迦南鍋 (Closed)

第一次喺深井食海鮮...第一次認認真真食個粥底蒸氣鍋😋👍 呢間迦南鍋地方唔大...而且舖位唔係開喺青山公路路段，所以唔太起眼！冇豪華裝修...冇精緻擺設，但勝在食材夠新鮮！👍佢哋海鮮餐有兩種；一個係豪華海鮮粥底蒸鍋 (包括有龍蝦、象拔蚌、鮑魚仔、魚蝦蟹、元貝、花甲、沙白、大蜆、同雞)。另一個係海鮮粥底蒸鍋 (除咗龍蝦、象拔蚌、同鮑魚仔之外..以上其他食材都包括在內)！另包每人一罐汽水。另外，佢哋啲餐有分兩人、四人、六人、同八人分量。豪華鍋價錢分别係 $638(2人)、$980(4人)、$1560(6人)、同$1880(8人)。而海鮮鍋價錢就 $438(2人)、$760(4人)、同$1260(6人)！

別小覷這小店面積小小，但所賣的海鮮非常新鮮，誠意十足。二百多元能品嚐多款新鮮海鮮真是物超所值。多次帶朋友來幫襯，大家都讚不絕口，有龍蝦、鮑魚、魚、蟹、扇貝等等，一飽口福，滿足之極。

龍蝦包：暑期限定的龍蝦包終於讓我嚐到了！甫推出就變了小區炙手可熱之物，當然新鮮原條龍蝦做材料是一大吸引的地方。一開盒子紅彤彤的龍蝦頭十分搶眼，店主把芝士，蕃茄，青瓜等材料放到熱狗包上面，再鋪上原條起肉的龍蝦，感覺份量來說遠比市區的有誠意。味道來說：可以嘗出龍蝦的鮮甜，也爽口彈牙，唯一敗筆之處就是店主選用味道蠻濃烈的沙拉醬蓋住了龍蝦天然的鮮甜味道，感覺有一點可惜。如果可以的話可以輕輕以檸檬汁，鹽和黑椒調味，或者放他他醬在龍蝦包隔壁。坊間用牛肉麵包烤的版本也做的很不錯，但是到現在我還沒有找到一家很划算的（哈哈 ）早前介紹過這家店一次，很欣賞這裡新鮮的海鮮和店主處理海鮮的功夫。大家順道來深井的時候不妨試試啊！

琵琶蝦：鮮甜，肉質也彈牙，跟平常在酒樓吃到的白灼蝦可好的多。唯一扣一點分是蝦鬚，可以先處理一下給顧客會更好。麵包蟹：這裡最欣賞店家很會清潔海鮮，平常比較難處理的蟹都處理的乾乾淨淨，蒸完之後蟹肉更是很容易脫殼，可以看到海鮮的貨色。原條大魚：忘了魚的品種，但是可能廣東人還是喜歡蒸魚添加炸蔥蒜醬油淋面，單純蒸的話就有點寡。牛肉：是套餐以外另外加的，質素讓人喜出望外，如果住深井的朋友都記得滾得棧的牛肉很好吃，肉嫩之餘也沒有雪味，迦南鍋的牛肉沒有說是什麼部位，但是「牛味」充足，不用甜醬油也很好吃！粥底：米粒吸收了蒸煮海鮮的精華，店員吩咐我們混好才吃，要不然就會太稠，附上的油炸鬼和榨菜令人驚喜，可能完全沒有想過會附送這類型的配菜吧哈哈。油炸鬼似乎放了一段時間影響了口感，但是配著粥底吃就沒什麼關係啦～時興蒸鍋蒸煮海鮮，下面還有粥底火鍋，聽說黃埔有一家九重鮮，九層蒸架放在鍋上面，很有氣勢！深井的這家小店也跟上了潮流，海鮮比其他餐廳優勝是一定的了，如果胃口小的話叫少一點也可以，我們一行六人叫了四人套餐，再另外加了牛肉和蠔大約850塊左右！不過提醒大家地方淺窄，老人家可能會坐的不舒服，店員也沒有分發足夠盤

今次第二次黎食海鮮鍋，水準依舊！搭巴士/小巴從市區/荃灣入深井，係深井村站落，過對面馬路入後巷就係！隔離有間食咖哩既餐廳。今次一行8人，叫左8人豪華龍蝦鮑魚海鮮餐一黎就係海鮮拼盤，花蟹，鮑魚，象拔蚌仔，扇貝，生蝦，魚，蜆....全部都好新鮮！主角龍蝦！ 每位半隻！蒸後龍蝦肉好飽滿好爽又鮮味😌😌😌呢隻雞都好好味，蒸出黎好滑！有驚喜！蒸晒海鮮及配料後，精華係粥底度.....黃色既粥淡淡海鮮味....飲品方面，小編推介芒果梳打！ 用泰國既破離樽裝梳打水加上芒果醬，好飲！***溫馨提示，小店經營，最好預約及講定要豪華海鮮餐 定 海鮮餐，等老闆可以預留新鮮海鮮！

食過返尋味！！！今次仲要同成15個中學舊同學一齊去食，因為佢哋見過我在Facebook post的相片，覺得好吸引。原來個個都好鍾意食海鮮，所以約齊大班人一齊大擦一餐。果然水準保持，海鮮味道好鮮味，隻隻龍蝦好多膏，鮑魚仲識郁，勁生猛。 因為係小店的緣故，又做開街坊生意。店主非常好人，有朋友生日佢仲主動送上額外的海鮮作為禮物，我哋自備大量白酒香檳，自出自入係雪櫃到存酒及攞酒，佢都有一啲都唔介意！買單每位豪飲豪食都唔使＄300。不得不提佢最近引入左1664生啤，好夠凍！竟然冇啤酒小姐都有禮物送。😂😂😂大家好盡興，一定會再幫襯！仲約定啊下次包場食過！

朋友生日，帶她去了深井一間食海鮮蒸氣鍋的店舖。店舖雖然不大。室內大概可容納到20幾人，如果天氣許可的話，還可以坐室外也是一個好選擇。當店主奉上海鮮拼盤時，大家不約而同嘩嘩嘩聲。因為有很多不同海鮮擺放在眼前。視覺和味蕾同得享受。當中有魚，蝦，蟹，龍蝦都有2款任君選擇，大大隻蠔，鮑魚，蜆等等...樣樣都很新鮮。特別係條又大又肥美的魚。魚脂豐富，魚肉暖軟細滑，半點泥腥味也沒有。店主好好人還請大家喝汔水。招呼周到！這頓豐富海鮮蒸氣鍋每個人頭大概二百五十大元倒。但物有所值。最後還品嚐埋煲靚粥底巳吸收晒所有之前海鮮的精華。簡直一個字。*絕*😋😋😋

生日飯，朋友揀左我最鐘意食既海鮮。深井對我黎講，交通都算方便，於是立即扑鎚！一去到，舖仔細細，我地6個人，見我地有幾個大隻d，個姐姐好快就問，介唔介意坐出面？緊係唔介意啦，天氣涼涼，加上有5個都食煙！因為本身佢安排我地坐入面一個成日有人出入既位置！坐底點左個豪華海鮮蒸鍋，上完海鮮，緊係係影左同海鮮一齊既合照，甘岩係個老闆幫我地揸機，有個朋友講左句，祝我生日快樂，老闆即講:生日識做！之後就送多左個一人用既海鮮😍，完全足料，唔係淨係俾d蜆幾隻，蝦幾隻算😱但真係一人份量，咩都有！！！上海鮮既時候，仲會溫馨提示客人，今日d海鮮大隻d，要蒸多半分鐘至一分鐘！佢仲附上計時器同一張印左，各類海鮮要蒸既大概分鐘！無限時，鍋得兩層，下面粥底！全部海鮮新鮮鮮甜，粥底又夠綿，有肉碎，仲有油炸鬼，菜(寶)，葱黎送粥！嗰日開始食到最後，四個字:幸福滿足！一個字:正👍🏻！海鮮正！服務好！一定會再去！

第一次食蒸氣粥底鍋材料新鮮，份量多，老細服務好👍👍唯一係地點差少少姐，深井冇咁方便，但唔會令我扣分😁😁鋪仔細細只坐到20人左右，一定要訂枱最後我地加左龍蝦、蟶子，蜆、牛肉

朋友生日，約了一大班朋友到這裡一起慶祝，有幸參與，也試到一間良心小店！食海鮮也可以食到飽，重要的是一點也不貴之餘、材料也新鮮，另添加了一條大的西星班、雞件、牛肉和特飲，也只是每位$230，超值得來又好食！如有意光顧；記得要預早訂位，因舖子只能容納廿多人喔！來到深井村才知，在google maps 打幾多號是找不到店鋪的，而且以迦南作為名字的食店，在深井村內已有兩間，我們就差點攪錯食店，最後要行了很多寃枉路才找得到；原來這食店是在後面，旁邊就是了。來到門口，看到一張桌面上放有很多雜物，正心感奇怪；看到旁邊的一張告示才知原因，原來是心善的老闆，收集了一些朋友不要而又比較新的物品，如有興趣的朋友可自取或放下物品，真是物盡其用，值得支持，那下次自己也要帶一些東西來了。蝦類：龍蝦 ～ 平均兩個人半隻，雖然份量不是太多，但肉質非常新鮮彈牙，清蒸可以完全嚐到食材的鮮味，如果唔新鮮，一食就知。虎蝦 ～ 非常新鮮，肉質爽口鮮甜，蝦膏也不小；大大隻每人可各有一隻，新鮮度及份量實在不可小看。蝦類 ～ 第一碟蝦，明顯不夠新鮮，部分已開始淋身；到第二碟再上時，新鮮度才回復過來；但「珠玉」在前，比較是在所難免了。

這間曾在區內熱爆的蒸汽鍋，在深井開業已經有數個月。顧名思義，蒸汽鍋是以高溫蒸汽加熱的方式，將食材鮮味鎖住，保留食物的原汁原味。店主亦主打每天去市場採購優質的海鮮，以保證食材新鮮！餐廳是家庭式經營，街坊常投訴電話老是沒人接，而且店舖面積小，只有幾張客枱，容納不了多少客人，所以最好在其面書先行預訂！我們點的$588二人海鮮套餐材料有: 開邊龍蝦、象拔蚌、桶蠔、花甲、蜆、魚、蝦、蟹、雞件、還包兩杯飲品。之前在面書見到店主會送肉餅給其他顧客，我雖然也是在面書預定的，卻沒有此項優惠。餐桌面積小，食材到齊時枱面已沒有空間，鍋蓋都要一面提著，一面雞手鴨腳的把食材夾入鍋中， 店員看著你也無動於衷， 建議應該提供一些小圓凳給客人放置鍋蓋。另外餐廳會提供一小張各食材的蒸煮時間給食客參考，但恰巧沒供應給我們，直到看到我瘋狂偷瞄旁邊的桌子時，店員才如夢初醒。先來粗略點評一下各食材:開邊龍蝦感覺不新鮮，肉質很薄，口感很碎，不鮮甜，頗為失望。象拔蚌嫩滑彈牙，有鮮味。桶蠔size不大。花甲＆蜆 鮮甜多汁，汁鮮味美。好像是多寶魚，皮很鞋，但肉質滑溜。蝦肉結實。蟹非常很瘦，殼很薄， 沒肉的。雞件肉質嫩滑，不肥，但皮厚。

8人豪華海鮮餐確係抵食，海鮮送上時蟹仍會跳舞，十分生猛！而且鮮味非常，特別係蟹肉鮮甜，鮑魚彈牙，龍蝦多膏！可惜桌子太細，蒸食物時不太方便！8人攤長坐不太方便傾計。下次會約四至五位進食較理想。員工出入時每次也不關好門，令蚊飛曬入店內。