迦南鍋 (Closed)

住咗深井噤耐，都未試過幫襯迦南鍋。今日老公生日，唔想去噤遠，就留返係深井慶祝，原來深井有噤好嘅小店，之前真係唔識寶。幫襯咗4人豪華海鮮餐，有龍蝦，鮑魚，扇貝，蠔...全部又大又新鮮，最正係條魚，好食到連我個仔不嬲都唔食魚嘅都要搶住食老闆知我老公生日，超窩心送上大大隻瀬尿蝦做生日禮物，超鮮甜老闆對每枱客人都細心照料，噤嘅價錢自己買海鮮都未必食到，唔怪之得星期四晚都可以全場爆滿。呢餐食得好滿足，蛋糕都食唔落，要帶返屋企先切。100分，以後慶祝節日唔駛再出去其他地方了😆

吃過幾次迦南鍋，每次都是向店家借爐、外賣海鮮回家蒸，聽說老闆親自在三聖採購海鮮，難怪食材都無比新鮮，龍蝦是難得的爽口鮮甜，花蟹個子不大但鮮味十足，其他海鮮都是款款美味，就連雞肉都充滿黃油。蒸邊爐也包括了粥底，還有送粥的菜甫和油條。五人份量，另加了蟶子和桶蠔，平均每人三百頭。以海鮮質素來說挺抵食，又可以節省親自選購和處理材料的時間，而老闆非常nice，上次請我們吃琵琶蝦，而今次送了兩大隻瀨尿蝦。

海鮮每日有不同，最好是好新鮮💯，老闆每日自己親自去選購，店舖雖然得2人做，但服務亦很好，我最喜歡最後的粥底，超甜，所有海鮮的味，滴滴落了粥底窩裏面✌️，還有龍蝦大大隻，超鮮甜，總之每次同朋友一齊去吃，個個都讚賞，只不過地方不大，如果想人多吃便要好早預約👍

優點：1. 海鮮份量足，生猛又新鮮。2. 價錢相宜，還額外加送配料。3. 服務態度非常好。缺點：1. 座位較迫和比較少。2. 粥底加了太多水，吃上去太稀。總括而言，整體性價還算高。

7月見到OpenRice 有呢間餐廳已經好想食 不過都book唔到位然後8月就book定9月既日子 終於食到啦！！一家六口食生日飯 當日早到左少少但係都一早已經預備好啦！海鮮勁多勁豐富 又新鮮 完全無諗過海鮮份量竟然咁多！我地仲叫左小食 點知完全食唔晒。 而且個餐仲包左六位每人一罐飲品。因為今日係生日飯 仲送左一隻瀨尿蝦 兩隻蠔 夜晚賣剩既海鮮 老闆仲好好咁分好左每枱加送一份最抵讚係個粥底 無估到有埋菜甫 油炸鬼！ 今次真係完全無令我失望 員工超nice 用心服務 食物質素又高 每人埋單都係2xx 對比起果啲放題得啲垃圾食物 真係無得比！食完已經諗定幾時book 下次幾時食了！回頭率 100%

細細個已經黎過食，當時無論椰香咖喱、冬蔭功、魚湯泡飯都好食到不得了，所以咁偏僻都會去。但佢之後轉過幾次手，我而家都唔太清楚個老闆係邊個🤔 今日入黎搵朋友，順便試試佢既午餐。叫左蠔仔肉碎粥，$5x包杯野飲。蠔仔數量係好多，亦大大粒咁，但唔係咁新鮮。魚湯係相當唔鮮甜，同以前爭好遠，唔太好食。。。 杯餐飲叫左熱奶茶，係極多奶，完全冇茶味，好難飲😭另外，我朋友叫嘅烏冬都有啲怪。烏冬睇落同食落都似上海麵多啲，口感太實淨太硬，完全唔似烏冬😭

老豆嘅生日飯黎呢度食 老闆見到個蛋糕就好客氣地送咗好多嘢比我地食 連雞都比咗雞脾比我地食 真係好好！！！！全部海鮮都好好食好新鮮 ！！！！十分強烈推薦！！！！！！！！！

朋友好介紹，服務一流，材料新鮮，有鮑魚、大蝦、肉蟹、蜆、扇貝、帶子，美味非常，食海鮮時記住先將海鮮的精華（海鮮汁）倒回鍋內，如果沒做此步驟，粥底欠決鮮味，總括來説，值得再試。

因為返工係深井附近，所以間唔中都會喺附近食飯，今日返夜晚更，所以夜晚就去咗附近嘅迦南鍋食魚湯米線，以往不嬲都覺得好怪，所以冇特登入去食。但經過同事嘅介紹，就不妨一試啦！夜晚沒有套餐，我同同事每人叫咗一碗米線，我叫左鮮魚湯海鮮米線，同事叫嘅係清酒海鮮米線，一上來，已經有好大陣鮮魚湯味，非常香，再望一望個碗，一邊有成十幾隻元貝，仲要係隻隻都有肉，唔會只係得個壳，開始食之前，先飲一啖清湯，一啖就真係食得出用鮮魚製成，非常香，淡淡鮮味，令人一開頭就即刻飲多幾啖，先至肯開始食，可見海鮮料好足，唔止有元貝，仲有蝦幾隻，米線煮得唔錯，唔會太林亦唔會太硬，味道啱啱好！可惜冇套餐，所以唔包野飲，但一碗60幾蚊嘅米線，有咁多海鮮了，都算係咁！

一直以來都好少寫食評, 但享受完昨晚的一餐蒸氣海解鍋之後, 真係忍唔住要分享比大家.早一星期前, 突然好想食蒸氣海鮮鍋, 於是係網上搜尋蒸氣鍋食店, 找到一間位於深井, 價錢亦合理, 於是打去一問, 點知訂當日既枱已經 full 左, 最後就訂左一星期後既今日.今日準時5點9到, 入到去之後老闆好細心咁介紹 Menu , 同埋因為我唔鍾意食魚, 佢幫我地將條魚轉做聖子, 之後我地揀左個豪華2人餐, 當中包括有一隻大龍蝦, 一隻大蟹, 2隻大鮑魚, 6隻好大個頭既蝦  (請查看附圖) 等等等等.(啲蝦膏, 蟹膏真係正到無得輸 )等左大概5分鐘左右, 一大盤擺得好靚既海鮮盤就送到.樣樣海鮮蒸熟後都好鮮好甜勁多汁, 老闆仲好好人, 佢額外仲送左碟蠔同花甲比我地食.其實食到一半真係差唔多飽, 但個精華係哂個粥底度, 所有蒸過既海鮮啲汁都落哂去個粥底, 食左一碗之後, 就算好飽都忍唔住食多碗, 但真係食唔哂, 老闆佢就有外賣碗比我地成盤粥拎走.服務態度, 同窩心度真係一流.係呢度食完真係會令你覺得物超所值, 真係好值得推薦比大家既一間好食店. 我一定會再去, 因為真係太正

和老婆行經深井，又5想吃燒鹅，行經見到-小店，便入去睇下，是蒸汽鍋，有餐或散点海鲜、肥牛……！点了2人海鲜餐，上盆時有龍蝦、竹蝦、元貝、原條石班、蜆、鲜雞……！海鲜很鲜味、份量足夠有多，仲有2杯飲品送加粥底

己經連續兩年生日選擇迦南鍋。呢度食才新鮮，海鮮大大隻。枱上都貼左咩海鮮類蒸幾多分鐘。 有埋計時器。個粥底美味可口。 配上菜甫油炸鬼真係好正。每次食完又會好快掛住迦南鍋。 好想再次食。 己經回味了這家粥底海鮮鍋3次。今次要上黎好評這小店。推薦大家值得一吃再吃。市區食過其他粥店蒸鍋店我都試過。但論食才同份量都無迦南鍋好。 用料新鮮配粥料都唔會孤寒。飲品選擇多。 唯一要講，小店人手係兩個睇曬全鋪， 係需要耐心等候。 有時眼見拎汽水點啤酒要等，拎碟加單都要等。但係可以體諒。美食蓋過一切。

一入黎老闆已經準備好海鮮同爐比我地，見到都開胃，淨係想快啲有得食。老闆話今日我地係最後一枱客人，所以加左料，唔會比海鮮留過夜。枱面有計時器，枱側邊亦有紙仔提醒你每項海鮮要蒸幾耐，超級體貼。老闆見我想飲酒，私人醒左我一支嘉士伯，好感動。老闆仲會提醒下你，啲海鮮幾時食得啲貝殼類海鮮蒸完都仲有好多原汁原味既「海鮮汁」。（唔知係咪咁叫呢）咁大個人都未食過咁多「膏」既龍蝦...今日係慶祝屋企人生日，我地最遲到最遲走，老闆都好開心同我地傾下計，無趕我地（深宵食堂香港版），又比我地係入面切埋蛋糕，有曬新碟同叉，唔怕洗多樣野，勁Friendly。臨走前比左少少小費老闆買玩具（哈哈，佢個tips box 係咁寫的）我為左老闆寫左第一篇係open rice上面既食評，祝你生意興隆我會帶多啲朋友幫襯架啦！

之前已經食過呢間迦南鍋，係食粥底火鍋，可能做街坊生意，老闆非常好人，如遇正日生日你同佢講聲係會加料比你，唔係整污漕野😂，係送海鮮比你，睇下佢個日有咩正野，好唔好彩喇~位置就唔算易搵，因為係內街，我個friend㬹啲去咗 另一間迦南，因為係一頭一尾位置！但其實佢係好難以BOOK位，因為實在太抵食了！今日適逄朋友生日，就同佢去食豪華餐慶祝一下！有分豪華餐同普通餐揀，普通餐係包魚，蝦，蟹，元貝，大蜆，沙白，花甲，雞件！豪華餐這些全部都有，另外還有龍蝦，鮑魚及是日精選海鮮！但我強烈要求食豪華版！真的不得了和物超所值！當晚食緊時，老闆突然又每枱客再送海鮮，說當日多了出來，全場分左去，我二人餐再分到一隻蠔及元貝！真的好街坊感覺好warm，怎會有餐廳會這樣做呢！睇相就見到樣樣都新鮮，真係無得頂，我無拎海上層的海鮮再影相，真係份量好多好多，樣樣都好味！蝦都有好多款！如果有特別唔食既海鮮，可以預先BOOK位時跟老闆講聲，佢會換第二款比你！今日特別海鮮應該係琵琶蝦！嘩，好似龍蝦一樣！蝦款都有好多種，總之樣樣都新觧，我覺得食蒸海鮮鍋淨係呢兩個字已經夠！貝殼類又好多款！鮑魚又超大隻！龍蝦都係！而家諗返起都仲流

要不是有天無聊經過，也不會發現這間低調的小店，見佢成日爆，有幾次好奇心下，想walk-in 試，都無功而返，因為一定要訂位先可以食到真係咁巴閉？唔順氣決定早啲訂位，好野，成功！小店只可以放五張枱，坐滿大概唔過20人，每枱有個蒸鍋，當到你預約時間，店員會先開鍋，免得等太耐餐單有兩款選擇，係已經set好晒既，貴啲嗰個一2人餐6百幾唔洗加1,就已經有龍蝦，成候魚，鮑魚，好多貝，爆膏蟹同蝦，仲有半隻雞，加埋個粥底，真係爆肚海鮮因該係店主即日採購，所以勁新鮮，唔點野都好鮮，雞係新鮮雞，勁好食！店主仲會將當日有多既海鮮送俾食客，超有誠意仲建議大家食唔晒打包，粥我攞走第二日lunch仲勁鮮甜見佢無雜誌訪問都日日爆滿，就知係正野