茶A (Closed)

今次同小朋友去茶A食午餐兼下午餐，有卡位坐，夠闊落坐得舒服～小朋友好鍾意呢度嘅生炸雞脾🍗配黑松露醬薯條🍟！隻生炸雞脾勁大，炸好層皮脆卜卜，內裡仍然肉嫩多汁，咸咸地都幾惹味。薯條都炸得唔錯，搭埋好香嘅黑松露沙律醬做下午茶一流～ 焗芝士肉醬意粉🍝 係勁多芝士舖面，可以做到拉絲效果。肉醬酸酸甜甜，意粉偏軟身，但就好啱小朋友食。每次都點 XO醬蔥油巨人雞扒雙蛋飯，太陽雙蛋都煎得好靚，有燶邊🍳😍！巨人雞扒又厚又大件，肉質嫩，撈埋勁香嘅 XO醬＆蔥油食，非常滋味。個 XO醬有咸香＆少少辣，連埋蛋黃汁撈飯都正架。紅豆奶茶偏甜，但啲紅豆軟得黎有咬口，好味！

新式茶餐廳裝修都比較好，而且食物都是比較有質素，挺有性價比的！即製滑蛋吉列豬扒飯（６８元）剛送到的時候還可以看到豬扒上面的油還是滾燙的狀態，所以吃起來非常香脆，內裡肉質有彈性，有肉香，肉也挺厚。而滑蛋的份量也是非常多的，質感是半熟，吃起來又滑又嫩，蛋香味十足！配的醬汁是蔥油，所以味道不會太單調，味道鹹香惹味！冰室西多士（３２元）西多士加的是煉奶，不是常見的糖漿，所以令整體多了一份奶香！中間的是花生醬，味道挺香的。西多士炸得外脆內軟的，配上甜甜的煉奶和香滑的牛油，真的挺不錯！

11點半叫左個午餐xo醬巨人雞扒但係嚟咗兩塊早餐雞扒，顆太陽蛋仲要全熟，雞扒同太陽蛋同佢嘅餐牌完全唔同樣，xo醬味道還可以，但係個雞扒又乾又細，但個飯都要62蚊加埋凍飲65蚊，完全比唔起油麻地果間和順記，價錢仲要平成條街味道就更加唔洗講。服務態度就唔洗講，係咁架啦，一啲想改善既意思都無，即係好似你畀咗錢就你食唔食你嘅事，如果再黎粉嶺點樣肚餓都唔會食呢間茶A，以為可以食到同幅圖既雞扒，但食唔到個水準，真心失望。

呢間餐廳之前嚟過食早餐、午餐、晚餐，但今次同屋企人就第一次食下午茶，下午茶就由兩點開始到晚上六點。我地揀咗4個Tea Set，送熱飲，凍飲+$3✨焗芝士肉醬意粉 $46雖然係下午茶餐，但唔係迷你版，份量同平時食開嘅正常set差唔多，芝士肉醬香濃得嚟又唔會過鹹，又唔會過乾味道唔錯。✨芫茜皮蛋鮮魚湯豬潤牛肉米線 $52配料都幾多好大碗，仲好多芫荽。先試一啖魚湯，有香濃嘅魚味，豬膶食落係爽口唔粉，係我鍾意嘅口感，牛肉好軟腍，最尾連湯都飲埋。✨公司三文治 $52有餐肉、火腿、蛋、蕃茄、生菜、芝士同千島醬，三文治有烘過好香牛油味，一口咬入充滿層次感，呢個值得推介。✨瑞士雞翼 $45有5隻雞翼，都幾入味。呢度嘅下午茶餐都幾大份，如果唔想中午同人迫，可以晏少少兩點嚟食個下午茶會抵食啲。

今日中午係呢間茶a買咗外賣雜扒燴意粉，等咗30分鐘，中間催咗3次，我個外賣都未攞到，到最後我問要等幾耐，職員表示仲有塊雞扒未得，結果我要求立刻退錢。雖然錢可以攞返，不過條氣唔順，白等咗半個鐘，係佢門口罰企，直到退錢嗰刻都無道歉半句，絶對唔會再光顧呢間舖頭.!

又到囡囡放學時間，前幾日佢想食「肉醬意粉」，所以帶咗佢去「茶A」，呢度嘅下午茶有肉醬意粉，仲係即叫即焗，所以囡囡好鍾意食。肉醬意粉面層有厚厚嘅拉絲芝士，內裏嘅意粉好多醬汁，所以唔會乾身，份量等同一個午餐，$46 有埋飲品，性價比都高。我就叫咗炸雞髀配黑松露薯條，黑松露醬係另外上嘅，如果小朋友更鍾意食茄汁，可以叫店員另外提供。炸雞髀炸到好脆，灑咗少少准鹽，幾惹味！薯條剛炸起，熱辣辣，好香脆！呢度啲下午茶都幾大份，性價比高！

#搞串個pantry今次我哋去到 #北區 🧭，一齊發掘下到底呢度有乜嘢食啦😆。我哋今次就去到 #粉嶺 市中心嘅商場🏘️，見到一間喺其他地區冇見過嘅 #茶餐廳 🥢，裝修都唔錯🛋️，同埋坐得幾舒服💕。🍛海皇福建炒飯($68)炒得好香，而且上菜嗰陣熱辣辣🔥。食得出蛋香味🍳，同埋八爪魚粒🐙帶住嘅海鮮味，而且芡汁🍲將所有味道混合埋一齊。特別係蟹柳🍥嘅用料有誠意，用咗彈牙、唔粉嘅蟹柳粒😍。🐷客家酸菜腩肉煲配白飯($76)每件腩肉都超巨型😝，真係好邪惡、好滿足。酸菜🥒嘅味道都好濃郁，甜甜酸酸🍬嘅味好出，好開胃。配埋好重酸菜味🍋，仲有淡淡哋南乳味🥫嘅醬汁真係好送飯🍚。🍌香蕉班戟(+$19)一上菜個樣好似台灣蛋餅🇹🇼，好驚喜！而實際上，上面係好香嘅士多啤梨醬🍓。中間有香蕉嘅香味🍌，仲有淡淡嘅忌廉奶香味🧁。直到最後仲食得出餅皮🫓有煎香過嘅味道，有啲似可麗餅🥞。🫘招牌紅豆冰(+$6)紅豆冰🧊好重煉奶嘅香味🍼，甜甜香香，啱我哋嘅口味💕。而且紅豆🫘份量都幾多，就算飲到最後🥤，每一啖都有紅豆。

難得早了放工，即刻叫屋企人落樓去嘆一嘆tea先😆呢間茶A有多款不同既餐選擇🥳🔸招牌豬潤辛辣麵 （特餐B）$68呢個特餐我覺得好抵食🤤 因為有碗麵再配雞髀皇+火腿奄列🍳有碗大大的豬潤辛辣麵，面頭有啲薑蔥啲豬膶好爽口另外個面真係用咗辛辣麵來煮的😆😆 食晒碗面都好飽飽🤰🏽 仲有隻雞髀皇，炸到脆皮的而入面嘅肉質嫩滑呀😍火腿奄列係有勁多火腿～正呀！另外呢2個餐就係下午茶🫖🔸芫茜皮蛋鮮魚湯豬潤牛肉米線 $52有好多芫茜係上面呀😘 芫茜控大愛🩷除左芫茜多其他配料都多呀！湯底好香濃的鮮魚味，豬膶所是爽口的，牛肉也很嫩🔸公司三文治 🥪 $52公司三文治入果塊午餐肉好厚身，流口水了🤤芝士醬蕃茄也有很多🔸凍咸檸七🔸紅豆冰🔸熱柑桔蜜3個餐都叫了特飲+6就有啦😆

今日去探下姨婆…唉😔點知粉嶺站發生咗啲好衝擊眼球嘅事….成個人又荒又震！媽咪即刻拉走我去商場搵地方坐低…我覺得茶A係我坐得最舒服嘅地方🫂好彩今日有卡位…乜都唔好諗😣睇食咩食物招牌紅豆冰我至愛都係呢個！粒粒紅豆🫘又夠冧又夠甜🩷超大粒紅豆！茶餐+$6咋✨奶茶紅豆冰媽媽都好鐘意紅豆冰😂不過佢又唔想同我一樣，所以叫奶茶紅豆冰。佢俾我試咗幾啖🥳港式奶茶🥤茶底夠濃夠靚！奶夠滑！就咁凍奶茶都正！加埋紅豆簡直係超值🔥咖啡紅豆冰鐘意飲咖啡嘅都會覺得佢好飲！佢又香又回甘，呢個嘅酸度同苦度，應該係中間海皇福建炒飯媽媽特登幫我叫，有啲米氣落肚，會安神啲…不過又怕炒飯太乾，所以嗌呢個真係絕對正確✅炒飯底粒粒分明，我最鍾意佢有啲蛋碎嘅炒飯底。加埋啲茨汁，容易入口蝦仁大粒又彈牙不在話下，佢啲魷魚鬚仲正！好有鮮味呀！下午茶嗌呢個簡直抵！份量好夠食。平時食酒樓晚飯先會嗌😂咖哩牛脷焗意粉哥哥仔超鐘意呢到嘅咖哩，所以我都推介姨婆試下呢度啲咖哩！然後佢睇到有牛脷，話好少地方有牛脷食🩷呢個唔係茶餐，11點半後有供應✨有3舊牛脷，超冧，一咬就斷！小朋友老人家都食到，好有牛味！加上咖哩芝士🫕超正！Side dish 嘅薯仔都係亮點

上次來過這間餐廳食下午茶，覺得平靚正，所以今次又再嚟食個下午茶特濃黑椒牛肉炒河粉$48河粉上枱已經聞到香噴噴，炒得夠鑊氣，再配上特濃嘅黑椒牛肉，味道鮮香濃烈。每一口都能夠感受到黑椒嘅香辣同牛肉嘅鮮嫩，滋味無窮。乾炒牛肉意粉$48如果你鍾意意粉，一定要試試佢嘅乾炒牛肉意粉。意粉炒得香口，牛肉嫩滑多汁，味道鮮美。每一口都能夠感受到意粉嘅彈牙同牛肉嘅鮮嫩，好好食。公司三文治$52佢嘅三文治做得十分出色，內裡有多款配料，例如午餐肉、滑蛋、生菜同埋特色醬汁。三文治麵包烤得香脆，配料美味豐富，每一口都非常滿足。瑞士雞翼（5隻）$45雞翼十分嫩滑，配上瑞士醬汁，味道豐富香濃，正。凍檸柚子蜜梳打跟餐加$8熱檸檬茶跟餐$0

今日返工時間俾人改咗返夜晚，可以享受埋個下午茶先返工呢度嘅下午茶好抵，價錢雖然平但係都好大份。不嬲都鍾意食烏冬，所以叫咗個慢煮豬軟骨豬烏冬試下。豬軟骨煮得軟淋入味，舊舊充滿甜醬汁幾出色，估唔到佢係用稻庭烏冬加分加分另外叫咗個紅豆西多士，西多士新鮮炸起熱辣辣，上面鋪滿大量紅豆同少少煉奶，好夾，極之邪惡但係食完又好滿足😆😆朋友就叫咗特濃黑椒牛肉炒河粉，炒得夠乾身同埋好有鑊氣，估唔到嘅係牛肉片都有好多塊好似食極都有咁。鍾意食辣嘅朋友都可以叫嚟試吓佢嘅黑椒真係好足🤣另外又叫左碗皮蛋鮮魚湯豬膶牛肉米線，米線份量多不特止，連鋪喺面嘅芫荽都係海量，豬膶牛肉都係食極都有嘅感覺，究竟下午茶點解可以做到咁嘅份量🤣食完平時食咗個晚餐咁❤️

這家店已經吃了多次才寫上這次食評最主要原因是想看看食物質素能否保持下來這家店絕對走現下商場餐廳的文青風路線食物就偏於茶記,但價格就比傳統的茶記貴不過試了早、午、茶及晚餐後結論是CP值挺高的店由於之前幾次都是外賣，今次就試了堂食店面不大不小，環境整體光亮整潔座位舒適，只是非卡位就有點窄店員服務態度亦算合理不過如果不是那麼作業式我會覺得比較舒服這次試的是茶市套餐的卡邦尼炒意粉上菜時香味十足，可是吃後味道不算濃比較偏淡但汁的濃稠度不錯很掛汁，而份量也很有飽足感只能說食物質素及份量對得起價錢這次跟餐飲料點了奶茶坦白說這次堂食點的奶茶好像不及上幾次外賣的來得好這次奶及茶味都不行，而且非常水所以奶茶部份就不打分了不過要一提是這店偏於慢工出細貨類型試了幾次點餐後都需要非常長時間亦可能因為即叫即煮?這點沒去深究但每次都要等上一段時間就是了坦白說這樣的店面不是我首選的餐廳類型以及平民級菜式定這個價格也令我有點卻步但試了一次早餐後就想繼續試它其他食物了因為用料及調味都很對我口味再加上隨著附近有質素茶記相繼結業又或者有些越做越不像樣卻加價到接近這家店的價錢變相這家店保持到食物質素及出餐水準在有對比有傷害下，

裝修挺有日式風味，但是主打是港色味道，而且食物都挺有質素的，性價比挺高！常餐-招牌沙嗲牛肉麵（５５元）這裡特別的地方是直接用沙嗲湯底，而不是沙嗲汁，所以麵是很夠沙嗲味，牛是用沙嗲湯底來燙熟的，所以口感比平常的會更嫩滑，牛肉味更香濃！配的炒滑蛋剛剛好熟，吃起來很滑嫩又有蛋香！多士烘得很香，又加了很多牛油，外焦裡軟！脆皮生炸雞髀拌薯條（４６元）其實單看照片就可以看出這雞腿炸得非常出色了，外脆內嫩的，保留了不少的肉汁，肉帶點椒鹽的香味，又非常大隻！而薯條的份量也是不少的，都是新鮮炸起，吃起來很香脆！

原來粉嶺有間性價比咁高既餐廳，黎到吃tea ,實在太肚餓，叫左黑椒炒牛河同楊州炒飯😍😍真係估唔到tea set 都咁大份😆😆真係tea time 既價錢吃到正常lunch 既份量首先要推介佢既黑椒炒牛，平時吃開乾炒牛河，試呢個又有新既體驗，辣得好惹味，啲牛肉仲要大大塊😍😍楊州炒飯真係用料足，而且炒得粒粒分明，好香口，好飽足。呢間冰室應該開左無幾耐，裝修好新正，座位好大，坐得好舒服。其實粉嶺都唔係美食沙漠，都有好多好野吃既😍😍

生炸雞髀皇配黑松露醬薯條🍗 雞髀超級大隻，一切開雞髀係見到冒煙嘅，可見係新鮮炸起，而且雞肉都仲係好滑！大澳蝦醬雞全翼配薯仔蛋沙律🥗蝦醬嘅鹹香適中，炸得均勻又唔會乾👌鹹牛肉炒蛋多士🥚鹹牛肉炒蛋整成圓形嘅蛋餅咁，鹹牛肉嘅份量都ok西多士🍞西多士金黃挺身，見到多士係沾滿咗蛋漿，同雞髀一樣都係即叫即炸嘅，依度嘅西多係落煉奶而唔係糖漿，面頭有一塊厚牛油🧈檸樂煲薑🥤下午茶跟餐配飲品，加錢可以轉特飲，竟然比我見到依家少見嘅檸樂煲薑，薑絲嘅辣、檸檬嘅酸同埋可樂嘅甜都非常平衡🍋依間茶餐廳喺商場入面，望落比較新，所以環境都頗為新淨企理，可以舒服咁坐低食個下午茶～