CAFÉ LANDMARK

Open Now

Now Closed

有朋友係外國返黎，所以要搵個地方聚一聚。搵左好幾個地方，最後都係覺得 Cafe Landmark 最好最舒服。人少都話可以 walk-in 碰下運氣，人多都係一早打電話黎 book 定位就穩陣喇。今日一行10個人，book 左12:30。泊左車係長江大廈，行過黎岩岩好，點知友人一早黎到拎埋位，辛苦晒。今日我叫左個 set lunch - Beef Stroganoff with rice ($300)，阿囡叫左Grill Ham and Cheese Sandwiches ($200)，太太叫左 Boston Lobster Linguine ($290)。我個 set lunch 叫左龍蝦湯，好好味，好夠熱。最怕飲湯啲湯唔夠熱。Beef Stroganoff with rice本來以為普通野，無咩期望，點知食落又好好味，啲牛好淋好入味，配埋個飯一流。Grill Ham and Cheese Sandwiches個薯條好好味，啲芝士溶溶地，個包好軟。同埋估唔到禁大份。😂Boston Lobster Linguine保持水準之作。差唔多次次黎都一定食，有set 叫 set，無就 A La

其實以交通方便、食物款式、質素，Cafe Landmark 絕對可以成為 landmark. 唯一早來食個醒晨早餐，但只可見到一張一張冰冷的面容，可會令人卻步。今早同兩位在港島活動的至親來到此地，叫了一份鮑魚雞粥加芽王帶子蝦炒麵、一份蘑菇蕃茄芝士蛋omelette 配牛角包、一份蛋白牛油果蕃茄蘑菇omelette 配多士，備多款果汁（包括木瓜汁）及咖啡、茶選擇。其實真的也是提供給嘴刁的客人，但我更希望見到有朝氣的服務人員呢！好令客人一早有個美好開始！

同朋友來這裡食飯，5點半到，侍應在門口問是食tea還是晚餐。朋友想要卡位食晚飯，侍應話已經full booking,如果食tea要6點半交檯。仲要加多句要卡位就要一星期前book, 聽到侍應姐姐明趕客的語氣我都不是太想食。講真，這個價位，我去酒店食buffet都好service 過佢。但朋友真係好欣賞這間餐廳的食物好想和我分享。最後放棄卡位要普通檯。首先我要重申，我們2個人吃了一千4百多元，不是說有錢大晒，而是好想反映這間餐廳的待客之道差到一個點令我不吐不快。首先，我們坐到8點9，其實間餐廳是不full 的。我估所謂的full booking是指卡位full。如果不是卡位，普通檯還是有位的。建議想試這餐廳的朋友最好最少一星期前訂檯。或者有誠意一點一年前訂就最好了。可能看在你的誠意份上侍應們的服務會好一點點。第二，一開始派餐具，侍應派給我的碟是未洗乾淨有菜渣在碟上的。如果不是我要求更換，根本佢不打算換。第三，朋友加點了英式紅茶。想要多隻杯share 一壺茶。雖然我知道高級餐廳對share 餐點應該很惻目。但侍應的回應卻令我覺得好笑。她說：如果要多隻杯share 壺茶，我是不會添水的。第一

淪陷之餐廳1-11-2018 早起去Landmark 逛 ，打算午餐早小小吃，約11:30 入座，避開午市的人潮 ，入座侍應說只能吃一小時 ，覺得冇所謂 ，人家要做生意 ，也無不可 ，反正吃完可以去逛 ，入座坐大卡位 ，我非常開心 ，以往來一個人多被安排坐bar chair ，我叫了午餐：帶子天使麵 、玫瑰花茶 、餐湯 ，每次來我至喜歡麵包盤及牛油 ，當天湯的粉感太重 ，無甚驚喜 ，帶子天使麵不過不失 ，只是有一半帶子只有六至七成熟 ，不以為然吃光光 ，嘆完玫瑰花茶後埋單 逛了一圈Harvey ，約下午一點半左右返家 ，點知約五時左右開始大瀉特瀉， 一直瀉到晚上十二點 肚痛才稍微停下來 ，當天只吃了Landmark cafe 這一餐 ，真兇是誰 ，顯而易見 。真的非常失望 ，平日外食 ，帶子吃過不少 ，例如翠園的 ，其他西餐廳的 ，都沒有任何問題 ，本人也沒有對海鮮過敏 ，希望當天中招的只有我一人吧 ！

好正嘅波士頓龍蝦意大利幼麵配龍蝦忌廉汁🦞🤤龍蝦可以揀起唔起肉，咁為左易啲食我地就揀左起肉😎另外一款signature dish就係炸雞🍗😍雞皮無我想像中咁脆，不過都算唔錯😌成碟野最好食係個牛油粟米😂😂真係好多牛油💕最後飲埋杯藍莓荔枝乳酪沙冰，再食埋個甜品，都仲係唔飽😂

如果要小編推薦龍蝦湯，No.1️⃣必定非Cafe Landmark莫屬😋湯味夠鮮夠濃，龍蝦尾夠晒大隻仲啖啖肉🤩好似望住佢係湯入面游水，好治癒🙈.主菜有Boston Lobster Linguine🍝，蟹肉已經拆晒出黎，可以大啖咁享用，D鮮甜味完全被闊條麵吸收晒，而且麵質非常爽口，仲有切碎左既蟹肉撈埋一齊，醬汁比例亦恰到好處，係龍蝦忌廉汁啊😍，超愛creamy既汁啊！.香煎澳洲牛柳配法國鵝肝係好精美既一道主菜😍😋香煎澳洲牛柳點了五成熟，剛剛好肉質好嫩滑，完全無筋好易咀嚼，肉味亦極濃厚🤤🥩鵝肝更係點綴整道菜，煎到好香但唔會太過油膩，控制得好！賣相好像美美既藝術品呀🎨面層舖左脆洋蔥絲，主角鵝肝牛柳下面就有層牛油薯餅，再墊住法邊豆、紅蘿蔔🥕，呢啲配菜一層橫一層直，好有心思☺️再淋上燒汁好正！

朋友用AEcard有75折所以一試這間城中明星餐廳之一。因為訂了枱所以安排了單邊座位。這間餐廳格局装修十分開揚，難怪明星被狗仔隊四處影倒。我們二人點了最出名的焗蟹蓋，龍蝦意大利麵及鵝肝牛柳。焗蟹蓋有新鲜蟹肉焗製，味道鲜美; 龍蝦意大利麵的龍蝦已拆肉，十分嫰滑，配合意大利麵很好吃。鹅肝牛柳我們要medium rare, 剛剛好。最後吃了tiramisu作完结，简直完美。

很喜歡這餐廳的龍蝦天使麵😋😋😋，一定選起埋肉，啖啖鮮爽的龍蝦肉，連有少許蝦膏而烹調得好味的龍蝦忌廉汁，我每次吃都讚不絕口，必吃之選🍝燒日本A5松阪西冷牛扒😋😋😋，同樣是我的飛佛，喜歡全熟，由於是和牛，故全熟肉質也是嫩的，實在很美味餐廳開揚的座位，和寬闊的桌子，也讓人坐得很舒服，因此必先早預訂，讓餐廳可安排這高檔次的餐廳屬於美心集團，如用指定的AE白金咭，假設2人於星期一至四光顧晚餐，主餐牌內的食品半價，3人則67折，4-12人則75折⋯，全部加一以原價計所以許多時，摰友們都喜歡分開約我吃，2人撐枱腳最抵👍🏼；也慢慢聊天，談個不亦樂乎👄💦

小編全港至愛既龍蝦湯😚更愛係環境開揚、夠寧靜，有幸坐窗邊就可以有好美既景觀🎑，可以睇到好多高級名店☺️好鐘意個湯夠鮮味，完全吸收晒龍蝦既精華❣️絕對唔會似坊間咁調個味出來，又鹹又La喉！呢日個湯更係煲到超入味，好濃厚，一邊飲一邊讚嘆😍最重點係有大大隻龍蝦尾🐉🦐，啖啖肉，好爽口彈牙，可以完全taste到原有既鮮味👏🏻👏🏻👏🏻.再來多個甜品Tiramisu 🍮With Valrhona Chocolate Bean and White Chocolate Ice Cream 🍫🍨Tiramisu有啖啖咖啡味☕️，朱古力部分用左Valrhona朱古力豆，overall食落香而唔太甜，加埋球白朱古力雪糕就太完美了💝

中秋節見呢間都有discount, 甘就黎試下啦，唔洗排隊直接入坐，環境都算ok. 由於唔太肚餓就直接叫咗兩個main course, 一個係招牌嘅龍蝦意粉另一個就想試下牛扒啦。龍蝦意粉上到嚟都對版嘅，龍蝦肉幫你起咗出嚟，啲龍蝦殼一係擺喺度裝飾，味道都幾好但覺得意粉比較小，之後到牛扒上枱喇，聞到係扒爐燒出嚟嘅，燒得幾香，不過牛扒好似唔係係一塊完整嘅，另外配菜就慘不忍睹啦，得兩小碟擺喺旁邊，三百幾蚊碟牛扒，配菜可唔可以做得有誠意啲呢，下次有機會可以試下其他食物，不過我用埋AE卡性價比都係麻麻地，可能真係地段關係啦！

2個月前就book定同朋友食好多人都知如果有AE白金卡有半價, 唔食就蝕lu鮮蟹肉牛油果沙律 : 好食但份量真係好少, 一試無妨, 起碼唔伏煙三文魚pizza : 有火箭菜, 蕃茄醬, 水牛芝士, 洋蔥配料, 好fresh, 味道亦好夾波士頓龍蝦意粉 : 99%必點菜式!!廚師會幫客人拆埋龍蝦肉, 食起嚟又方便又啖啖肉個汁creamy得嚟又唔太膩。牛柳鵝肝 : 廚師控制火喉到家, 7成熟嘅牛柳肉嫩多汁, 一d都唔鞋, 細細塊嘅鵝肝煎得夠香, 配搭得好好甜品 - 提拉米蘇 : 正常味道, 如果個雲呢拿雪糕有雲呢拿籽就更香更濃更好味喇甜品 - 土耳其軟糖配玫瑰雪糕 : 軟糖就一般般, 食左一粒爆重薑味, 唔太like玫瑰雪糕係好味道嘅, 但上面擺嘅糖絲就好求其塔晒落嚟又一pat野咁, 同佢menu幅圖差好遠!另外仲叫左2杯藍莓荔枝沙冰, 超好飲埋單(半價後) $757.60

同個半年冇見既朋友食晚飯，叫左一支紅酒，龍蝦湯 同 spaghetti vongole. 超好味 🤤🤤🤤 首先佢真係有隻龍蝦係湯度 絕對唔係出面既龍蝦肉碎. 肉好爽口 encore dish!! 個意粉 加左 辣椒 🌶️ 味道岩岩好 ！ 加上 Amex 有50% off 絕對要試下 ：）我同朋友傾緊由7點到10點，佢地要收鋪 但都冇出聲趕我地走 真心欣賞！😝（當然我地唔係最後一枱）絕對值得推薦～

如果你有AE白金咭，你喺中環有兩間餐廳係必試，其中一間係miso，另外一間就非Cafe landmark 莫屬。今日臨時想食龍蝦，所以打去book位都book唔切，就要喺外面排隊，大概排左15分鐘後就安排入咗去。因為有AE card嘅關係，所有餐牌ge價錢都係有半價，所以覺得抵左好多。不得不叫應該係個龍蝦意粉。另外之前食過一個叫海陸空嘅菜式，所以今次呢揀咗食呢個澳洲牛柳。龍蝦意粉保持一貫嘅水準啦，龍蝦好有龍蝦味，個汁調得啱啱好，而個牛柳就好林好入味，除咗份量係比較少之外，其他都好好。最後點埋個心太軟加雪糕做甜品就完美喇。所以如果大家有AE白金咭，一定要來試呀。

今天有充裕的時間，Landmark cafe是一個我覺得很好的選擇；一向以來我較喜歡西式早餐，主食之外還有果子醬、蜜糖塗麵包，加上香濃的咖啡；慢活的早餐後，拼搏的精神又要開始了！

星期三上晝大約11點半來到，因為沒有定位嘅關係，唔能夠坐出邊比較開陽嘅位置，就坐咗入去有個蓋嘅位置，但係都好舒服。點左龍蝦扁意粉，味道一如以往非常出色。而且服務亦很好，絕對會再去食。物有所值的！