和豬肉既甜味😘而且食完個口都冇好大陣既大蔥、大蒜味，個食物配搭真係好完美。仲有我鐘意既烏冬好煙靭，唔會太林，口感很好😁佢仲俾隻生雞蛋加落去，真係好飽，再食返d爽口芽菜，又多一份層次感😊

餐廳以炸物為主打，但踏入冬季，推出左豚肉壽喜燒鍋，眼見店內唔少人都有ORDER~個人中意食辣，所以Order左個豚肉泡菜鍋!~泡菜湯底帶有微辣，唔食辣既朋友仔都可以食到!~不過湯底重味精，食完有D口唷！豚肉泡菜鍋配料有獅子狗、金菇、豆腐、冬菇、烏冬...主角豚肉山大約得5-6片豚肉，內裡全都是芽菜豚肉帶有小許脂肪，口感不錯，並唔靱！但豚肉肉味淡！整體水準一般，而且份量唔多，若果很肚餓/大食既人應該會唔飽唷！

First time I went here, I had the chicken with garlic and chili a la carte so the chicken and garlic crumbs were placed on top of the rice making it bloody salty.It appears to have red colouring too because the chopsticks go red.On the second visit, I went for the set because the rice is served separately.Anyway, the chicken was consistently salty.The hygiene could be improved because the plastic cups for the water stink of wet cloths.

之前係metro city食飯都中過唔少伏，今次試依間就又抵又好食。六點幾就去食，所以唔駛等位，直接入去，不過見隔離餐廳都要等位。平時一個晚餐都要百幾蚊，今次＄100都唔使就可以食一個豬扒飯加一杯野飲，性價之選。來到吉列豬扒專門店，梗係要食吉列豬扒啦，分別叫咗咖喱汁同和風汁，餐牌入面飯類比較多，烏冬麵類比較少。🍜🍛🍱豬扒飯有「梅」、「竹」、「松」三類分份量，唔係話好大食嘅話無論男女梅都好夠食。🐷豬扒的確好食，皮夠脆，肉就都係咁啦。飯方面係用日本米，反而個飯都出色，乾濕適中！唔怪得知餐牌上係飯為主🍛汁方面，味道濃，岩重口味人士，不過食完個飯係超超超口渴。和風汁都唔錯，唔好以為個飯好少汁，佢個枱面亦都有一大樽比你加。咖喱汁唔太辣。🍹飲品方面叫咗凍椰果荔枝茶，有小小偏甜。每人＄70左右就食到好好味嘅飯，晚餐唔知去邊度食又係附近嘅話，依間係唔錯既選擇！

容易生痱滋的我, 每次食熱氣野時都要諗一諗, 媽咪教我一個方法, 如果生痱滋, 可以一次食幾個奇異果可以快好呀 !!  我自已試過都OK喎 !有左呢條妙方, 所以都唔怕食。入正題先, 吉豚屋我獨沽一味食 , 因為好中意飲豚肉湯, 個湯裡面好足料。兩塊炸豬扒都唔細件喎 ! 而豚肉湯係大碗既 ! 加上佢有大量椰菜絲 (唔可以添加) 最愛配上枱面上芝麻醬. 真係一粒飯都會食得晒。朋友吃另一個餐 (炸蝦配熱烏冬), 炸蝦有5隻, 而且炸得卜卜脆, 好香口 ! 熱烏冬都算彈牙, 但份量都唔算大碗囉 !!吉豚屋也常常換新菜式, 而且每次食完都有COUPON比你下次用, 有些分店用住戶証都有折呀 !!

當一個人搵野食既時候 自自然就吾捨得食d獨貴既野 係將軍澳咁多個商場行來行去 吾想吃food court 又想吃日本菜既時候 就比我見到 原來將軍澳都有開吉豚屋 係旺角就吃得多 呢邊真係未試過 於是決定進去一試我叫的是吉列豬扒定食 一坐低既時候侍應先比左杯水我 叫左餐後等左一會d野食好快就到了 由於個盤比較大既關係 個侍應好細心咁幫我執好d位 先講個湯 佢個湯並吾係一般日式定食既面豉湯 而係有豚肉同各式蘿白煮成既湯 吾濃吾淡 好香豬肉味 飲一啖湯 扒啖飯 真係人生一大享受第二就係豬扒啦 佢有放椰菜絲係底去令塊吉列豬扒冇咁油 但我每次都會配埋佢既麻醬吃埋 而豬扒佢係新鮮岩岩好整出來 脆得黎有口感 點埋豬扒醬吃係一流 佢既飯係用日本珍珠米整 吃落粒粒米飯香 絕對係我杯茶 吃過日本米既大家相信會明白我講咩60蚊左右 有咁既享受 絕對超值