華順越南餐廳 (Closed)

火車頭河勁少餸 仲要自動走札肉 問佢先另上 lunch好意思收成70 完全唔似越南餐廳而且粒牛丸酸酸地 成件事好似打邊爐食淨啲嘢第二日再煮個麵咁非常難食 環境仲要十分凌亂 非常不建議推薦

朋友說北角有間地道越南餐廳，上星期日午飯時間決定去試試。由於地點實在太隱蔽，在附近街道走來走去也找不著，終於好不容易才找到。店內燈光頗暗，當時只有一檯客人。食物未到，環顧四週，只見餐廳另一邊雜物亂放。試了朋友推介餐廳的招牌菜-漁村湯檬曉，份量足夠，湯底味鮮，除了蝦乾質感不太好，味道還是不錯。進食期間多來了兩檯客人。結帳時走到收銀處，感覺地面滑滑的。整體來說，食物味道不錯，餐廳衛生及服務一般。可取之處，不用排隊等候入座。

Went to cafe hue today for dinner expecting a good experience, however it was not. We ordered the minced pork and shrimp tomato noodle soup and spring rolls. When the lady brought out the spring rolls she dropped the lettuce and then she told the lady cook that it was dropped but the lady cook did not know what happened so we told her it fell on the floor. She brought it back in but her demeanor did not seem very nice. When they brought out a new plate of lettuce we did not dare eat it because

之前食過幾次華順，通常叫lunch menu 粉麵+小食+熱飲 都只係$50。雖然啲姐姐招呼唔到咁多，坐低通常要等，但係啲野黎得啱，有時仲會同熟客搭兩句。 最近一次食係30號lunch，叫咗生牛河+蒸粉卷+熱啡 $50 生牛河濃湯、牛肉多、河粉份量足蒸粉卷好好食，我每次都叫 但今日(1月3日)再去，發現餐廳應該轉咗手，餐牌、餐具、廚師、樓面姐姐全部轉哂。生牛河一碗$56 ，湯淡咗淺色咗、得3片牛肉，但好多河粉，都叫食得飽。小食要另外叫，我就無加啦熱飲+$3 但無普通熱啡，要咖啡就只有滴滴咖啡+$10 (可能係+$15，我唔肯定) 價錢同質素嚟講，同附近其他越式餐廳差唔多。但係對比以前就差得遠... 希望其他舊客可以都留個食評，分享一下。

1) 星期一13:45 到食個late lunch。 當時人唔多得幾張枱。 最近幾個月換咗個新職員（師奶）， 服務態度差。 我叫咗平時食開嘅”漁村湯曉矇”，但因為個肚唔係好舒服而平時佢嘅蕃茄都比較生硬，所以落單時講咗兩三次請廚房將啲蕃茄煮熟啲。由佢入機開始,我一直望住佢， 完全見唔到佢同廚房有任何溝通。 經過我張枱時，我問佢有冇同廚房講, 佢點頭話有 (我心諗,係真唔係。。。） 後來送碗嘢嚟嘅時候，我望個蕃茄， 佢立刻攞我雙筷子"tok"個番茄入啲湯裏面， 然後話”咁就得㗎喇”。我當時啞左咁。。。.佢接住：”如果煮熟佢，會好淋，一pat嘢咁”。我答佢：”我就係想講”。 佢回答：“唔會咁樣煮㗎”， 然後就走咗。 （最後我冇食過個蕃茄）  好嬲， 蕃茄我可以唔食， 但點解要講大話？ 如果有問過廚房而廚房真係話唔想咁樣煮，我都會接受，但係佢完全冇幫我問過， 仲要tok我碗麵！2) 講埋前幾個星期去食晚飯, 食完後亦叫咗”漁村湯曉矇”外賣返去畀屋企人， 要搭去將軍澳。 我請佢將湯同麵分開（同一個職員），佢話廚房識得做㗎喇。（冇見到佢同廚房講）點知返到將軍澳，見到冇分開到，啲湯已經畀啲檬粉索曬。

今晚同愛人係北角華順越南餐廳食二人餐，價錢不貴，才178元又不收加一，蝦餅卜卜脆，春卷炸到剛剛好，牛肉河湯頭非常好味😋馬拉盞炒菜二人份量剛剛好，甜品薏米水清涼解渴

今天剛經過北角再試越南食品，之前都是吃晚市，經驗都幾好。今次中午叫炒越式河粉，足料味道正常不過不失。第二樣越式䓤油豬扒飯，因用炸關係，結果炸得太乾如豬肉乾一樣，沒有肉汁，可能午市要快……，下次最好改用煎以保留肉汁。唯一，飯面加乾䓤好味。

鑱咀萬萬歲!🙌🏻ChamZeoiLongLongLife🙌🏻🐭華順萬歲萬歲萬萬歲！....🐭華順屹立左係北角好多年，不過街坊都未必識，因為佢係一條好隱蔽好隱蔽好隱蔽嘅後巷，一般人根本唔會行入去😂....🐭平民清休格調，牆上有越南風畫像，空間頗大座位寬敞。....🐭北角物價出咗名高漲，但呢度居然五十蚊唔洗就食到一個好好味嘅午餐！好低啊！☺️....🐭午餐—生牛肉河配小食 $48賣相👅👅👅👅👅味道👅👅👅👅👅口感👅👅👅👅👅份量👅👅👅👅👅性價比👅👅👅👅👅大大疊生牛肉，半生熟嘅牛肉非常淋滑鬆化，充滿牛肉香味，入口即溶簡直要轉圈圈。河粉亦係難得一遇嘅好貨色，晶瑩剔透，口感柔滑，軟硬度剛好。湯底亦是新鮮熬製，就咁飲都好好味。....🐭小食— 雞絲沙律賣相👅👅👅味道👅👅👅口感👅👅👅份量👅👅👅👅性價比👅👅👅非常簡單嘅越式沙律， 椰菜絲、蘿蔔絲、香菜絲配漁露汁，再加花生水，幾特別。只係略嫌雞絲有點少....🐭 食神鼠到華順滿足一遊，必定會再來～👋🏻

朋友話來這裡午餐，去到附近要找找先，原來是在小巷子內感覺很神秘，因為我們中午十二點店內沒有客人，店員也任由我們坐低，通常我在越南餐廳多數會叫香茅豬扒撈檬，朋友就叫了生牛肉河粉配蒸粉卷，味道方面中規中矩，沒有什麼太大驚喜，但午餐呢個價錢包一杯熱飲尚算可以！店內環境比較舊所以有少少不太乾淨嘅感覺😉

華順位於一條小後巷，一定係街坊致識嚟，而我嘅第一次亦都係住附近嘅友人帶我嚟。後巷好處與壞處：有啲食客係外面食煙，你係煙民就係好處，對我嚟講就係壞處。而裡面環境就一般，茶餐廳咁。都唔記得有無寫過華順食評。我平時會叫生牛河，上枱時啲牛肉仲係有少少生，係用湯浸熟，軟靭適中，唔多肥膏，啲香葉都新鮮。致於個湯底，我覺得同其他舖頭食到果種味唔一樣，又唔會覺得佢特別難食，或特別好食，但就有一種屋企人煮比你食嘅感覺。不過，我今餐其實點咗一碗漁村湯檬曉($48)：聽聞檬曉係越南話發音檬粉，不過，今晚檬粉賣哂，所以我呢碗係河粉。個橙色湯係有少少酸酸地，味道幾特別，又好醒胃。舊蕃茄就好普通，不過四十八唔係諗住佢有機蕃茄掛？肉碎唔多肥膏，好啱懶人食。據聞老闆娘係越南人，可能呢啲就係佢屋企嘅味道，同出面唔同。

今次貪方便在一次係屋企隔離嘅越南餐廳食晚餐結果都係遇到同一個女侍應而且對佢嘅印象就再更差。話說屋企人諗住問個女侍應關於支辣醬太稀嘅問題個女侍應多次拒絕過嚟而且好嬲咁樣講：等一等啦我見到而家唔得閒ok?。其實嗰陣時完全唔多人都只係講緊可能五張枱咁多雖然係得佢一個女侍應但完全唔會覺得係好忙好辛苦尤其是以我做過餐廳，咁結果個女侍應就攞多一支辣椒醬咁當然成件事錯曬啦因為本身係諗住問點解辣椒醬咁稀但佢就以為我哋覺得辣椒長唔夠， 真心顧客嘅感受都應該要理一理就並唔係一意孤行自己覺得係點樣就點樣。一唔使送菜嘅時候就不斷玩手機同埋播音樂都唔緊要但係完全冇理客人又係唔知乜嘢一回事最重要係長期都黑面呢一下已經令到人哋嘅觀感好差咁今次就試咗蝦膏海鮮炒飯其實啲飯一嚟到我同屋企人都有個問題，就係完全問唔到或者食唔出有蝦膏嘅？其實好懷疑只係普通嘅海鮮炒飯，連一粒帶子或者一個青口甚至一塊魚都冇就只係得蟹柳同埋魷魚咁抵唔抵食呢一樣野就真係見仁見智啦但真心如果見到呢一個女侍應大家一定要沉住氣俾佢招呼

第一次叫順化湯檬，餸料好豐富，有牛腩、札肉、豬手和豬紅等等， 牛腩很燜又鬆化，牛骨湯底貌似辣，原來並不辣的。 要湯底更有層次和豐富，是需要時間去煲製的，這樣才能燜出牛骨味，可能要用上2天時間去熬成的 配上滴滴咖啡: 越南咖啡特點是香味濃郁醇厚，略帶苦澀回甘；而它獨一無二的沖泡方法，比較適合淺嘗細味， 可不要誤以為店家姑寒用上小杯 河粉餐配小食， 但我想吃香芧牛肉檬粉，加多$5就可以了，甘就有得吃蒸粉卷了它們的靈魂伴侶就是它: 魚露甜酸汁 Nuoc Cham，又稱碌冧， 酸酸甜甜十分醒胃，真係無咗佢吾得 ! 水準尚算合格的，如果牛肉能燒或炒得香一點，那就完美了!

呢一間老字號嘅越南餐廳之前嘅食物質素都幾好但係前日去返反而已經變到整體感覺唔好甚至差前日去食晚飯時間大約係6:30咁嗰陣時唔太多人， 餐廳入面大約有12張枱唔算大， 咁嗰陣時就得兩個算係後生嘅女侍應，本身都冇乜嘢但係發覺佢哋嘅工作態度好輕佻間唔中傾計有幾句粗口都算，問題係叫咗嘅嘢過咗半個鐘佢哋冇完全發覺不特止當我問佢哋嘅時候佢哋只係答：係囉點解都過咗咁耐嘅，我都唔知道啊。 講真過咗半個鐘但求你哋至少都同廚房講下但講咗兩次佢哋都只係得個‘哦’字之後就冇做任何野結果為咗等一個越式炒金邊粉足足用咗45分鐘去等， 呢張相就係買到張枱嘅樣貌。味道唔算差但係偏鹹，不過餸就真係太少雞肉都只係得5，6塊左右仲要係切細咗嘅，認真感覺一係就打漏咗張單一係就廚房冇follow up，但嗰陣時成間餐廳都只係得10個人以內所以無論係邊一種情況都唔太可以接受。

無意中喺英皇道旁嘅後巷發現呢間一啲都唔起眼嘅越式餐廳, 座位都幾闊落。同朋友一人叫咗一碗生牛肉湯河, 加碟馬拉盞炒通菜。生牛肉湯河 $42呢碗湯河算係份量足, 生牛片不會太薄, 河粉偏腍, 芽菜同生洋蔥夠爽口, 仲有蔥花點綴, 味道不過不失。馬拉盞炒通菜 $45通菜爽嫩翠綠, 馬拉盞醬汁略嫌有點過多, 食到底層好鹹。 老實講以呢個價錢, 要求不能太高, 呢間餐廳嘅食物尚算可以, 但用餐期間時不時有小烏蠅飛過, 感覺衛生情況有待改善。

依間餐廳食咗好多次，越南粉就係有一種魔力令到你心癢癢想去食腸粉，佢係即拉即做，薄薄地，上面加上蔥花和蝦米，所以食落口感同鮮度都提升左不少越南粉，我覺得就不過不失，湯底牛肉河粉都係起合格水平以上