Caffe Milani (時代廣場) (Closed)

在銅鑼灣美甲完有點兒肚餓便行了去時代廣場想嘆番一杯咖啡同牛角包，看看 openrice 開了一間新cafe - Caffe Milani位於4 樓，原來是之前在荃灣吃過的GIOVANNI PINA聯袂而至的CAFFE MILANI咖啡品牌，是一家對咖啡調配非常講究的咖啡製造品牌，創辦多年來，聲名顯著，為米蘭及意大利各地高級咖啡館。椰子 Latte with Flavor 咖啡的味道帶點椰子香及奶令人香馥郁芬芳，香濃可口，有點點椰絲有咬口. 意式開心果牛角包牛角包的開心果吉士醬是流心狀，開心果醬可口，淡淡的堅果味留在口中隱隱飄香，質感綿密，而且有牛油香，是有水準的牛角包。意大利Gelato - 三球朱古力味香濃, 紅莓酸甜味突出，味道清新怡人, 雖然朱古力及紅苺味道較濃, 但 double milk 味也不示, 仍然吃得出奶香入口柔滑的獨特味道。吃完後還外賣了兩件蛋糕給至愛吃。

約了好友在她工作的銅鑼灣時代廣場午餐，她說在商場四樓開了一間有名的意大利咖啡店Caffe Milani。為了避開人流，我們正午十二時到達。餐廳環境清靜，店外是一系列玻璃櫥窗放滿不同款式的牛角包、蛋糕、甜點、意大利雪糕；可能時間尚早關係，今天還未有三文治售賣。這裡是半自助形式，客人可先選擇食物，付款後店員會把食物送來。我倆都是甜品控，這裏的款式實在不少，真有些選擇困難症。意式牛肉醬牛角包牛角包表面放上杏仁片🥐，外表微脆，內在是暖烘烘的牛肉芝士醬，味道帶甜，非常搭配。意式蘋果批賣相吸引，內裏放滿蘋果片，層次分明，甜度適中。香蕉朱古力慕絲味道濃郁的朱古力內夾着兩層香蕉蓉醬，口感非常軟滑。椰子牛奶咖啡牛奶咖啡香濃，夾雜啖啖椰蓉，口感特別。較為貼心的是每杯咖啡都附上一片曲奇餅，感覺溫馨。整體而言：環境舒適，意大利咖啡和甜點一向有水準，還可外賣蛋糕回家品嚐。值得一讚的是店員服務態度很好，下次必定再來光顧。

其實喺Times Square行到攰，有時真係唔知坐喺邊度飲杯野好，但近來呢度開咗Caffe Milani，試吓新野都無妨。原來Caffe Milani呢個咖啡品牌早喺1937年面世，咁多年來意大利好多cafe及酒店都有採用佢哋啲咖啡豆米蘭芝士蛋糕 芝士味都好勁，質感夠實淨！Mixed小甜品專登買啲甜品返office同同事開會嗰陣食，見到細細件啱晒。餐廳採用嘅酵母種係傳承自過百年前，喺發酵過程中唔會加任何化學成份，所以食得夠健康。似乎最搶手嘅係Giovanni Pina，以人手捲成144層嘅桶狀，入面係軟滑嘅custard，口感酥脆Cappuccino今次淨係簡簡單單飲杯咖啡就OK，奶味唔會太重，咖啡豆偏nutty

去過喺荃灣嘅分店，嗰個意大利粉🍝非常美味，留低好印象，呢日喺時代廣場，見到都有分店，不過主要飲咖啡同食 cake，但店員話都有三文治，咁我都決定坐低食個 quick lunch😊叫咗 $43嘅 Latte Tall + Ginger，$64嘅「吞拿魚三文治🥪 Tuna Ciabatta」，$18嘅 「意大利🇮🇹經典牛角包🥐」😋Ginger Latte 有相當濃郁嘅薑味，熱辣辣好好飲😋。Ciabatta 中文其實叫 「拖鞋麵包」，用 Ciabatta 做成三文治就叫 Panini；呢度嘅 Ciabatta 外皮脆脆地，裏面有非常多嘅吞拿魚肉，幾好食😋。牛角包超級大個😋。呢個簡單嘅午餐食得我好飽😋，不過臨走都貪心地外賣咗一件$52嘅 蛋糕 Mimosa，攞走慢慢嘆😋

最近Times Square有會員嘅現金券回贈，黎多咗呢度行街，睇下有咩啱買。同朋友放工之後行街行到攰搭lift上到4樓轉左見到呢間Cafe睇落好似好chill咁，就諗住食個輕食當晚餐。肉醬牛角包嘅麵包質感唔似正常牛角酥，而係似連鎖Cafe嗰種腸仔卷嘅酥皮卷。店員幫我哋返熱咗個包，食物好香酥脆，肉醬好香。個包入邊嘅肉醬份量唔多，口感少少偏乾。藍莓鬆餅入口好綿密，唔係好濕潤或者好乾身嗰種，藍莓好香食落好紮實，size中等，食完唔會好飽。蘋果批我個人覺得係最好食，冇麥當勞蘋果批咁濕潤，但係蘋果好粥了，識落好香黑糖同埋肉桂嘅味道，係美式蘋果批嗰種嘅配料同口感。呢個係一個真係一個圓形嘅係，類似蛋糕嘅形狀。特濃朱古力嘅味道冇我想像中咁濃。係朱古力粉沖出嚟嘅感覺。另外一杯香茅薑茶嘅表現反而更為出色，熱水好夠熱可以沖好香嘅茶。茶包本身入邊嘅配料睇到係好天然健康嘅純植物配方，飲落好香好舒服，幾高質，就咁買外賣邊行邊飲都好方便舒服。最後我哋仲買咗件棋盤蛋糕帶走比朋友，係棋盤蛋糕，我記得呢款蛋糕係好複雜好難整的，手工都幾多，人力資源投入唔少，所以成本都比較貴嘅。食落幾棉密，入邊有一層係忌廉吉士，一層係朱古

個人覺得cheesecake好好味，唔漏，唔膩叫咗個特濃朱古力(熱)，有點苦，但飲吓飲吓有ok阿媽叫咗個cheesecake，正咖啡有餅乾送，細細地，脆脆地，幾好味阿妹叫咗大杯gelato，兩球牛奶，一球吉士，大杯太大份，叫中杯應該夠哂牛奶gelato好奶，因為gelato本身就已經係多牛奶嘅雪糕，但奶還奶，又幾好食吉士聽上去奇怪，但卻係阿媽同阿妹嘅最愛，個人覺得吉士味道幾搞笑，可以試吓最後再講，我強烈推薦cheescake，連我平時討厭芝士味嘅食物都好like佢個cheesecake

女朋友行街行到攰，我哋搵左一間coffee shop抖下！佢買左幾袋野，又唔想行咁遠，我哋就發現左時代廣場有間cafe，環境都幾chill座位又夠寬闊，我哋就入去試下！意大利甜品師傅主打既甜品，又有三文治、咖啡既輕食選擇！我哋兩個叫左2個croissant，開心果和原味吉士醬！開心果好驚喜！濃濃吉士醬滿有開心果仁香味，果仁味濃突出，岩哂果仁愛好者！吉士份量又滿，牛角酥充滿牛油香味，香脆，叮熱食仲有流心吉士醬女朋友好讚！我哋仲外賣左2件蛋糕番屋企食，有聖安娜和tiramisu，蛋糕甜度剛好，tiramisu大推咖啡味香，入口幼滑！

好耐冇去過銅鑼灣時代廣場，行到攰就喺廣場入面搵間Cafe坐下，食啲嘢。行過呢一間Cafe Milani ,就俾櫥窗嘅雪糕吸引，揀咗個細雪糕。雪糕可以揀兩種味，我揀咗吉士同埋Tiramisu，一食就覺得係好高質嘅雪糕。有好嘢梗係同屋企人分享，所以我都買咗幾件蛋糕返屋企。買咗一件紅莓慕絲，一件檸檬撻，同埋一件Tiramisu，實在係意猶未盡。紅莓慕絲唔會太酸或者太甜，紅莓味濃。檸檬撻一啲都唔單調， 入面仲有其他水果。Tiramisù 就做得非常之好，唔會太多cream，又唔會太多餅，軟硬度適中，絕對唔差得過酒店。

今日去銅鑼灣時代廣場行街行過呢間Cafe,好似好好食咁喎啲蛋糕,就坐低坐一陣啦!啱啱好是lunch hour,我哋叫咗個三文治share食!首先叫了煙三文魚忌廉芝士佛卡夏包（herb focaccia)! 店員會幫你加熱返佢再細心地幫你切開一半等你哋可以share食!煙三文魚有好多塊非常之捉了加上忌廉芝士黑橄欖等等嘅材料,口感10分豐富,而且份量好大不會擔心不夠飽!另外叫咗分吞拿魚車厘茄ciabatta bread,呢份都好大大份吞拿魚份量10分足夠!另外佢亦都有好多不同嘅蛋糕可以外賣走！叫了個米蘭芝士蛋糕，蘋果批等外賣回家吃!家人都讚好好食芝士十分之濃味，亦都好大大份，一啖成口都是芝士的香味也不會濃！呢間的咖啡也很好飲，我叫了鮮奶咖啡加$3還可以轉杏仁奶非常抵飲！

今日中午去了時代廣場朝聖，因為有位意大利甜點大師開了一家 Caffe Milani 在四樓，有意大利麵包甜品雪糕咖啡供應。位置在廣場，所以感覺很好，我躲在一角，視野廣闊。飲玫瑰拿鐵，有塊餅仔送。加上意式三文治，慢嘆午餐，午餐時段剛開始人唔多，靜靜的，非常有去了意大利的感覺。三文治內的三文魚軟熟，應該是煙三文魚但唔過鹹，原來配水瓜柳（即可我們的矮瓜）、蕃茄、紫洋蔥及忌廉芝士好夾，豐富有變化，好食。有玫瑰花瓣的咖啡，望落去已經好靚，奶香滑，唔苦。餅仔好用心做，上面灑上糖粉及厘子，甜甜的。這一小時真的好，如在意大利吃午餐。之後外買兩個餅返公司繼續。

對女生來說，甜品是第二個胃，今晚與女伴吃飯，明明話已經話吃得飽了，走過 Caffe Milani 嚷着要吃甜品，佩服！自己一個吃了一杯意大利雪糕 Gelato 四款口味，包括草莓、朱古力、牛奶、tiramisu，我試了些，幼滑味香，朱古力極濃郁似慕絲，tiramisu 裡面藏有蛋糕，如甜品之層次。外賣 Sacher All Italiana 、Tiramisu 及 mini shortcrust，我先吃了mini shortcrust，杏桃汁酸甜味道很適中，很好。蛋糕甜點特式在輕輕加了酒，例如 sacher 有冧酒，但酒味不濃，因為朱古力濃，剛剛可以平衡，大大提升味道。而 Tiramisu 加了少許酒，更加相得益彰，份外香。位於廣場，可以邊吃邊望路人，若然一個人用餐都唔錯，可惜，星期一晚上人不多。

今日同寶寶去街，佢扭住要食雪糕😄，我就帶佢去Caffe Milani位於銅鑼灣時代廣場4樓，食我至愛，出名食極都唔會肥嘅Gelato意大利🇮🇹雪糕 ，我嚟到嘅時候係下午5:00，平日都要排咗30分鐘先有枱😅我叫咗最大嘅Regular Size，因為得呢個size可以容納最多款口味～寶寶至愛牛奶味，味道香濃又幼滑，我就鍾意Tiramisu 和野莓，酸微微嘅野莓，每啖都食到果肉，咁啱可以平衡到Tiramisu嘅香甜，食落更感清爽。因為趕時間嘅關係，食咗一件Tiramisu蛋糕，我就另外外賣左啲蛋糕返屋企，有美食噃，梗係要同屋企人分享😋

平日放假，最好的就是人比較少，街上沒那麼擁擠，可以放慢腳步，放鬆心情。媽媽退休了，喜歡喝咖啡，享受人生。放假便帶她周圍逛一下，到咖啡店打卡。今天在時代廣場逛商場，正感覺逛得累了，就聞到陣陣咖啡豆香味，我們毫不猶豫，坐下喝杯咖啡。我選了榛子咖啡，每杯咖啡配一塊曲奇，榛子味是我最喜愛的，榛子果香，濃濃咖啡，非常享受休閑的時光。媽媽選了焦糖咖啡，雖然是焦糖味，但也沒有很甜，不用少甜也很易入口。喝咖啡當然要配上蛋糕。椰子朱古力蛋糕，淡淡椰香，忌廉不會很甜，三層忌廉和朱古力，令我十分滿足。開心果牛角包，開心果醬滿滿的，一切開，更有流心效果，非常推薦這款牛角包。這店還有雪糕可選，我點了Tiramisu 和朱古力雪糕，Tiramisu 正合我口味，像是冰凍的蛋糕一樣，甜度剛好，不會很膩。朱古力味非常香濃，微微苦味，沒猜錯的話，應該是70%可可成分。下午茶時間，座位亦有8成滿，挺受歡迎的。

位於銅鑼灣時代廣場4樓的cafe，餐廳位置寬躺非常舒適，最啱同閨蜜一齊飲杯咖啡食件cake。Tuna Ciagatta $64材料有吞拿魚、車厘茄、洋蔥和黑水欖，吞拿魚成吋厚，十分足料！職員好細心，下單時會詢問要否加熱。Smoked salmon focaccia$64材料有煙三文魚、水瓜柳、燒茄子、紫洋蔥和忌廉芝士，好抵食，女士食完一個絕對夠飽！Pistachio Croissant $20牛角包上有碎粒開心果仁，切開時內面的開心果醬爆曬餡流出來，開心果醬非常香濃，有驚喜！

-Beef sauce croissant $20Love that they do not only provide classic croissant but those with different stuffings insideThe beef sauce is meaty and chewyVery much like a meatball smash The portion is also good enough for lady who wants to grab a light lunch-Mocha $33Slightly strong coffee flavourDefinitely good for the start or middle of the dayAlthough u can feel the caffeine It’s quite Easy going Probably because of the very smooth cream and milk with mild dark chocolate palette