Cafe Ursus (Closed)

呢間位於九龍城既Cafe 地方唔大 店內放左好多懷舊玩具擺設 簡單得黎好有個性 無時間堂食慢慢細味 唯有外帶一件蛋糕當下午茶人生中第一次食檸檬蛋糕 結果味道出乎意料之外咁好特濃檸檬蛋糕 ($35)檸檬蛋糕同檸檬吉士忌廉層層相隔 蛋糕唔似一般海綿蛋糕輕身鬆軟 食落比較結實 檸檬味真係好突出 好似檸檬撻 酸酸甜甜 配搭得非常清新面層既忌廉望落雖然頗厚 但係放入口就感覺到好滑好輕 散發淡淡奶香 一啲都唔膩而我最鍾意既消化餅牛油底 都依然保持脆口 完全無淋到真心就算唔鐘意食甜品或者唔鐘意太甜既人都絕對會鐘意呢款酸甜清新既蛋糕 而且仲好適合夏天添

個薯條我叫左肉醬芝士味 佢既肉醬係好香 好濃牛肉味 不過唔知點解沾落d薯條到沾唔到 要筆一巾落條薯條到食雜菇意大利飯 好甜 一食落去想嘔 甜到唔知想點 唔知係咪佢落錯忌廉魚配薯容 另一失望之作 條魚完全冇特別 得個咸味 之後個薯容明明係話鮮茄薯容 不過完全冇鮮茄 佢用左黃介末去整 仲好落得太多好怪陣味 仲太水 一d口感都冇

野外體力勞動過後，最要緊的當然是要補充能量才行。糖份加上澱粉質，固之然缺一不可....來到這所龍城區內開業不久的小cafe，甫一走入去便登時打了個突，發現除了我以外無論是店員以至食客竟都是清一色女孩子....小弟之突入，會不會有點大煞風景呢 ?四圍喵一下周邊環境，在我位置旁就發現擺放了一台舊式衣車及一個旅行喼....由進店到吃完離開這段時間不停在想，最後仍是想不透它們是放在此幹甚....還是不要管它，專心點東西吃吧....要是想補充糖分的話，一杯熱朱古力當然是少不了的....舖面的拉花是蠻工整漂亮的。呷一口，味還濃郁且真的夠甜，不錯....其次若想補充澱粉質的話，來一客肉醬意粉就已很充份了....先咬一口意粉，感覺是不太al dente；接下來吃一口肉醬，首先是意識到醬汁是太稀水水的不太濃稠，碟底還剩下一灘水似的....再嚼一口肉末，感覺是太瘦甚為嚡sup sup的不太討好....若從補充能量的角度來講，這朱古力加上意粉的組合是挺不俗的....但如要說美味呢，那就不太及水平了....

約好了新店，見到雜誌介紹，被芝士肉醬薯條吸引。九龍城cafe周圍都係，唔係間間都好味，今次專登黎試新野。餐牌選擇好多，有小食，有主菜，有甜品，我地今次決定唔叫all day breakfast, 可以食下其他野。除左非叫不可既芝士肉醬薯條外，叫左溫泉蛋卡折尼意粉，雞卷，蟹餅同綠茶紅豆蛋糕。先講薯條，熱辣辣但冇特別，芝士肉醬分開上，肉醬味道非常好配薯條ok, 如果配白飯或意粉應該超正。至於意粉，醬汁偏甜，但意粉質感特別，有別於出面食既意粉，比較粗同有咬口。雞卷以蕃薯蓉墊底， 雞肉軟滑好味，同菠菜芝士味道好夾，多吃亦不漏。忌廉蟹餅，炸得香脆可口，但蟹肉欠奉，本人較喜歡某間的蟹肉餅。綠茶紅豆蛋糕，偏甜同比較油，下次一定唔會食。至於咖啡及飲品，全是有心之作。咖啡味尚算可以。總的來說，食品比飲品更出色，是1個不錯的晚餐地點

看過不少編輯推介的食評，內容除了仔細形容食物外，有些也有加插了個人的經歷、動人的情節，美食與體驗，感覺像看故事。這次初嚐Cafe Ursus，感覺也像看了一篇懷舊的故事，不禁令人回味過去。這間位於食肆林立的九龍城，開業在這臥虎藏龍之地，必有其個人特色，在開飯看過這間餐廳食評全是很正面的。走進了南角道，位置有點難找，門面也較為沉實，水泥外牆掛上霓虹燈，頗具特色。雖門外有點沉實，但趟開門進內，另有一番景象，內裡佈置頗有心思，好溫馨舒服的感覺。一進門便看見舊式的腳踏衣車，令我想起兒時家母也曾靠這款衣車幫補生計。層架上有種種的懷舊物件，SONY懷舊CRT電視、撥輪式家用電話，相信也成了集體回憶吧。除了懷舊裝飾，也看到近期流行的迷你兵團公仔裝飾。這款水壺、烏絲燈膽、加上紙製燈籠，感覺像回到童年時，勾起了段段兒時美好回憶。回憶了過去，又是時候想想當下，面前有個大餅櫃，放著幾款蛋糕，美食當前，與友共歡，還是珍惜當下。這裡的餐碟也很漂亮，手繪花紋圖案，各具特式，視覺先享受，見微知著，相信食物也很有心思和特式。 香酥炸魷魚圈魷魚還未上到枱時，已經從廚房聞到香味，這份魷魚圈好香，脆口惹味，乾身不油膩，好

住九龍城既我一早就有留意呢間cafe~~ 知道距既飲管粉好出名 不過冇試到～反而食左件好大塊既牛扒！！：熱紫薯牛奶 Hot Purple Sweet Potato Latte $38聽聞下個禮拜又開始凍 十度又黎緊啦！❄️ 係時候去間cafe飲杯熱飲慢慢嘆☕️呢一杯紫薯牛奶夠暖笠笠 又暖胃😙 飲落去紫薯味比想像中濃同埋香反而就冇咩牛奶味 掩蓋晒 不過就好似牛奶咁滑😆👍賣相當然美麗 拉花好得而且紫色系我最愛😍唯一可以改善既係唔算太熱 飲第一啖等多一陣再飲已經變暖 之後更加好快就開始凍😰一變凍就唔濃味了不過＄38 都夠大杯都算係唔錯～ 可以坐係到慢慢嘆 不過都幾飽haha：美國安格斯有骨肉眼牛扒 $248🐂你冇睇錯$250唔洗就食到16oz！一個女仔真係食唔曬呀～ 牛扒算軟熟 而且係冇醃過所以好重焦香味 再沾少少海鹽食 牛味好濃郁🙈但牛既脂肪部份佔得頗多 所以食落都幾油膩😣 切開可以食既肉其實唔算多，因為真係好多肥膏呀！！除左牛扒之外 旁邊既蕃薯條🍠好特別！比起薯條感覺完全唔同 食落去好脆好甜蕃薯味反而呢個balance返牛扒既油膩感😳九龍城cafe小店越開越多，呢一間都值得一試喔！

九龍城除了泰國餐廳多，近年也有不少小型西餐廳進駐，當中不乏有質素的。今天約了好友吃午餐，選了這一間，喜歡內裏的佈置，因擺放著很多玩具和店主的收藏品，彷彿將我兒時的夢想實現出來，因我自少也很喜歡將心愛的玩具和收藏品逐件逐件擺放在櫃裏或架上，好讓好朋友欣賞或空閒時拿來把玩，若能擺放在工作的地方，更能減低工作的沉悶。餐牌的設計很有家庭feel，像台灣的特色咖啡室，細看價目，也很合理。先點單骨雞翼作小食，雞翼去了一支骨，食用更容易，炸得香口，皮很脆，也很入味。我點了忌廉雜菇長通粉，下午不敢吃太飽，怕睡魔急call，長通粉烚得剛好，煙韌有致帶著適當的硬度，雜菇的種類有四五種，味道芳香，最對口胃是忌廉，份量恰當地黏著每條長通粉，香滑而不油膩，是近期少吃到的有質素忌廉汁。好友愛吃扒，點了美國安板斯有骨肉眼牛扒，以木砧板盛著，16安士重的牛扒，相當有份量，簡單以幾條法國邊豆裝飾，伴以炸番薯條，甘甜味與一般薯條有別，若能同時有薯條和番薯條，我會更雀躍。逢魚或肉類，帶骨的部份格外甜香，這是我的經驗，刀甫切下，便知肉質不差，有肉味，帶些少嚼勁，蘸點些鹽巴，更能提升肉味，吃掉偌大的牛扒，好友超滿足！趁有些時間

九龍城以美食聞名，有享負盛名的泰國菜、亦有火鍋館、台式食店、甜品曲奇店等等，近年亦多了悠閒的咖啡室。雖然九龍城食肆林立，但地點實在有點不就腳。今天難得早下班，有充裕的時間，一於跟閨蜜到九龍城搵食！跟閨蜜約會，當然每次都要聊個盡興，舒適、寧靜的食肆環境絕對重要。位於南閣道的Cafe Ursus，門面有點少，卻給人神秘、自成一家的感覺。餐廳燈光柔和，從裝飾品就能看出其用心，主要走懷舊風格，亦加入了現代的元素。餐廳的佈置雖然簡約，但盡顯心思，毫不馬虎。香酥炸魷魚圈 - 魷魚圈炸得非常香口，一上枱即傳來濃濃的炸物香味。魷魚圈的炸粉不會過厚，只是薄薄的裹著魷魚。表面炸粉香口鬆化卻不油膩，咸道適中；內裡的魷魚是新鮮魷魚，質感頗滑，彈牙有咬口，但又不會韌。旁邊的沙律菜亦新鮮，混有沙律醋，中和了魷魚圈的熱氣。溫泉蛋卡邦尼飲管粉 - Carbonara的煮法擺脫傳統，非平常的忌廉蛋漿，反之是混和忌廉汁，另加溫泉蛋。弄破溫泉蛋，蛋黃流出，跟意粉搞拌，令每條麵條都沾上蛋漿。醬汁的忌廉味很重，亦十分creamy香滑。煙肉的份量絕不吝嗇，加入了大量煙肉小塊，帶出咸味，但整體味道仍然偏淡。飲管粉顧名思義是中間空心

溫泉蛋卡邦尼飲管粉 ($98)對溫泉蛋真係毫無抵抗力，每次切開見到蛋黃流出黎都會流哂口水。蛋煮得岩岩好，撈埋卡邦尼汁都算好香滑。飲管粉空心，但唔係好吸到汁，效果冇一般意粉咁好。不過都好特別，好似長條型既通心粉咁。整體效果都唔錯，但仲有進步既空間。美國安格斯有骨肉眼牛扒 ($248)
牛扒用左慢煮既方法，鎖住哂啲肉汁，食落非常juicy。
牛扒本身品質好，唔洗點調味，淨係少少鹽點下已經夠香口惹味。反而食到牛本身既肉味，
牛扒既油脂好夠，牛油味冇得輸。另外配上蕃薯條，炸得香脆唔油膩；
蕃薯味香濃，比起薯條仲少左份油膩感。

做完野一個人食lunch,被門口既食物牌吸引了,就幫親左。Lunch Set都有唔少選擇,包埋野飲都幾抵。平時食cafe多數食意粉,今次就揀左蕃茄燜牛肋條飯試,$78連$30餐飲(選擇較貴的茶差價自補)蕃茄燜牛肋條飯非常好食，蕃茄汁甜酸適中，燜牛肋條燜得好入味，肋同肉既比例岩岩好，肉唔會太韌，配飯口感唔錯。單骨雞翼$48幾特別，將雞翼分開兩邊再炸，炸得香脆，但粉多左少少。法式伯爵紅茶(補差價$15)最值得試，唔同一般茶包沖既味，冇咁鞋口，又香又甘，賣相好精緻，底下仲有加熱既蠟燭杯，好細心。今次幾滿意,店員服務真係唔錯。Cafe Ursus環境雖小但服務一流，店員熱心介紹主打菜式，出菜速度亦頗高。地點算方便，除左主菜仲有輕量甜品，酒類提供。

放工, 約了朋友去九龍城食晚飯, 行到南角道下大雨, 我倆冇帶雨傘, 見到Café Ursus, 望入店舖環境唔錯, 就不考慮入去.推門入店舖, 見鋪內有不少大, 小及懷舊擺設, 令人有親切,溫暖的感覺.每人的碟都唔同patent. 有家的感覺.慢煮芝士菠菜釀雞胸, 賣相多顏色, 令人食慾大增. 芝士放進雞胸肉內, 為清淡雞胸帶來濃郁, 香芝士味及菠菜令雞胸肉卷更juicy. 雞胸肉卷底鋪上蕃薯容, 啖啖及淡淡清甜.美國安格斯有骨肉眼牛扒, 份量十足, 五成熟, 充滿肉汁, 沒有任何醬汁, 只配少許海鹽已提升牛肉的鮮味. 橙黃色的蕃薯條, 香口, 脆但不油, 甜甜脆脆, 停不了口, 太喜歡這配角.杏子牛奶咖啡, 杏仁味不太濃, 淡淡在口中, 奶和咖啡滆合得非常好, 奶泡細, 夠滑, 易入口.

九龍城除咗泰菜館外都有好多西餐小店可以選擇, Cafe Ursus位於比較靜地段, 兩口子可以慢慢享用晚餐.Cafe Ursus坐位不多, 裝飾懷舊精緻, 令人可以放下工作一整天辛勞偷閒加油.小食單骨雞翼拆成單骨方便進食, 雞翼新鮮炸起外脆內嫩.忌廉雜菇長通粉係al dente, 軟硬剛好, 忌廉汁份量唔會太多, 剛好可以包著長通粉, 雜菇爽口有好香菇菌味.慢煮有骨豬鞍放在木板上賣相好原始, 有骨豬鞍內裡肉色粉嫩, 入口細嫩冇渣, 配上自家蘋果醬感覺好fresh.綠茶牛奶同紫薯牛奶入口味道濃淡適中, 飲落令人覺得好舒服, 對唔喜歡飲咖啡或夜晚唔可以飲咖啡嘅人嚟講係另一個選擇.

朋友提議去九龍城開餐, 熱氣纏身決定唔食泰國菜, 行行下就就發現呢間精緻CAFE, 見門口餐牌食物價錢幾岩荷包, 一於試下入到去見到佈置令人有返到屋企既舒服感覺, 四圍佈滿得意又好私人化既擺設, 可能呢D係CAFE應有既格局侍應送上得意MENU, 封面好似讀書時期自畫既筆記薄咁, 見出店主心思食物選擇都唔少, 由頭盤沙律, 意粉肉類到甜品都有, 仲提供花茶及特色咖啡飲品我地決定每樣試D, 首先係頭盤炸珍寶磨菇配黑松露他他醬 ($68)一份有7-8隻磨菇, 外皮香脆, 磨菇入口爆汁, 配埋黑松露他他醬一齊食, 好夾!主菜先黎侍應推介既溫泉疍卡邦尼飲管粉($98)份量唔細, 適合二人一齊食特別既飲管粉第一次食, 中間係空心, 口感比食意粉較為硬D, 與溫泉疍汁撈埋一齊食, 好香滑又有咬口, 果然無介紹錯!朋友想試牛, 咁就叫左美國安格斯有骨肉眼牛扒 ($248)有16安士, 配菜有炸蕃薯薯條我地點左七成熟, 切開時覺得熟左少少, 但肉質都唔覺好嚡口, 食到肉既原味, 配埋少少鹽一齊食都OK配菜既炸蕃薯薯條, 份量唔細, 甜甜地好好味, 坊間好少食到, 最令人驚喜係炸得好乾身, 用手指拎黎食

上綱見到食評大讚這裹的炸珍寶菇好吸引，所以專程入九龍城一試。門面看落幾raw，帶點玩味。內裏地方寬敞，擺放了形形色色的玩具，有點復古擺設。一坐底即刻叫咗期待已久的炸珍寶菇。炸珍寶菇配黑松露他他醬 ($68)珍寶菇又大舊又多汁，仲要好香菇味，炸得外脆內軟，非常鬆化。面層灑上幼鹽令珍寶菇味道更鮮甜。黑松露他他醬酸酸地，使人開胃之餘又可減低油膩感。黑松露味道雖然唔係好濃，但能清楚嘗到它的香味，跟他他醬好夾！蕃薯薯條 ($28)大愛！薯條炸得脆之餘又唔會好油好乾，蕃薯本身好香甜，質感粉綿，再在面上灑上少少幼鹽，真係好好食！份量仲好多添！紫薯牛奶 ($38)牛奶口感好綿好滑，紫薯味夠濃，而且味道天然。温泉蛋卡邦尼飲管粉 (lunch set $98)飲管粉即是中間空心的意粉，口感比一般意大利粉粗身煙韌，可以防止煮得太腍變咗一pat野的風險; 但亦因為咁，飲管粉比較硬，未必個個鐘意，加上麵粉味偏重，搶過了醬汁的味道，如果多加醬汁可能會好啲。

之前聽聞過九龍城開咗呢間Cafe今日終於有機會黎到呢頭可以一試晏晝嘅九龍城比起鬧市有種格外嘅清淨大約2點黎到呢間Cafe 鋪面睇落都幾靚裝修新淨而地方都算寬敞 格調帶點復古味店員推介咗一款小食同埋兩款主菜咁岩我同同行有人都無咩preference所以就決定跟店員嘅推介同埋覺得既然係餐廳推介得嘅咁點都值得一試同埋唔會失望炸珍寶蘑菇配黑松露他他醬 $68首先以呢個炸蘑菇作前菜小食蘑菇炸得好脆而且唔會太油膩珍寶蘑菇好香之餘 仲有好多水份鎖係入面完全唔會食到乾爭爭嘅蘑菇再配上黑松露醬真係一份好有誠意嘅小食雜菌意大利飯 $108呢碟意飯真係唔係講笑 真係拍得住好多中上環嘅西餐廳皆因之前係個頭番工有時都會食下宜飯呢度嘅意飯 唔會太濕唔會太乾 拿捏得岩岩好而且啲雜菌真係好新鮮好香 份量都好足料飯嘅硬度亦都岩岩好 成碟意飯真係食得好滿足慢煮有骨豬鞍配自家蘋果醬 $178呢個慢煮豬鞍都好有驚喜！！好少見到可以煮到呢啲肉質嘅豬肉出面個層略略烤得好香 入面個層啲肉好實在重點係啲肉質係比較軟林 而且肉汁豐富啲而且確係好少有可以食到嘅肉質見就算無咩客 但廚房好似都煮咗20分鐘左右呢個慢煮豬鞍真心值得一試 誠意之