海圖 (Closed)

I've been coming to this cafe since they first opened a couple of years ago. The friendly and engaging staff, as well as great coffee and food is what made me come back each time. Heato is a little small so it can get a bit crowded in the weekends, but for those wanting a bit more space can go over to Miss Coffee next door. It's a wonderful little space to work and meet friends, in a corner of the relaxed neighbourhood of ging fong/hong kiu.

原來想係屯門揾好坐又可以hea嘅咖啡店好不容易難得有友人推薦文青咖啡店 又有飲食雜誌介紹 當然要去試試 結果⋯⋯先說位置：係屯門紅橋 近輕鐵站 5-10分鐘腳程 算方便餐廳門面：只可以說照騙嘅魅力 別太盡信 我們找到那一刻真的有點錯愕據說門口嘅店主的話 因為坦率豪邁而在FB上被分享過 但嘩眾過後，都要靠實力留住客人價格水平：只有All day breakfast set係連飲品，但2點後停止供應而下午茶係 All day high tea $63 但加埋嘢飲 係貴過早餐我地偽文青都識分afternoon tea同 high tea分別 所以只係點咗嘢飲朋友點咗 店內特色飲品 ·遇見 杯飲品顏色同店內主色一樣，味道果然是特別 特別到只可以用呢兩個字形容 如果要用4個字的話 就是耐人尋味。而我好保守地只叫咗泡沫咖啡，不過不失，起碼可以一杯見底唔浪費因為店內細 坐位又窄 真係坐得唔舒服 加上油煙味 啲盆栽植物又惹蟲 真係一刻都唔想多留 回頭指數係零

呢晚我同朋友去左海圖小敍dinner，我本身幾鐘意呢度既環境佈置，同埋係度傾計都唔錯。之前我試過呢度既all day breakfast，所以我今次想試下pasta，今日有四個choices，finally我揀左白蝦茄蓉意粉。就咁睇意粉已經好吸引，每條意粉都吸收哂啲蕃茄醬，軟硬度適中，而且蝦好爽口，蕃茄仔好新鮮。朋友麻麻地好蕃茄都話可唔可以偷食我啲意粉，sure啦😂佢話食落有啲龍蝦汁味道，所以佢好buy。想食素食既朋友可以叫呢個野菌脆瓜忌廉意粉，我覺得最好即刻熱食，因為啲忌廉芝士係意粉凍左時凝固左，變左唔juicy。脆玉瓜黃黃綠綠好colourful，而且爽甜。朋友怕苦，所以都係叫番佢最鐘意既朱古力，香濃既朱古力不斷散發中。呢杯coffee叫dirty，我見杯coffee ☕名咁特別，所以想試下。杯dirty要盡快飲，因為espresso係有唔同既溫度，面果浸好暖，漸漸往下果幾浸冰冷冰涼涼，冰火交融，唔同溫度espresso味道都有唔同既香醇。

最近多得唔少媒體報道，多左人了解屯門呢個地方👻甚至有朋友主動入黎屯門，聲稱要食小店嘅美食😋。但坦白講，我住甘耐都無發現有甘多小店，要我介紹🤔真係唔知去邊，唯有帶佢地去我早前去過唔錯嘅cafe☕️上次黎過但只品嚐過Green Tea Latte，未試過其他美食，就隨意點左個雞肉包同all day tea set，當然仲要配埋我鍾意嘅Green Tea Latte🍵。呢款雞肉包有d乾，但雞肉就好juicy，不過不失。All Day Tea Set，最鍾意食薯蓉😋朋友都大讚呢間cafe環境好舒服，好文青，而且野食都唔錯，特別係杯Latte💕搞到我想每個星期都去一次😆扮下偽文青都好呀!😝

閒時總會有日想自己一個獨處，回想返上一個星期所發生嘅所見所聞。無奈屯門被太多大集團所霸佔，想搵間Cafe靜靜地享受生活都唔容易😔幸好，距離市中心不遠的地方—虹橋，仲有唔少好地方。呢間cafe之前睇facebook無意中見到，星期日即搵時間去試下😁雖然初時見到「初戀」，好想試下係咩味，不過可惜我早前飲咖啡飲到胃唔舒服，唯有乖乖點左杯Green Tea Latte😋好可愛嘅圖案🐼龍貓?!😂味道唔甜，配有淡淡嘅抹茶味，再望下cafe寧靜嘅環境，好舒服!😌整個人都好Relax，好岩同朋友談心喔!

是日難得紅顏知己有心情約出來晚飯小聚,立馬取消自己一支公散步的毒男計劃,雖然天氣有點悶熱,但還是來了一個二人散步,順道看看新開的餐.當然,一直談天說地,而且路程亦遠,旅程半途中去二人同時想買點飲品解渴,她靈機一觸想起了之前我們一同前往,但因為其他客人包全場而碰壁的海圖.二話不說,先去問問會否有外帶咖啡供應.今次去到,客人量完全日與第一次去時相反,只有三位客人在,幾番嘗試才打開到那扇頗少見的摺門,看到店員正正與一位操國語,相信是台灣來的客人談天,很不好意思打斷了他們的對話,查詢過有外帶飲品出售,不太愛喝咖啡的她一如以往點了凍Mocha,我亦一如以往先試一杯Latte,不過今次天氣太熱了,只可以點凍的.先坐坐冷卻走得熱烘的身軀吧.名作海圖,四週均漆上藍色,不過真正的海邊海浪聲好聽得教人入睡,而這晚這店卻靜得令我不太敢作聲.整個餐廳都給人很閒的感覺,在餐牌上的句子,客人的神情,全部也都是給你說:輕鬆點,不用太緊張,客人看書的看書,煙癮起了走出門外抽一根回來再看.另一邊的客人卻正忙著自顧自的漫遊網絡世界.友人一邊替我拍拍室內照,我細看牆上的餐牌,放低聲線與友人聊得不著邊際,不覺店員己送上我們點

蕃茄雞扒意粉 $78All day high tea $63凍朱古力 $431. 只有牆上文字無menu今日放假即刻上open rice睇下屯門有咩cafe, 即刻捐窿捐隙去到這間隱世cafe小店, 抱著一試心態去試試！入到去只有牆上的餐牌，無相片參考要花時間慢慢揀，如有相片可以更吸引更明白食物出黎嘅效果。我只可以上返open rice睇其他食客食評相片去落單；2. 服務質素侍應不會招待你，一入去侍應不會點頭或say hello, 10分鐘後自己睇完牆身文字再行過去落單，亦不會主動推薦你有咩食有咩飲；3. 食物質素黃金海岸價錢，工廠食堂質素。我是支持小店的，但這個價錢同提供的實在是不乎，蕃茄雞扒意粉-入口好酸，雞扒似是雪藏好硬，意粉可以。All day high tea-炒蛋過熟變了硬蛋，雞扒都是雪藏硬的，硬薯蓉配罐頭菠蘿，唯一脆的是牛角包。唯一讚的是凍朱古力面上的拉花。總結環境、服務、食物質素都是令人失望的經驗，影響了我們放假的心情，希望屯門能有更多良心食肆。

上網見到pnd share就一心諗住試下同埋佢裝修好啦終於!!食物味道整體都唔錯，有讚無得彈🤓環境係我覺得最relax既coffee shop!個人中意藍色，而且店內雜誌係任拎仲有好多書睇，雖然店內待應生唔多但service係唔錯架☺️至少基本禮貌都會有(say hello welcome +byebye)!值得一試 推薦

晏左起身，最好就係食個brunch做假日既開始！😊今次就去屯門搵食！呢頭cafe唔多，見佢雖然店子細細，但幾有特色，就決定一試！叫左個All Day Full同Tea Set，食物就一般般啦，同普通cafe既All Day Breakfast差唔多(唯一比較特別佢地係用台灣腸，甜甜的，好好味！)，但咖啡就唔錯，今次試左佢個Latte，奶味好出，唔會好甜，另外仲有少有既cappuccino mocha，朱古力味好重，朋友超愛。點完餐先發現原來佢地仲有幾款特別既咖啡，好似Dirty，遲d一定會去再試下佢d特色咖啡！😋Btw, 點解叫男人的浪漫，因為呢間cafe係有兩個大男孩打理，很少見呢！😝

雖然店面空間不大，但是難得非連鎖店但亦不限時的cafe。 食品價錢大概＄30至＄50左右，咖啡價錢＄20至＄30，絕對對得起質素與環境，我特別喜歡這種溫馨小店～那種隨心與人情味並非處處可見。今晚店員話剛剛焗了杏仁問我地食唔食請我地試（Nuts怪既我雙眼發光）😍好香好脆，伴咖啡一流👍🏻食完仲問我地添唔添！ 選呢杯咖啡是因為名字很有趣，取名為Dirty是因為一次混合了兩種口感及味道，下面是凍奶，上面是熱Espresso，第一下口感是又凍又熱，不過就試唔到店員所講的冷暖熱三層混合😅因為奶味重所以偏向甜，不喜歡苦咖啡的人可以一試，但下次我會試其他。想坐幾耐就幾耐，飲完咖啡都仲有水飲，仲要係加左檸檬既水，雖然不算什麼，但一份貼心絕對會加分。雖然都知香港做生意困難，不過下下寫到明兩小時最低消費一杯飲品，的確有點兒太港式商業化⋯⋯自己坐得耐都會唔好意思，大家如果去cafe閒坐，坐得耐都不妨幫襯多點叫做意思意思也好，你識做時我識做嘛～呀～只有五張枱，坐正門口基本上別人出出入入都要起身讓位😅 但的確幾有佢自己特色～

家在屯門，一向都知道屯門可以Hea下的地方不多，可以一邊飲咖啡，一邊工作的地方也不多。上openrice一看，原來有間叫海圖的Cafe在虹橋⋯⋯太好了！一坐下，被牆上的東東吸引了我。Meun是寫在黑版上，Meun上寫了”夢想需要堅持”再細看另一邊牆的postcard，是客人寄回來的，寫了與夢想有關的⋯⋯相信，這裡是有一個故事的！追夢的過程是十分辛苦的，途中一定會遇上不少困難⋯⋯成功與否不得而知，但肯定的是，成功只會是堅持的人。（這是我對自己說的話嗎？）不論故事是什麼，這裡的悠閒，已經值得我來了！餐具自己拎，用啤油樽裝著清水。第一次來，點了All Day Breakfast（＄78)中間的沙律味道比較特別，不單只有菜，有蘋果，酸酸地可以開胃！另外，蛋亦要讚的，十分香滑！咖啡點了自家烘焙的PNG Tairora Cherry Project，其實是Kenya來的！帶點酸，有點點蔬菜的味道，幾特別！第二次來，點了野菌脆瓜忌廉意粉（＄58)很Creamy的忌廉，但脆瓜將口感中和了，是不錯的design！對於口味偏淡的我，這個會濃味了一點點，但相信對於一般食客來說這是正常的！飲品點了Dirty（

第一次寫食評見到openrice咁多正評就黎試下。一入到門口店員就同你say hi ，到走個陣都會同你講返聲bye bye....就算隔離枱既人好快走咗，已經出埋門口，店員仲洗緊碗，都會特登轉身講返聲雖然野食種類唔算好多，叫咗2號餐($58)但啲意粉味道真係幾好，唔會話''淋''，加埋蕃茄醬好滋味，啲蝦都好爽口…另外叫一杯latte cappuccino ($32)好似話係新既畫真係好好好靚，個陣完全唔捨得飲…店員表示:練返黎之後佢地仲切咗蘋果比我地食，日本青蘋果，超級好既店員呀！我好中意間舖既style,擺設牆上啲畫都好有個人特色，令人想再返黎係到休息…

難得入到屯門探舊同學，我地兩個女仔扮下文青，去左一間叫海圖既Café。店面門口細細，玻璃上面有好可愛既貼紙做裝飾。入到去裝修以木為主，好似小木屋咁。客人坐既凳就油左藍色，好有學生年代既味道。因為已經食左飯，所以只係叫左杯Mocha。拉花好精致，飲落D泡夠細，朱古力味比較濃。相比起連鎖咖啡店，多一份人情味。雖然坐底傾計傾好耐，但D員工都冇趕我地走，反而仲問我地要唔要杯水。唯一美中不足就係太細，坐得有D逼。

寒冷冬天又到，屯門氣溫更甚，和友人晚飯後找地方飲咖啡聊天，經過屯門紅橋附近被一間有情調cafe吸引Cafe heato室內擺設有情調，店內最有特色有一部大型咖啡機叫了杯熱mocha有天鵝拉花，味道亦很香濃牛奶味好夠

不久之前曾經睇過海圖既專訪, 已經心動, 今日終於的起心肝, 位置不算難找, GOOGLE 一下就到。室內空間較細小, 但見佢都有特別粉飾過, 食物款式雖少, 但每款你都想心思思試一試。ORDER咗個傳統意式香草腸意粉, 用咗扁意粉, 軟硬適中, CREAMY度相當豐富, 份量十足, 味道香濃做到專業水準喎。嚟得CAFE點都要ORDER杯試試ICE MOCHA, 單睇都已經討人歡喜, 唔太甜入口偏重咖啡味。雖然MOCHA上既唔算係拉花, 但見佢哋杯杯上枱既咖啡都有唔同既拉花或者造型, 都睇得出佢哋既心思同創意, 本地小店中值得支持。