大家樂 (Closed)

其實呢D 快餐真係唔值得點寫, 晒墨水,但實在太差,所以不吐不快.叫得做一哥焗豬扒飯, 應該有一定水準,但實情並唔係咁,而係極之差. 尤其個番茄汁,佢係非常非常......非常之甜,甜到漏,離晒譜!塊豬扒應該係炸完先放係炒左底o既飯上面,再加番茄汁去焗. 咁樣攪到塊豬扒D肉同個炸漿皮分開左.夾起塊豬扒時,成塊炸漿皮留係碟飯度,而塊豬扒則因為脫皮而變得"白雪雪", 場面核突.咁樣攪法點可以叫做"一哥" ?

大家樂最好食既lunch 我覺得就係海南咖喱雞飯呢間0的咖喱雞都有一般大家樂既水準不過有時0的反會硬0左少少~同埋呢度好在smoking area 係間開一個角如果唔食煙都唔會比煙煙親!

一連三日肩負重任要陪ｏ靚妹食午飯，對於少出外食晏又無乜要求ｏ既我黎講，最方便ｏ既當然係哩豎啦！各式其色，應有盡有，放棄左例牌「一哥」，叫左一個鴛鴦炒飯＋海南咖喱牛腩飯。鴛鴦鍋仔炒飯：蠻好呀，雖然唔可以跟大酒樓鍋氣相題並論，無大蝦無貴野，但不失係一個快、平、飽選擇丫。海南咖喱牛腩飯：試問有咖喱又點試到海南飯果種「油味」哩？！我ｏ既味蕾就分別唔到喇！我唔覺得只剩四個字「咖喱牛腩」有乜問題喎，都係算啦。三大「快餐」黎講，都係最鍾意食美心ｏ既「咖喱排骨」同大快活ｏ既「咖喱汁」，今次大家樂哩個「咖喱牛腩」，牛腩略為韌左ｏ的，咖喱汁削，總體麻麻咋！

試o左佢個鮮人參素翅餐；$35，有一盅鮮人參素翅(可揀燉雞或豬展)，小菜一碟，白飯一碗同中國茶。素翅揀o左燉豬展，而小菜就揀o左金盞西蘭花炒班塊。個人參素翅燉豬展都唔錯，夠大盅，有人參香味而豬展又夠淋。西蘭花炒班塊跟雀巢上；個雀巢味道有D似炸o左o既春卷皮咁，幾香脆；班塊同西蘭花當然唔會好靚～但係以呢個價錢，水準其實已經唔差lor，起碼碟頭同賣相跟promo果張相都唔差太遠，而白飯、送菜也熱辣辣o丫。見到其他人食呢個餐小菜多數會揀京都焗肉排，睇o黎都唔錯咁o播～

為左早餐裡面件玉桂蛋糕, 我特登走去食早餐. 既然主角係佢,呢個食評都係講佢啦!其實所謂至蛋糕就係一件triangular o既清蛋糕蓋左一層玉桂粉. 講真,我就真係一d都食唔到玉桂味啦...平就真係幾平o既...