四季良晨 (新都城中心) (Closed)

經過「四季良晨」，見到食物選擇幾豐富，今晚就買外賣返屋企食～酥炸排骨滷肉飯 $59酥炸排骨分量算多👍🏻，香脆好味😋，滷肉味道香濃，份量都多，唔會太肥，味道好👍🏻鹽酥雞扒麵 $42鹽酥雞扒又係分量十足😍 外賣時，麵同湯分開的👍🏻 麵質爽滑，紅燒湯香濃好味😋芝士醬酥排骨吐司 + 桂花雞翼 + 蕃茄湯米線 $42吐司有芝士醬配上酥排骨，半份都好足料😆，整體味道好好😋 桂花雞翼炸得好香脆，配上桂花蜜味道好好👍🏻 番茄湯米線，番茄汁香濃，米線好滑，非常抵食👍🏻👍🏻👍🏻台灣烤香腸 $28烤得好香，甜甜的，好味😋滷水蛋、滷水豆腐、涼拌貓耳朵幾款都好好味，特別係貓耳朵👍🏻梅子綠茶 充滿梅子味，正👍🏻夏日水漾鮮果茶 $29大大杯😍 有好多水果，清新又好味😋 推介👍🏻

作為寶琳人，呢間台式餐廳真係可以當佢飯堂一樣，好食，價錢大眾化唔貴，餐牌選擇多。作為無飯家庭，呢間亦都我每星期必去一次今晚叫左好多小食，主要原因都係因為一個字，抵，好多選擇。我哋叫咗台式腸，煎餃，滷水豆腐，茄子，紫菜湯同蘿蔔，其實淨係食呢啲已經可以食飽，當然味道絕對見得人，性價比高另外主食叫咗牛腩湯麵及三杯雞飯加雞翼，呢兩款真係必食，味道唔錯，個雞飯好香再叫咗2杯大大杯嘢飲，真係食到每次都捧住個肚出去，大滿足得嚟最緊要價錢唔貴嗰個先係賣點

今日去咗將軍澳，食咗呢一間台式餐廳，裝修都幾有特色，而且午餐幾十蚊就有交易。我叫咗一個紅燒牛肉麵嘅套餐， $70仲包一款小食，我就揀咗麻辣豬肚。另外仲可以加$18加配兩款小食同埋加$8配滷水蛋紅燒惹味牛肉麵（紅燒湯）牛肉麵嘅麵質彈牙，牛肉軟淋入味，湯底濃郁。而且仲有紅蘿蔔、白菜等等嘅配料，整體都幾豐富。麻辣豬肚香辣刺激，係非常適合夏天食嘅開胃小菜。紫菜魚丸湯小小嘅一碗，但係都有滿滿嘅紫菜。涼拌貓耳朵貓耳朵即係木耳，爽脆不膩，酸辣開胃。

前幾日去咗四季良辰食午餐，叫咗酥炸雞扒配雞肉飯，通常大家食台灣嘢會食滷肉飯，但係雞肉飯都唔差㗎，個雞扒有少少椒鹽味，但係果皮略嫌口感一般，飲品要加$6 ，整體OK。

同屋企人黎新都城2期揾卡通人物打卡，順手緊係過黎食埋野喇。知道呢度有四季良晨緊係要入黎醫醫肚。四季良晨以前黎食過真係覺得佢地既滷味做到好出色，夠晒入味，真係好好食。發現佢多左新餐，原來係秘罈酸菜魚系列，分別有跟米線，飯同埋就咁小食(2人份)一大盆。新野緊係要試下，因為我呢排都愛上食酸菜魚所以我決定今次叫小食，鍾意佢夠大份，再另加白飯，咁就實飽肚喇。另外就再叫份原盅燉湯配滷水豬手定食，除左湯同滷水豬手飯，仲會加埋上湯浸時菜。滷水豬手飯同之前食一樣冇得輸，入味又夠淋，連整完牙既屋企人冇晒牙力都輕易咁食到，呢個必試。新菜種秘罈酸菜魚，我自己就覺得佢個辣味就輕手左，而酸味就重手左，不過好味既酸菜魚餸飯係呢個夏天都係冇得頂。

今日約左一位好耐冇見既朋友仔係新都城一聚，我地都特別鍾意食台灣食物，所以係朋友既介紹下我地去左四季良晨食野。店內充滿文青既氣息，係一個既輕鬆又休閒的好地方。紅燒筋腩牛肉麵，湯底香濃冇味精，牛肉厚而不韌，有真正台灣的香味。花生醬奶油吐司配地瓜薯條＋蕃茄湯麵，半份厚厚的吐司，均勻抹上奶油跟厚厚的花生醬，香氣四溢。地瓜薯條香脆可口，大人小朋友都鍾意食。蕃茄湯麵用新鮮既蕃茄熬製，很鮮甜，酸酸甜甜很開胃。煎餃子金黃酥脆，內餡多汁。食完正餐當然要食返個甜品啦，所以叫左紫薯意米黑糖冰仙草，滿滿材料的甜品，大大粒的紫薯，配著黑糖仙草，味道甜而不膩，很適合同朋友一齊分享最後叫左阿華田珍珠同仙草奶茶飲品，仙草奶茶有淡淡的仙草香氣，阿華田珍珠加左黑塘珍珠落去，口感唔差，小朋友都愛飲。整體黎講，下午茶時段食物大大份，價錢合理，上餐時間快，如果鍾意食台灣風味，不妨到「四季良晨」一試。

今晚到新都城中心見朋友，她剛新屋入夥，大家高高興興一個下午，晚飯就在商場搵食，她介紹「四季·良晨」台灣小店，店內以圖書館佈置，文青味十足，台式食物又低又好食😁😁原盅燉湯定食套餐：紅燒三寶牛肉定食$93 +轉雞肉飯$6紅燒牛筋、牛腩、牛肚炆得腍滑入味，配滷汁雞肉飯，食唔停😋😋鹽酥雞扒雞肉飯定食$76鹽酥炸雞扒，大大塊，外脆內軟又juicy，配上嫩滑雞肉及滷汁，粒粒飽滿嘅珍珠飯，口感一流 👍👍定食包括原盅燉冬瓜排骨湯，上湯浸紹菜，清淡冇味精👍加配小食$18滷水豆腐，美味可口😋涼拌黑醋茄子🍆茄子軟糯，冰涼開胃👍仙氣芒果凍茶$25仙氣十足，原粒芒果打成嘅凍飲🥤，酸酸甜甜好醒神😍😍黑糖仙草鮮奶$27仙草QQ，加上鮮奶黑糖，有益又好味🥰🥰

因疫情關係，旅遊受限制，好耐冇去旅行。自己本身情有獨鍾台灣食物，所以決定搵間有台灣風味既餐廳食下野。入到店環境十分有台灣的風味，仿如置身寶島一樣。麻醬雞絲冷麵係夏天必食既食物，而且清爽可口，麻醬既味道鹹鹹甜甜, 充滿芝麻濃郁既香氣, 冷麵或雞絲都非常好食。台式香蔥蛋餅係台灣非常經典既食物，酥脆既外皮，散發著濃郁既蛋香，口感帶點煙韌。台灣烤香腸係台灣非常受歡迎既街頭小食之一，呢個香腸外皮香脆不會太咸，香甜又惹味多汁。黑糖珍珠鮮奶手搖飲品，放入晶瑩剔透的黑糖珍珠，再與香濃的鮮奶結合，不添加任何人工添加物，味道香甜又健康。

寶琳新都城的週末，下午茶時間超多人排隊既一間台灣餐廳—— 四季良辰💚。滷水豬手飯定食上堂浸時蔬 （加$6轉滷肉飯）$74豬手軟淋入味，啖啖骨膠原，愛美的女生可以不愛嗎？🤤🤤🤤紅燒半筋半腩牛肉 $69紅燒湯底香味濃醇回甘，牛筋富有膠質彈牙的，油花分布均勻，軟嫩不澀，齒頰留香。 麻辣牛肚 $42牛肚煙韌有咬口，加入秘製醬汁，令牛肚增添四川風味。呢個麻辣牛肚有d辣🤣，食到我倆流鼻涕🥲🥲🥲。又或者係我地唔食得辣啦😹。仙氣芒果茶 $25真係好有仙氣，夠晒清新解膩。好飲😋香濃珍珠奶茶 $17茶底香濃，珍珠有咬口！👍

呢間係商場內嘅小店，50％入座都有近20客，環境裝修好靚好文青，有書卷味，係度食野係幾悠閒舒服嘅提提大家，佢唔收加一，所以點餐係要自己揀好，記低枱號，去返收銀落單，諗清楚先出發麻醬雞絲冷麵，涼拌貓耳朵 $54芝麻醬份量適中，冷麵熟度好，有意粉果種煙韌度，雞絲得一大條加其他超級碎碎$54份量真係少！滷水蛋滷肉飯，滷水牛肚 $50飯嘅份量多，滷肉其實係咪應該叫肉燥？份量如圖蛋一隻，認真我去食西式火腿煎蛋飯呢類頹飯都係$40左右，呢度收$50。。。。唔識寫，蛋有蛋味，飯有飯味，牛肚過淋，菜兩條正正常常咁囉😅滷水雞翼蕃茄濃湯台灣麵，滷水豆腐 $57蕃茄湯要加$4，貴！其實都係盒裝罐裝蕃茄茸做嘅姐，雞翼有5隻，滷水味好入味，非常好食，湯底加錢所以唔hea，算係咁寫明唔收加一，我角度係佢將加一納入食物價錢，$50食滷蛋滷肉，菜加白飯，一次就夠冷麵係單點都$54，點解雞絲少之有少！？我唔明解，出面買雞柳雞胸其實唔算貴，建議試一試就算！

天氣咁熱緊係帶埋小朋友去泳池降下温。出黎個人都散晒唔想煮飯就出街食喇！將軍澳泳出黎直去就只有新都城，真係太攰喇唔想郁，就諗住是但揾間就腳既食完返屋企。行過經過四季良晨，呢間台式食店多數都係去買台式飲品，好少食所以就望下夜晚有咩食，估唔到晚套餐都幾岩食喎，就入去開餐喇。食得台式餐廳緊係要食滷肉飯，我地就叫左炸排骨滷肉飯同埋鹽酥雞滷肉飯套餐，各跟原盅燉湯，同埋上湯浸時菜，成份餐有菜有肉仲有飯夠晒飽。滷肉飯入邊既滷肉餸粒粒分明，睇得好清楚係冬菇同肉粒咁。試過食過一d都唔知食緊係唔係滷肉汁加飯，諗起都怕怕。 炸排骨，外脆內軟，香噴噴。鹽酥雞大大塊，同樣外脆內軟，唔同既係鹽酥雞外層仲多左塊雞皮，脆卜卜口感豐富。原盅燉湯日日唔同，我地果日係冬瓜排骨粟米，好飲足料又夠味道。

🌟芝士醬酥排骨吐司+香濃奶茶 （$28+$6）吐司烘到好脆, 塊排骨都幾厚,炸到金黃色配埋芝士醬同沙律醬, 超正😍🌟紅燒鹽酥雞扒台灣麵+香濃奶茶（$42+$3）紅燒湯底都幾正, 味道夠濃, 雞扒炸得好酥脆, 有肉汁唔會好乾, 台灣麵彈牙, 小編以為下午茶, 麵既份量會得好少, 但食落都幾多下, 再飲埋杯奶茶, 超飽！抵食！👍🏻

作為下午茶達人 當然會食勻全港嘅下午茶今次近近地去左附近嘅新都城行完街順便食埋tea夜晚又唔使煮飯啦🤪🤪呢間人氣台式小店四季良晨嘅休閒下午茶套餐真係好抵食😚.🌟酥炸排骨米線(紅燒牛肉湯底) ($42)排骨炸得鬆脆 份量十足紅燒牛肉湯底有微辣🌶️ 非常惹味 米線夠晒彈牙.🌟紅燒惹味牛腩麵（養生清燉牛肉湯） ($55)牛腩又腍又入味個人覺得養生湯底嘅味道好似肉骨茶 非常濃郁湯底絕對係精粹👍🏻而且粗麵條掛湯力十足.🌟台式蛋餅（肉鬆）跟地瓜薯條 ($38)蛋餅好香蛋味而且好煙韌🥚肉鬆仲滿滿咁包住喺蛋餅入面地瓜薯條大大條 內裏香甜外層香脆🍠.🌟芝士醬酥排骨吐司 ($28)吐司夾左好大塊嘅豬扒同埋好多沙律醬而且吐司仲整得好香脆🥪一口咬落去入面啲豬扒同沙律醬爆曬出嚟.🌟台南手工餡餅（2件） （$28）餡餅外脆內軟餡料豐富仲有肉汁 夠晒juicy😚.🌟凍梅子綠茶 （+$3）麵類嘅下午茶餐都有飲品跟呢杯梅子綠茶酸酸地 非常解渴.🌟凍台式奶茶 （＋$7）因為我好鍾意飲奶茶同埋紅豆冰所以見到奶茶都有得加紅豆就馬上加咗🧋加埋落去都好夾.🌟仙氣火龍果茶 ($32)一見到呢杯粉紅色嘅特飲就明點解叫仙氣😝好新鮮嘅味

住在這裡附近，吃課很多次了，食物真的不差，不過就是每次點餐的時候體驗都很差，收銀的態度語氣令人很不愉快。真心希望能夠改善，不知是人手問題還是其他，希望能夠快快改善！

星期六中午入去嗌咗個紅燒牛肉麵同排骨便當。紅燒牛肉麵個湯底都夠濃，唯獨飲完一兩啖，之後喉嚨有啲乾澀，同藥材味係偏濃的。而牛肉全部都係肉，沒有筋或者肥肉，可能煮得有啲老，的肉比較鞋，所以下次再食都唔會再嗌。至於排骨便當就好啲，分量都夠多，排骨炸到鬆脆，不過都係同樣問題都係偏乾，唯獨得個鹵水蛋比較好食。飲品方便出色過餐品，嗌咗珍珠奶茶，珍珠都夠煙韌，份量亦夠多，奶茶走咗甜都仍然夠奶味，大大杯一杯夠兩個人分。