膠園

Open Now

Now Closed

一入到去，見到少人龍，本身唸住幾個人，好在照排，因為我地之後個pair情侶初告之截單，唔駛再排，我地係最後。午餐包一杯飲品嘅。叫左天使麵同蝦多士後，見人個花膠咁大塊，有有些後悔添。唔緊要下次食。呢個天使麵有少許失望嘅，唔知係咪因為差不多收，D嘢將近賣，老細話預備收工，但真係碎粉，完全卷唔到嘅天使麵。有花膠碎，醉鮑魚，同黑機露醬同三色椒，個花膠碎份量唔多，三色椒又係碎上，如唔係個醉鮑好在夠大，唔係好似成份碎濕濕嘅粉咁，好難唔失望。百幾蚊，當食粒醉鮑魚嘅心機吧！但個蝦多士，真係有 一隻幾大下嘅蝦係裡面，炸得好脆無油，呢個功夫菜，$88真心抵。再加埋黑松露醬，加少少已經好香，呢個菜救返成餐。同埋想試個apple crumble，佢話無，唔知因為賣晒定點，總之下次要再去食過大花膠同自家制甜品呀！

我們於13/6（四）約中午十二時左右到達餐廳，客人不多。我們叫了花膠鮑魚黑松露醬野茵炒天使麵及花膠黑松露滑蛋多士。❶花膠鮑魚黑松露醬野茵炒天使麵（$118）：有碎花膠，一隻鮑魚在天使麵上，黑松露醬夠香及三椒🫑椰菜和蘑菇、粟米，色彩繽紛。炒天使麵比較短及碎，亦有不少碎花膠。👏🏻❷花膠黑松露滑蛋多士（$62）：多士有花膠黑松露醬及炒蛋，底下有芝士，多士邊很脆。以合理價錢吃到含有花膠菜式已經不錯，埋單不用加一

膠園(Cafe Cool)最近頻頻上電視，電視台吹到好行，餐廳位於歷史建築"西港城“內，今日約埋朋友三人一齊去食LUNCH，食嘢之餘順便欣賞一下古蹟，11:30午餐時段開始，餐牌有花膠鮑魚系列，我地三個不約而同都點了花膠鮑魚配鵝掌跟飯/意粉還有餐飲，好快就上菜擺盤不錯，花膠鮑魚鵝掌下有少量菜、粟米及甘筍絲有d茶餐廳feel，花膠軟冧、鮑魚正常、但鵝掌像解凍後無再炆～唔冧無味、白飯生米，另外食物是室溫的～唔熱又唔凍、個汁就豉油加少少蠔油開水，食物味道不要有期望就唔會失望，因為午餐無加一所以唔好期望侍應會有服務，食完個餐行出去收銀等埋單，同侍應A講埋單~佢叫我等，跟住侍應A行咗出去，換侍應B～我再講埋單～侍應B當我透明，我再講多一次埋單仍然唔理我，最後我再大聲同佢講可以幫我埋咗張單嗎？先問我邊張枱……，$384平均每人$128～茶餐廳質素，性價比低。

膠園餐廳提供多款菜式，其中最特別的當屬花膠鮑魚系列，為食客補充骨膠原，愈食愈年輕✨A3. 花膠鮮鮑魚配鵝掌（$118）有花膠、蠔皇鮑魚和炆鵝掌，花膠和鵝掌有2-3塊，勁足料，花膠入口滑嫩，鮑魚和鵝掌則煮得柔軟有嚼勁，並帶有微膠質感，蠔皇醬汁還可撈飯✨A5. 花膠鮑魚黑松露醬野菌天使麵（$108）有花膠和醉鮑魚，鮑魚入味，麵量十分充足，黑松露味道欠缺突出，稍嫌平淡無奇總體來說，餐廳菜式豐富多樣，唔想補充太多骨膠原，餐廳還提供港式扒餐、咖喱系列同西餐如果你熱愛鮑魚和花膠的美味，可以一試注意：餐廳營業時間到下午5時，不設晚餐時段

呢間餐廳係喺上環德輔道中323號西港城地下1號舖嘅膠園。我去嗰陣食咗啲好正嘅食物，而呢啲菜式包括花膠鮑魚鵝掌飯、芝士花膠多士同埋花膠鮑魚冬菇飯等等。我哋入咗去之後，迎接我哋嘅係一個好友善嘅侍應生。佢介紹咗啲菜式同埋飲品，同埋好有禮貌咁問我哋想唔想飲啲咩。我揀咗啲茶，而我朋友揀咗一杯汽水。喺等食物嘅時候，我哋咁啱嘅聊住天，好快就有嘢食嘅。呢度嘅服務係好快好好嘅，俾我哋一個好嘅用餐體驗。食物方面，啲菜式全部都好好味。我特別鍾意啲花膠鮑魚鵝掌飯同埋芝士花膠多士，佢哋嘅味道好香濃。啲花膠鮑魚同埋鵝掌嘅質地好韌，加上米飯嘅味道好，好滿足。啲芝士花膠多士嘅質感好好，個花膠好入味，而芝士嘅味道亦都唔會太濃。花膠鮑魚冬菇飯嘅味道亦都唔錯，佢哋嘅飯粒好軟糯，配合啲鮑魚同埋花膠嘅味道，好開胃。

自從早前香港放寬通關後，市面及旅遊漸漸回復正常！前往澳門的上環信德中心，自然成為遊客們出發前飲食的好地方， 有見及此！為了避開遊客們，我盡量不留在信德中心堂食早餐；於是，找附近的餐廳！位於信德中心一天橋之隔的西港城，地下有間 <膠園 Cafe Cool>，以供應花膠為主題，供應早餐至晚餐！超過兩年前，我都有幫襯過店子的早餐及午餐，不過，總覺得當時的早餐質素一般，尤其是幾次食沙嗲牛肉麵，牛肉每次都是挑戰牙力的韌度！直至幾個月前早上經過，見到早餐餐牌已轉新 Menu， 可以再給機會餐廳，又再試試其質素如何吧？雖然幾次早上幫襯，樓面只有一位女店員，落單、送餐、收錢...一腳踢，她依然勤快有禮！近月來說，以上環區港式早餐，繼保持水準的 <明谷> 之外，這間 <膠園> 更好水準！當然，價錢相對貴些少，亦坐得鬆動舒適！見仁見智嘞！店內保留西港城其紅磚牆特色，好適合作為打卡背景！ 之前是康樂棋盤背景，現已換上英國倫敦背景，同樣令人放鬆心情！桌上備有餐具、紙巾、白糖、咖啡糖、鹽、胡椒粉等調味料。早餐 8:00~11:30amA 特色早餐：$45~$55B

朋友推介叫我一定要試吓呢間餐廳啲嘢好食。今日落大雨終於想起叫咗呢間餐廳嘅外賣，原來近期餐廳新出嘅廚師推介餐，我叫咗雙色藜麥紅菜頭杏脯鮮果沙律，真係好好味，我本人對紅菜頭喜好一般，但係今日食完之後就愛上咗，一試難忘，值得再試餐廳仲有其他兩款推介餐，俄羅斯式炒意粉同埋香煎牛脷，明天再去試吓。

Located in western market, this off the beaten track cafe serves local fusion food that is not only affordable but excellent. Staff and chef are super friendly. The abalone and fish maw, baked rice and breakfast menu are fantastic. Great experience - Must come back again.

經常路過早上環，嘗盡附近的附近特式早餐，孖沙茶餐廳的炒茶爺牛意，龍邦的叉燒通等等，環境/味道/價性比俱不錯的，可算這間膠園腸園開了一年左園，主打花膠，午餐試過也很諗滑, 但一般$38有，業擺盤有考究，靚靚仔仔，通粉用米通，份外飽肚。餐具用上白瓷器寬邊碗，沒因為$38早餐加上膠碗膠碟而西式古蹟的違和感，雖知很容易就耗損在，餐廳上也是一筆成本。其實沒有什麼好批評，可能是跟早餐的㗎啡比較一般，早午得一位員工招呼，和小圓檯面積太細，午餐時很不方便啦

Lunch hour 行到去上環食花膠鮑魚飯先發現原來咁隱蔽。呢間餐廳賣相就好吸引但係lunch 時間都好少食客都心知應該一般般鮑魚係凍冰冰冇乜味 咁花膠本身就已經有味反而雞扒就幾香口同埋入味幾好食㗎

呢間專食花膠同鮑魚Lunch食呢啲我都覺得有少少豪呀😂間嘢直頭喺紅磚西港城地下所以都幾易搵花膠鮑魚鵝掌飯 $98💁🏿‍♀️花膠鮑魚冬菇飯 $98💁🏿‍♀️老實講 第一下個感覺係：「乜得咁㗎咋？」因為佢嘅擺盤令到成碟野好唔吸引 😅(為呈現最真實嘅一面 無郁過就影 同時亦已盡影)後尾睇真啲 其實個花膠都幾大舊佢入口唔會好似假膠咁好稔同好黏鮑魚都唔細 而口感都有嘅 亦唔會太硬鵝掌同冬菇都夠稔👍🏿但係有少少敗喺啲汁到 因為佢嘅味好淡而佢呢隻長方形碟亦令到啲汁好難𢳂起搞到成個飯無乜味 有少少失望如果講緊$98呢個價錢又有花膠又有鮑魚如果有咩喜慶嘢去食一次半次都ok嘅….只係味道比較淡同埋擺盤hea咗少少🤦🏿‍♀️我個人就一次已足夠😂

位於上環西港城，一年前約4月頭開了間紅磚牆以供應花膠主題餐廳 <膠園 Cafe Cool>！由舊年開業至今，我間中都會幫襯！這裡保留及原用特色紅磚牆，特別以康樂棋作 Feature wall 裝飾， 令食客勾起童年回憶！限聚令之下，店方也在桌上加上隔板及有些座位不能進食以保持社交距離！營業時間也因應疫情而作出調整！店方好細心體貼，桌上除了備有調味品及牙簽之外，還提供小紙袋給食客存放口罩！並送上一杯水給食客解渴！ 餐牌外賣 85折港式早餐：由 $38 ~ $88 不等沙嗲牛肉公仔麵 $38見到公仔麵煮熟後呈彎曲形狀，口感富彈性； 沙嗲牛肉夠入味，卻是幫襯了好幾次，總是大部份牛肉的肉質韌韌地！大打折扣！炒蛋帶有蛋漿的炒蛋，通常都不會差得去邊？！熱奶茶水溫不夠熱，加上奶味霸道，相對茶味不突出！素鮑魚通心粉 $38 (外賣 85折 $32)通心粉及湯底分開盛載，湯底惹味卻幾油膩！ 通心粉份量約半兜，對我來說算少！香蒜多士口感帶硬脆，除了牛油之外，特別加上香蒜碎，零舍香氣突出！我個人口味喜歡！豬扒通粉 $38 (外賣 85折 $32)分開上，可保持通粉的彈性，的確幾彈牙！豬扒算軟

午市呢間鋪係西港坊的門口非常容易搵 一入鋪頭 就見到濃濃的港式裝修試新餐廳當然要試啲未食過嘅睇哂成個餐牌就佢啦！點左一客麻辣花膠意粉點佢嘅原因好簡單，因為想像唔到😂上菜時已嗅到食物嘅惹火味以為係勁辣一入口 有驚喜啊佢係介乎中菜同西菜中間嘅港式味道😎花膠夠林夠入咪辣度適中 甜甜地 似乾炒牛河辣版上面嘅配菜起到中和濃味的作用 中上環黎講價錢非常實惠用膳後見到有辣醬賣我當然不放過買了一瓶回家🤪再延續⋯⋯⋯😂

呢間餐廳供應超過30款Fusion菜式，8成都以花膠或鮑魚入饌，花膠甚至向冰島供應商拎貨🇮🇸豪食得嚟價錢又貼地🤑💗醃製鮮鮑魚帶子雜菜沙律($88)新鮮翠綠嘅沙律菜食落爽脆無苦澀味，以黑醋調味更清新開胃🥗配兩件鮮甜帶子，表面煎至焦香，裡面保持半生熟，只係偏細隻🐚面頭件涷鮑魚先用白滷水浸製後慢煮兩日，所以花椒同八角味非常突出。💗炸鮮鮑魚($88/2隻)9頭鮮鮑魚經慢煮後，再沾上薄薄嘅粉漿酥炸🍤內𥚃肉質軟腍彈牙，完全唔會韌同痴牙。食落帶白滷水香，面層灑上咸香椒鹽，但略為蓋過原本嘅鮮甜味🤔💗芝士花膠多士($52)麵包搽上新鮮蕃茄醬，再灑上水牛芝士烤至金黃香脆🧀面層嘅花膠係冰島鱈魚膠，先係大澳生曬後再浸水三日至軟身，以古法鮑汁扣一日，所以質感軟滑帶微微黏口，整體味道有d似Pizza🍕💗花膠帶子蕃茄魚湯麵($118)湯底以骨膠原較豐富嘅門鱔骨熬製🐟再加入新鮮蕃茄，清清地食到蕃茄原本嘅酸甜，濃郁得嚟好自然🍅特別採用較幼身嘅天使麵，吸湯力更好。面頭再放上3粒煎帶子同大大塊爽口嘅花膠扒。💗膠園套餐($88)主菜係鮑魚花膠豬骨湯意大利麵🍜湯底有花膠同豬骨增加膠質，味道亦較為清淡，更突顯鮑魚同花膠扒嘅鮮味。

今日經過西港城🧱。比我發現有間以【花膠】為主既餐廳，店舖環境舒適，有種置身於樂園🎡既感覺。店員帶比人親切既感覺🥰 話得以 #花膠 為主，當然唔少得有 花膠系列既美食，仲有 #鮑魚，及其他不同美食😋等我點番份超抵食，滋潤養顏嘅豪華午餐，包你食過番尋味🤤廚師推薦👨🏻‍🍳【膠園套餐】鮑魚花膠豬骨湯意大利麵 配 蒜蓉牛油多士 $88原隻鮑魚，肉質嫩滑，鮮甜好味 ; 大大塊花膠，膠質豐富，口感較爽 (花膠仲係女士們既恩物)，食到我lamlam脷。香濃豬骨湯配上爽滑意大利麵，我好鍾意佢地既意大利麵🍝，令你食完覺得仲想再食(好想講 加麵底🤭)。仲有件香脆蒜蓉牛油多士，真係勁脆口，正👍🏻跟餐配 蜜糖檸檬水🍋 $10滋潤喉嚨既蜜糖檸檬水，甜度適中一定要點番一份精美小食，先滿足到你既胃🤩芝士花膠多士 $52非一般配搭嘅多士，有大大塊爽口彈牙既花膠係面層，芝士🧀及碎蕃茄蓉係中層，而低層就係脆到不得了既多士🍞