茶A (Closed)

火車站新開的餐廳 見到餐牌幾吸引 前兩日去買外賣 豬潤米線話無豬潤 今日早餐 招牌豬潤汤粉都係話無豬潤 甘其實無餐牌點解要出現？好有禮貌同入邊阿姐話要落單 聽到後話一陣來 跟住隔成十分鐘 仲唔來 揚手距地無論男女waiter 都扮睇唔到㗎~最後 都係大聲d先請到一位男waiter幫手落單 ~個餐食完 啱好被熱奶茶先來

平時我自己一個都好中意收工早既話去附近既餐廳食埋飯先翻屋企🏠因為通常呢啲時間都會有下午茶☕️除左人少啲，價錢都平啲。🐒特餐B💰$68👉🏻招牌豬潤米粉👉🏻雞髀+火腿奄列👉🏻凍檸柚蜜梳打水+$6黎到茶仔，我最中意就係食常餐，因為成日趕唔切早餐時間😂而今次呢個特餐既配搭係雞髀同火腿奄列🍗多士換左隻雞髀，正中我下懷無肉不歡🤣而佢個米粉係用左新竹米粉，除左有口感啲之外都粗身啲🍜唔係好多茶仲食到呢款米粉嫁。另外茶餐時段當然都要嗌啲茶餐啦，款款都只係幾十蚊仲連埋野飲🍹真係同朋友聚個腳都抵，加上餐廳環境都係啲新式茶仔，所以都乾淨舒服😌。🐒茶餐A-奶油豬💰$28👉🏻紅豆冰+$6🐒茶餐F-瑞士雞翼(5隻)💰$45👉🏻凍咖啡+$3🐒茶餐G-紅豆西多士(走紅豆)💰$39👉🏻紅豆冰+$6茶餐方面就嗌左3個，三款都係茶記名物😍特別係奶油豬真係不得不試，$28蚊黎講真係可遇不可求！而另外都有啲炒飯意粉類🍝款款亦同樣抵食

今日放假同朋友嚟食個下午茶先 揀咗粉嶺火車站遠商場裏面嘅 裝修新穎非常光猛 有大量卡位 仲有好多款茶記食物添真係我嘅至愛 下午茶餐好抵食試咗個招牌豬潤麵餐 配炒蛋牛油多士牛油味重 炒蛋好香華豬潤麵 清清地 公仔麵好耐冇食喇 豬潤煮得好爽口焗肉醬意粉不嬲都係我嘅至愛呢度非常之後質素熱辣辣即叫即焗嘅 配上我咗嘅凍檸茶 真係喺茶餐廳嘅至愛瑞士雞翼 配紅豆冰下午茶為食之選 雞翼好甜瑞士汁味好耐大大隻好多肉 紅豆冰粒粒紅豆煲到好諗 配雞翼真係一流呢度坐得舒服裝修精緻感覺好乾淨啲嘢食質素好好服務亦都非常周到係我放假最愛嚟嘅地方

當日叫左個午餐，Xo醬蔥油巨人雞扒-62蚊，佢個塊雞扒真係細到….意為自已食緊大x樂嘅早餐雞扒一樣咁細塊（小朋友拳頭咁上下大）（重要勁乾柴柴），簡單黎講好難幫襯下一次🤮伏到震一震，建議大家下次食過第二間，由於呢次經歷實在太差，忍唔住要特登開post 話下呢間野，等大家可以避免呢d伏野，62蚊食一個lunch 黎講，係北區呢個地方好過佢嘅大有鋪頭在，佢應該要好好反省下，收得呢個價錢要比反d相對合理嘅質素比客人，咁樣先會有回頭客🤕相信佢呢個質素間野捱唔到好耐

其實粉嶺系一個幾山明水秀嘅地方，去完鹿頸行完山之後想醫下個肚，就來左呢間餐廳。成個明都商場，素食的選擇真係好小。系芸芸之中，見到有咖哩雑菜蛋飯，真係雙眼發光！餐廳嘅環境唔錯，卡位夠大，又好坐！上菜速度超快，個咖哩汁唔錯，夠味。薯仔唔算好入味，雑菜份量還好，啲飯真係俾幾多下，男人食都一定夠飽！熱檬茶合格，略嫌個茶底唔夠濃。又試咗個奶茶，唔記得影相，奶茶比檬茶好飲啲。以62元一個set lunch ,又包飲品，又坐得舒服。總括來講，不過不失！

住喺粉嶺區嘅我 以前覺得粉嶺係美食沙漠 但係商場多咗好多餐廳喇 好多選擇 價錢ok 呢度舊地址係馬會嘅茶餐廳 叫做茶a 裝修新淨光亮 乾淨 入去試下啦親民價錢 好值得支持 下午茶同媽咪嚟食咗個雜扒飯 有豬扒 雞扒 腸仔配黑椒汁真係好滿足 夠曬分量下午茶有 #焗肉醬意粉 熱辣辣肉醬量多好好味 好鍾意食港式嘅焗肉醬意粉 分量唔算好多唔會有太大罪惡感 下午茶仲有生炸雞髀配薯仔蛋沙律雞髀炸到好脆好好味呢度座位舒服好多卡位服務周到上菜速度快嘢食仲好有質素 地點又方便近火車站野食好好味 值得支持呀

今日夜左收工，唔想煮飯，所以我地今日去左茶A食晚飯。餐牌多元化，有西式燴飯、炒粉麵飯、蔥油公仔麵、滑蛋飯、泡飯、雙重芝士焗飯、招牌馬來咖喱、麻辣米線、鐵板餐等等，都好多選擇。茶A雜扒配薯菜（$88）鐵板餐有羅宋湯送，雜扒有豬扒、雞扒，半條司華力腸、煎蛋，雞扒夠嫩滑，豬扒不會柴口。薯條用上粗薯條，如果再脆一點會更好。餐肉雙蛋麵（$32）麵煮得剛剛好，不會太硬太淋瑞士雞翼（$40）夠大隻，雞翼入味。熱阿華田&熱奶茶

之前已經食過一次，覺得唔錯，今日我地又去左茶A食晚餐。餐廳環境光潔明亮，乾淨企理，座位舒適。招牌馬來咖哩牛腩（$70）牛腩份量都幾多，牛腩軟腍，有大大舊薯仔，咖哩味道濃郁，帶點少許椰奶香味，質地濃稠，配飯或意粉都一流。乾炒牛河（$62）份量都幾大碟，炒得夠穫氣，炒出來條條分明，充滿光澤，而且牛肉軟腍。瑞士雞翼（$40/5隻）雞翼夠入味，不會過鹹，雞翼亦都好嫩滑。凍咖啡（+$6）+熱阿華田（+$3）

茶A位於粉嶺站嘅附近行天橋過去，好快就到！店內嘅燈光好光猛💡 一啲都唔似平時嘅茶餐廳有一種新派嘅感覺～餐牌有平時茶餐廳嘅嘢食之餘，仲有新式既菜式例如有All day breakfast 🍳 🔸茶A什扒 $88醬汁就叫左黑椒汁配意粉🍝有雞扒同豬扒，仲有隻圓轆轆嘅煎蛋🍳仲有半條既腸仔🔸麻辣海蝦球米線 $58如果唔食得辣嘅話，可以轉為鮮魚湯底🐟鮮魚湯底都吸引，所以我都叫左😂湯底係奶白色的，魚味好濃郁有酸菜、木耳做配菜飲品方面就叫咗咖啡紅豆冰同檸檬利賓納加$9就可以叫加到杯特飲🧋咖啡紅豆冰 咖啡味好濃，用匙羹仔就食到啲紅豆🫘

午餐食葱油义燒白豬仔煎蛋叉燒要改善，似蒸返熱的，無叉燒香味蔥油要改善，只是切大塊生葱浸油煎蛋好細，涼了不熱得午餐肉最好味見到其他人食常餐及要炒的餸菜飯餐賣相不錯，食物熱辣辣因新，環境舒適光猛主管態度好

鹹牛肉炒蛋多士炒蛋擺喺中間多士就擺喺四周想夾幾多蛋就自己切上菜好靚鹹牛肉多士都可以擺碟咁有心思星洲炒米因為落咗咖喱所以係黃色食落微辣惹味但嗰種辣味唔係黎自咖喱因為落咗好少量嘅辣椒仔好耐冇食過咁高質嘅星洲炒米趁熱食真係令味道再加分紅豆西多士因為上面鋪咗紅豆所以呢款多士中間係冇夾心面頭滿滿嘅紅豆粒粒都大粒飽滿加埋煉奶邪惡又滿足嘅西多士乾炒牛河牛肉片勁大片出手份量唔算少河粉炒得有鑊氣有上正個人覺得炒粉類好出色想覆桌星洲炒米

茶A本身食完台灣菜打算行去聯和墟食埋豬手同雞髀包，沿途問人點行，好多人都話要碌好遠，所以放棄咗，結果食埋隔離間餐廳「茶A」做晚餐先離開粉嶺！間茶餐廳都係以木系裝修為主，入面算好大，座位都多，但要留意一點嘅係輪椅人士埋枱時請慢駛，我無留意撞到「菠蘿蓋」，痛死我啦！1.焗芝士肉醬意粉 配熱咖啡$46（7/10）呢個肉醬意粉好邪惡，上面勁多芝士拎去焗，拎上枱仲滾緊，唯一有少少美中不足就係意粉硬咗少少！咖啡好滑好香濃！2.濃香星洲炒米 配熱奶茶$43（7/10）呢個星洲炒米有少少凍，唔知係咪影相影得太耐事，吹凍咗米粉，仲有就係唔夠咖喱粉，我覺得唔夠辣！奶茶香滑茶濃，茶同奶比例調得啱啱好！3.冰室紅豆西多士$39＋$6紅豆冰（7/10）呢個西多士幾特別，出面有紅豆比你撈嚟食，如果西多士入面有埋花生醬就更加好啦！😋😋😋紅豆冰就正正常常，唔會好甜！2人總共價錢$134個人口味總評分：7/10地址：粉嶺粉嶺車站路18號粉嶺名都商場2樓53-57號舖#茶a #茶餐廳 #香港美食 #粉嶺美食 #hkfoodie #hkfoodblogger #hkfoodpic #hkfoods #hkfoodshare

屋企樓下開左間新茶餐廳😋平時成日經過但未食過！今日放假休息冇煮飯 於是同媽咪一齊落去樓下開餐啦😆睇完menu都覺得係街坊價 幾抵食！鋪面開揚而且都幾大間😉座位都幾舒服 再望一望個餐牌😳都幾多款野食喎！我哋就揀左2個主食同1個小食🤤等一陣好快就送上枱啦！鐵板扒餐 - 紐西蘭草飼肉眼 (跟薯菜) $108餐湯 - 雜菜湯雜菜湯蕃茄味濃郁！有西芹、蕃茄、洋蔥等材料！酸酸maymay幾開胃！牛扒8成熟🥩肉質都幾嫰滑！而且份量都幾大塊👍🏻黑椒汁倒落去鐵板嘅滋滋聲好有童年回憶嘅感覺😌薯條係我鐘意食嘅粗薯條🍟分開上唔會搞到啲薯條淋晒！上碟設計擺盤幾貼心👍🏻蔥油豬扒撈公仔麵 $48熱飲 - 熱檸水 +$3媽咪鐘意蔥油豬扒嘅蔥油！香蔥味濃郁配公仔麵真係好邪惡😈豬扒都幾大塊！除左一舊骨仔之外就啖啖肉啦🤤豬扒都幾厚身🐷煎過嘅表面配上蔥油更香更脆！最後飲啖熱檸水幫助胃化！Prefect！小食 - 瑞士雞翼 (5隻) $40瑞士雞翼入晒味！size平均黎講都算大隻！肉質鬆化🐔用牙齒三扒兩撥 連手都唔駛揸住隻雞翼就食完🤣T-able 指數：4.1/5

今日約咗朋友在粉嶺覓食，在粉名都商場行緊的時候，被一個很大的「茶A」招牌吸引，裝修簡潔，座位又寬敞。重點是價格親民🤪原來叫「Cafe A 小㕑冰廳」😁 乾炒牛肉意粉$43，雖然係下午茶，但份量都不少而且不會太油，都乾身不錯！ 瑞士雞翼5隻，瑞士夠濃，雞翼很入味！ 生炸雞脾薯條，雞脾炸很皮脆肉嫩，夠惹味！ 全日早餐有黑松露炒滑蛋，薯餅，煙肉🥓，脆皮腸,炸魚魚柳等⋯⋯炒蛋夠滑黑松露味濃..$56跟一杯熱飲，真係好抵😂 熱奶茶夠香滑！

最近放工見到名都商場開咗好多唔同嘅餐廳，放假就同屋企人撐枱腳，搵歎返個下午茶先！法式紅酒低溫慢煮羊膝燴意粉好大件羊膝食起嚟好香帶有好輕微嘅羊羶味、意粉另上煮到剛剛好軟硬適中，混入師傅調教醬汁食幾好味！豉椒海斑片煎米粉好少餐廳會有煎米粉，即刻點黎試下！我最鍾意係個汁，混合米粉一齊食唔錯！班片嫩滑、另外既配菜仲有青椒、紅椒、楊蔥非常惹味！奶油豬多奶烘到面頭夠脆，下午茶必點！飲品點左熱檸樂煲薑、熱齋啡及咖啡紅豆冰！紅豆夠淋、咖啡味正常