貓店街 (Moved) New Location

貓咪可以抱，感覺很親切😁👍🏻食物種類較少，飲料較多元化環境尚算舒適，平日人流不多，而且有WiFi可以打發時間，會再來!平均消費金額約一百元，可以消磨時間大約一個半小時。

係百寶利樓下見到有招牌 所以決定上去一試一入到個地方不大 但環境較為清靜舒適最低消費$68然後一杯飲品的價錢大概48-58+20可以有蛋糕或三文治今次我揀了芝士蛋糕 份量比想像中大 味道意外地好  而飲品方面都唔錯老闆好好人 會同你傾計但貓貓好懶訓要摸下先會醒不過真係好可愛呀 肥嘟嘟下次得閒會再去！

離晒譜,俾成100蚊,食個超油既飯盒,盒內盒外都係油,仲有飲可樂仲要另外俾錢!上去既人都有病,叫外賣不如自己打電話叫啦,叫左個河粉,油到呢,好似d油唔洗錢咁,肉得兩三條,最離譜係,個職員叫左外賣番黎之後,都唔嘗試下轉落隻碟度,就咁發泡膠盒就俾我,貓訓晒,輕輕摸下貓,又話唔俾,上到去職員係咁話其他貓cafe唔掂,事實係附近大把貓cafe好過佢!

約左幾個fd睇戲, 點知搞錯左時間, 決定搵個地方坐下! 之前係IG見到百寶利有間貓cafe, 所以就上去坐下!地方唔大, 大概有6-8 張桌, 但貓咪真係有好多, 好似有成12隻, 全部都好Q好得意, 一D都唔怕陌生人! 由於我已經食左飯, 所以只係叫左個一口西多士同水果茶! 西多士超好味, 炸得一D都唔油膩, 而且CUT得細細舊, 一啖一舊, 岩岩好! 如果可以配多個雪糕就仲正喇!!! 水果茶好fresh, 個茶壺好精緻, 下面有個火keep 住加熱! 水果同茶配搭好清新, 食完D熱氣ge一口西多 再飲番啖水果茶即刻中和番哂, 正呀!!!!

貓呀貓，貓貓呢種生物真係令人心甜，搞到我放工都特登去探佢地添。一入店就覺得間餐廳有點兒「焗」，仲有啲臭臭地。冇法子啦，有小動物的地方必然會有少少異味，但呢度陣味比以往的cat café為重，希望可多加留意！我一坐低就叫野食啦，但等等下都成個幾鐘先有野食，算啦…可能當晚忙啦。佢地人店仔細細，人少少，算啦，好彩有貓貓陪我玩姐;)。先來的是飲品，我叫了熱香蕉朱古力；我朋友叫了凍藍莓汁。藍莓汁係普通味，勝在啲冰適量…既唔會整到杯野淡、又可稍稍減減個味等冇咁甜。我強烈推薦杯香蕉朱古力！好味到不得了！！！又夠熱，朱古力味又香又濃。最難得真係個香蕉呼唔會太假，唔會fell到好似化學調味料咁味。好可惜，一杯咁好味的飲品唔可以同野食一齊享用，因為啲野食要好耐好耐之後先黎到，好浪費呀。之後芝醬麻拌烏冬係好味既，但咁簡單的菜都整咁耐，真係令人有少少失望。等我同大家分一分析下先：鳥冬水滾便可放下去煮掉埋啲配料落去；過一過冷河，倒啲芝麻醬落去，經已食得=.=，搞咩鬼要成個幾鐘，基本上5分鐘已可以整起…呢度既貓貓唔熱情的;(冇咩邊隻肯同人玩。白身其頭果隻最可愛，全黑果隻最鐘意痴我，其他冇反應，訓得就訓。

同男朋友都係愛貓之人喺旺角放工就去食下啦點知去到水靜鵝飛全部貓都訓晒我明白貓貓作息有序無特登去玩貓啦就咁叫個烏東食但個烏東真係超dry根本就係過滾水再加芝麻醬杯餐飲我揀左珍珠奶茶淡到好似水茶係10:1咁我唯有喺d冰未溶勁快咁飲晒佢離開時仲係一隻貓都未醒貓奴我真係衰運 T____T

當日whatapp去佢地個舖頭book夜晚睇阿SA之前去食飯探下貓貓, 即時就覆左, 好快好有效率,去到之後勁多人, D貓就上晒枱面, 好活潑, 全部都唔怕人, 我地兩個人上到去就要搭枱, 其實都幾逼, 不過貓貓搭救, 真係好可愛好喇, 入正題講下食物, 叫左個卡邦尼汁豬頸肉意大利粉, 忌廉蘑菇汁肥牛意大利粉, 墨西哥朱古力同埋香蕉朱古力卡邦尼汁豬頸肉意大利粉: 卡邦尼汁好濃, 味道好正宗, 唔會好似普通白汁咁, 而豬頸肉好爽口彈牙, 忌廉蘑菇汁肥牛意大利粉: 忌廉蘑菇汁好滑(好肥...), 好香, 肥牛唔會炒到老晒, 強烈推介墨西哥朱古力: 玉桂味同朱古力味比例啱啱好, 香得黎又唔會蓋左朱古力既味道, 強烈推介香蕉朱古力: 香蕉味好濃郁, 強烈推介邊食邊同貓貓玩, 埋單大約250, 有DD貴,(我地齊頭俾左300當捐俾D貓仔)不過同店員傾傾之後知道D貓貓佢舖頭領養左之後,都會出好多錢幫D貓貓睇醫生同埋做手術, 所以都明白點解咁貴就係為左救助D貓貓... 不過佢地太低調喇, 如果佢地高調DD, 話唔定可以救助更 當日whatapp去佢地個舖頭book夜晚睇阿SA之前去食飯探下貓貓, 即

睇朋友Ig對呢間Cafe讚不絕口，於是決定單刀赴會去試一試，到左樓下， 排隊上去條龍長到呢。。。排左五分鐘，終於逼到入去， 點知上到上面又係勁多人等緊。。。一位都無得入座。。。職員好好人，話唔洗係度等都得，留個電話就可以於是又落番去隔離行下兆萬，15分鐘後就收到Call話有位叫我上番去，一上到去 哇 多貓到呢未見過有貓Cafe既貓貓係咁主動同人玩，坐低拿拿聲叫左個麻醬烏冬配秘汁燒雞扒，跟一杯椰汁沙冰好快就黎野食， 賣相不大吸引，雞扒有少少乾， 嚇左一跳，於是唔理貓貓開餐啦，麻醬好香濃好奶， 無得彈，配埋夠晒凍既烏冬岩岩好，到塊雞扒。。。一口咬落去， 超多汁，雞肉仲好滑， 一D都無燒到老晒，簡直同外觀差天共地，食到咁上下， 黎埋杯鮮椰沙冰，味道好似椰汁大王既椰汁， 不過多左種椰子既鮮味，食完飲完， 梗係同貓貓玩啦，隻隻貓都好精靈，完全唔怕人，仲會主動走去客身邊嗲，食左差唔多一個鐘就走了， 因為實在太多人等緊位喇。。。一個人去實在有D尷尬。。。

去貓cafe當然要去最多貓既貓cafe啦,係ig見到佢號稱係最多貓既貓cafe ,點知上到去,一開門已經有兩隻貓貓歡迎我地,坐低之後再數下貓貓,足足有12隻!之前去過既其他cafe都係得三四隻貓,而呢度既貓都好熱情, 會主動同人玩唔會匿埋晒,食物方面, 明顯不是重點, 不過都十分有誠意,叫左麻醬烏冬拼炸蟹鉗同埋麻醬冬拼芝士豆腐，烏冬雖無特別說明, 但一定是讚歧烏冬, 十分彈牙,麻醬超濃味,佢可以揀曖食或者凍食,識食一定要叫凍食,無得頂,芝士豆腐都值得一讚,既彈牙又有重重既芝士味,超正飲品不過不失,叫左特濃黑朱古力同埋熱帶水果花茶, 都好好飲特濃朱古力真真正正係特濃,有少少苦,一個字 超正知道這間小店曾經幫助過好多街貓同免費支援之前佔領行動受影響的人,希望這間小店能夠撐落去 繼續幫助貓貓

book左6點上去,入到去見到個環境都算乾淨ge,坐低一打開個menu..話餐會包$35內飲品一杯,諗完個餐就去睇下有咩飲啦,都估到唔會包d咩好特色飲品咖啦,點知...汽水2款..同橙汁..菠蘿汁..係$35..其他要杯伯爵奶茶都$80...都算...同男友叫左2個餐,一個雞扒麻醬烏冬,一個卡邦尼煙三文魚意粉,一杯橙汁一杯菠蘿汁..等食物的中途諗住同貓貓玩下,點知訓哂,得一隻行黎行去趴黎趴去,不過算啦,貓貓要訓覺哩樣控制唔到,所以唔係我唔鐘意哩間CAFE的原因.首先上左2杯飲品先,個男仔未拎到埋黎我就諗緊點解2杯飲品個色咁似?係咪拎錯左?到左之後飲左啖..又真係橙味wo!但係..勁淡囉.....似係橙味水咁囉...男友就話似係開粉,試埋杯菠蘿汁..哇..甜到....糖水咁..orz到上餐啦..男友個雞扒麻醬烏冬一黎到發現隻叉係係d面中間..成隻叉沾滿d醬..個waiter又冇反應..我個卡邦尼煙三文魚意粉d汁就完全冇卡邦尼味....唯一好就係夠熱...食完可能都到dinner time,慢慢多人..佢d位又迫又唔係坐得舒服..見d貓都仲係未醒...就埋單走人..埋單2個人二百幾蚊..真

今日放假,再上黎呢間cafe其實之前都黎過二次但都係食千層面，今次點左店長推介既芝士煙三文魚焗飯大概等左二十分鐘到 味道真係正，飯底係炒飯底 飯偏淡 但配上濃濃既芝士同汁加上煙三文魚味道配搭出色 跟餐點左杯特濃朱古力店員提醒會偏苦，我個人唔鐘意咁甜，苦就更加岩我啦😂飲落好滑，好濃朱古力味，感覺同市面像既朱古力有唔同 甜度較低如果要鐘意飲甜少少既可以叫多甜不過對我黎講就一流貓咪一如以往甘得意 最鍾意黑柴可以比人好似抱bb甘抱住 太可愛啦聽店長講 聖誕節後有新貓仔黎 到時一定會再去探佢地 哈哈

當日同2位朋友到呢到食飯，3點上到去，坐底無耐就叫野食。野飲好快上，質素一般，但覺得比同類型CAFE貴好多，其他一般特飲跟set都會有部份唔駛加錢，但呢度只有汽水唔駛加錢，而本身set價錢也唔係平。我地3個人叫左3set千層面，但等左最少45分鍾先黎到，我地本身又趕時間，所以佢一上我地就即刻食，最初見到佢用錫紙兜仲諗會唔會好熱，都唔敢掂，點知食物一放落口，係凍既!! 一d溫度都無!! 我好懷疑個千層麵根本唔係佢地做，即係咁，放入微波爐叮3分鍾都唔會凍到咁囉!!連溫度都無，已經唔駛再講佢本身份野好唔好食。唯一比較可取既係隻貓貓幾可愛，無喇!!一定唔會再有下次上黎!!埋單3個人加埋$3xx

係FB見到有間貓CAFE新開張, 短短一個月已經有成4000人讚好,於是決定去探下貓貓 順便睇埋戲上到去, 無人招呼!! 企左係門口成分鐘都無人理,於是決定自己搵位坐, 坐低之後見到MENU自取, 原來呢度係行自助式, MENU好簡單, 價錢都係CAFE正常價, 叫左個秘汁海鮮煙肉肥牛飯,仲有個鮮茄肉醬雞絲炒意粉,跟杯薄荷朱古力同洋甘菊露,野食真係有驚喜! 以為CAFE野食都唔方好, 不過原來都OK 的, 唔差, 係賣相簡單D, 野飲真係正! 薄荷朱古力同洋甘菊露,有COFFEE SHOP級水準! 貓貓都好嗲人, 店員都好愛顧貓貓, 不斷提醒客人先消毒雙手再同貓玩, 另外有貓玩具同貓小食可以買黎餵俾貓食, 好可愛, 一開包裝D貓就圍晒埋黎, 總括黎講, 值得再去, 下次再去探貓貓先!

19/11 晚第一次同朋友上去晚餐~上面有4隻貓, 2 隻在籠內, 2隻自由走動, 都幾活潑.大概廿幾個位, 得兩個人SERVE, 服務態度超HEA. 客人多的話, FOOD AND DRINKS 都等好耐.我叫左雞絲燴飯, 凍奶茶.個飯賣相同味道都好普通,(汁同雞絲同飯係一舊野), 似近期洗版O既蕃茄飯..朋友叫左千層麵, 凍0茶.千層麵外表似大XX D 焗飯, 上面芝士都燶燶地. 食落D麵同肉醬(我同FD都覺得)唔好食.好似擺左好耐/ 雪左好耐. 有D出水O係個錫紙兜入面...凍奶茶&凍0茶都普通啦.順帶一提, 有MIN CHARGE, 午餐/6-9PM/9PM後都唔同.跟餐可配$35或以下的飲品, 其他補差價.(可樂/ 奶茶/ 凍0茶 都已$35, 飲其他野係一定要補$...)FOOD AND DRINKS 都唔好有期望, 貓貓搭夠啦~~

男友慶祝生日預早打左去 講定想係cake既碟上寫happy birthday坐底左後男伺應當住男友面問係米要寫字ok 第一次男友扮唔知第二次再走過黎過！問寫係碟飯定係個cake到！！！會唔會太唔通氣！！最後黎到個cake 啲字係十級樣衰個碟大蛋糕細 除左樣衰字 裝飾都無叫左set dinnera餐肥牛海鮮飯 咸到痴線 食到好口乾！一肚氣埋單兩人$2xx俾左張500埋單竟然找小左$100 !總括黎講 貓得意 服務差