陸拾六 (Closed)

今天行過發現在和富道新開左1間新餐廳, 叫Cafe 66, 見佢裝修個樣幾舒服😌，於是走入去試試佢地個晚餐，叫咗一份丅骨扒餐配黑椒汁同忌廉汁燴青囗，整體食物味道唔錯，之前試過一間連鎖店牛扒勁重雪味😖而價錢仲貴過呢度！但呢間就冇呢個問題，好味👍😌另外餐廳環境坐落確係幾舒適，現時市面多數都係連鎖餐廳為主，難得有1間水準不俗的小店，所以我都想藉住OpenRice 讚下呢間Cafe, 叧外見佢有d雪糕窩夫提供，我下次都可以試下相信各位亦可以支持下👍

住左北角咁耐，其實都好小落街食飯，但撞正工人姐姐放假，所以自己要落街搵野食😆落到樓下周街搵野食，到到都爆場，心都灰埋，行遠小小見到有間cafe66,環境好靚，比佢吸引到，但係門口排左好多，同香港飯堂差唔多人，既然茶餐廳就食得多就一於試吓有特色嘅餐廳，係cafe66門口排左一陣隊，終於都輪到我入去食嘢啦，坐低時服務唔錯一切都幾好，但到食物時真心難頂，想叫救命😑叫左一個澳洲肉眼扒現燒汁，我就跟左個意粉，賣78元，其實咁既價錢，傻既都知會比d咩牛你食，將貨就價，呢樣明白，但鬼叫自己冇錢咩，好入正題：肉眼落鬆肉粉，感覺好似唔洗錢咁，落好多好多，咬落去直頭想吐番出來，食左一件仔就冇食，之後用燒汁撈意粉食，唉救命，個燒汁冇味，又唔香，再撈埋意粉，似食緊生粉水咁，之後都真係一半都食唔哂，服務員重問我：係咪食物唔岩食呀，食唔哂既，我都講唔出口😓，之後飲埋杯咖啡就賣單走人，咖啡都唔錯，但未算係好好飲，原來重有加一服務，食個Lunch都收加一😅，日後咁既情況寧願食番茶記，真係比佢排隊既熱潮昆左我，未必會再番轉頭

見佢開咗一陣子，之前又好多人排隊等，諗住ok, 今日試吓lunch set，叫咗海鮮天使麵同肉眼牛扒飯。先講個湯，所謂嘅洋蔥湯，勁淡，完全冇洋蔥味！五成熟的牛扒，超多筋連把刀都切唔開，雖然＄75一個餐，唔會有太大期望，不過真係完全咬唔到，差到一個點，只係食咗¼塊。海鮮天使麵，一塊無魚味嘅魚柳加兩條仔蟹柳，塊魚完全無味，我寧願佢收貴啲但係用料可以好啲。仲有杯咖啡，諗住佢做得Cafe，杯咖啡應該OK點知淡到水一樣，隔離茶餐廳仲好味過佢🤦🏻‍♀️。

放假訓醒落街揾 lunch 食, 經過呢間 cafe 66 門口發現有幾組人在門外排緊隊, 心諗既然多人排隊應該間野食物唔差, 反正有時間就排隊等下, 我前面係2個2位, 1個1位等緊, 所以我只要等前面3組人入座後, 我就應該係第4個入座等左大約10-15分鐘, 前面3組人入晒座, 理應下一張枱到我入, 排我後面係兩大一細3人家庭黎, 一個女侍應出黎問我幾位, 我話我一位, 我望到入面係有兩張4人枱的 (一張未執枱, 一張執乾淨已經, 另外入啲有張擺左Reserved 牌的卡座), 我諗住女侍應會帶我入座的, 殊不知入面個男經理知我一位, 我後面係3位, 佢居然叫個女侍應俾左3位入先 !! 我心諗咩料, 我排前面的, 點解要讓俾我後面3位入先? 我眼白白睇住女侍應帶果一家三口去頭先我話已經執乾淨的枱俾佢地坐, 我再等多一陣, 然後佢地執乾淨好之前我話未執乾淨果張4人枱俾我坐, 我睇住成件事發生我覺得好激氣 !!首先, 我明白餐廳的立場係想做多啲生意, 有3位客一定係想做3位客多個我1位客, 這是我了解的, 如果當時只係得一張吉的4人枱, 佢地俾果3位客入先我都可以原諒, 但明明當時係

CAFE 66我唔係第一次食啦今次都只係第二次黎呢到食因為見之前好多人排隊所以一放LUNCH就即刻衝黎啦當然唔駛排隊等位就入得啦門口個餐牌雖然我先放呢張相出黎但其實我係走個時先影我係冇睇到呢個餐牌就入咗去入到去一坐底見到個餐牌覺得有啲唔同咁既原來佢一開冇耐 我估應該係見人多所以佢已經改咗餐牌已經加晒價開咗一陣已經加晒價LU本身已經覺得呢間野係唔算平既應該開咗唔夠半年已經加價LU先黎個湯 稀啲但OK可接受既再黎蒜蓉包同上一次味道差唔多 水準一樣既由於見個牛扒貴咗成十蚊貴咗成15% 個名由紐西蘭變咗澳洲所以冇食啦改食呢個鴨胸意粉個汁唔太出汁加上比較稀份量唔多 只能說一般般 但價錢係比較貴跟餐飲變多咗野揀本身好似得咖啡同唔知乜唔駛加錢最後覺得性價比偏低比較下 因為個價加幅大咗好多好可惜

今日北角試新野話說有日路過呢邊食LUNCH 見到有間新開門既餐廳個陣見佢新開 所以都有唔少人排隊所以都冇話即時去試下既 等過幾多日先啦咁今日2月15日 年三十晚返多一陣工就收工啦 要去賀一賀去 所以一放LUNCH即刻衝去呢間食野啦去到等咗幾分鐘入得 好彩我地去得快之後黎到都要等位啦餐廳裝修得都唔錯 幾光猛先黎個餐湯 幾好味之後有個蒜蓉包略嫌唔夠脆口 但都唔錯好味既紐西蘭肉眼扒配紅酒汁佢冇問幾熟既 可能太薄整唔到 不過唔緊要 我係冇所謂既食落個牛都好 個汁同個牛扒幾搭 幾好味 牛咬落都有陣肉味唔錯 我覺得算幾滿意 好味既 價錢都可接受

話說原底今日諗住去食日本野但間野新年無開就睇下附近有咩岩食經過尼間cafe66裝橫不錯而且價錢合理所以入左去試店內裝修很用心似係新開無耐中午時分人流不多但到差不多1點而且門外有人排隊了點餐叫左個805《香煎龍利柳配刁草忌廉汁意粉》$63午餐套餐配埋蒜蓉包同餐湯南瓜湯/雜菜我揀左南瓜湯🎃味道好清甜南瓜味重而且好健康龍利柳煎得適中香草🌿好香意粉同平時大有不同係幼既扁意粉比較硬身我個人就不太喜歡但味道是可以的套餐包埋飲品另外散叫咖啡☕️$15見有個維也納咖啡☕️個名特別就試試佢一開全部面係泡泡過一陣就融入左咖啡入面其實就飲吾到咩特別

幾天前吃的，記得是千層的牛肉漢堡，貌似58。 因為太大，所以是一層一層吃的。 伴碟的有薯條，炸的頗脆，上面有一層味粉，味道都夾。 麵包是加上牛油烘過的，口感帶脆，不掉渣，還是可以的。 雞蛋煎的還好，就是我的這份小小的過熟了，沒有流心效果。 生菜新鮮，番茄味道不是很好，不過漢堡里的醬料味道不錯。 漢堡肉是裡面最糟的，小小一塊，嚐起來像是放了很多麵粉。 反觀火腿味道還不差，好像是雞肉的，口感ok，有些肉味。 配餐的還有一杯咖啡，個人選了不加奶和糖的，齋啡味道還可以。 整體來說，環境很好，裝修有復古文青風，附近有一些書架擺著what if 一類不錯的書。 以下午茶的標準來講，環境還是比較休閒的，價位也合適，衹是味道不算出色。 中規中矩，下次還會去。

返總公司上堂，收工行下熟悉嘅北角，已經開了些新餐廳，經過呢間門面幾靚，名字亦可愛，見店員笑容滿面咁同行人推介下午茶餐，價錢又幾抵，所以入去試下，店內北歐風格，黃色燈泡💡配淺木加布藝椅子，桌椅頗迫！當時無乜客人，其實已接近晚餐時間，坐低點菜，我叫個意粉餐，又想加件蛋糕，店員提議我叫下午茶餐嘅蛋榚餐，仲提醒我下午茶餐時段將過去，我可以先落單，到時食完意粉先叫起甜品，咁就又特價又有多杯飲品！唔係蛋榚就要正價！香草煙雞絲大啡菇闊條麵（$48）賣相幾靚，粉紅色雞肉絲撞上暗線闊麵，粉紅色雞肉絲係凍嘅火腿切絲，微鹹粉嫩，下面用香草醬炒嘅闊條麵，微辣惹味，加上索晒香草醬嘅鮮菇，嫩滑好味，雖然橄欖油落得多，闊麵煙韌有咬口！好味維也納咖啡☕️（$15）第一次飲維也納咖啡，喜歡呢種有耳厚瓷杯，存熱好，咖啡面嘅忌廉又濃又杰，𢳂起食有種朱古力味拖肥糖嘅感覺，好甜滑，下面嘅咖啡甘香夠熱，雖然唔算好濃，熱力迫咗啲香味出來，又無酸味！甘甜味道衝擊味覺，好味自家製檸檬芝直蛋榚🍋🍰（$30）擺盤賣相靚，拌碟水果爽脆新鮮，味道酸甜，蛋糕幾大件，芝士軟滑彈身，檸檬味唔強，芝士輕宜像是日本芝士蛋糕，唔膩，剛剛食完意粉都食到！微甜

係北角區好少有的餐廳，新開只做set！希望遲D可以有更多選擇！以呢個價錢食到呢質素和環境真的冇投訴，值得一提的伙記雖然有生手，但睇得出好有熱誠服務ok!如果夜晚相食得好D又未到Fine dinner 係可以一試。

位於平凡鬧市中的一家新西式餐廳。門面裝修北歐簡約風格，耳目一新。趁新開張，當然要試試！步入餐廳，各種舊時的收藏品，滿滿的時代回憶。尤其在收藏品架旁還有一架單車，來到必定要在此留念，特別有味道！簡直是為了愛影相的人士而設！食物擺盤精緻，梗係相機食先！哈哈而食物的味道亦勝於大部分的餐廳！雖是西式餐廳，但並沒有酒提供，聽經理說歡迎自備酒水，真好！最愛黑毛豬架、黑松露義大利飯，還有檸檬芝士cake！大滿足！關鍵係抵食啊！值得一試！

放工約左2個兄弟睇車吹水，見這家餐廳開了兩星期，尋晚見未開始排隊就入去試試見價錢唔係太貴，三個人叫左4個set dinner分別有豬，牛，雞同闊條麵跟餐湯，蒜蓉飽 平均每人$200 左右黑毛豬架配薯角因為門口有得泊車，野食水準高，吸引我會再幫襯我其實未食過豬架，覺得幾特別三文魚闊麵，不過不失對於中意食牛既我覺得整得幾好，汁都夠味原隻燒雞，個人覺得淡左少少，所以我落埋茄汁好喜歡盞大燈所以影低左