Cafe Balencia (Closed)

向來唔多鐘意食有肉餡的包，所以今次的包戰也不例外，狂掃7款包包！$8.5香橙吉士紐紋：微微的香橙和吉士味，普通啦，又係得個樣囉$8朱古力多得環：表面一層好甜的朱古力，包身我嫌略實，淋d就好$7多得環：嘩，表面d糖會唔會多得濟呢？食到成口都係砂糖，從未食過咁多糖既砂翁，另外，包身尚算軟熟$12忌廉芝士布里歐修：毫無芝士味既？！仲有表面個d所謂芝士又硬又散，可稱得上難食$9焦糖香蕉蛋糕：矮身圓柱體狀的香糕蛋糕，有好香的焦糖味，蛋糕上有片烤乾的脆香蕉$11日式蕃薯包：內餡有好大舊連皮的黃蕃薯$10提子朱古力這個外形討好之餘，不會太大個，酥較硬身，味道一般啦$12藍啤梨朱古力高洛芙覺得呢個最好喎，好清淡的藍莓味，另外又能嚐到朱古力的濃郁香味，十分滿足，外形特別共$77.5

是日優惠係黑椒雞肉酥特價$8 (原價好似係$9.5)平時唔多麵包舖有呢款麵包呢度做得唔錯喎面頭交叉的紋，令外形比一般的圓碌碌麵包吸引，帶點硬硬地的口感碎雞肉加上黑椒，不會太辣，好惹味！但饀料略為少了點小妹咬了四至五口才吃到餡料我想：餡料只佔麵包的四分一吧如果可以多返d雞肉就cery good la~

星期六途經新世紀廣場，見以前Delifrance變了Cafe Balencia。這是一間半Cafe半麵包店，見有個蛋糕柜，有芝士蛋糕同黑森林散餅同整個賣。我買了一件藍莓芝士蛋糕，$24算是一般價錢。售餅員交了用紙袋包好的蛋糕給我，嘩，好重，看不出一件西餅會咁重，起碼2件餅的重量。回家晚飯後，開了支紅酒，取出芝士餅送酒。嘩！又一驚訝，用刀切，好實心，可以切成0.5cm薄片都不會爛。即時放入口品味，好！芝士味夠濃，又夠滑，正！吃了很多cafe/餅店的New York 或Blueberry芝士蛋糕，除了君悅的New York Cheese夠creamy外，終於找到這間有得揮。下一次要試特濃New York Cheese Cake。

早上起身就立即趕住出門口都未食早餐 , 行過新世紀廣場見到呢間麵包店就入去買d包填肚 , 一望之下d包好熟口熟面 , 原來名唔同但又係A-1分店 , 咁麵包既質素實唔會差得去邊 , 所以就買左兩個有我既最愛 - 咖哩同芝士味道既麵包 , 而且仲要係新鮮出爐熱辣辣 , 真係好好味道 , 食完之後成個人充滿活力呀。 日式煙肉芝士 日式湯口咖哩包

九月三日(星期三)今天有早餐吃呢....是昨日經過旺角的Balencia買的...hehe,喜歡吃麵包的我當然一眼就認得出是"變了身"的A1.....今次見到一個包裝精美的雪芳蛋糕....面上有一個綠色的蝴蝶....立即令蛋糕"變靚"了!而且今天做特價,有八折呢....12元有個大蛋糕,算是這樣吧!之前我們也吃過A1的蛋糕,已經覺得不錯,今次的比A1更加鬆軟,可是我認為比較甜,似不太健康呢,不過整體來說都稱得上是"好".......所以下次有機會會試試他們的set dinna,不太貴,70-80有意粉...和飲品....

一直想試試呢間cafe，終於尋晚試左，而且覺得冇去錯。入去之前，我問左門口個職員好多野，佢都好好人咁解答，我朋友黎左，再研究左一陣個餐牌先決定入去。我叫左set dinner0既西冷扒(7成熟)，配意粉，揀左西蘭花忌廉湯，個餐都真係幾豐富，先黎個雜菜沙律，冇沙律醬，但好夠味，成碗掃清，然後黎餐湯&包，嘩~呢個湯0既顏色好似抹茶，好sharp~幾好飲，一d都唔稀，個包俾左朋友食，佢話好好食。跟住上main course，諗起都好笑，其實個waiter放低碟野之前講左句野，不過我同朋友都聽唔到佢up乜，問佢係咩，佢又講左一次同一句野，但我地依然聽唔到佢講乜，於是我叫佢放低，我睇住碟入面塊扒半吋左右厚，唔似係西冷，跟住又有兩舊炸0既野0係旁邊，越睇越唔似係我地叫0既野，於是招手叫個waiter過黎問多次係咩，今次先清楚聽到佢話係「牛肋骨」，0個兩舊係「炸生蠔」，um...之但係個menu印住係「拼生蠔」，我朋友以為係「生」架囉~anyway，試左先算...朋友其實叫左同我一樣要7成熟，不過以血紅0既程度應該只係得5、6成，同埋真係薄左dd，而我0既西冷就唔錯喇~有一吋厚架﹗仲竟然有9成熟添，

大熱天時行旺角可真攞命，索性走入新世紀行商場作罷，行經此店又光顧了一餐下午茶，餐牌內有一個二人併盆餐，內有炸魚柳、蜜汁燒雞翼、吞拿魚火腿三文治、咖喱角、曲奇餅和餐飲兩杯，售價八十多元，看似幾抵食化算，於是就決定食呢份餐。成份餐果然不俗，各款食物都甚有水準，尤其咖喱角用料豐富兼香口，吃落不像是山寨貨食品，成個併盆只有炸魚柳有點腥味較難接受，餐飲就選了凍甘桔檸檬，凍飲用鋼杯盛載，使人睇見都透心凉，而甘桔檸檬的味道就有點像濃縮橙漿的味道，總括來說此套餐都不錯，起碼樣樣有夠豐富。

At the first look, the Cafe enviroment & Interior Design is very attractive.Many selection of buns and breads.However, the attendants customer service is very dissappointing.-Attandent does not even understand a single word of English including their own Menu "mont Blanc".-Only one attendant is serving & taking menu, while the rest are just standing in the counter. Resulting customers to wait for a long time.-The attendant moves recklessly and is very noisy in setting & cleaning up.-Slow in taki

08.07.17　Balencia Bakery@旺角最近瘋狂的愛上歐式麵包打從上一次機緣巧合下吃過了Backenhiem的合桃起司軟法包後（沒拍照所以沒在這介紹到）一直回味著歐式麵包那種外脆內軟，清爽不膩的口感在香港能打出堂的歐式麵店Backenhiem… Das Gute…Balencia等，其實都是A1集團的只是大家針對不同的消費群，裝潢也是各有各的特色像Balencia是半Café半開放式的麵包店麵包放在透明櫃裏，360度呈現在你眼前，感覺特別的高級今天買了一個頗受好評的鮮奶木頭麵包留待gym後大快躲頤邊在跑步邊想著這個麵包，會是何等的味道呢？沒有耐性的我洗完澡後就馬上拿麵包出來品嚐像樹根的鮮奶木頭包放在真的樹根旁真的可以混淆視聽面層有著一層白色細滑的糖粉因為不是新鮮烤成的，本來酥酥的外皮現在變的有點難咬上半層是一層輕輕的吉士（custard），呈微奶黃色麵包裏頭口感札實，是帶點韌性的麵包跟平常吃到的法式麵包及家常麵包口感非常的不一樣有點接近…蒸發糕的質感因為喜歡吃吉士，本來想說吃半個而巳，結果把整個吃光光這個甜包不能常吃，感覺到熱量有點高（對麵包還真是又愛又恨勒）多跑幾十分鐘

朱古力多得華：有少少失望，朱古力味不夠，一般吞拿魚三文治：吞拿魚夠多，汁好正，幾好 藍啤梨酥：不過不失，中規中矩啦黑椒雞肉飽：唔底，雞肉少，黑椒味不夠，但面包表面幾酥脆、香口

常常經過都無留意到有麵包買,昨晚等人中無無聊聊走咗入去,驚覺原來有啲未見過的麵包,於是買了一個芝士吞拿魚多士($9).麵包外相很討好,吞拿魚料不少,可惜是凍的,皮比較硬,浪費了這個特別的麵包.另外由於我老公鐘意食芝麻包,見到有芝麻卷$4.5仲有八折,於是買埋,不過原來超難食,可能因為放得太耐,又凍又硬,不過隱約都感覺到它的芝麻味,相信熱食的話會是好味的.今次比較可惜,睇吓下次可唔可以食到熱烘烘的麵包.

只是吃完一碗嗱喳麵，點夠飽 ? 行返上去乘火車之際，經過呢間新開不久嘅bakery shop，求其買兩件試試....又係das gute嗰款嘅格局。呢類bakery shop最近真的像burger shop一樣，有如雨後春筍，開到一街都係，但水準就真的良莠不齊....仍然相當餓，所以先買一件袖珍版嘅原味croissant，再買一大條號稱用天然酵母菌再加甚麼花籽製成嘅黑椒腸麵包...croissant不是freshly made，已攤涼咗，嗰種flaky嘅口感當然不復再，而且牛油味亦不夠濃。已經被世紀廚神羅布松嘅出品寵壞咗，冇辦法...嗰條健康包一咬上口，乾巴巴之餘又硬似石頭，感覺好難受。縱有惹味嘅黑椒肉腸，亦難力挽狂瀾....都係嗰句 --- 健康包 ? 都係咪攪 ....

上完堂, 好像仲未夠飽, 又想食雪糕. 本來想吃那家日本店的, 但路過這裡, 望望餐牌, 都想試試的, 就改變主意係度食甜品.新地方, 環境幾好的, 型式也係近日幾流行的麵包店餐廳.文迪想要件蛋糕, 但係要$36一件, 加一就成$40, 但係外賣價只係$24, 仲有八折, 真係差成倍. 這個價位, 實在令人難以接受, 都係食雪糕好了.朱古力芭菲$32: 5分, 一客只要$32, 以芭菲來講, 其實不貴, 但係這杯的份量的確比較削, 跟平日吃開大大杯的芭菲比係不夠吸引. 面頭放了奇異果同埋火龍果, 酸酸的, 跟雪糕係不匹配的. 朱古力雪糕只有一球, 都幾香濃的, 但係其他醬同配料就無乜.水準相當一般的芭菲.焗法式焦糖忌廉$33: 7分, 本來係想吃意式豆腐, 但係售罄了, 唯有要這個焗法式焦糖忌廉. 這個比芭菲為佳, 夠滑, 焦糖不會太甜, 不過面頭就焗得不夠脆.這裡係十點半關門的, 但係未夠十點就話收銀機要收了要先結帳. 見店員趕著收工, 我們也早點離開好了.甜品的質素一般, 服務態度也麻麻, 但係環境幾好的, 或許有機會再試清楚這店的其他食物.

食o左:1)牛扒配意粉十分好味！我叫o左７成熟，確係做到７成，肥瘦適中，有豐富肉汁，正！仲有，值得一讚係佢\o既意粉同雜菜，意粉不是白烚，而是加調味炒過的，不用沾排的燒汁，已經好好味！雜菜亦是經過調味，加入蒜香，十分香口。2)龍蝦汁天使麵lee個麻麻，因為好多橙色o既油，仲要無乜味，食到要long起隻碟隔走ｄ油！唯一可讚o既地方，就係海鮮幾足料，唔會係蟹柳、蟹柳＋蟹柳～其餘的餐\湯、麵包、沙津都不錯！餐\飲除咖啡奶茶外，仲可以叫橙汁，比平時多一個選擇。服務態度不錯，有禮貌，又唔會應o左就算。但是梳化那邊的木台太逼，同隔離木台近到好似一齊食咁，出入相當不便。

前幾日放工既時候同好朋友係呢度食左兩個蛋糕, 她是最喜歡食甜品的, 雖然在食飯之前仲食兩個蛋糕好似有點過份, 不過都無所謂啦.個日我地叫左兩個蛋糕係堂食. 一個係藍梅芝士蛋糕, 另外一個係黑森林蛋糕. 原來係堂食係貴D, 每一個蛋糕係大約貴多十多蚊左右. 個藍梅芝士蛋糕真的十分好味, 係我食過既最好味的蛋糕之一. 而且個蛋糕的質感都好好. 不單止這様, 個賣相都相當不錯. 她也覺得十分之好味. 下次一定要來買一整個藍梅芝士蛋糕同家人分享一下. 而個黑森林蛋糕都好味, 但是就無乜驚喜. 下次再來的話可能會試另外一些蛋糕吧.總之個藍梅芝士蛋糕係十分之好味, 我一定會推介給其他朋友食.