Cafe Addict

Open Now

Now Closed

呢日響佐敦想搵間cafe坐下，同朋友傾下偈，食個簡單嘅晚餐。咁啱見到呢間走型格路線嘅cafe，感覺好舒服，入去食咗個晚餐。 個人去cafe最鍾意食下All Day Breakfast，呢間有個玉子燒早餐，真係啱晒我。朋友叫咗dinner set - 羅勒醬雞胸長通粉, 包埋小食唐揚炸雞同飲品。 玉子燒早餐( $98) - 有日本蛋製玉子燒、沙律菜、車厘茄、雜菌同酸種麵包。玉子燒蛋香濃，入口好滑，加埋各類蔬菜，感覺好健康。 羅勒醬雞胸長通粉 （set dinner $148) - 呢個絕對係健康之選，雞胸整得嫩滑，唔會鞋口，配合羅勒葉味道好清新，開胃好味。另一個必食推介係唐揚炸雞，真係好有驚喜，炸得香脆可口，點埋沙律醬堅好味。餐飲補差價點咗杯燕麥雜莓奶昔（+$16）- 入口好creamy, 勁香雜莓同濃濃嘅燕麥味，味道有層次感。 Cafe食物質素幾好，坐得舒適，好啱同朋友食下飯傾下偈。除咗咖啡之外，餐廳仲有不同嘅酒提供，手工啤酒仲做緊全日買一送一優惠。仲不設加一服務費，抵食呀。

重陽節後的上班天，忙得不可開交，早午兩餐都只是匆匆而過，夜晚放工決定補償一下！ 🍽   玉子燒早餐 TAMAKOYAKI BREAKFAST擺盤安排有致，將玉子與南瓜薯餅以香煎野菌分隔，玉子水分不會令南瓜薯餅濕漉變軟。整體賣相當豐盛富足。最令整道菜有別於其他Café的All Day Breakfast，莫過於盤上玉子，最考功夫。將玉子除切開，能看見每層卷蛋熟度均勻，而非時老時嫩，口感一致。而玉子的調味帶點微甜，但不會掩蓋雞蛋本身的香氣。而全日早餐類系列食品最忌就是每樣食物溫度參差不一，但這道玉子燒早餐每項食物（除沙律外）溫度一致，不會予人一種顧此失彼之感，反映後廚對食物溫度的拿捏得當！ 🍽　日本刺身帶子．明太子．長通粉 MENTAIKO SCALLOP PENNE值得由衷稱讚的一道菜，下單不久即從廚房傳來陣陣油煎之香，芬芳馥郁。帶子煎得恰到好處，底部煎至微金黃色，整體嫩滑而不老，面部大致保留帶子原貌，加上海苔絲點綴，賣相偏向和風，不錯。而重點在於明太子醬，均勻遍布於每一道長通粉之中。咀嚼過後，齒頰生香。 🥤 多明尼加朱古力S.O.C. Dominican Milk Chocolate甜

1. 玉子燒早餐：平時嘅玉子通常都係配角，擺喺定食盒個格仔入面，充撐場面。但今次嘅玉子係重點，份量夠大夠厚，質感鬆軟，口味雖唔似傳統日式咁甜，入到Cafe反而變得更lightly。南瓜餅外脆內軟，香口， 菇則更多種類，濕潤。2. 羅勒醬雞胸長通粉：加重芝士粉嘅羅勒醬特別香！雞胸更出色，表面少少焦香，但內裡唔老唔韌，甚至鬆軟嫩滑，必點。3. 海妖Tiramisu：我比較好奇佢個「海妖」係點「妖」法，問咗店員，原來之前係可以抽起塊圍片，啲cream會滿瀉而出，應該會更打卡able。至於味道方面，酒香頗出，cream頗滑，👌。4. 栗子Tart：保留食物原味，唔會太甜，口感綿密，唔膩。5. 烏龍茶草莓Tart ：草莓醬稍酸，夠Fresh。

一個人想享受下me time，首選一定係cafe，靜得黎又有d氣氛。今日去左佐敦嘅Cafe Addict享受me time。位置就喺佐敦港鐵站附近，非常就腳。餐廳樓底高，用左大量黑調雲石設計，非常簡潔而型格。入座後睇好想食咩就出去落單，水就自助式。我就叫左個玉子燒早餐同一個甜品連飲品set。玉子燒早餐豐富，有日本蛋製玉子燒，南瓜薯餅，香草豬肉腸，雜菌，沙律菜，車厘茄，酸種麵包。配上日本柚子醋。仲可以加錢轉配其他食物。All day breakfast 配玉子燒真係第一次遇上，玉子燒一層層厚度一致，咬起黎好香蛋味，仲有d半熟蛋液食落好滑，好有誠意。南瓜薯餅超好食，食落仲有d辣口，表面香脆但唔油膩，裏面嘅南瓜蓉帶清甜，非常綿密。香草豬肉腸煎香，有肉粒咬口，唔會太鹹。雜菌用黑椒調味，食落香口。沙律菜都幾新鮮，柚子醋比想像中酸，配沙律菜開胃清新。酸種麵包軟熟帶微微酸味。甜品叫左香桃芝士蛋糕，面頭係桃肉啫喱，酸酸甜甜，芝士蛋糕幼滑，一人份量剛好，幾好食。Iced Latte咖啡味香濃厚身。今次Me Time非常滿足，喜歡坐下cafe嘅朋友可以去試下~

這睌星期六經過佐敦來攘往的彌敦道，駭然發覺一間門面装修型格的西餐廳，內望顧客不多，感覺清新優雅，於是和老公內進試試。進去後一條長巷，播放輕柔音樂，感覺閒逸。而點餐和清水、餐具等都是自助形式，輕鬆自在。翻開餐牌發覺價格很大眾化，而二人晚餐都頗吸引，於是就點這個。食物開始送來了，原來玉子燒早餐是一大碟把所有早餐基本有的食物例如炒蛋、香腸、蘑菇、炸薯餅、蔬菜和多士等都放上去，值得一提這個炒蛋十分嫩滑，炒得非常出色。跟着來的是虎蝦球鮮茄醬蝴蝶粉，賣相虎蝦球相當大隻，咬落亦鮮甜彈牙，蝴蝶粉外型特別，口感一流。我們叫的飲品名為Guyu，是非酒精飲品，裡面有些脆脆粒粒，飲落非常香口。由於當天晚餐甜品售完，侍應建議我們加錢吃tiramisu，原本要加錢有點不開心，但當這甜品來到並把它吃完後才覺得物超所值。最後祇花了四百多元便吃了一頓愜意豐足的晚餐。

近期咖啡店愈開愈多😛 而家連相對區份較舊嘅佐敦都開左間型格coffee shop☕️ 今次介紹嘅係位於彌敦道嘅Cafe Addict🌟餐廳主打型格路線😎 用左黑色深藍做主調 雖然内籠唔大 但係客人座位都好寛鬆👍🏻 感覺一啲都唔迫挾之餘 反而仲有悏意嘅感覺😚食物方便主打西日fusion👅 估唔到嘅係除左咖啡☕️竟然仲有cocktail🍸 啤酒🍺 無論係嘆個下午啡 定收工同朋友飲酒👯‍♀️ 呢到都係唔錯嘅選擇👍🏻👉🏻 玉子燒早餐💰HKD9️⃣9️⃣全日早餐周圍都有得食 但係有玉子燒真係第一次見😝 而且仲有吉列南瓜餅 唔會有出面食炸野嘅油溢味🌚 有新意得黎又豐富😜 必食推介👉🏻日本刺身帶子明太子長通粉💰HKD1️⃣3️⃣8️⃣又係款未食過嘅組合😚 帶子好鮮甜 比得上壽司專門店👍🏻 加上明太子少少嘅咸味更加突顯帶子味道😋加一服務費✅

冇得去旅行嘅星期六日同埋假期，留喺香港都要搵個地方chill chill，感受下外國度假嘅味道😜識食嘅我梗係周圍搵餐廳，今次就比我搵到一間位於佐敦彌敦道嘅cafe addict，食過一次即刻俾佢吸引住，餐廳嘅味道同埋服務都做到外國餐廳嘅水準，留喺香港都可以感受一下度假嘅滋味😝而且環境、服務同埋嘢食都係一流嘅水準！嘢食方便我就叫咗兩個餐，同朋友一人一個分別係玉子燒早餐同埋羅勒醬雞胸長通粉😛🍝玉子燒早餐真係健康又好味道，味道好fresh💓而且玉子燒有好香嘅蛋香味，仲可以陪住芝麻醬汁食另外羅勒醬雞胸長通粉更加係高質，味道唔會覺得特別鹹，反而羅勒葉嘅味道好清香，令到成個通粉嘅味道更加昇華😜🎊

旺角彌敦道Cafe addictMenu選擇雖然唔多，但感受到食物烹調係用心嘅。all day Breakfast度度都有，但呢度嘅配料就明顯比人哋有心思，有比較少見嘅南瓜餅同玉子燒，賣相相當吸引，打卡able玉子燒冇一般壽司店嘅咁甜，感覺相對健康。雞胸青醬長通粉，佢除咗落青醬之外應該額外加咗大量嘅橄欖油，食落香口好味啲。雖然係雞胸部份，但都唔韌，幾嫩滑好食。我同朋友都食唔停口~見佢呢間Cafe甜品選擇都相對多，就叫咗佢嘅Tiramisu同兩件Mini cake。佢哋嘅tiramisu忌廉輕身，中間舊餅浸滿咖啡香，整體唔錯。至於兩件Mini cake應該係一早整定，所以撻身已經淋左，呢樣較為可惜，但係上面嘅料係好食嘅。

鋪頭應該係新開 黑白風格裝修 都幾Chill 新開未係好多客人 唔會太嘈 好岩同朋友出黎傾下計 係網上見到佢個雞翼同玉子燒早餐 (類似all-day breakfast)好想試 可惜個日雞翼賣哂 所以轉左食玉子燒早餐同Tiramisu ADB個沙律菜有得簡沙律醬同日式柚子醋, 放左工個人好累 落單個陣其實聽唔到店員講乜 就簡左後者 佢個柚子醋汁好好味 所以最後都食得哂d菜 可能因為係玉子燒既原故 覺得成件事幾特別 同花多左心思(可能因為自己整唔到) 蛋味香 南瓜薯餅 炸得外脆內軟 本身我地都想叫店員幫手上甜品 但原來店員見我地傾到咁上下 都食得7788 已經幫我地準備緊 加分服務都幾好 食落正常 酒同咖啡味都做得夠平衡 唔係超重咖啡味/奶香個種 飲品我叫左Ice Matcha Latte 朋友係凍朱古力 Matcha Latte睇得出佢超重手 因為我無搞到最勻 但飲到尾都仲有少少抹茶粉 不過飲既時候係無粉粒 同有濃濃的抹茶味~ 試左一啖朋友既凍朱古力 真係好好好好濃 鐘意朱古力既話可以試下 朋友成杯飲哂 我就覺得一啖就夠

最近都鐘意周圍搵D café試下，呢間位置好方便，地鐵站出冇耐就到~鋪頭行型格風，幾正，岩打卡。叫左個輕玉子燒早餐，原來都幾大份!! 而且望落好吸引，同一般ADB唔同既係，佢用左玉子燒，玉子燒厚厚的，好香蛋味，入面仲好嫩滑。仲有南瓜薯餅，好食!個汁可以簡麻醬或者柚子醋，我簡左柚子醋，食落比較fresh。而且仲有酸種面包，所以食落都幾飽架。另外都叫左個帶子，明太子長通粉。呢個好有驚喜! 明太子味既長通粉原來好惹味，有微辣，食落唔似一般意粉醬咁溜，會再想encore!! 帶子都好大粒，煎香左一面。最後都叫左個甜味，簡左tiramisu，d cream好好食，咖啡味適中。飲品方面，叫左杯朱古力，超濃既朱古力味，係偏苦既濃度，好飲~ 冇咁甜。

於九龍區找非連鎖式優質咖啡小店不算容易，大多只集中於深水埗一帶。最近途經彌敦道的佐敦路段，難得的竟然於這條主要大街上，找到一間新開的咖啡店 ᴄᴀꜰÉ ᴀᴅᴅɪᴄᴛ。.這間咖啡店地方比一般的大，地方相當闊落。樓底很高走暗黑風路線，咖啡應該是他們的主打項目所以咖啡款式很多，不同咖啡密麻麻有一整頁。相對上主食選擇不算太多，主要有沙律、意粉、ᴀᴅʙ、小食和蛋糕類甜點。朝啡晚酒，小食類由下午茶時段後開始供應。.✿ 玉子燒早餐 💲128 + 豬肉腸轉雞胸 💲20早上到訪胃口不算高，所以點了他們招牌之一的超豐盛版本玉子燒早餐。玉子燒早餐分豐盛版本，或只想來個輕食可以選擇輕型沒有薯餅和香腸的版本。豐盛玉子燒早餐包括有：日本蛋製玉子燒、南瓜薯餅、沙津菜、車厘茄、雜菌、香草豬肉腸和潮興的酸種麵包。沙津菜可揀選芝麻沙津汁或日本柚子醋。為了看來更健康，我們加了💲20轉了雞胸補充蛋白質。這份全日早餐豐富得兩個人分享也不為過。最有驚喜是南瓜薯餅，即炸熱辣辣。另外主打的玉子燒也滿不錯。雞胸肉有煎香，而酸種麵包份量相對上就少一點。.✿ 炒菇、沙津菜、車厘茄 💲78另一款主食點了健康沙津菜，原沒有大期望，但難得連沙津項

今日放工，約左朋友去呢間cafe食日式玉子燒all day breakfast. 因朋友同我都好鍾意食，所以知道呢間主打呢樣，更係要黎試啦。黎到見到間cafe,又幾型wor. 個格局好cool, 特別個長吧台，好靚。同朋友研究下menu, 見個set都幾抵，有2個主菜，玉子燒all day breakfast加1款自選主食或沙律。 我地簡左虎蝦茄醬蝴蝶粉。真係好唔差，玉子燒好好味，中等熟，醬油味又啱啱好。炸南瓜餅好鬆脆，其他既腸，菇同沙律菜都ok, 幾夾。虎蝦算大隻，茄醬唔會太多搶左芝士味。 因仲有芝士碎夾住茄醬食蝴蝶粉個感覺好豐富。而咖啡都做得唔錯，離遠已聞到咖啡香。 而且唔係偏果味，我鍾意。甜品係2款小蛋糕：伯爵茶撻同檸檬撻，好香濃既味道，唔會太甜膩，好啱香港人食既甜品。果然好正。

之前看到有很多人都讚這間食店的玉子燒早餐, 已經很想試, 今日和老公經過, 一於入去試試.餐廳裝修高雅, 配以黑雲石色枱, 好有神秘感.要了一份二人餐自己去 cashier 落 order 及付款先, 食物很快就送上.玉子燒早餐, 厚厚的蛋餅十分美味, 而且很考大廚的手藝, 香草豬肉腸, 肉汁豐厚, 雜菌微辣, 沙律菜夠新鮮, 酸種麵包......還有南瓜薯餅, 金黃香甜.羅勒醬雞胸長通粉, 通粉夠煙勒, 雞肉嫩滑, 醬汁特別又飄香. 老公要了 caffe latte, 而我杯熱朱古力夠濃滑, 個拉花好正 最後當然要有甜品啦芒果熱情果朱古力撻, 又有朱古力味, 又有芒果及熱情果, 三大滿足 伯爵茶撻也不錯, 茶味夠濃又 creamy 美味二人餐

餐廳設計型格，播住日文歌，感覺休閒。座位闊落，享受到寧靜嘅片刻。輕玉子燒早餐（$98），有日本柚子醋同芝麻醬兩款醬揀，我哋揀左日本柚子醋，因為感覺上好似輕盈一點。玉子燒幾厚，有蛋香，如果可以甜啲會更好。成碟食材都好新鮮，沙律菜同柚子醋食好夾，酸種麵包多返啲就好喇🤪。明太子日本刺身帶子長通粉（$138），帶子有三大粒，一面煎到金黃色，啖啖肉👍🏻👍🏻。長通粉煮得唔過淋，有咬口，沾滿左明太子醬。面頭灑左啲櫻花蝦，除左令到賣相更靚之外，亦都增加左香氣。加左$68轉做蛋糕飲品套餐，包左一杯$42以下嘅飲品同一件cake，必定要加，好抵👍🏻👍🏻我地叫左Flat white，飲得出啲咖啡豆同出面餐廳唔同，飲落有少少果香，好飲！蛋糕叫左芒果熱情果朱古力撻，賣相吸引，一啲都唔hea，好有層次。面頭係朱古力醬朱古力碎，入面蛋糕之間有香濃嘅果醬，最底係脆脆，酒店級數嘅cake😋。

今日夜晚想食啲輕食，坐低靜靜地同朋友傾吓計，所以嚟咗佐敦呢間Cafe。.食物種類唔算好多，我叫左一個all day Breakfast，有玉子同埋蘑菇，加埋sourdough，一餐又健康又輕盈。飲品我叫咗smoothie，係用燕麥奶整，味道唔錯。.朋友就叫左明太子帶子意粉，我試咗幾啖之後就係咁食，呢個真心好味。另外佢就叫埋mocha，都唔錯。.因為都就嚟夜晚嘅關係，我哋都冇試飲佢d cold brew，下次可以試吓。