紅蔥頭

Open Now

Now Closed

🧅.好記得十多年前仲係中學生嘅小豬經常到西九龍中心同朋友仔行街，當時紅蔥頭已經係六樓冒險樂園對面開業🈺 畢咗業咁多年，都係無變過，突然回想起中學同朋友行過但因為零用錢唔夠而唔敢行入去西餐廳食飯，不過成年嘅小豬終於敢入去食返餐飯🍽️.二人套餐 $2991️⃣ 歐陸式濃湯兩客+牛油法包 西湯湯底濃郁，好香嘅胡椒味，令西湯加入微微嘅辣味🥣 法包非常香脆，浸埋西湯一齊食更佳2️⃣ 芝士白汁焗青口（4隻）不一般前菜，青口size比預期中大，芝士白汁好足料、又香又滑，重點係非常新鮮3️⃣ 鐵板肉眼扒點咗5成熟，外脆內軟，入口即溶🥩 Size亦都係預期嘅大份，非常滿足4️⃣ 意大利魷魚墨汁意粉魷魚墨汁意粉既麵條彈牙掛汁，魷魚圈鮮嫩帶有一絲絲微鹹，口感豐富滿咀都係海鮮味5️⃣ 今日精選雪糕球兩客有曲奇、雲呢拿、朱古力味選擇如果唔想食雪糕都可以+$19 升級享用自家製心太軟6️⃣ 轉特飲A +$16 薔薇之戀（凍） 玫瑰花茶柚子非常香甜嘅玫瑰花味，另外杯底有柚子肉可以食🍹 服務員亦好有心提醒我哋要攪勻個底先好飲🤭.🦑 意式炸烏賊（酥炸魷魚圈配檸檬沙律汁） $38金黃嘅外皮酥脆，咬落去會嘎嘎聲，超級有嚼勁，烏賊鮮味凸出，配搭檸檬汁

西九龍中心出名多嘢食，呢間屹立多年嘅紅葱頭餐廳我間中都會幫襯，食物質素有保證之餘，性價比亦高。 門口位置都佈置咗熊仔擺設🐻，仲有啲產品賣。 我最鍾意叫呢度嘅2人餐，佢有三款價錢，我同老公叫咗個中價$258套餐，有餐湯法包、兩個主菜、餐茶同甜品，相當抵食。 首先有個餐湯羅宋湯同蒜蓉包，用料充足，味道濃郁。 香蒜西冷牛扒肉質都算嫩，無咩筋位，以呢個價錢咁大塊就相當抵食，配埋個薯菜非常滿足。 香草忌廉龍脷柳：青綠色嘅香草忌廉汁望落顏色吸引，味道香濃，用嚟送飯一流，龍脷柳表面香脆，肉質鮮嫩。 我哋散叫多咗個小食意式炸烏賊，入口燙口酥脆，加埋蛋黃醬食超正呀！ 餐茶有咖啡茶☕️，如果加$16、$18就可以叫特飲，我哋分別叫咗個檸檬草氣泡茶同薔薇之戀。 甜品方面有雪糕🍨，或者可以加$19叫個心太軟，心太軟即叫即製，流心效果一流🤤。

哩日同媽媽去深水埗買野 見到哩間餐廳好似好抵食咁 就入左去試下 鐵板薄西冷拼豬扒🐮🐷成個餐熱辣辣嘅 塊扒都有大半個鐵板咁大塊 不過佢豬扒就有少少香茅味 牛扒都好淋 另外汁就可以揀蒜蓉汁 黑椒汁同燒汁 我哋就揀咗傳統嘅黑椒汁 佢每個餐仲包一個餐湯一個麵包同埋一杯嘢飲🤩鐵板肉眼扒🐮佢可以俾我哋揀幾多成熟 媽媽就揀咗七成 塊扒都好厚 好大塊 食完之後都好飽了🤤唔會太熟 啱啱好 唔會太老 另外啲薯條都好脆🥰意式炸烏賊🦑佢嚟到嘅時候大份到嚇親我 估唔到48蚊都咁大份 佢炸得好脆 炸粉又唔多 啱晒我呢個好鍾意食炸嘢嘅人😍檸檬草汽泡茶🍹和鴛鴦檸檬草氣泡水係有檸檬加香茅再加漆器嘅味道感覺好夾好fresh 好開胃🤤鴛鴦就正常啦 唔會話好淡 不過個檸檬草氣泡水係好味嘅😋百老滙雪糕球🍨最後見佢$20都唔使就可以叫到一個雪糕球我哋就叫佢一過嚟食 不過不失啦 不過真係好抵食！🤩百零蚊一個扒餐 有湯 有野飲 真係好抵！👍🏻

餐廳座落深水埗地標性商場西九龍中心，交通方便，地鐵站七分鐘直達。甫一入餐廳，目光即刻比龐大的玩具熊所吸引。玩具熊挨在入單電腦旁，儼如餐廳待應。前菜有羅宋湯配法包，羅宋湯有超多蕃茄蓉，開胃暧胃，法包咬口及蒜香十足!-我地叫左蕃茄茄子芝士闊面伴燒羊排，闊條麵的長度適中，很易入口，麵條富有彈性，呢道菜的重點係羊扒，七成熟剛剛好，完全没有羊羶味，羊扒煎到恰到好處，口感一流，羊肉完全唔un,水準可以媲美妨間高級西餐廳，伴碟茄子亦香口，贊！同行街朋友喺鐵板迷，所以叫左個鐵板鷄扒，鐵板嘅靈魂所在喺啲醬汁，蒜蓉汁灑在鷄扒上，伴以蕃茄薯條，淋汁在鐵板時的渣渣聲，極盡多重感觀享受!

喺西九龍6樓有呢間出咗名抵食嘅西餐廳，今次過嚟是晚市二人餐～都真係幾抵食，兩個主菜、湯、小食加埋甜品飲品，都係$299，食到你勁飽～餐前嚟個羅宋湯配蒜蓉包～羅宋湯熱辣辣，好香好正～飲品方面，我哋加咗（$28，左)叫咗熱薔薇之戀同（$30，右）檸檬草蜜茶。兩杯飲品都好滋潤，唔會太甜，店員好細心，提我哋一定要攪勻先飲～二人餐小食，我哋揀咗芝士白汁焗青口～好香濃嘅芝士白汁，青口新鮮，配埋薯蓉一齊食，正～第一個主食，我哋揀咗深海帶子拼醬燒汁牛柳（+10)帶子係新鮮帶子，輕輕煎香過～牛柳我哋揀咗七成熟，嚟到真係啱啱好七成，火候拿捏得好好～肉質juicy又有香濃牛肉味～第二個主食，我哋揀咗香草忌廉龍利柳飯。香草忌廉汁好香。龍利柳係輕輕煎過，仍然保持魚質柔嫩，大大份男士食都夠飽～今日甜品係咖啡味雪糕，好香咖啡味～另外我哋仲叫咗煙三文魚凱撒沙律 $79$79勁大碗！係大大個湯碗、滿滿的沙津菜～沙律菜好新鮮，完全冇苦澀味；煙三文魚份量好多，攤開有最少五大片，抵食到爆～

去咗西九龍中心10樓呢間餐廳，試咗佢嘅二人套餐，食物真係好豐盛，最重要係所有食物，食物原汁原味！忌廉餐湯加蒜蓉包湯嘅質感好滑順，濃郁嘅忌廉，配埋蒜蓉包，麵包外脆內軟，唔錯👍🏼粟米麻醬沙律份量好多，粟米粒嘅甜味同麻醬嘅香濃味道完美結合。沙律菜好新鮮，好開胃黑椒鐵板雞扒雞肉煮得剛剛好，肉質嫩滑多汁。黑椒醬汁濃郁香辣，完美提升咗雞肉嘅味道。鐵板燒烤熱辣辣蒜片辣椒煙肉芫荽扁意粉意粉煮得彈牙有嚼勁，配上香辣蒜片同煙肉嘅風味，令人胃口大開。加埋芫荽嘅清新香氣，令整個意粉好味整間餐廳嘅環境舒適優雅，服務員服務好👍🏼

呢間細餐廳細過我成日都會過嚟食lunch，可以話係童年回憶，如今西九龍中心的大部份食肆已多次轉手，唯獨呢間餐廳依然屹立不倒👍🏻我哋點咗一個二人餐HKD299，性價比超高！羅宋湯配蒜蓉包芝士焗青口- 青口肉質新鮮爽口，芝士汁味道香濃，但唔會蓋過青口嘅鮮味蜜汁燒BBQ豬仔骨- 份量都唔少，豬仔骨燒得好香，肉質軟稔入味，仲配咗薯條～蕃茄奶油吞拿魚螺絲粉自家製心太軟 + HKD19- 心太軟做到流心效果，配埋cream一凍一熱口感不錯.📍 紅蔥頭 (深水埗)深水埗欽州街37號西九龍中心6樓601C號舖

位於深水埗西九龍中心的6樓西餐廳，以非常價廉物美的價錢品嚐到港式西餐廳啲味道，餐廳除咗提供一系列嘅套餐食品，仲有小食飲品，當日去嘅時候下午茶都幾抵食，驚唔夠飽嘅，仲可以叫個lunch有埋歐陸濃湯—羅宋湯牛油法包，跟餐可以點飯意粉或者薯菜，仲有埋咖啡或茶，可以加$3要凍飲、鮮橙汁或汽水。當日我點咗一份假日廚之套餐，另外再點咗一份蒜蓉牛扒套餐，另外加多一份三文魚凱撒沙律增加食物纖維。蜜糖菠蘿汁煎豬扒配菜蜜糖味配菠蘿汁非常開胃，夾埋香煎豬扒，肉質鬆軟，可口嘅醬汁就算係夾埋配菜食都好好味，份量亦都剛剛好唔會太多唔會太少。煙三文魚凱撒沙律一份凱撒沙律入面有一塊煙三文魚及一碗生菜沙律，旁邊還有一個小碗盛裝着凱撒醬汁，讓大家只有調配凱撒沙律的濃度。蒜蓉牛扒薄身的牛扒，感覺非常軟熟，配合香濃蒜蓉汁，滋味得來夠晒開胃！

鐵板肉眼扒🥩跟餐有牛油法包同羅宋湯。麪包香脆，配埋酸酸辣辣嘅湯好開胃。湯嘅配料好足，有薯仔同蔬菜。鐵板扒一上枱已經好吸引，黑椒汁係到翻滾，陣陣香味散晒出黎。切開牛扒，5成熟，啱啱好！點下啲汁再擺入口，黑椒汁唔會搶晒牛肉嘅味道，牛肉都唔會靭，好好食芝士忌廉汁焗黑松露煙三文魚飯🍲焗飯、黑松露、忌廉汁、三文魚好夾。汁嘅份量啱啱好，飯底仲加咗蘑菇，有驚喜。草子莓莓 （左邊個杯）🍓🍊飲品名好有心思，估唔到士多啤梨橙汁mix埋一齊會咁特別，甜甜哋同埋充滿果香薔薇之戀 （右邊個杯）🍹個名好詩情畫意，其實係玫瑰花茶柚子，呢個配搭好清新，飲落又唔會太甜自家製心太軟🍫擺碟有心思，心太軟焗得好好！而且完全唔會膩同太甜，做飯後甜品一流呀！

❤️二人套餐A2餐湯+餐包二人沙律美國安格斯牛肉芝士漢堡配薯條蕃茄奶油吞拿魚螺絲粉配餐飲：熱檸茶2餐湯+餐包將餐包點落creamy忌廉湯內同吃，一啖湯一啖包剛剛好。二人沙律🥗沙律菜爽脆，加上甜甜麻醬，清新又開胃。美國安格斯牛肉芝士漢堡配薯條溶化了的芝士配牛味香濃的安格斯牛肉、爽脆生菜和酸甜蕃茄，簡直是絕配！👍🏻 薯條炸成金黃色，熱辣辣。蕃茄奶油吞拿魚螺絲粉吞拿魚碎配酸甜蕃茄，螺絲粉軟硬適中有口感。❤️鮮茄蜜燒鳳梨焗豚肉飯(去骨)酸甜鮮茄和鳳梨豚肉已預先切開和去骨，食得好方便。炒飯底飯粒粒分明。❤️鮮蝦蒜片辣椒芫茜扁意粉鮮蝦夠新鮮。蒜片和芫茜🌿好香口。有辣椒辣辣地。扁意粉爽口。

多年前居住深水埗，西九龍中心係我經常去買嘢食嘢嘅地方。呢日重臨此地，好多食店都轉咗手，但呢間紅蔥頭餐廳已經可算係西九龍中心的老店，只係裝修唔同咗。一入門口就見到有隻大啤啤熊，好吸引人注意🥰入面裝修以紅磚牆懷舊風為主，地方夠大，又有圓型大梳化卡座，坐得好闊落舒服。今次叫咗個廚之推介午餐❇️是日歐陸濃湯配牛油法包羅宋湯有好多蘿蔔同洋葱，好足料法包的蒜蓉味亦夠香濃❇️黑椒牛扒配飯 $71牛扒都幾大塊，肉味濃，白飯略嫌硬咗少少❇️跟餐連飲品▶️另收加一服務費✅望下呢度的午餐及下午茶時段menu仲有好多唔同款式食品選擇，價錢非常相宜。如果想搵間餐廳可以坐得舒舒服服又經濟實惠，呢度都係一個可以考慮的地方！

星期六早上食個午餐特餐，慘遭橫禍，叫杯凍咖啡走甜，有少少甜算了，芝士焗忌廉菠菜龍脷魚柳飯😨😨見到個賣相仲以為係小童餐，嗰D菠菜用好利害嘅刀功切成粉，魚柳塊面粉皮好有咬口，食咗1/3碟飯，飲咗1/4杯咖啡（話係咖啡但無任何咖啡味），頂唔順走人去算帳🤬仲收加一，雖然而家啲食材係好貴，都比少少良心，殺雞取卵都只係一次過，開在深水埗做D街坊生意，質素做好少少份量正常已經好足夠，而家質數差份量少真係難有下次

連鎖價錢親民西餐廳 這次選了位於西九龍中心6樓的 坐位寬敞 裝潢以木色為主 帶簡約風格   鐵板一口牛 💰48
運用鐵板烤著上桌 牛肉燒得剛好 軟硬度適中 牛味香濃 咬開juicy 配上中間的薯蓉吃很搭 二人套餐 💰318
包括餐湯+餐包
羅宋湯酸甜開胃 餐包蒜蓉味濃郁 法式香草牛油焗田螺
薯蓉牛油味重 creamy 田螺鮮甜 蜂蜜味bbq燒豬仔骨
豬仔骨跟薯條 分量多 燒烤味配上蜂蜜甜味 甜而不膩 骨肉容易分拆 吃起來方便 蕃茄奶油吞拿魚螺絲粉
蕃茄奶油帶酸甜味 吞拿魚分量多 每一口也吃到吞拿魚 螺絲粉口感煙韌 甜品 - 雪糕 (曲奇)
心太軟 +💰19 飲料
熱阿華田
熱奶茶

去到深水涉，冇咩好地方食野，唯有去西九龍廣場行下，睇睇發現在呢間紅蔥頭，入去睇一睇價錢都好親民，LUNCH SET都係$70左右，加個蒜蓉包仔 & 羅宋湯就要加幾蚊雞，不過都抵加既。首先，食左個芝士焗闊條麵，份量都好多，入面D肉醬好好食，芝士加忌廉好CREAMY，另外仲有個雜扒飯，肉量都勁多，食落好FULL呀，有豬扒，蛋，腸仔份量夠係好重要架。仲有一個焗龍脷魚柳，魚就好滑。呢度熱咖啡唔錯，即磨既，好香豆味。OVERALL黎講，性價比高。

深水埗有好多平靚正嘅餐廳，細細個嘅時候都成日會去西九龍玩。同阿媽去深水埗經過西九龍，就唸住回味一下兒時嘅回憶。呢間紅蔥頭裝修都主打復古，菜品價錢都好親民。兩人set $258歐陸式餐湯兩客 🍅羅宋湯酸酸嘅羅宋湯非常開胃，入邊放咗好多番茄，蒜香牛油法包焗的啱啱好，外邊係脆脆哋嘅。🥗沙律一客用嘅係黑醋汁，份量都唔細，沙律菜同番茄仔都好新鮮，非常開胃。🥩香蒜西冷牛扒 點咗7成熟，上嚟嘅時候仲係度沸騰，啱啱新鮮熱辣出爐，一睇就好有食慾。肉質都唔錯，不會太過火候。🌿香草忌廉龍利柳飯醬汁有濃濃的香草忌廉味，俾咗兩大塊龍利柳，龍利柳煎的好香，點埋醬汁，更加突出龍利柳嘅風味。🍹熱情玫瑰加咗熱情果係玫瑰花茶，味道獨特，有熱情果嘅酸甜，亦有玫瑰花茶嘅清香。🍹薔薇之戀加咗柚子蜜，可以喝到柚子的酸澀和玫瑰花茶嘅清香，兩者竟然都出奇嘅搭到。📍 深水埗欽州街37號西九龍中心6樓601C號舖💰人均100-170