Cafe 360 (Closed)

因為工作關係，暫駐南昌，過去一星期的午飯，跟同事都到深水埗西九龍中心享用，奈何深水埗食肆雖五花八門，卻參差不齊。經歷頭四天的「中伏」，終於，在星期五，找到一間十分滿意的——位於西九的「Cafe 360」。整頓午飯，最特別的一定是伴隨lunch set的法國皇冠酥皮湯（現在回想，才覺名字幾特別，酥皮裹住整碗磨菇忌廉湯，因而冠上皇冠之名）。我就把「皇冠」戮穿，連湯一起享用。見同事的食法盡不同，點食先最正宗？還望不吝賜教。湯旁是英國有式草本茶，本人就不太習慣這種茶味（有些刺鼻）。正餐是麻醬雞肉意粉，香味四溢，十分滋味。但似乎大家都忽略了正餐，焦點放於酥皮湯，盡說飲過酥皮湯後都半飽和不枉此行了。

再來一個唔想煮飯的晚上，一個人係西九龍中心搵食。經過6樓Cafe 360，呢間餐廳已經唔係第一次黎，呢度既職員比我感覺係非常好，每次經過，職員都會行出門口介紹當日既優惠晚餐，入座後會即時遞上MENU，服務貼心。今晚自己一個，就叫咗職員介紹既酥皮湯晚市套餐，套餐包括酥皮湯、肉醬意粉、餐飲。呢度既酥皮湯水準一向唔錯。入面係忌廉蘑菇湯，湯唔算太濃，有蘑菇味及隱約有點奶味。肉醬意粉，味道沒有太大驚喜，肉醬份量非常充足。呢度最值得讚既係職員既服務態度，非常友善親切，無論想落單、埋單、都好快會有職員跟進，食完既碟好快會有職員收走，以連鎖店黎講，呢個服務真係好值得比個讚！

呢間餐廳位於西九龍中心6樓，有日夜晚經過見個menu整得幾靚，個環境又吾錯，就入去試下。餐廳環境: 燈光同格局都令食客坐得舒適，但扣分位係有一兩隻蚊滋仔，吾知咁岩係果張桌定成間餐廳既問題。食物: 個人覺得menu既相片同介紹比實物更加吸引。我點左焗菠蘿雙色芝空豬排焗番茄飯同360芝士薄餅。焗豬扒飯會跟免費野飲，可以簡凍果茶、咖啡式者熱茶，我就加左杯熱茶。360芝士薄餅就可以半價加野飲，朋友就加左喜馬拉雅山粉紅岩鹽咖啡。1. 焗菠蘿雙色芝空豬排焗番茄飯個焗飯一上到就令我諗起大快活既焗豬扒飯，比起大快活既焗豬扒飯，呢個焗飯d飯無加蛋炒，芝士都吾覺食到，豬排吾算好肥，但食落無咩味，可以一讚既地方係幾多翠肉瓜同菠蘿。2. 360芝士薄餅pizza個餅底夠熱同鬆軟，但叫得360度芝士，我expect會多d芝士，但睇落同食落都真係吾覺多芝士，但就幾多碎蛋，同pizza整體個味道吾係咁夾。總結: 間餐廳性價比唔高，呢個價錢可以係其他餐廳享受更好味既野食。深水埗咁多選擇，應該無咩原因會再食呢間。

西九龍中心野食選擇好多，但總係俾人既印象麻麻地，想搵間坐得舒服，野食好食既餐廳都好難。最近朋友介紹我去CAFÉ 360，lunchtime有套餐，$60幾蚊包野飲，價錢唔算貴，野飲仲可以簡草本茶/紅豆冰。-今次食左炸雞粒＋自家製waffle＋甜蕃茄湯螺絲粉套餐。Waffle 即叫即製，黎到既時候仲有微熱，脆卜卜咁。我特別鐘意個甜蕃茄湯，味道好濃，可以一邊食螺絲粉一邊飲埋D湯。-朋友就叫左pan pan飯，黎到既時候熱辣辣仲好香添，等我下次都試下！

西九龍中心可能因為商場位置同保養問題成日比人好喧嘩、好殘殘舊舊既感覺如果唔想逼food court想坐得舒舒服服又可以同三五知己傾到偈咁呢間Cafe 360就啱晒喇～呢間餐廳既menu有日式既pan pan飯有waffle+羅宋通粉Set仲有意粉+酥皮湯Set一個lunch menu都有十幾款比你揀我多數黎都食肉醬意粉+酥皮湯今次試下pan pan 飯上既時候個pan仲熱辣辣加埋上面既木魚絲真係好香架而且份量都幾大同行友人都食唔晒

早排放工去左哩間食全日早餐，賣相ok，麵包好鬆軟，蛋都好滑，其他就麻麻地，d菇係最唔好食！食完都唔太飽食多份芒果窩芙，窩芙脆身，配上糖漿食甜入心，芒果雪糕好夠甜，食完滿足晒！

3個人，細食有2位，所以叫左個2人餐，棉花糖紫薯牛奶，建議食左大半棉花糖之後，就將淨落黎既同紫薯牛奶一齊飲，本身紫薯牛奶味很濃，唔太甜，但我中意有少少甜，所以唔中意甜既，又點會叫有棉花糖既飲品丫員工推薦叫豬仔脾，咁就豬仔脾啦！好㝝好好食，啲汁係BBQ Sauce ~ 另外再有額外比BBQ Sauce~ 啲肉好夠汁，唔會乾身，竹灰包一黎到係暖既，如果有牛油就好啦！就咁食就dry左少少，不過包既口感好柔軟既！呢個係溫泉蛋卡邦~ 無乜特別，不過足料。呢個係名就。。。蜜糖芝士多士！？咁上下啦！好脆，但我唔覺得係甜品😂😂Anyway~ 係好食既！

平時返工食lunch都係去茶餐廳，因為貪唔使諗，上菜夠快。起香港咁急促既地方，茶餐廳都可以話係冇選擇既選擇。今天因有特別活動，午飯時間延長，就試下其他野食，經同事介紹，去了這間cafe 360。這間餐廳主要吃西式菜，價錢唔算貴，普遍60-70蚊。我就揀左 pan pan飯，這個panpan 飯 包埋飲品，飲品可以選擇紅豆冰，唔使加錢首先要讚既係，上菜速度好快，唔使5分鐘d野食就黎。另外，野食都夠熱，我這個panpan飯其實可以話係蛋包飯，蛋香都夠，搭配一些雞肉，岩岩好。紅豆冰，這間聲稱用十勝紅豆的，食落都好味好甜，配上好香既椰奶。很好。

今日同同事嚟到西九呢邊食午餐，同事話想食呢間，就入咗嚟啦。午餐餐牌都幾多選擇，但係我一見到有酥皮湯食，就決定咗要叫酥皮湯套餐。個酥皮湯微熱，以呢個價錢有呢個水準都算合理，飲完個酥皮湯已經飽咗一半，食埋個意粉，真係超飽。我哋12點鐘嚟到，d餐都出得好快，加上着咗制服有得減$10 ，幾抵，下次會再嚟食！

位處西九龍中心，即是我家最近的商場，因此已光顧過此餐廳無數次。第一次寫食評，當然選一間我喜歡的餐廳😉今天點了下午茶餐：（抱歉！忘了菜單上的名字）雞肉多士，蕃茄湯螺絲粉，紅豆冰紅豆冰一般，優點是不會太甜蕃茄湯螺絲粉味道略濃，有點辣重點是雞肉多士十分美味😋多士略厚，很「飽肚」，雞肉份量十足，感覺像是在吃pizza, 但比pizza更好吃。吃後回味無窮。同行友人點了這裡很有特色的棉花糖紫薯牛奶，我試飲了一下，喜歡紫薯的朋友應該會很喜歡，棉花糖更是小朋友最愛。餐廳裝修環境不錯👍值得推介的一間餐廳

收工去食野，去到西九間間都好多人咁，郁下就要等幾十個行過見到呢間Cafe360唔洗等位，Menu睇落又幾吸引，就入左去坐低啦！叫左兩個意粉，配左碗酥皮湯個酥皮湯好脆，同埋都好厚下，幾好食，但個湯我個人就覺得有少少偏咸～可能因為又係磨菇湯啦之後兩碟意粉上齊，海鮮戈碟呢，睇落唔錯，但朋友就話食落冇咩味咁。我戈碟就肉醬意粉，唔錯既，個人覺得幾好味幾開胃，但未到話好有驚喜。除左呢啲之外，餐廳仲有薄餅呀、甜品呀、焗飯呀等等，選擇範圍廣，睇menu啲甜品幾吸引，有機會再試真啲！環境不錯，幾適合情侶、朋友聚會，服務亦算良好。

成日都會去深水埗尋寶，多數都會去西九龍中心搵食，但想搵間乾淨整潔，坐得舒服，而服務態度好嘅餐廳真係好難，之前食開同層另一間西餐，服務態度愈黎愈差，唯有轉第2間。今日同朋友一齊，行過Cafe 360，近門口的侍應生見我地喺門口睇餐牌，即時出黎熱情介紹，由於佢太熱情，就一入去試試。侍應生重點推介吉列豬扒配茄湯貝殼粉，豬扒係即叫即炸，食落唔會霉dum dum，仲熱辣辣脆卜卜，而茄湯貝殼粉簡直超出預期，湯底酸酸甜甜，貝殼粉軟硬度適中，十分開胃。朋友食溫泉蛋豚肉石窩飯，朋友話夠晒熱，而用豚肉十分多，重點係無用味精，因為朋友係超級敏感底，一食味精面會即腫，十分唔錯。但身為一間Cafe，咖啡就比較失色，我叫即磨咖啡少奶，咖啡比較稀同淡，叫少奶先啱啱好，如果正常奶應該會變奶水，朋友叫左港式奶茶，反而唔錯，下次可以試下。服務方便，侍應生都十分有禮，點餐時問問題、要水、要牙籤通通無問題，而且叫親佢地都會保持微笑過黎問要咩，值得一讚。座位都算闊落，地下、枱同枱上嘅餐具唔會痴笠笠，抵讚。最後講下價錢，我個吉列豬扒配茄湯貝殼粉餐，有甜品，有餐飲，都只係$65，原來我個餐仲可以免費升級轉菠蘿特飲或紅豆冰。而朋友嘅

西九龍中心 的多家餐廳我都試過了 , 唯獨是這家 Cafe 360 , 所以當天的晚餐我決定幫襯這一家 , 看看水準如何 ~Menu ~我點了 巴馬臣芝士肉醬意大利粉 附送 法式皇冠酥皮湯 $ 68 因為某種原因的關係 , 當晚我不想喝酥皮湯 , 於是我改了飲忌廉蘑菇湯 , 其質感尚且算是濃稠細滑 , 但味道卻十分普通 ~巴馬臣芝士肉醬意大利粉 : 肉醬和意粉的份量都大 , 肉醬的味道是7分甜3分酸 , 算是偏甜了一點吧 , 巴馬臣芝士就是放得比較少 , 意大利粉也是偏腍了一點 , 味道真是很一般 ~雖然食物的味道普普通通 , 但因為單身的服務殷勤 , 價錢也便宜的關係 , 所以仍然值得給一個 " 笑臉 - 好評 " 的 ~本篇完 ~

脆炸鸡肉“野菌”热石锅酱油饭野菌，千辛万苦先撩到两条，对质之後，店员单独呈上一小盘野菌补返数……菠萝鲜果茶？？？同张poster对比之下走晒样厨房煮道菜可以咁无诚意，都算喇，仲要唔好食平庸已经系我对360最高评价

行經西九龍中心，想找一個靜靜的地方用餐，故找了間cafe用餐。餐廳食物選擇頗多，費是諗黎諗去，所以點了個烤雞二人套餐($248)。其先上了飲品及餐湯。飲品方面，我選了熱英式有機草本茶，飲品用茶包沖切，及使用外賣杯，飲不完可以拿走。而餐湯則是野菌忌廉湯，味道方面略嫌普通。之後到主菜，香草烤雞配烤蔬菜、竹炭包、沙律。竹炭包，賣相挺特別的，不過好硬，少一點牙力都咬不到。而香草烤雞，略嫌醃得不夠入味，雞肉欠缺香草味，不過肉質嫩滑。而烤蔬菜則烤得不錯。主盤方面，我們則選了夏威夷芝士薄餅，不愛吃Pizza的，可以選肉醬意粉/卡邦尼意粉/鐵鍋番茄飯/炸雞石鍋醬油飯。Pizza足料，外圍脆口，不錯。不過，吃完整隻烤雞，再吃Pizza，則有點多。二人套餐的份量很多，兩個人吃不完，女生的話，建議三人分享。