Cafeholic (Closed)

這間咖啡室我覺得不錯。午餐較抵食，因為有set，跟埋野飲。如要餐湯或沙律加$8就得。而我都有食過晚餐一次，散叫真的有點貴。但勝在有all day breakfast嘛⋯⋯最適合鍾意唔食正餐嘅我。晚飯時間食早餐，下午茶食午餐....說回這趟午餐，我也是慣常地吃咖哩牛肋條雜菜焗飯。這個真的值得讚！因為真的很好吃。牛肋條吃不到有雪味（可能個汁夠濃吧），雜菜就唔係敷衍了事小貓三四，通常這些配菜永遠不起眼，但對我來說它們是決定食物嘅靈魂，帶起了食物嘅使命感，從而令食物增加口感，平衡口腔嘅重覆細膩感覺。佢提供嘅雜菜，都不可看少，有脆肉瓜，意式黃瓜同青瓜。加上表面一層烘燶芝士，很香。而朋友今次吃了一個碗飯---雜菌肥牛飯。我無試喇，但它被形容得像日式牛飯，相信是燒汁味吧。味道是不錯的，不過我就唔會試喇，因為焗飯是推介。而這裡嘅咖啡都是讚的，喜歡咖啡的可試試。而我不好咖啡，就必喝它的錫蘭奶茶，都是餐茶首選。

同同事出去食lunch,平日都好多人，lunch time都坐滿晒。叫左個牛肋條焗飯，可自選燒汁，咖哩汁同白汁。我呢個係燒汁。個飯size唔大，燒汁同牛肋條好夾，牛肉有咬口，焗飯上面加左芝士，有微焦既感覺，好好味。可惜個飯有少少乾身。午餐可以跟杯$20以內既餐飲。其實一入餐廳已經聞到好香既咖啡味，所以我一早決定要熱咖啡。咖啡都幾大杯，唔係一般茶餐廳既咖啡，有即磨既香味，口感細滑。為呢餐加左唔少分數。

在東涌返工的我，幾乎冇咩食飯的選擇。來來去去都係嗰幾間。而呢間Cafeholic 暫時係我的最愛，意粉好食，份量剛好(對女士來說)，亦都感覺佢地有不斷進步！我首推 牛肝菌鮮蝦帶子意粉！食過一次之後愛上了！好香的菇汁，再加上2粒大帶子，真係好令人回味😋😋😋 另外煙三文魚焗烏冬也不錯！很有創意呀！第一次食焗烏冬。 還有鮮奶咖啡，運氣好的話會有很漂亮的拉花圖案呀！☺️☺️

今日係東薈城UA最後一日營業，湊熱鬧便來了東涌睇戲同搵野食有朋友話富東商場地下有間便宜又味道不錯的西餐廳，睇完戲後便專誠走到富東商場望望。係扶手電梯就被cafeholic既廣告食物賣相吸引左，就決定同朋友去試一試去到見有一張小圓枱夠坐3個人以為可以不用等，誰知侍應話無位要拎飛等，最後小圓枱安排了隨後的2人入座店內很多大枱都分為2張細枱，等了好幾張枱都是讓2人枱先入，我們3人好像完全被無視最離譜的是5人大枱竟安排給2人坐但又不設搭枱，座位安排極度有問題一點都不照顧人多的顧客係準備離開之際可以入座，就俾多次機會試一試我哋叫左兩個set dinner加一個散叫pizza，set dinner 有餐湯加蒜蓉包，周打蜆肉湯的味道很淡，不要抱很高期望，至於蒜蓉包味道不濃，普通。餐飲比主菜先黎到，薄荷朱古力的薄荷味較重，朱古力味較淡，要加二十蚊真係唔太值。黑松露白汁帶子飯，黑松露的咪度不太重，不香，加上白汁好"濟"，三個人share都差點兒吃不完，帶子得兩隻，無咩鮮甜味，應該係冰箱帶子。四重芝士蜜糖pizza算是今餐比較好既食物，芝士味尚算濃，配上蜜糖很夾，但九十二蚊散叫既pizza好像貴了一點，可

Cafeholic帶左非常意外既驚喜俾我！一家人去完昂坪，落番東涌，就搵地方食晚餐。一開始揀呢間完全係俾Cafeholic個名吸引左。甚少黎東涌既我地，完全冇諗過會係東薈城以外搵到野食（因為成個東涌我就淨係識東薈城）。門面吾大，但幾靚幾有style。有手寫既餐牌，lunch同dinner都有set，足料抵食！我嗌左menu入面既帶子蜆肉意粉，升級左做set，可以有野飲，飲品嗌左杯babyccino。蜆肉意粉真係非常極足料，平時係出面食又貴又得果幾隻蜆仔，Cafeholic呢度蜆肉除左眼見連殻既，仲有差不多10隻炒埋係意炒入面！帶子亦冇走雞，同佢menu幅圖一樣，有兩粒帶子！八十幾九十蚊一蝶帶子蜆肉意粉簡直係超值！Babyccino都吾錯，有層厚既泡泡係面，個人黎講覺得比較甜，但飲落都好好味。叫左碟雞翼做小食，真係不得了，好好食，蒜味出得到，炸得岩岩好，愈食愈想食！除左帶子蜆肉意粉，仲叫左兩個set dinner，一個係鴨胸意粉，都係果句，好鬼足料。塊豬更加吾洗講，勁厚肉，個味都幾濃，啖啖肉，好正！薯條雖然係配菜，但都非常好食！最後叫左杯Espresso，個杯細細個，好得意。我冇試飲所以

是日放假，同朋友一齊去大澳，回程既時候係東涌行街，東薈城實在太多人，所以我地去左比較少人既富東邨食飯。Cafeholic既晚餐都係第一次試，我地叫左一個滑蛋吉列豬扒飯同黑松露龍蝦肉珍珠帶子欖油意粉，包餐湯同埋飲品。餐湯係粟米忌廉湯，配蒜茸包，湯飲落好CREAMY，唔會過鹹。滑蛋吉列豬扒飯D蛋好creamy，咬落仲有D蛋汁係裡面，吉列豬扒炸得剛剛好，配埋飯食真係完美既配搭。黑松露龍蝦肉珍珠帶子欖油意粉:意粉炒得唔算油，黑松露味都幾濃，好味道，海鮮份量都唔少，咁既價錢都算係咁架啦。餐飲叫左咖啡，熱辣辣咖啡味都好夠濃，值得一讚。

妮妲襲港! 但未吹到，天朗氣清，就去行下天壇大佛。入到東涌係轉車入去昂坪之前，食左lunch先 見到有Egg benedict，而且不是太貴，就沖左入去可能係星期日，都好旺好多人下。黑松露鮮菌班尼迪蛋班尼迪尼煮至岩岩好半熟，蛋漿微微流出，配上黑松露醬，芳香無比。對呢個lunch女朋友都十足滿意呢！燒豬頸肉菠蘿飯份量都算ok，豬頸肉夠薄夠大塊，肉質夠爽口，油份又足唔會薄得黎乾爭爭。塊菠蘿真係甜架，比個讚佢!可惜啲汁太少。呢間cafe都算係平民之選, 星期日遊客區午餐時份有lunch set

自從搬離愉景灣之後，跟東涌已絶緣了二年。今日在機場博覧館做完義工後，順道坐巴士到東涌吃個下午茶，再度重逢的東涌，跟老朋友見面一樣，有好多往事。這間cafe，以往經常來，喜歡它細細間有親切感。下午茶餐多選擇，有多士，三文治，焗飯，意粉.....等。西多士好香軟，雖然不是一般的有花生醬夾心，但我比較喜歡簡單一點。香濃甘醇的咖啡是我一定要飲的，味道沒有變，依然保持水準。

是日約左好姊妹兩公婆及男神朋友仔,一齊去大澳遊山玩水,晨早9時正,我就到左東涌,我地約左10am集合,咁我去搵個地方食個早餐先吧,what app俾好姊妹,佢話佢地兩公婆都join食早餐,叫我預埋佢地,咁我遊走一下後,決定食呢間,見門口有唔少人等緊位,攞張飛等吧,還有很多時間門口早餐餐牌餐飲咖啡:好香咖啡味,唔係水水的,夠曬濃黑松露炒蛋:勁多黑松露,而且好大份下,我食完個肚勁滿足煎豬柳,蛋,腸配牛角包蟹柳炒蛋長通粉估唔到咁好食,四十來五十蚊,份量又大,杯咖啡都好好飲,下次再去東涌時,可以再幫襯呢間了

是日與朋友去大澳玩，在搭巴士前在東涌這家cafe吃了個早餐。揀這家cafe純粹因為不用等，因為周邊的餐廳全部都排了長長的人籠。我揀了個歐陸全日早餐$58，可以用半價點menu內的飲品。其實以這個價錢來說不算太貴，我還加$14點了杯Latte(原價$28)。看賣相並不算精緻，多士烘得不夠金黃，自然不夠脆口，蛋炒得太老，煙肉的油浸滿半個碟，兩條腸不過不失。唯一正常的是伴碟沙津菜，新鮮之餘醬汁調得不錯。咖啡是比較有誠意，拉個可愛的公仔，令你一整天都心情愉快，只是咖啡味道不夠，奶味幾乎蓋過咖啡味，是咖啡豆的質素不夠好吧總括來說，這個價錢吃個早餐不算太貴，因為環境仍然算舒適，但食物質素普通，自己煮還比它好呢。

Tung Chung restaurants are pretty much jam packed during weekend. Passed by Cafeholic with no queue, so decided to give it a try.there are lunch set available (pasta & rice set) and also all day breakfast. I ordered a truffle mushroom egg Benedict and a cappuccino.the presentation of the Benedict was not appetizing, truffle sauce was like ant hives scattering all over the place. the side salad was using cheap lettuce instead of spinach/rocket (given that I'm paying $72 bucks) and the portion of

在東涌想選一間坐得舒適晚餐的，似乎不太易，當走到富東商場後，見到門面不錯，就揀這間西餐廳。店內有卡位安排，較舒適，坐下二話不說點了牛肝菌汁鮮蝦天使麵。稍作一會，就熱烘烘送上我最喜愛天使麵，但牛肝菌汁味偏淡，汁亦不多，幸好鮮蝦彈牙補不足，食物質素尚可。

在東涌幾次都沒留意過這間店, 是我男朋友帶我去的。網上查過韓國有同一名字的cafe (카페제이홀릭 부평) ,不過應該不是同一家。一共一個月內吃了三次,現在一次過來評一評。位置黎講可能只係方便倒附近居住的客人, 又或者如果咁岩有遊客都會黎到呢度, 因為對於如果香港的客人黎講,專程要黎到呢度先食既話就會偏遠了一點。首先介紹一下我自己的口味, 我也有鍾情吃歐陸式或英式風情的食物, 由其係各國的沙律,只要有沙律的餐廳, 我都一定會叫一碟。不過今次介紹呢間餐廳有意粉、焗飯、沙律、小吃、特色飲品及甜品。我這兩次來就吃了Benedict Egg & All Day Breakfast.先講講Benedict Egg, 班尼迪蛋蛋, 做法最底層先有英式Muffin(小乾包)、菠菜、煙三文魚最頂層當是主角煲嫩蛋,傳統是用荷蘭醬,不過由於本人未食過正綜的Benedict egg 和 荷蘭醬, 所以我就唔知佢正唔正宗, 不過一場來到, 試現場的味道最可以啦!Benedict egg以為它一碟只有兩件班尼迪蛋及沙律應該不會飽肚, 但是把全碟吃光光後就會知道是夠的了。整個小muffin我覺得蛋真的是精絮, 把

係東涌呢個遊客區…除左food court算係食得化算之外…呢間cafe都算係平民之選…午餐時份…有lunch set...但其實lunch set都無咩野包…餐湯沙律都係要加$既…反觀menu既價錢都不相伯仲…結果還是選了menu既食物…算係多d選擇啦…沙律主要係西生菜…有d變色…沙律汁略酸…味道有d怪怪地…餐湯一般…朋友嫌唔夠牛肉味…至於飲品…無論冷定熱…泡泡依然有氾濫既感覺…味道十足…早知我就選凍飲啦…可以大杯d...XDpizza薄得似餅乾…但又無餅乾咁硬…帶點脆…餡料只得cheese...唔知係咪真係有4種…但感覺其中帶點灰黑點點既芝士…味道較為特別…齋食就比較寡…配糖漿較惹味易入口…呢碟賣相唔錯…帶子同蝦都好好味…份量唔少…意粉汁亦好充足…朋友志不在主餐…還是再加了甜品…cake有3款選一…芒果味都ok啦...總結食物地利…算係唔錯…上菜快…人流也去得快…唔駛等好耐就有位…總好過去food court既…

每一次在東涌，都是以路過的方式出現，而且說食，通常都會留在地鐵站上蓋的商場內，又或者開車入村，去找隱世的餐廳。所以，並沒有用心留在地鐵站周邊的這一個小商圈尋找過值得報導一下的餐廳。而《Cafeholic》及富東邨的另一家西餐廳，永遠都只有路過同望兩個字，而原因就是時間問題、地點問題，一係就一早跟大隊在機場的 food court 食到飽飽。是次，要去機場接機，而我就一早坐上了E11，為的是停東浦，為的是去八下富東邨的西餐廳，可是，我最想去的那一間，當日出了小問題不營業，繼續無緣，於是，我就決定來《Cafeholic》試一試。後來因為他們的沙田分店開張而得知，這店是海皇餐飲集團旗下的成員，也即是同海皇粥店有關。賣粥賣到開茶餐廳OK，但賣粥賣到開西餐廳，coffee shop，就令人感到格格不入。幸好，他們沒有把名字改做海皇咖啡店。餐廳的感覺其實只是一般，是很香港式的密密麻麻佈局，而我看過餐牌，的確只是一間不拆不扣的港式豉油西餐。叫了午市的套餐，在正常情況之下，我永遠都會叫一客紅湯，亦即是羅宋湯，這一個羅宋湯是夠好的，起碼夠濃，茄味十足而且足料，再者，加有香草，令這一個湯超越了少少香港的傳