金寶泰國菜館

Open Now

Now Closed

Go for the Tom yum and eat it quickly or turn off the fire so all the soup doesn't evaporate.Order the snack sampler which wasn't good. The shrimp roll had a soggy shell and a rubbery shrimp inside. The satay was barely lukewarm. The pandan chicken had bits of grizzle in it. The shrimp was good though. The pad thai was only so so.I was thinking about getting a mango sticky rice but since the mains weren't good we decided to skip it. I think there are better choices in Kowloon City for Thai food.

難得嚟到九龍城梗係要食下泰國菜，一坐低店員就俾咗個QR code我哋，可以用電話落單。見到好多人推薦活蝦刺身 ($95)，雖然有啲貴都忍唔住就叫咗。好貪心咁食嘅時候加埋蒜同辣椒粒，平時食得少少辣嘅我都覺得好辣，好彩椰汁冰 ($25) 及時送到幫我解下辣。蝦肉夠厚身夠鮮甜，醬汁酸酸地好開胃，budget夠嘅話都想再encore！另外都叫左每次食泰國嘢必點嘅泰式生菜包沙律 ($60)，肉既份量都算多，好juicy，略嫌肥豬肉太多同埋鍾意食菜嘅我覺得唔夠生菜。

上次黎九龍城都差唔多三個月前，但黎親都要去金寶食泰國野 😆 今次黎到已經變左電子落單，勁方便！可以隨時 check單同價錢。必叫生蝦（$95）唔食得辣係都要叫，因為真係好好食 🤣 爽口鮮甜，蒜同啲醬汁好刺激 ☺ 好彩杯珍多冰（$25）及時解辣！黃色係大樹菠蘿條，紅綠都係少少爽口既jelly，椰汁冰底好味 😋生菜包（$60）好香，菜大大塊夠晒包，啲肉都好多，唔使慳住食 🤣 香料好足但又唔會搶左啲豬肉汁味蝦羔炒飯（$65） 一見佢面頭舊蛋就知有誠意 ☺ 焦脆，又有油香，夾埋啲炒到乾身既炒飯食好 match。蝦羔好甜！泰國野緊係唔少得芒果糯米飯（$55），最可惜係我地第一 round就一齊叫左，我趕住消滅啲主食冷落左個甜品，搞到個汁硬硬地，佢呢度出菜都好快，大家可以臨食先叫 👌🏻 汁硬左都唔減佢既滋味。芒果係香港未當造，但係泰國餐廳冬天食都ok甜喎！啲飯好煙韌暖暖地 ☺ 最後食埋甜品真係滿足 😚

放工嚟開附近辦事，即興約朋友仔食個晚餐；九龍城出名多泰菜餐廳正宗又好食，我哋隨便揀咗一間，大約20:30嚟到，唔需要等位姐姐俾左張QR code紙仔我哋’掃‘入去網上點單，好方便飲品同食物好快上菜，唔洗點等，冇錯漏唔太甜，剛剛好生菜好脆，肉碎好惹味濃郁好味道冬陰公湯同青咖哩都有個小火爐熱著煲嘢食，唔會食唔切攤到凍晒唔好食個包熱辣辣、脆卜卜～點青咖哩好好食後來叫多2碗飯撈青咖哩剩左嘅汁打包第二日lunch吃好鍾意呢個菜，炒得好好食兩個人食到好飽只係結帳比較慢😂因為比較之下，上菜快好多😂同埋姐姐幫我哋調整放好啲嘢食，方便我哋夾，覺得都幾貼心☺️

一講泰國菜，就聯想起九龍城都不是冇原因的，這裏泰國餐廳眾多，競爭大，要站得穩一定要有實力。今次專程來九龍城食泰國菜，為的是我嘅至愛冬陰功。首先，要讚下佢哋與時並進，用QR code手機落單，並顯示銀碼，一目了然，沒有+1收費，點菜還可以選擇少鹹、少油，甜品一開二上碟，真窩心！👍🏻冬陰功(細)$70湯底酸香辣，濃郁有椰香，南薑、香茅、檸檬葉、蕃茄、草菇、開邊蝦⋯⋯材料多多，味道豐富有層次，好好味！😋泰式拼盤(細)$95香葉包雞、鮮蝦春卷、雞肉串、蝦餅，份量足，蝦餅彈牙有蝦味唔錯。馬拉盞A菜$55落單時注明少鹹少油，所以味道唔太濃，還帶點甜味。雞肉串賓海$85這個是越南菜，亦都是我愛吃，可以代替吃飯。拉椰糕$25唔太甜，但椰汁味亦偏淡。椰青x2 @$32點了滿枱食物，埋單都不用四佰元，可算是便宜，質素亦有水準！

約咗個friend喺九龍城食飯，第一時間就諗起食泰國菜。 第一時間就諗起哩間， 其實佢最出名係泰式刺身蝦， 但係我對虎蝦敏感所以唔食得。咁我哋就嗌咗例牌嘅泰式炒通菜， 我覺得有一度好嘅就係電子落單可以少油少鹽， 因為一般泰式炒菜都比較有同埋鹹。另外我哋就嗌咗炸軟殼蟹，其實份量都唔細， 食落口感就油咗少少，但係好脆。泰式炸蝦餅係我食泰菜必點既， 因為加埋泰式辣醬真係好好食😊 我哋冇嗌好多主食因為最想傾下偈， 最緊要係飲椰青同埋飲泰式奶茶！ 耶青好新鮮好多椰子水，唔會飲2啖乾塘，泰式奶茶濃味。最後我哋嗌咗個千層椰汁糕， 不過太好食唔記得影相🤣

黎九龍城梗係食泰國嘢，呢度嘅生蝦係將啲醬淋上去，唔係分開上嘅，望落都覺得澎湃🥰食生蝦最緊要係個汁！蝦肉頗厚，味道亦鮮甜，配上酸辣汁更惹味菠蘿焗飯，估唔到有三隻大蝦🍤 仲有蝦膏，鍾意食蝦膏嘅朋友就可以食埋啦！個人最怕菠蘿炒飯有提子乾，呢間係無既！yeah!小菜叫咗馬拉盞炒通菜同埋串燒拼盤。馬拉盞炒通菜嘅汁同平時有少少唔同，可能係秘製嘅醬汁，有少少甜，係另一種風味😋串燒有豬牛雞，雖然豬牛雞已經分唔清邊串係豬/牛/雞，但總括嚟講都燒得好味，仲係即燒嘅添，配上沙嗲醬，好香口。甜品拼盤有黑白糯米飯、椰汁西米糕、千層糕、椰汁糕、芒果等，兩個人share食真係大滿足🥰樣樣都好食到停唔到口，係幸福感覺啊！

今日去咗金寶泰國餐廳食飯 食物質素一般 我哋叫咗菠蘿焗飯 蒜蓉炒芥蘭 生菜包等等嘅泰國菜 食物份量少價錢偏貴 譬如蒜蓉炒芥蘭 $60嘅價錢只有茶餐廳10幾蚊嘅份量 菠蘿焗飯份量少只夠兩個人份量 加上鋪頭服務惡劣有兩個後生侍應態度惡劣 安排座位混亂 明明當時鋪頭只有幾位食客應該得兩台四個人左右 但兩個後生侍應就安排其他食客到隔離另一間鋪食飯 而且黑面 令人摸不着頭腦 直至我哋食完飯啲座位都係冇人坐 其實作為一間食肆保持良好態度都好重要 食物就間間都差唔多冇乜特別所以下次會選擇試食其他泰國餐館

黎九龍城食晚餐 嘆番個泰國野先🥳活蝦刺身🌶🦐 ($95)今晚既靈魂所在🤤🤣🤣真係好好好食!!!超級新鮮🤪配埋個特製醬汁🌶 同啲生蝦好夾 更加有鮮味!🥰泰式拼盆🤪 ($195) 有泰式蝦春卷🦐 雞肉串燒🍢香葉包雞🐣同埋 泰式蝦餅🦐超豐富🤤🤤蝦春卷個皮夠曬脆 入面有隻彈牙蝦🤤個串燒好d肉比較實淨 烤得幾惹味 可以配埋沙嗲醬😗香葉包雞肉 比想像中好食好多! 平時都唔係特別鐘意食依個菜🤣d肉嫩 幾juicy 但又唔會多肥肉😙 最鐘意既係蝦餅🦐😋好彈牙 有蝦味 好食!🤪馬拉盞炒通菜🥬 ($55)通菜顏色翠綠 好新鮮😙炒得好惹味又爽脆🤪同埋份量都好大碟🤣泰式炒粉絲🥰 ($65)平時通常都係叫炒金邊粉 今次一於試下個炒粉絲🤪有蛋絲同豆卜絲 個甜味岩岩好🤪干炒紅咖喱蝦球🥘 ($80)好香咖喱味 依個紅咖喱係完全唔辣既鐘意食咖喱又唔食得辣既朋友可以試下🤣同埋佢入面好多隻蝦嫁!🦐🦐🦐鮮菠蘿梳打冰🍍& 珍多冰🍹 ($25/1)食泰野梗係野d泰式野飲🤤個人好鐘意佢個菠蘿梳打冰啊!入面好多鮮菠蘿粒粒🤤爽啊!🤩

九龍城唔係一個地鐵沿線嘅地方 真係第一次嚟呢度食野 朋友話專食泰國菜 行左幾條街見呢間金寶都多人幫襯wo 一於入去試下先 須然有menu 但呢度係用QR code落單 又可以慳番d人手泰國野一定要食金邊粉 上枱嘅時候心諗咁細碟嘅 佢呢度樣樣野份量都好少 味道就真係普通啦 實無泰國咁好食ga la 馬拉盞通菜 略微醎左d 份量亦都係好少成晚最滿意係串燒 個沙嗲醬好好味好香 牛串好食過雞串食完係唔夠飽ga la 所以叫左個甜品拼盤 一次過試哂咁多款 芒果糯米飯上面椰汁太多 搞到好甜 入面有黑白糯米2款 食個時都要撥開d汁 另外側邊個d椰汁糕都係得個甜字如果要食泰國野 真係唔洗入嚟九龍城食 呢度都係好普通無特別

今日係九龍城附近收工，緊係叫埋老婆出黎食泰國野啦，今次就揀左間幾出名既金寶試下，睇個餐牌呢度都好多野食下，除左一般既泰國菜仲有燒烤，不過兩條友試唔到好多野雖然最後都叫左4個野泰式拼盤（細）有香葉包雞，春卷，串卷同埋炸蝦餅，細既份量都好足2-3人食，新鮮炸起好脆椒鹽軟殼蟹（細）好耐未試過軟殼蟹就試下呢個，有驚喜既味道，外脆內軟，個椒鹽味好正椰青海鮮焗飯呢個大到嚇親，仲有幾隻蝦係上面，椰味好香，值得試下仲叫左越南咖喱煲配成條法包，咖哩好香配埋包真係絕配

式生菜包沙律 $60  6/10豬肉碎肥瘦比例各半🐷味道正常，調味唔會太辣🌶生菜尚算新鮮🥬 泰式拼盆 $180 7.5/10有香葉包雞🐣、泰式蝦春卷🦐、串燒🍢同泰式蝦餅香葉包雞肉質鮮嫩，超多肉汁🥳春卷餡料豐富，蝦肉爽彈👏🏻串燒好惹味，肉質結實👍🏻蝦餅就無試到 冬陰功 $70 5/10配料有蝦🦐、菇類、蕃茄🍅等蝦係霉既😢其他配料正常整體調味適中，唔會好重口味，酸味較辣味突出🧐 三味大倉魚 $120 6.5/10配料有菠蘿粒🍍、青紅椒、洋蔥等主角倉魚🐟炸過龍🤦🏻‍♀️魚肉較硬實，唔夠鮮嫩可以食到既魚肉唔多醬汁味道複雜，酸中帶甜、甜中帶辣，係名副其實既三味！調味好醒胃🤩 馬拉盞通菜 $55 7/10通菜顏色翠綠，保留到爽脆口感🥗味道夠惹味，又唔會油淋淋💯 泰式炒金邊粉 $65 7.2/10金邊粉彈牙，味道酸甜可口😋搭配蛋絲、豆乾、芽菜等配料一齊食，增加口感層次👍🏻炒金邊粉既鮮蝦🦐肉質係爽彈嫁💪🏻整體而言，炒金邊粉幾好食，可惜有啲油～ 菠蘿焗飯 $80 7.1/10飯既份量唔多，但配料就份量十足！鮮蝦🦐三大隻，飯面仲有大量肉鬆炒飯底有提子乾🍇、菠蘿粒🍍、青豆、紅蘿蔔粒🥕、火腿片🐖同蛋🍳等配料，每

又約朋友去九龍城食下泰國，九龍城真係不二之選呀！今次去金寶先，其實成日都去，最鐘意食佢嘅流心蝦丸，今次lunch時間，約埋為食妹可以叫多D！我大大話話食左金寶由十幾年，泰菜仍然保留傳統味道，但落單已經進化到用QR code自助下單，香港未有邊間係咁，（但大陸好多已經用QR code).Lunch唔想太heavy，加上三個靚女重質不重量，點左人人喜愛嘅青木瓜沙律、酸辣粉絲煮大蜆煲、泰式炒粉、泰式炒通菜。個人好喜歡食海鮮，呢個酸辣粉絲大蜆用煲上，仲有火燒住熱辣辣好正，大蜆用上大甲，蜆肉鮮甜肉厚！青太瓜沙律好清新，仲配上蝦片、肉片，加上酸甜辣泰式汁，青木瓜爽口，正正！泰式炒粉同炒通菜，食左十幾年都keep住同一個味道，keep到水準！加埋兩杯龍眼冰，夠chill，又同朋友們飮飲食食過一日！

平時都係聽人講食泰國菜梗係要去九龍城啦，所以就決定入九龍城搵好野食，因為九龍城都幾難去，所以平時都好少入去食飯。我地入咗依間餐廳，見到餐牌都真係有好多泰國必食既野。我叫咗最鐘意食既泰式生蝦，啲生蝦都幾新鮮，咁佢個特製醬汁同啲生蝦都好夾，一齊食既感覺係梗加有鮮味。醬汁入面有青檸汁、生蒜頭同辣椒。之後叫咗泰式生菜包辣肉碎，依個啲肉碎真係好惹味，調味做得吾錯，有生菜包住食就岩岩好，個味吾會太濃。因為我又想食串燒又想食炸蝦餅，所以就叫咗小食拼盤，有四種小食，咁就可以滿足晒我既需要，有3舊蝦餅、3條春卷、3串雞肉串燒同埋3個燒雞。個個用葉包住既燒雞都幾得意，不過我地都仲未知點解要用葉包住。仲叫咗青咖哩，我地好鐘意依個味道，因為佢既既濃度、辣度同埋香料既味道都岩岩好，所以我地用哂啲咖哩汁撈飯。最後，我叫咗個芒果黑白糯米飯，啲芒果都算係甜，糯米飯都煮得剛剛好，但個椰汁就有少少甜。

《金寶我至愛》金寶，不是湯！金寶，不是綠水！金寶，是一間泰國餐廳！九龍城，食店林立！最多是九龍城餐廳，大部份餐廳也是由泰國人主理，香港人特別喜歡泰國食物，喜歡它的酸與辣，配合不同香料，多重刺激味蕾，就是要攻陷我們的情感區，吃東西可以維持生命，吃好味東西可以療癒！今日介紹沒有《冲遊泰國》，衹有Dragonrick 介紹泰菜……來吧！來吧！Cup Cup , 泰消遙吃吃吃，金寶為你上演:1.泰式大蝦柚子沙律: 柚子味撲鼻，好清甜，大大隻粉紅蝦爽又甜，開胃、醒神，泰菜前奏必備，生菜做底浸泡在酸甜汁，吃埋先吃到精髓！2.泰式炒通菜: 有鍋氣，飛天通菜，好味到飛天，絶不浮誇，吃菜時吃出通菜的心跳聲！3.蒜茸疆葱焗牛: 牛柳粒，方方的，特別幼嫩，與炸過的蒜茸一起吃，引出牛的香味，口感好棒，有上隱之嫌！4.海鮮濕炒河: 好濕，如河水般浸過好多海鮮，有魚、魷魚、鮮蝦及草菇，那個汁滋味無比，充滿泰式風情！5.招牌甜品拼盤: 好靚的配搭，極像泰皇的甜品盛宴，有我至愛的芒果糯米飯，竟然跟在泰國時吃無異，仍有紅豆糯米，十級好味，不得不提他們做的椰汁香滑無比，優秀！少女心又心花放了！開始思鄉了，去住金寶止住心