CAFÉ LANDMARK

Open Now

Now Closed

和朋友一起來吃晚餐。因為是週六的關係，所以餐廳的人比較多。朋友極力推薦了龍蝦湯和龍蝦意粉。龍蝦湯確實很高素質，而且每個湯裡面也有龍蝦。龍蝦意粉，有很濃的龍蝦味，而且龍蝦的肉質也是鮮嫩可口，可以看出來龍蝦是相當的新鮮。紅酒是我們自己帶去的，每支紅酒要收開瓶費，大概是200多塊港幣。牛排的味道也非常好，我們要的五成熟，所以也是非常的鮮嫩，而且呢，牛味是很重的。其實在這裡吃飯最重要的是一種氣氛，因為餐廳位處高檔的商場裡面，所以用餐的人素質都很好，不會有高聲喧嘩的場面。極力推薦大家來吃晚餐。

A bit disappointed by the hygieneChair is kinda dirty n worn outHad the tea set for two for around $400Tea and coffee is rather simpleEven lack the choice of coffee typesFood is ok with shrimp abalone and more expensive ingredients But don expect super good quality

昨日和家人一起享用母親節下午茶，各款精緻的咸甜點心色、香、味俱全，水準不錯。尤其招待我們的那位Emily熱情細心，服務週到，還主動替我們照相，使老人家十分高興，渡過了一個愉快的下午。日前晚餐選擇的龍蝦意粉、芝士焗蟹蓋、牛油果蟹肉沙律及蛋糕等也很出色，餐廳的服務和食物貭素均令人满意。

跟兩個朋友約在中環吃午餐, 去其中一間我最鍾意的餐廳 - Cafe Landmark. 地點方便，又開掦，嘢食又好！ 我們訂了下午一點, 12:30到, 沒有為只可以等一點, 因為中環實在太繁忙啦. 我差不多每一次都叫它的龍蝦意粉，今日午餐都幾啱食就叫了 set lunch $320, 有超級食物沙律, 質素好好, 好新鮮, 蟹肉意粉有一貫的水準, 蟹肉也不少, 包咖啡或茶. 總括來說，食物水準是挺高的，以這個環境，這個價錢算是合理，所以我經常來！

听聞好多明星成日都去呢間食野.等我又試下.我去岩岩做緊怪獸工場主題.個tea set 係包哂怪獸公仔.仲送hair band 比我地.tea set 三層.鬆餅值得賺.加埋d jam.好好味.上層都係有三明治.有煙三文魚同青瓜.甜品都有吾同味既cake 加macaroon.仲送一人一杯咖啡茶.無限refill.

香港大大話話有好多唔同種類嘅西餐廳, 米之蓮, fine dinning, 有情調有景觀or 酒店嘅,百足咁多款我都嘗試過, 咁多年都冇特別去寫一篇食評,最近受好朋友影響, 開始了第一篇食評, 以上好多西餐廳都食過一次就冇再返頭食啦, 唯一偏偏係呢一間cafe landmark每年都會搵d機會去一去, 這個習慣應該已經維持了接近8年, 吃了八年的餐廳應該夠資格寫食評了吧??嘴刁食慣好野嘅我, 食材基本上一入口已便知道龍與鳳話說星期天出中環某一名店取回較早前訂下的絲巾, 順便就安排了在此吃頓午飯, 訂座了不用等位, 由侍應直接帶入座首先頭盤依舊叫了我最喜愛的龍蝦湯, 一份兩位分分量剛剛好, 不然正餐就吃不了Landmark cafe 咁多年我都覺得佢係堅持用好嘅食材, 好多人都會為咗佢嘅龍蝦意粉慕名而來, 今次我也不例外, 同時亦叫了另一份牛仔肉, 老實說龍蝦意粉好味這個事實咁多年都冇改變, 西餐多數用紅汁做龍蝦意粉汁, 但呢度係用白汁做了意粉汁, 的確與龍蝦非常配合, 龍蝦亦都新鮮另外龍蝦意大利飯都好好味, 而且份量都頗大份的, 牛仔肉本身肉質應該是非常鮮嫩的,但往往在坊間經常發現有o

到訪過Cafe Landmark數次，今次帶家人來試試出名的龍蝦意粉。每次都必點這個signature dish, 再加了牛扒和pizza. 家人也對意粉讚不絕口，龍蝦煮到剛熟，cream sauce香濃得黎又唔搶味，下次也會再點

門口阿姐D態度真係「好」到爆本身佢態度都唔係好welcoming，到我地問佢有關於一D用餐優惠嘅事宜，佢D態度就差上加差，又黑面，語氣又差，好似好唔想我地幾個𡃁妹入去食野咁，定當我地係 _ _？(openrice唔比我作出過份或不合理猜測)入到去，我地坐左喺一張四人枱，但得三份餐具。有一個員工拎餐具同餐枱紙黎嘅時候，佢又係黑口黑面，擺低D野嘅時候又用行動表示我要幫佢手咁。其實我都明做客人唔係大哂，但呢間餐廳咩價位，佢行咩路線，唔係仲要個客幫你擺餐具呀？！到我真係幫左佢，佢咩表示都冇，態度真係超級奉旨，想點？你地覺得可以我係奧客，但我覺得喺D所謂「高級」少少嘅餐廳，呢D服務態度真係不能接受。喺食野前已經受落咁多氣，我地幾個都已經冇咩期待嘅感覺，只係想快D食完快D走==好彩其他員工都正正常常，D野食都好食，條氣先冇咁頂。麵包幾軟熟同香口，唔錯。risotta就冇咩驚喜，飯都係比較濕，味道都係預料之內，幾香嘅，料都足。不過整體質素未係對得住個價錢。黎到佢地最出名嘅龍蝦意粉。果然唔係浪得虛名，真係好食。個忌廉汁唔會太濃，所以唔會膩，但保留到個忌廉味，好唔錯。意粉冧得黎係彈牙嘅。可惜嘅位係龍蝦肉

今天是下雨天🌧️所以選擇了過百年歷史置地廣場, 美心集團旗下Café Landmark, Café Landmark 開業已有15年，進入餐廳時14：30分，Order 佐一份Daily Special Set 及鮑魚炒天使麵，大約 15分鐘後上麵包籃，之後Starter 上泰式柚子蜜糖汁沙律，但係Main Course 等到 15：15分未到，眼見隔離遲入座，而隔離左右Order Tea Set已經在餐桌上，感覺有點不妙🤔問一位比較高大Waiter ，他立刻入廚房 查過究竟🕵️‍♂️之後行過嚟交代，終於要等到約15：30分到齊主菜，我有少少意見，顧客坐低時可否問顧客是否需要暖水還是Still Water? 總括嚟講Waitress & Waiter 服務態度Excellent 👍👍👍

泥緊4月呢張卡既優惠會縮減，所以3月用多幾次先訂唔到位walk in被安排坐角落，我反而喜歡坐係呢度，貪隔離得張二人枱，夠靜個包到左8分鐘之後就上龍蝦意粉喇好多龍蝦肉，又彈牙，扁意粉煙韌入味，有芝士同龍蝦味Mocha 真係幾濃朱古力同咖啡味，成杯似co_a出品牛扒燒得好香，有少少肥膏，好油香，幾咸下，唔點芥末都得粟米方面好creamy好鮮甜Tiramisu完全冇層次冇酒味奶味，真係麻麻地白朱古力雪糕幾甜。最後我會另外上載餐牌俾你地參考如果你鍾意我今次既分享，請你馬上立即宜家就俾個♥️同關注我😬按我個頭像然後按「關注」🙇🏻‍♀️

我哋一家人每次黎親都係叫差唔多同樣嘅餸，尤其是係呢度較為出名嘅龍蝦意粉😋。餐牌好多選擇😮仲有其他頁冇影到，但係我哋都係照叫同一碟餸🤣叫完嘢食，先嚟個🥖餐包。啲包熱辣辣好好味，皮唔硬。🌟波士頓龍蝦意大利幼麵 · 龍蝦忌廉汁［改番茄汁］（$290）我同阿媽都叫左同一碟😁本身呢度嘅龍蝦意粉係跟白汁，但係我哋比較鍾意番茄汁所以叫佢改咗😁意粉係我最鍾意嘅嗰種，比較幼同埋薄，唔會煮得太腍。龍蝦嘅份量算大，廚師幫你起埋啲龍蝦肉出嚟，切到一粒粒，撈埋係個意粉裏面好腍，有啲可能會熟過頭。我個人覺得番茄汁唔夠蕃茄嘅酸味，可以加少啲糖。整體來講係我食過最好味嘅龍蝦意粉，又抵食，一定每次再嚟都會食呢碟😍法國鵝肝意大利麵 · 蕃茄肉醬（$200）抵食！真係一粒粒鵝肝，唔係鵝肝醬。本身係跟意大利麵，但係啲細路轉咗做長通粉，份量都係俾足，但係醬汁唔夠。賣相亦都做得唔夠細緻。燒和羊架 · 蔬菜 · 羊肉汁（$320）羊架都有三舊，肉都幾腍同埋有啲粉紅色。個人覺得配菜冇乜心思去整，整淨係淥過啲菜，紅黃椒都係生嘅。我哋打算叫兩種甜品一齊share，第一次食佢呢度嘅甜品叫咗：心太軟 · 雲呢拿雪糕（$80）心太軟裏面啲朱古

老公生日，梗係去食好嘢！ 朋友介紹呢間係名人大排檔，所以今日慰勞下老公同佢慶祝下生日！真係名副其實的名人大排檔， 非常多名人去食， 那天我還見到名人！整間餐廳， 每個人都 order緊 這個龍蝦麵， 雖然都唔平，但今日老公生日，每人都叫了一個！我哋亦都每人叫了一個焗蟹蓋， 芝士焗蟹蓋，非常好味，淡淡蟹肉，真的回味無窮！而龍蝦面的龍蝦汁及龍蝦肉亦非常之多， 啖啖龍蝦肉真的回味無窮， 混入麵中，簡直有置身於整個大海洋之中， 怪不得這麼多人order!最後還叫了甜品， 不算太貴， 很好味，正！

適逢有渣打信用卡優惠，所以就黎試下啦。我地叫左一個經典晚餐套餐，精選晚市套餐。法式芝士白酒焗蟹蓋滿滿的新鮮蟹肉,，熱辣辣出爐， 好濃厚蟹味道。波士頓龍蝦意大利幼麵，龍蝦忌廉汁賣相普通但估唔到味道超驚喜，好味到食唔今口，龍蝦肉已經拆左出黎所以唔洗擔心食得唔方便，個龍蝦忌廉汁一流。難怪我見大部分人即使唔係食套餐，都會單點這道菜。甜品係tiramisu，就正常味道啦。晚市套餐會不定期更改⬇️蟹肉牛肉果沙律比起蟹蓋係遜色少少，不過哩個比較清新解膩。燒澳洲黑椒牛柳，忌廉薯仔牛柳好林，個汁夠香，忌廉薯仔好滑好好味。佢地仲做緊優惠架，去到6月30日，值得一試喔。

為了讓老公懷緬中環上班的日子，星期六特登排隊去食早餐，先唔講食物，不幸遇上鄰座用十足中氣加粗話的幾個漢子，不停講足全程，真係食龍肉都冇味，我哋order中式早餐包括鮑魚帶子蟹肉芽菜炒麵、滑雞粥、油炸鬼，eggs benedict , 法國鵝肝炒滑蛋炒蘑菇，炒麵炒得唔錯，不過粥就一般，eggs benedict 好普通，法國鵝肝炒蛋完全冇香味，蛋唔夠滑，鵝肝有點硬，只係配菜薯仔好香口，muffin 都算硬，多士唔夠熱，如果你想靜靜地享受環境同美食，或許要考慮其他地方

因為有AE白金卡，美心集團餐廳有折，所以就去試下呢間成日排長龍既餐廳有幾好食呢？好彩係平日夜晚6點左右就去，所以得3-4人排緊隊，好快有得入。我叫左個龍蝦意粉，果然係好好食，佢仲幫你起埋肉、好細心，意粉入面都夾雜左龍蝦肉。我仲叫左個龍蝦湯，都好足料好好飲，唔似係味精湯！男友叫左份牛扒，佢都話好食👍🏻但我無影到相