Cafe 2 Oyster n Grill

Open Now

Now Closed

前日，同屋企人聚餐，碌下openrice ，就搵到尼間 cafe 2 Oyster n Grill， 都試下啦。自問自己對食物要求都高，但我同屋企人都比一百分尼間餐廳，仲book 埋 Christmas 再黎食多次，所以十分推介，職員服務態度好，上菜快，價錢仲好合理🌞我就最鍾意食海鮮，試左佢嘅大蝦，好香同juice! 仲有炭燒澳洲斧頭扒我們唔食太生, 所以叫左七成熟，好香牛味同多汁，唔使加鹽都已經夠原汁原味，扒底仲有南瓜 ，翠玉瓜，秋葵等,鍾意食菜嘅我，正啊！

今日同屋企人去依度食飯，慶祝細佬18歲生日。依度既裝潢既格調十分典雅，環境又寧靜，真係好唔錯架！屋企人都好鍾意啊！叫左兩份牛扒，份牛扒真係驚艷到我地，燒到好靚，仲要入口即化，一啲都唔油唔膩，我地都話超滿足。我地仲叫左兩份日式鰻魚蛋包飯，真係好好食呀！啲雞蛋超嫩，感覺好似食緊綿花糖咁，調味都相當唔錯，鰻魚都十分新鮮，雞蛋同鰻魚既配搭十分完美，演奏出一首美妙既旋律。依到啲梳乎厘都好好食，甜味啱啱好，唔太甜，一放進嘴入面就感覺好似雪糕一樣慢慢咁融化，令人回味無窮，真係好推薦架！鍾意食甜品就一定要試下啦！

鰻魚蛋包飯份量十足蛋唔會太熟，仲有些少蛋汁流出perfect ，鰻魚原條上，如果鰻魚再多d焦香感就更更更perfect 啦除咗叫鰻魚蛋包飯，仲叫左份羊架意粉，羊架有誠意，淋身唔會咬極都唔爛，有羊香，鍾意食羊既唔好錯過。意粉若調味再花多少少心機調味就好了，不過羊架先係主角。當然仲有叫個海鮮拼盤，好食。仲有4個sauce 。夠鮮，擺盆可以。蝦比我想像中大隻，唔會有霉爛既感覺，好咬口，易剥殼，即係係新鮮值得一試。

平時同男朋友都好鍾意食生蠔，今日去遊車河去到西環，又唔知食咩好，門口見佢裝修都幾有格調又有氣氛，就決定入去試下佢。見到隔離枱啲海鮮都好新鮮，所以叫咗個Seafood platter。啲蝦同埋生蠔都好新鮮，我自己平時就好鍾意加埋啲醬嚟食嘅，有四個選擇就啱晒我，但係呢度啲海鮮唔洗加醬都好夠鮮味，而且啲生蠔真係有成隻手掌咁大，睇落已經覺得好飽滿，食落口都好creamy，真係啖啖滿足感，如果唔係男朋友要揸車，一定會嗌返枝酒嚟襯，見到佢餐牌仲有grilled seafood，決定下次一定要再嚟試！另外仲嗌咗個Salmon Risotto，啲飯唔會太淋身，都唔會太濕，有啲蟹籽喺入面，口感好豐富，加埋個三文魚都好好味，唔會太鹹，份量啱啱好。見到啲芒果好吸引，就嗌咗個甜品，係芒果拿破倫，啲皮好酥脆鬆化，唔會太奀，啲吉士醬唔會太甜，打卡都好靚男朋友就叫咗個banana smoothie，都好吸引，因為平時其他地方都冇見到呢個款式所以好想試下，個香蕉味好出，好特別，我自己都好鍾意呢一杯，不過估計卡路里唔會太低，唯有食埋呢餐先減啦哈哈。。。

Cafe 2 Oyster n Grill - 14/11/2022自從舊學生升左上HKU後已經好耐無見今日大家終於就到時間喺HKU附近食個快lunch我平時好少來呢邊食飯於是佢介紹我來呢間佢經常同莊mate食飯嘅餐廳門面似D 輕食西餐睇完個lunch menu有少少意外之前港島求其食個茶記都七八十佢定價算係好親民 (可能夾番D學生客需求?)環境來到點幾可能撞正附近office lunch hour全場full!!好彩等左5-10分鐘就輪到交枱餐廳通風算係不俗即使full house都唔覺焗促加埋牆上嘅decoration (呢種fine art X 工業風好似香港大學站條長命通道)感覺係幾舒服食物粟米湯同凍檸茶係大路野maincourse我地落左個Ribeye 同Pork Loin share雖然係幾十蚊貨仔但至少Ribeye能夠做到無渣 (呢點好過唔少so called扒房賣兩三百嘅場)而Pork Loin無嗰種豬騷味lunchtime出菜亦唔馬虎算係對得住呢個價錢有突最後忍唔到口加 $18 叫多左件New York cheesecake試埋佢甜品雖然質地唔夠實淨toppings

上次經過呢間cafe已經比佢落地大玻璃吸引左，咁啱11月有幾個屋企人生日，所以決定黎呢度試吓😅，點知一試難忘，叫左個海鮮併盤🦪 🦐，勁新鮮💯，炭燒斧頭扒勁淋，我兩個仔最like banana smoothies ，值得一提係個黑松露雜菌湯，我好鍾意飲西湯，本身諗住叫一個大家試吓，點知個個飲唔停口，最後我只飲咗一啖🤣，之後即刻叫多兩個，個湯好飲到唔記得影相tim💯，總抱黎講，性價比高，下次會再encore

朋友介紹話呢到嘅斧頭扒又大份又好食，我同啲朋友一路食食到嗯嗯聲，好味到講唔到野，肉質鮮嫩好夠牛味，唔韌不特止仲好Juicy😋😋😋仲有生蠔又大隻又新鮮，咬落啖啖肉，$500蚊12隻有咁嘅質素真係物超所值😋下次一定再拆過

今日同媽咪去左依到食生日飯慶祝，叫左一盤生蠔，一個安格斯牛扒切片同埋一個香蕉船，真係好好味呀!生蠔好juicy，好新鮮，一食落口就充滿鮮甜味。安格斯牛扒燒到岩岩好，半生熟，一咬即融。香蕉船擺碟好靚，亦都好好食!最鐘意係依到環境清靜同裝修典雅，可以坐好耐，一邊慢慢食一邊傾計。

My hubby brought me to try a restaurant in Western District. The location outside there is not so busy but there has one special restaurant over a corner. That restaurant decorations is chill and comfortable. Good for friend gathering and dating as well. For the food, I love very much. We ordered Spring Pearl Oysters, Softshell crab salad, Scallop Pawn Pasta and Foie Gras Risotto. All food are very delicious and its CP is excellent! I will bring my friends to try their other types of oyster

Upmarket Western style restaurant close to HKU station serving steaks, seafood, oysters and pizza/ pasta. Lighting is subdued and suitable for a date or business dinner. All dishes can be served individually or to share, and they have a great free flow beer/wine deal for HK$58 a head if you order at least $200 of food per person. 2 of us had free flow drinks, pepperoni pizza and a seafood paella dish with a shared appetiser of spicy wings and a shared dessert of banana split . The pizza was quit

朋友推介西營盤有間西式小店, 見到有斧頭扒就試試無妨 🤩🤩炭燒澳洲斧頭扒店員好細心畀大家打完卡先切開😆 本身食開五成😄朋友仔唔食太生, 不過七成肉質都唔錯, 牛味都濃, 加啲鹽提味都正!扒底墊有燒過既蔬菜 有南瓜 翠玉瓜秋葵等, 雜菜吸收哂肉汁既香😍同朋友都爭住食!!!檸檬蜜糖雞翼外脆內嫩滑🤩都幾好食! 仲有開胃既檸檬醬料幾fresh!炭燒海鮮拼盤海鮮種類都幾多, 都大大隻! 對於海鮮, 朋友比較喜歡, 佢哋都話唔幾新鮮!總括而言, 食物 環境都不錯! 不過價錢就中等價位

大表將陪女到外國讀書！加上我搬咗新屋！嚟試試間餐廳係細表姐揀嘅！佢之前食過，覺得OK！佢叫我哋嚟嘅原因係因為佢鍾意呢度有生蠔食餐廳做緊開店7周年慶祝，$10一隻生蠔，另外有啲較貴生蠔！估唔到佢$10一隻嘅生蠔幾好食！反而$29一隻嘅味道怪怪地，雖然大隻和口感較好！表姐都覺得嗅味麻麻食完生蠔食前菜，個軟殼蟹沙律幾好食！蟹炸得脆裏面鬆化！蜆湯好味，黑松露湯有少少香味不算好濃，兩個都ok嘅主菜，我哋叫咗一個Pizza一個蜆殼粉！蜆殼粉好味又咬口，汁又煮得剛能掛咗粉上！pizza的餸好吃，味道ok,但餅底唔OK又唔鬆厚又唔脆最後為食嘅我仲叫咗甜品,個cream brûlée 面有焦糖，第一啖，夠甜和好味！但越食越覺可甜些！雖然creamy入口即溶,但對我略淡！飲品調較得靚,味道清新，好飲！服務方面，店雖少，但有好幾位waitress !外籍服務員比較心急！吃完蠔無留意你已再叫，就想收碟！要stop佢！而這裡有最低消費，每人200唔包叫蠔！在疫情的weekday下，有點貴！

成日搭車經過都想試Cafe 2，而家無得堂食唯有叫外賣，最想試佢哋啲扒，之前見過斧頭扒好似幾得，今次試肉眼同羊架，結果令我好失望！🍴燒紐西蘭肉眼扒配黑椒汁(7成)⭐️期望好高嘅扒原來好港式，同樣用咗梳打粉醃肉，肉變得軟腍無肉味，將價就貨，我寧願佢枱返高少少個價做好個扒，如果我想食港式扒，屋企附近已經有”農場”同”花園餐廳”選擇。🍴烤羊架配燒汁⭐️⭐️⭐️羊架較牛扒好味，起碼冇乜梳打粉，而且羊羶味都突出，肉質唔算死腍，size都算幾大件。🍴煙三文魚飛魚籽忌廉意大利飯⭐️除咗塊煙三文魚係好味之外，其他都真係唔掂，個飯完全係無味，仲要唔creamy乾噌噌，勉強食咗半盒。二人共消費：$242 (外送速遞)

香港人宜家想簡簡單單食餐安樂茶飯真係唔容易，今次食呢間Cafe位於西營盤，我幾欣賞座位隔板空間幾寬落，坐得舒適，而且牆上掛了不少畫作，幾有格調。雖然算不上特別，但食物質素唔錯，CP值唔錯。.午市餐牌有11款選擇，最貴肉眼扒盛惠$198，最平$65有交易，就係呢個烤雞扒配蜜糖芥末醬配飯/意粉/薯菜。先上一個薯仔忌廉湯，幾濃幾creamy，飲完好暖身。之後上主菜，呢碟雞扒意粉幾大碟，雞扒厚身，雖然外層望落有少少燶，但幾香口，皮脆肉嫩。醬汁另外上，味道唔會太甜，我鍾意。意粉稍為乾身，我要加啲蜜糖芥末醬撈黎食，感覺變得有點邪惡，幸好拌碟有幾多西蘭花同蘿蔔平衡番。最後餐飲冷熱都免費，而且大大杯，正！滿足！

這間餐廳🦪生蠔成日做特價，所以好抵食💰餐牌價錢係正價，折扣後真係抵食Spain Pearl & Fine De Clai 都係$19Lambert & St. Martin 係$29Gillardeau $39🤩喜歡食蠔就唔好錯過喇😋🍵黑松露蘑菇湯配法包$68這個法包唔知點解唔脆😅，湯味道一般啦🍄炒雜菇$78比較用太多牛油炒，太油膩唔係好啱我🥪青口配脆脆麵包粒$188脆脆麵包好味，忌廉味重，青口大大隻🧄🍾蒜香紫蘇白酒煮海蜆$128好香酒味🐷乳豬$298 推介：勁好味、嫩滑、唔鹹👍🏻😋分量雖小但少吃多滋味😆