圓點工房

Open Now

Now Closed

星期六去了火炭藝術工作室看展覽，約了老師在火炭食晏，她介紹了這餐廳😻蜆肉周打湯：湯底香滑美味，蜆肉足料😋德國鹹豬手：意想不到老師點了這鹹豬手做午餐，但真的是很吸引，豬皮夠熱辣香脆，豬手很入味，薯角外脆內軟😋👍🏻蘑菇忌廉汁菠菜麵伴香煎三文魚：蘑菇忌廉汁香濃，菠菜麪硬度適中，三文魚煎得嫰滑，惟一美中不足是三文魚太細塊😹不過，如果我再來火炭的話，也會再光顧，因為此餐廳選用的食物質素很好，就是給客人用的鹽，都是喜瑪拉雅山粉紅色岩鹽，給客人喝的水也是鑽石水。那麼待客用心的餐廳，不幫襯它，還幫襯誰？

火炭工業區想搵一間靚靚地的餐廳唔係咁易，不過近年有好轉，開多左唔同特色的餐廳。 包括有食台灣野的Fooody、玻璃屋的拾悅，而今次我就去左華樂的圓點工房。入到餐廳，地方都唔會太逼。可能個陣未係繁忙時間。餐廳裝修用走北歐風格，感覺舒服。點餐需要自己到收銀處點餐，所以就唔使收加一服務費啦～點完餐，職員會送上餐湯同蒜蓉包。今日個餐湯係忌廉湯，不過不失。到主菜，今日我點左大胃王漢堡。厚厚的漢堡肉，食落有肉汁唔會乾柴柴。再配上大量生菜，個包真係好厚。要擘到個口最大，先可以一啖食哂咁多層。不得不提佢哋既炸薯條 ，係厚切連皮果種，外脆內軟，上到台仲係熱辣辣既好新鮮！

火炭都有幾間出名既CAFE, 成日都係我個wish list 入面，雖然想去但其實真係幾遠，今日係呢邊做野，就開左save list，決定搵下食先。呢間野其實都幾遠下，地鐵站行上去都要起碼10分鐘，又要上斜，冬天都行到身水身汗不過搵好野食行下無所謂啦入面都幾大，座位都有唔少，田園風既裝修，坐得好舒服。不過餐廳係自助模式，要自己行去點餐比埋錢，再拎數字牌等送餐，呢一點就比較麻煩少少。lunch set 會有埋餐湯，有d淡，但夠creamy。朋友點既大蝦risotto。我點左呢個burger ， 超大份，又有薯條又有salad，完全食唔曬，但個包有d太硬，扣少少分。整體黎講環境食物都唔錯，係火炭既人值得一試！

火炭工廠區內，食肆林立，亦以藝術家多駐這區而知名。但具性格的西餐食肆卻不算多。圓點（Canapé ）可算是少數中的佼佼者！餐廳座落的華樂工業大廈可算是火炭工廈區中最清潔開揚，而圓點更具高級餐廳的雅緻貼心，悅目而具格調。飲用的是鑽石水、高級岩鹽、即磨胡椒。甫坐一下來，餐未奉上，已有免費湯及蒜蓉多士奉贈。只是粟米湯有時稍嫌不夠熱。餐廳沙律菜極新鮮，伴以這次叫的香茅豬扒，是極佳配搭。熱騰騰的豬扒香味，連鄰座也可嗅到：）豬扒入口外層香脆，內層多汁，完全可媲美高級廚師之手👏👏👏👏👏這海鮮濶條意粉卻誠為失敗之作！海鮮只有2隻青口，極少量的蜆肉，茄乾？冇！茄醬或茄膏，不足！無料到！三文魚分量是足夠的，煎的也香而不乾。飯的份量太多了！芝士稍微不足，但很creamy.

Lunch食黎食去都係個幾間有D悶，於是我同同事去search d新餐廳試下。呢間位於工業大廈內的cafe，如果你係火炭工業區返工的話，絶不難揾。餐廳的Lunch Menu都有好多選擇，由沙律、拉麵、焗飯、扒餐都應有盡有，好適合成班同事一齊黎食，價錢由$58-88。由於我們太遲上去，餐湯已經送完，只淨下多士。同事叫的係重量級大胃王牛肉漢堡配薯角，上菜的時候，都唔覺要「重量級」同「大胃王」咁誇張。而且薯角又唔多夠脆。不過，漢堡牛排的份量係夠厚的。我呢就叫左一份温泉蛋卡邦尼長通粉。未撈蛋的時候係未夠味的，不過撈完蛋即刻好Creamy。口感就夠了，不過稍嫌覺得唔夠煙肉及菇。撈完温泉蛋質地非常creamy。飲品方面，我們叫左一凍一熱的蜂蜜綠茶。茶味唔算苦，不過蜂蜜味唔夠。另外不得不提，餐廳有一個調味Corner，除左有辣椒仔、芝士粉、鹽、黑椒外，仲有喜馬拉雅山粉紅鹽！餐廳環境唔錯，會想黎試埋個德國鹹豬手。

今日係Happy Friday，我同同事S都想食個好d嘅lunch慰勞一下自己。S記得早排經過一座工廈有間餐廳貌似唔錯，想搵日試試，今日就決定食呢間啦！於是乎，兩個餓到差d喺Office食A4紙嘅妙齡少女（笑）就急急腳搵路去圓點工房食個靚飯～～～我地本身都喺附近返工，所以都唔太難搵。火炭工業區真係禾桿冚珍珠，一座座其貌不揚工廈入面其實隱藏好多美食，遲d有機會一定同大家分享！一入到去坐低，我地睇兩睇menu就已經決定到食咩（因為真係好肚餓XD），之後我個懶鬼同事S就派我出去點餐比錢。我叫嘅係H.重量級大胃王牛肉漢堡配薯角（$69），飲凍蜂蜜綠茶（凍飲+$3；同事S叫嘅係D.溫泉蛋卡邦尼長通粉（$68），飲熱蜂蜜綠茶。唔知係咪頭先急急腳行過黎，覺得好口乾。我見枱上有支水就斟黎飲啦，再望清楚d原來係經過國際認證嘅Diamond鑽石水！連飲用水都咁注重，真係值得一讚～兩個餐一陣就先後送到，唔洗等好耐，I like it！最怕返工食lunch仲要等一大輪，香港人最緊要快XD原本個餐跟餐飲+餐湯+蒜蓉包，但餐湯已經送曬（淚）首先食塊蒜蓉包先，好香但美中不足係唔夠熱辣辣、脆卜卜。我個餐到先，嘩~果然

隨意地在openrice找火炭區星期六中午有什麼餐廳吃午餐，找上這家餐廳，結果帶來驚喜星期六中午供應午餐套餐，選擇雖然不多，但梗有一款合心意，我一家四口點了烏冬、漢堡飽、羊扒、香茅豬扒套餐，每款味道都很有水準，羊扒竟然有4磈，豬扒大大塊都有3塊，沙律菜配的醬汁是自家製，帶有蜜糖及芥辣的味道，非常惹味每個套餐包西湯及一片法飽，及一般咖啡、茶餐飲；如果要即磨咖啡或其他飲品，就另外收費。我們在星期六中午十二時左右幫襯，食客不多，所以環境較清靜，食得也舒服。這餐廳只收現金，且在收銀處先付款落單，有快餐店feel，西餐廳享受

今日出咗火炭做嘢，難得嚟到咁遠都想係到附近食埋lunch先返公司。好老實講本來想試伙食工業但係太早嘅緣故去咗圓點工房，但估唔到有驚喜！呢度係先比錢後上菜型式，地方好大，對比呢度我九龍區返工附近嘅工廈餐廳坐得密密麻麻，呢度坐得舒服好多。食物以西餐為主，我叫咗個蟹肉意大利飯伴虎蝦，友人叫咗大胃王漢堡。先講份量，大都其實兩個女仔share都好足夠，賣相present得好好，同出面嘅西餐有得比。我嘅意大利飯好creamy，每一啖都有蟹肉，而且我幾鍾意一片片嘅蘑姑，口感豐富好多。友人嘅漢堡好巨型，牛肉七成熟左右，以法包呈上，有別一般嘅漢堡，心機分大增，而且又有沙律又有薯角，認真大方！薯角新鮮炸起熱辣辣，沙律都算清脆。七十幾蚊唔加一，主餐有湯有飲品，其實依加返工度度食啲好少少嘅lunch都係咁上下價錢，要爭生意真係要有質素同享受，火炭返工嘅朋友好幸福！

去附近工業區整車，要等兩粒鐘，唯有揾個地方食野！工厦一定多樓上cafe，岩哂我！open rice一下，呢間最近，就試下啦！不過呢間好似唔係coffee shop黎Tea time時間~諗住食少少~原來都幾大份！即叫即做，所以要等耐少少，新鮮好味，等下都無所謂啦要左兩個tea set，餐飲可要熱茶，蜂蜜綠茶同柚子茶，無寫餐飲可選咖啡~我地要左兩杯柚子茶~飲到尾一杯乜都無，一杯有柚子，有個杯濃好多不過無個杯都夠味既迷你牛肉漢堡，我無要薯角，改埋做沙律啲沙律醬好好味，牛肉好juicy，我中意食到洋蔥同夠洋蔥味有啲店整到牛肉熟左之後，洋蔥都已經乾埋！可能迷你就有呢度好，牛肉唔會乾芝士醬辣熱狗薯角好味，我覺得要返薯角會抵啲大份啲，不過我喉嚨痛，無法，試下就好，新鮮熱辣熱狗就普通少少，面個醬芝士味唔夠濃，都係漢堡好食啲環境舒適，已經叫老公下次整車帶埋我，我想試埋其他，一係外賣

路過見到樓下個牌，肚餓就上去試下。工廈黎講大堂好靚，上到3樓轉左就係。店內裝修唔錯，冷氣充足。叫lunch set 跟多士同餐湯，餐湯啲粉開唔曬，有啲一嚿嚿，同行有個小朋友我地只叫2個set 但都比3個湯同多士， 仲要幫我用碗仔同膠匙上，令人感動。唔駛好奈豬手先上，只去到暖暖地唔算熱辣辣，跟雪梨山楂特飲，略嫌偏淡漢堡製作需時應該係即整的，薯角熱辣辣主菜份量都算大，2個set 食唔曬要打包。總結係個唔錯既經驗，冇加一，但只接收現金，希望至少做收八達通吧

星期六喺火炭想去間坐得舒服既餐廳，圓點工坊確實係唔錯既選擇！入到去，都有4成入座率，工廠區黎講算唔少人了！餐廳內裝修好靚，走田園風既cafe風格，地方空間大又好舒服！午餐選擇都好多，而且仲包餐湯餐包同飲品，大部份餐都只係$60幾蚊左右！餐包-波波球，熱辣辣，幾特別！餐湯-一般般。袖子豬仔肶- 好好味！味道特別得黎又夠入味，有驚喜！沙律分量都好多，而且沙律菜新鮮，抵食！Burger-包夠脆，牛肉5成熟，唔錯！不過就唔夠味，偏淡！ 脆角- 香脆仲有埋沙律配，大大份！呢度環景夠靜，唔多人，坐得好，食物又好味！睇得出小店用心經營！值得推薦！

係火炭返左工兩年~真心覺得要搵間好食既野係好難...呢間都係其中一間會經常去食的地方~有別於一般茶餐廳,呢間餐廳主要係食西餐的!初初第一次上黎仲以為係食假西餐...但同事話佢係食BURGER, 德國豬手,羊架...食完覺得真係好食...而且價錢又好抵!走之前去食多一次~今次3個人叫左2份餐!西班牙海鮮燴飯同埋牛肉漢堡!燴飯今日味道有的淡...最後要加TABASCO先夠味~而牛肉漢堡真係一路都係咁好食!漢堡扒有肉味,而且JUICY,以$69有野飲有包有湯真係好抵!所以如果去開附近,真係可以去呢間試下!

重量級大胃王牛肉漢堡配薯角(送餐湯及麵包)$69的確沒有改錯名字，份量超多的。一般配的薯角只有幾塊，但這裡的份量應該跟主角-漢堡，一樣份量。薯角外脆內軟，裡面粉粉的，濕度也有，所以完全不會乾乾的，吃得出來是現做的，熱騰騰，超好吃的。漢堡的組合是黑麵包，牛肉，起司，醬汁，生菜，蕃茄跟生紫洋蔥。麵包超大一個，是黑色的，但味道上沒有什麼特別，底部比較好吃，因為比頂部的麵包小一點，脆的部份比較多。牛肉沒什麼牛味，應該說沒什麼味道，牛肉蠻厚的，不會乾，但也沒有肉汁，比較像是素食。起司也是沒什麼味道，整個漢堡都是靠醬汁在調味。蟹肉忌廉汁燴意粉伴釀蟹蓋(送餐湯及麵包)$78看著份量不多，但其實是飽的。釀蟹蓋很迷你，超小一個，共有兩個。配麵是不夠，但吃起來卻很不錯，是物以稀為貴嗎?! XD整體來說是不錯吃的。

星期日假期當然要周圍覓食，沙田區又唔駛等位又想坐得耐d同朋友傾下偈，今次選擇去火炭工廈試一試樓上cafe，本身想點All day breakfast但材料份量不足，所以就店員的建議，我選「德國鹹豬手配蜜糖芥末醬」、「西班牙龍蝦焗飯」、「卡邦尼意粉」。鹹豬手熱辣辣，不是原隻上，已經切碎豬手，皮脆肉嫩，但始終無原隻上食得咁滋味。整體來說，份量適中，味道不錯。西班牙龍蝦焗飯，味道不錯，帶少少辣味，份量同配料都不錯，急凍龍蝦而沒有雪味，肉質彈牙，但沒有鮮味，整體可接受的。卡邦尼意粉，這是我較喜歡的，半熟蛋汁令整體加分，意粉軟硬適中，但一個人吃全份就會顯得太膩了。

同事生日食好少少，到圓點工房食午餐貪佢坐得舒服啲，火炭工業區都冇太多好嘅選擇。以前來過呢度食過幾次，記得佢嘅豬手好好味，咁耐冇黎點終於可以回味一下，點知以前好好味抵食夾大件嘅原隻豬手大縮水，變了碎豬手仲得返烤到幾燶嘅皮同大大舊骨，真係冇肉可以食，以前兩個人都夠食，而家變到一個人食都唔飽。😭牛面肉好淋，調味ok，但食食下凍左慢慢啲蘇味出曬黎。豬仔肶配柚子汁味道還不錯。意想不到最好味竟然係這個大蝦意粉，得一隻蝦同埋意粉睇落好乾咁，但食落竟然唔覺得乾，而且好香。下次黎唔會再食豬手喇，但其他野食都ok嘅。