四季良晨 (新都城中心) (Closed)

最近真係好掛住台灣美食，所以呢日同朋友黎左食台灣野!!!呢度有齊台式牛肉麵、肉燥飯等台灣特式食品，仲有我去台灣必食既蛋餅同地瓜條添 🥰🥰所以我要左一份肉鬆芝士蛋餅，朋友就要左一份排骨吐司餐，我地另外order咗台式餡餅同炸雞排一齊share 😁😁我自己加左碗紫菜魚丸湯，魚丸係彈牙既花枝丸！！朋友既吐司餐好豐富～除左吐司同炸雞翼，仲有一碗蕃茄米線 😍😍朋友話吐司內既炸排骨(豬排)好正！！我既蛋餅配上我最中意食既炸地瓜條：）我地另外order既小食都唔錯！！呢款餡餅食落似係巨大version既餃子鍋貼咁，仲會爆汁添架xppp我地最後仲叫左一客仙草黑糖冰做甜品 😆😆我地要既仙草仲有紅綠豆同薏米添：）呢度既台式飲品都好有水準架 🤤🤤🤤

相信唔少人都好鍾意食台灣嘢，而四季良辰就係一間選擇豐富嘅台式餐廳。今次叫咗88蚊煲仔塔香三杯雞定食，定食連埋原盅燉湯同上湯浸娃娃菜。叫各樣嘅飯面仲可以優惠價加配小食，我就加$10食咗涼拌貓耳朵。煲仔三杯雞嘅份量都幾多，上菜時個煲仲熱辣辣，唔同嘅香料加埋濃郁嘅醬汁，真係幾推薦大家食㗎。原盅燉湯入面好多材料，有冬瓜眉豆雞腳等等，絕對唔係味精湯。仲有碗娃娃菜，個菜非常鮮甜，有肉又有菜，呢個定食非常抵！涼拌貓耳朵非常之開胃，唔會辣，又有啲蒜撈埋。餐廳仲有台式手搖部，各種各樣嘅手搖都有，而我嗌左芝士奶蓋阿華田加曲奇碎。芝士奶蓋份量都幾多，鹹鹹地又唔會太鹹，曲奇碎加喺面增加口感，撈勻之後奶蓋同阿華田非常之夾，飲落有淡淡的芝士味，個底仲有曲奇碎。推介大家經過寶琳去食！

去完朋友屋企, 順便食埋野先走但其實已經2點幾見到呢到無乜人排隊, 好快就入左去, 應該只係好彩, 因係我地坐低左就出面有人排隊 見到menu 有下午茶但因為仲未食午餐,同埋打算晚飯食少啲所以就skip 左呢一個page但望返lunch menu 都好平如果大家行開過黎,下午茶時段真係幾抵食呢到應該係出名食牛肉麵所以就一定揀返一份牛肉麵啦一解台灣之愁呢個係紅燒牛筋三寶麵可以揀米線我黎食台灣野, 梗係揀返台灣麵呢到上菜好快我估我落左單俾埋錢唔到5分鐘牛肉麵就已經送到上黎乜都唔洗講, 飲一淡湯先湯頭顏色唔係好深色起初以為都係一般貨色但原來係有驚喜佢呢個湯頭飲到牛肉味但仲帶啲甜味 同埋 好少少嘅藥材味呢個感覺就好似用左甘草去煮咁帶少少甘味同藥材味係絕對係好飲再夾埋啲麵一齊食個麵都係有心之作因為佢個軟硬適中有啲出面牛肉麵用個麵係太硬呢個係兩者之中, 我自己幾鐘意呢個質應, 唔洗點用力都可以咬開個麵, 用筷子都可以夾開到牛肉係牛腩位黎,呢個牛腩位一啲都唔會煮得過快都係一咬就開, 同埋牛肉味好濃中間嘅肉仲係粉嫩嫁!牛筋有三大舊! 同埋大量牛肚!兩樣都係好入味同埋好淋! 另外點左一份三杯雞定食套餐呢

好耐冇同肥豬去食嘢😂難得放假，都係去返屋企附近個商場，呢間四季良晨佢開頭係將軍澳有分店已經食過好多次😂依家開咗屋企附近，應該食得仲多😜🔥手工芝士肉鬆蛋餅+地瓜薯條 $42👌🏼個日唔太餓，叫咗個蛋餅😳份量又幾大份！入面嘅芝士肉醬都俾得好滿～唔使點醬就咁食都夠味，仲有埋地瓜薯條🥰滿滿台式風味～🔥鹽酥雞排米線 $42👌🏼可以自選湯底，揀咗紅燒牛肉湯！肥豬成碗清晒😂😂佢啲雞排係炸得幾好味，炸粉唔重，加咗個滷水蛋😉🔥紫薯珍珠黑糖冰仙草 $38👌🏼呢個真係小朋友口味😂佢沙冰打得好幼，唔會好強顆粒感。同埋有齊珍珠，椰果，仙草，其實可以直接拎技飲管嚟飲😂秒變勁多料嘅野飲～🔥香濃珍珠奶茶 $17👌🏼好耐冇飲過10幾蚊嘅奶茶，真係平架！珍珠好好咬～之前會飲佢地嘅豆漿，都好飲！🔥木瓜純鮮奶 $24👌🏼見到佢個牌幾靚仔，就叫咗😂飲落都幾重沙冰感，敏感牙齒呀🥲不過木瓜係晒中間，都幾夠味！

係tko買完野, 要搵餐廳醫肚, 見到依間四季良晨既裝修同佈置幾靚, 以為係間cafe, 行近d睇先知原來係台灣野, 價錢仲唔貴添。 燒三寶牛肉定食 $93定食包左湯同上湯浸菜, 湯較清淡, 但飲得出冇味精, 而我都幾中意佢既上湯娃娃菜, 菜幾甜, 岩岩好一人份量。三寶就係牛肚同埋牛筋腩, 份量都幾大, 三寶炆得夠腍夠入味, 伴上珍珠米飯, 不錯!滷水蛋滷肉飯 $65朋友既滷肉飯, 肉既量足以伴哂成碗飯, 我試左啖滷肉, 比想像中濃味同埋香, 撈飯一流。上湯浸時菜 $10白菜仔反而冇娃娃菜咁甜, 下次可能揀番娃娃菜, 勝在有上湯既味道搭救。薑蜜蒠仁茶 $19      芒果綠茶 $8薑蜜蒠仁茶好大杯, 薑味好出, 飲落順喉舒服, 女仔養生之選。朋友既芒果綠茶正正常常, 茶底唔會太淡, 不錯。

🌝好耐都冇黎到新都城呢邊，今日咁啱要陪朋友嚟呢度買嘢，夜晚就揀咗呢間台灣餐廳，門口都幾多人排隊，而且之前喺IG都見到人食過，好似都幾吸引，所以就入咗嚟試吓！🐥塔香三杯雞定食 $88平時好少機會食三杯雞，其實三杯就係麻油、米酒同醬油。而呢度既三杯雞食落去唔會太油，仲有啲蒜蔥香味，完全係送飯既好配搭。原盅湯底就有海底椰、佛掌瓜同雞塊，味道清甜，既開胃架！🐥鹽酥雞排 $38比起我想像中份量仲多呀！外皮酥脆，內裡多肉汁同細嫩，沒咬一口都feel都啲肉汁beep出黎，雖然食幾舊就可能會開始有啲濟，但都值得叫嘅。🐥台灣烤香腸 $28台灣腸已經切成細細塊，適合多人分享，而且煎到頗香，完全激起我既食慾啊！🧀芝士奶蓋白桃烏龍茶加珍珠 $27雖然芝士奶蓋整得偏鹹，但因為下面烏龍茶味道清淡，所以溝埋一齊味道啱啱好，加上珍珠令到成杯飲品更加有咬口！🧋黑糖珍珠奶茶 $24同樣都要讚下啲珍珠好有咬口，成杯飲品不過不失，味道正常！

近排真心好耐冇食過台灣菜，所以特登搵左一間出名嘅台灣菜餐廳食飯。依間係將軍澳區好出名，野食又平又好味，好值得一食。滷水豬手飯定食點左個套餐，配埋上湯浸時菜同原盅燉湯。滷水豬手真心幾好味，滷水味非常濃，而豬手食落肥肉唔多，肥瘦比例啱啱好，成隻豬手嘅骨膠原非常多，可以美下容。今次加左$6，轉左滷肉飯，滷肉用嘅係肥瘦肉，肉粒大小適中，仲有冬菇，整體黎講幾好味。原盅燉湯係海底椰湯，飲落好清甜，非常滋潤。紅燒三寶牛肉定食都係套餐，又有菜又有湯。紅燒三寶係牛筋、牛腩同牛肚，牛肉係用滷水燉煮，滷水味濃郁，牛腩肉質食落柔軟，牛筋食落有韌勁，而牛肚爽脆可口。鐵觀音珍珠鮮奶茶係一個幾有趣嘅配搭，飲落茶味非常濃，有兩種茶味，入口係淡淡嘅奶茶甜香，尾韻係濃厚嘅鐵觀音茶香，珍珠食落幾煙韌同有咬口。都點左日式紅豆抹茶，紅豆同抹茶係絕配，飲落有抹茶嘅茶香，但飲落有少少抹茶粉，未溶得曬，紅豆食落甜度適中。

寶林新都城其實都有幾多嘢食，今日就去了商場內的四季良晨食台灣野。呢間餐廳之前都食過，味道不錯，價錢合理，而且都頗有台灣風味 。下午茶時段超多人，因為它下午茶的選擇又多又抵食，所以都好受歡迎。我們兩人實在太肚餓，所以都點了午市正餐，會大份d。麻辣蕃茄豬肚米線$56份量超大碗，蕃茄湯底味道十分濃郁，有新鮮的蕃茄蓉，鮮甜，加上秘製麻辣醬， 十分惹味。豬肚爽陣，而且切得夠幼，口感較佳。米線亦都有咬口，不會過腍，很不錯。紅燒三寶牛肉定食$79整個定食都有不少配料，除咗有牛肉三寶之外，還有上湯浸時蔬和白飯。三寶分別有牛腩，牛肚，牛筋，滷得入味。牛筋口感軟腍，很有膠質。牛肚爽彈，牛腩牛味濃郁。整個套餐都十分豐富。我們還加點了兩個小食。蕃茄濃湯水餃蕃茄湯底味道濃郁，餃子是豬肉餡，食到肉香，不過餃子皮就較為厚身，薄一點就更好。鹽酥雞扒小食來說鹽酥雞扒都幾大塊。雞扒肉質嫩滑，外皮炸得酥脆。我喜歡把它沾上餃子的蕃茄濃湯，減低油膩感之餘，更能吸收一點蕃茄香甜。食台灣野又怎少得黑糖珍珠鮮奶！$28黑糖味道濃郁，鮮奶香滑，珍珠煙韌，而且飲品超大杯，好抵飲！

前排經過一間食台灣野嘅餐廳裝修行木系路線 牆上掛滿著唔同嘅quote🔖啊! 係文青嘅味道啊📚一於等我去試下佢啲野食係咩味道先😌-🍗鹽酥雞排滷肉飯 $76雞排份量十足 外層炸得非常香脆🤩滷肉飯真係有好多滷肉 食到最底都仲有😂晚市套餐附送原盅燉湯同時菜可以中和到個油膩 非常好🌿加配嘅涼拌雲耳醋味十足 yumyum😗-🍜特盛四寶麵 $78四寶包括豬手 牛肚 花枝丸同溏心蛋🥚Bellofood驚肥所以忍心唔嗌紅燒牛肉湯😢但佢個清雞湯意外地入味 正喎😆四款料都好好味 最鍾意梗係花枝丸夠哂彈牙又重墨魚味🦑-貪心嘅小狗s仲嗌咗台南手工餡餅($28/2件)餡餅即中即做 新鮮熱辣辣入面有豬肉 菇 菜等等 超多湯汁!! 推介👍🏻-食台灣野邊少得台灣特飲🧋鐵觀音珍珠鮮奶茶($29)有埋個茶包係入面茶味極濃🍵 茶控表示好滿意☺️

嚟到將軍澳新都城2期「四季·良晨」，之前試過午餐覺得好食，所以今次試下晚餐由於食早飯的關係(未夠6點)，所以唔使等位可入座。好喜歡店內的裝修同佈置，好有文青 feel 茶品 menu小吃 menu定食及飯類套餐有兩款晚市套餐可以選擇。1. 原盅燉湯上湯浸時菜紅燒三寶牛肉定食($93)。三寶有牛筋、牛腩、牛肚，牛筋同牛肚煮得好腍及入味，加埋上湯時菜及足料燉湯，一個人基本上都食唔晒2. 鹽酥雞扒滷肉飯($59)，雞扒外層脆漿厚度適中，炸得外脆內熱，。滷肉飯保持一貫水準，滷肉份量亦多，配白飯確一流。3. 台式烤香腸($28)，同樣外皮烤得香脆，內裡有少許肥豬肉，入口更覺美味，加上預先切好一片片，方便入口，夠細心。4. 加配小食(涼拌黑醋茄子、滷水豆腐)($18)。滷水豆腐十分入味，而茄子配上黑醋，酸酸地，十分醒胃，兩道好好嘅餐前小食。5. 滷水蛋($8)，滷水味香濃同入味，每人半隻剛剛好。整體來講，餐廳裝修舒適，職員態度親切，食物水準高，好有台灣嘅味道，可以一試再試。

最近媽媽話要食台灣菜，做兒子當然就要盡孝道啦🙇🏻-這次光顧的是一間台式餐廳，售賣多款台灣主食、麵食、小食和飲品👍🏻由於種類真的太多，最後直接選擇套餐，抵食又大份😂😋-1️⃣特盛秘罈酸菜魚（二人用）$128最近天氣太熱，很想食辣嘢🙈翻開餐單居然有酸菜魚，就膽粗粗點嚟試吓，估唔到有驚喜🤩這個酸菜魚味道偏辣，酸菜又夠酸，很啱我口味，用黎餸飯超開胃🤤魚片很嫩滑，而且都幾多塊，不過要小心魚骨🙈-2️⃣酥炸排骨雞肉飯配上湯浸時菜及原忠燉湯 $76這個$76套餐有齊燉湯、飯、肉和菜，非常抵食👍🏻炸排骨外皮酥脆，一口咬下超juicy🤤雞肉蓋滿整碗飯，和炸蒜及蔥粒撈勻，食每一啖都咁香🤤上湯時菜是一碗白灼娃娃菜，沒有味精，很健康👍🏻燉湯是蓮藕煲排骨， 很真材實料，非常鮮味😋-3️⃣香濃珍珠奶茶 $15（正價$20，跟餐減$5）媽媽點了少甜，珍珠新鮮夠彈牙，茶味香濃，整體唔錯👍🏻-4️⃣黑糖仙草凍鮮奶 $24（正價$29，跟餐減）仙草與珍珠一樣，夠新鮮夠滑👍🏻記得要將底層的黑糖和鮮奶攪勻，不然飲到底會太甜🙈

#大食小公主寶琳區出動👸🤪［台灣滷肉飯 寶琳 四季·良晨］🚩養生湯紅燒惹味牛腩米線 配滷水牛肚 $70超級濃藥材味嘅養生湯 十分十分惹味 一啖米線一啖湯🔥🔥🔥🔥加上有四大嚿好淋嘅牛腩🔥‼️小食配埋牛肚 正常 幾入味😋成個餐冇得輸😍😍😍非常推薦比大家👏👏👏🚩 滷水蛋牛腩滷肉飯 配滷水牛肚$74滷肉係夠撈哂成碗飯滷肉入邊有肥肉亦都有瘦肉好香冬菇味道👏👏👏牛腩都係有四大嚿 滷水蛋同蘿蔔🚩養生湯生酥炸排骨麵 配滷水豆腐酥炸排骨熱辣辣🔥 炸粉唔會太厚配埋蜜糖芥茉醬滷水豆腐入味 細細粒 可以一啖食晒總結時間🥰如果大家食粉一定一定要試養生湯👏👏👏👏

太耐無得去旅行，好掛住台灣啲嘢食，於是去左寶琳新都市2期呢間台灣野試一試，一坐低睇個餐牌已經令我流晒口水，有好多唔同嘅台灣地道小食，而我就梗係揀我係台灣最鍾意食嘅牛肉麵，佢有好多款唔同嘅牛肉麵㗎，我揀咗一碗紅燒半筋半腩牛肉麵,而我男朋友就揀咗一碗紅燒牛三寶牛肉麵，另外我哋再揀多一個小食麻辣牛肚，嘢飲方面，佢有唔同嘅台式飲品，種類繁多，食台灣嘢點可以冇珍珠奶茶，我就點左一個鐵觀音珍珠鮮奶茶,而我男朋友揀咗個芝士奶蓋抹茶，首先半筋半腩牛肉麵方面，湯底濃郁，非常入味，牛腩牛筋平均無多無少，每舊牛腩都非常入味，入口鬆軟，一啲都唔韌，而牛三寶麵，佢嘅三寶有牛筋、牛腩同牛肚一次過滿足你三個願望，而佢哋兩款用既麵，都係用台灣嘅幼麵，食每一啖都非常有台灣嘅風味，小食方面，麻辣牛肚，雖然非常麻辣，但辣得非常過癮，食完一舊會停唔到口，嘢飲方面，鐵觀音珍珠鮮奶茶，茶味濃郁，珍珠同茶嘅比例啱啱好，絕對唔會有飲晒之後剩低珍珠嘅問題出現，最後餐廳嘅環境燈光鮮明亦有啲擺書嘅擺設，令到你喺嗰個環境食嘢非常舒服，整體而言，食物同環境都非常滿意，冇得去台灣旅行嘅你哋，可以一試

病咗幾日個人冇晒胃口，今日终於好番啲。下午趕去將軍澳見客冇食午餐，做完野已經三點半，肚仔餓到打鼓之際，發現呢間「四季良晨」。呢間位於將軍澳新都城中心嘅台灣美食小店，內裡裝修擺設十分精緻，令人如置身於小書店中，充滿書香氣息。嘅可以一邊食嘢，亦很適合打下咭。下午2:00-5:00，餐廳有下午茶餐供應，款式多而且十分抵食。我和朋友分別選了份「手工芝士火腿蛋餅配地瓜薯條」（$42）和「滷肉伴麵」（$28），然後跟餐加咗木耳和拍青瓜（+$18）。另外，再點多兩款小食「鹽酥花枝丸」（$26/3粒）和「鹽酥雞排」（$38）。全部都係我鍾意嘅台灣美食，味道全都不錯。而當中我特別喜歡手工蛋餅，配上地瓜薯條，我覺得幾特別。另外，鹽酥花技丸亦很正，值得一試。可能病完特別好胃口，所以有少少吾夠喉，所以再追加多個「紅燒牛三寶麵」！嘩～～ 呢碗麵超大碗。台灣麵軟硬適中。而牛三寶包括有牛腩、牛筋和牛肚，用料十足，配埋微辣嘅湯底，當然係正啦。佢仲有個麻辣牛肉湯底可選，喜歡食辣嘅朋友仔，可以試吓。食得台灣野，當然吾少得加埋杯大大杯冰凍珍珠奶茶啦，咁先至夠滿足吖嘛。

早幾日在將軍澳附近想食台灣菜，不用問朋友，就立刻帶她來「四季良晨」。其實在此覓食不是第一次，因為價錢划算又大份，加上出品不錯，不期然變成食堂。——————————🔹滷水蛋牛腩滷肉飯 $83講起台灣代表性美食，非滷肉飯莫屬。滷肉切成粒粒，半肥肉半瘦肉，入口甜鹹適中，不會過甜過膩，拌飯一流！滷水蛋滷得入味，蛋白可見已變成淡黃色。牛腩是一條條上，肉汁豐富不韌，同樣惹味。🔸塔香三杯雞定食 $88之前都是吃牛肉麵、雞肉飯多，這次決定叫一款小菜定食。三杯雞用鍋上，甫上菜已聞到勁香，三杯雞惹味鮮嫩，帶微微的九層塔香，加上入口不油膩，確實不錯！套餐配有滷白菜及例湯，今日就有蓮藕豬骨湯，鮮香清甜，感覺是無味精家常湯，好飲。🔹套餐加配小食兩款 +$15今次加配了兩款小食，滷水豆腐滷得入味，一咬爆汁，不過手拍小黃瓜就略嫌不夠凍，亦不夠爽脆，蒜香味重，如果加辣就更好食。🔸黑糖仙草凍鮮奶 $24每次必點！黑糖+仙草+鮮奶=好飲，滑溜的仙草搭配鮮奶，甜度剛好。🔹賞味香芋奶茶 $20香芋奶茶是朋友最愛，她說芋頭及奶香平衡得好，但如果加點芋頭粒粒/芋茸就更好飲。