圓點工房

Open Now

Now Closed

同事生日食好少少，到圓點工房食午餐貪佢坐得舒服啲，火炭工業區都冇太多好嘅選擇。以前來過呢度食過幾次，記得佢嘅豬手好好味，咁耐冇黎點終於可以回味一下，點知以前好好味抵食夾大件嘅原隻豬手大縮水，變了碎豬手仲得返烤到幾燶嘅皮同大大舊骨，真係冇肉可以食，以前兩個人都夠食，而家變到一個人食都唔飽。😭牛面肉好淋，調味ok，但食食下凍左慢慢啲蘇味出曬黎。豬仔肶配柚子汁味道還不錯。意想不到最好味竟然係這個大蝦意粉，得一隻蝦同埋意粉睇落好乾咁，但食落竟然唔覺得乾，而且好香。下次黎唔會再食豬手喇，但其他野食都ok嘅。

我地呢d 喺科學園返工嘅打工仔，真係食餐晏仔都頭痕，唔單止貴，又唔好食，有時真係情願喺公司食簡單午餐，都好過出去食！碰巧今日同事提意試下去火炭食，就即管試下！ 如果唔訂定位，真係隨時無得食，大大間餐廳都坐滿，暗想應該都唔錯掛！午餐時間坐低睇完餐牌就先去 cashier 俾💰再等送餐，好快就有得食了！我地四個人叫左四份餐, 差d 都食唔晒，最欣賞係豬手同burger, 咸豬手皮脆肉嫩，burger 好juicy , 整體來講非常滿意，價錢都好經濟，又唔駛加一，真係美味豐富！

來到繁忙的工業區，竟有面積頗大的Cafe。剛好過了午飯時間下午茶時段好少人，感覺舒服！order set lunch 德國咸豬手 : 炸得香脆又不太咸，如不太過火口感不會太硬更理想。見chef已切好一小塊可看到他們的用心。當然不少得這道菜一定有的酸菜，載酸的醬汁也很野味！＋$3 配凍奶茶 or $12 轉Latte3點開始有tea set ，就order 咸牛肉窩夫 ：窩夫過了氣而且好甜 ，但加上好似火腿的咸牛肉片＋長酸瓜＋醬汁還可接受。雖然薯角都是凍的，但過了吃飯時間也沒對工廠區cafe有太多要求了！ 

工業區內有大量食市出現，大部分在官塘、荔枝角等，不難找到合適的。今次去到火炭區，雖然分前後座較難揾，偶爾都遇過一兩間cafe都是特色的。今次沒有特別裝潢設計、亦不是特式小吃，而是簡約風格、食品質素在同區也算中高

老闆帶員工去食好野，我地一行10人，過左lunch時間，2點去到Cafe，餐廳裡得5、6枱客，我地好似包左半個場咁，有啲嘈😅不過餐廳都算大，而且裝潢不錯，幾優雅、寧靜悠閒feel。我地4個人叫左4款菜式一齊share食，每人都係$80幾底食，價錢ok且食物分量足夠。漢堡包：漢堡包Size正常，漢堡排多汁唔dry，我覺得佢既醬汁一流，好好味👍👍👍，除左漢堡包當然唔少得薯角，薯角稍微凍左啲，另外仲有沙拉可以沖走油膩感。燒春雞：唔係一隻雞，但都有半隻，雞肉嫩滑😋又容易切開，方便食用，沾上黑椒汁味道十足，不過黑椒汁略微少，同樣配薯角，一樣唔夠熱。德國豬手：豬手不夠乾脆，但都好食，分量都足夠，每件都大大舊，食豬手一定要沾上那個醬汁，好野味，豬手下面既配菜雖然係酸菜，但真係有啲酸得濟。另外仲有薯角，尼個薯角又熱辣辣又大大條，薯角果然係即炸既最好食。海鮮雜菜燴飯：味道不錯，分量同配料都尚可，有少少辣更加開胃，不過燴飯可能最後才送上，我地已經飽飽地，所以剩下了少少。整體來說，食物味道中上，價錢合理，分量可以，環境唔錯，適合與朋友談天，可以再來的餐廳，值得一試！

來到火炭發現又開一間新CAFE, 剛好有時間又差不多快要lunch time, 成機黎睇下好唔好食先~可能因為上錯座, 入去後先發現原來係後門黎店員好快發現我並帶我坐下, 由於時間早, 大把位揀, 一個人別習慣坐自閉位, 可以慢慢影相。店員放低meun同水, 示意決定後可到外面收銀處落單, 簡單方便。雖然見其他客多數食意粉, 但我就毫不猶豫咁揀左個精選全套早餐$98, 諗 得出既都食到, 岩哂貪心既我。另外再加$5要左即磨咖啡。出去俾好錢, 好快咖啡就黎左, 放得十分精緻, 完全唔會記得自己置身工廠大廈內味道就一般, 不過預左啦, 想飲好野都係要去返打正旗號既手沖咖啡店, 不過都唔係差架!$5 抵俾!好大杯!再一陣超豐富既精選全套早餐就上枱可以話講得出會係all day breakfast出現既材料都有呀!煙三文魚, 豬肉腸, 煙肉, 火腿, 蘑菇炒蛋, 沙律, 蕃茄, 靈魂茄汁豆(成日覺得無就唔似all day breakfast),仲有多士!一個人食哂有d害羞既份量!雖然食左大量肉, 但食完唔會覺得好肥膩, 可能因為有考慮到呢點, 沙律菜都好多(配黑醏汁), 可以清肥膩, 碟底唔會

其實對火炭都無咩期望日日行返工都見到呢間餐廳嘅廣告Menu 確係吸引😀有啲似放假的cafe 餐廳環境不錯，雖然在工業區內但環境仍然有 feel 係文青 feel哈哈幸好訂左位，等位的人很多呢😌😌Lunch menu 選擇算多各種肉類，各國美食都有我點左瑞士汁雞脾肉配薯角哇，一上枱係嚇親嘅！兩隻大脾！好多好大條嘅薯角！仲有我最喜歡的蔬菜！正雞脾夠味不咸！薯角超厚實好飽肚！是有質素之選！朋友點的意大利粉同 burger 都好大份價錢高一點，但食物質素也高！會再去

是日與父親食lunch(其實老豆係未食早餐)叫左個香脆德國鹹豬手配甜椒汁同三文魚二重奏配日式涼伴天使麵。。。好夾呀煙三文魚配天使麵 豬手好脆加杯特飲 yummy yummy

濃濃嘅工業風格，裝潢簡潔吸引門口有幅好適合影相留念嘅背景👍🏻令女士們心心眼😍環境舒適，好岩一班朋友聚埋一齊吹水，冷氣岩岩好又唔會太凍👍🏻特別推介芝士辣肉腸熱狗，全日早餐份量好足，沙律好新鮮！

近年四處覓食都要向工廠區進發。無他既，香港旺區舖租貴，有好多餐廳想用新鮮食材，又想推大眾化的價錢，無奈地都要揀工廈作為他們的基地。今次襯住平日有難得的假期，決到一闖火炭工業區，尋找呢間開業無耐的隱世餐廳 Canapés Room。當日我同友人駕車到達華樂工業中心，有$15時租車位，緊係即刻泊低架車上去食Lunch。雖然呢座工廈好大，有幾座，但咁岩我地泊正係樓下，一搭電梯就輕易上到三樓。一出電梯，見到的是典型工廈環境，白光管搭配灰色牆。但向左一看，就會見到一塊好大的招牌，絕對唔會搵唔到。行入餐廳，完全同頭先見到的是另一個世界。全店裝修走的係工業風，搭配而家流行的烏斯燈泡，加上有不少青綠色的植物，有少少crossover田園風的味道。全店燈光略略偏黃，柔和但不失光猛，視覺上已經加唔少分。由於我地差不多兩點先到，所以無需輪候就可安排入座。座位之間有充足的空間感，我非常滿意呢一部分。因為去過很多的餐廳，特別是日式放題，座位都是幾乎肩貼肩的那種，完全沒有私隱度可言。午餐menu有不少選擇，有沙律、意粉、漢堡、三文治、甚至是豬手。我就點左一份漢堡而友人則揀左carbonara意粉。先上的是餐飽和餐

來到火炭這家Canapes Room從火炭站走大約10-15分鐘左右就到了上到門口發現超美的草地牆愛美的當然要拍一下照騙啦裡頭比想像中大而且很正值午飯時間所以很full看來是十分受附近的Office、工廠員工歡迎店員在我們一坐下就給了我們Menu和湯原來我們是先要到收銀落單比錢再番埋位🤔餐單如下當日漢堡都賣光光所以只好叫其他😫所有餐都配茶/雪梨茶/韓國蘋果茶!醬烤慢煮香豬肋骨配薯條($69)肉的口感不錯，而且整個感覺又不會太油膩只可惜醬的味道不算太出看到這個是不少人的選擇呢🤗62度溫泉蛋卡邦尼意粉 ($62)相機食先的效果不錯然後把蛋弄破再攪勻口感挺不錯的蛋又不會把卡邦尼的味道蓋過黑松露雜菌忌廉長通粉 ($68)上來的味道很香別上去也挺重黑松露味可是醬汁方面弄得比較乾身建議可以加一點點忌廉汁和黑松露油飲品方面，我仨一開始就把目標放在梳打了🏃🏻🤗Double Green ($28/跟餐+$12)特別使用了大飲管的原因是可以讓我們吃到青瓜粒💚上來是很美的綠色中間飄著的是青瓜粒粒飲下去味道挺fresh但梳打味不算重藍柑桔梳打 ($28/+$12)超重藍色😂💙 但是味道好怪耶青蘋果梳打 ($2

Canapés 原意都是一小件一小件的到會小食，份量不多。這天放工跟著同事來到火炭搵食，兩點多的時間正好是午市和下午茶交集點，我們可以都遇上，真幸運。店內裝潢走田園風，主要以綠色啡色為主，讓人眼睛放鬆一下，還有不同款式的人造花卉作佈置，令餐廳變成一個小清新的地方。無論是下午茶還是午餐，在工廈內的定位算是便宜，下午茶$30左右有交易，午餐也是$40-60，已經包基本飲料，平日來這邊坐坐，人流不多，也挺舒適自在。這兩個都是免費跟餐的飲品，可選熱/凍，前者雪梨茶味道偏甜，沒有甚麼果肉在內，後者蘋果茶偏淡，近乎開水味道，有少少果肉，吃得出蘋果味，但卻沒有滲出到茶裡頭去。搵食龍頭點了即磨咖啡，茶具精緻，豬肋骨，幾十蚊的價錢這個份量算是不錯，烤得夠乾身，但醬汁未可以再重一點。跟餐薯條有點乾，普普通通，薯條來說不算特別吸引。下午茶餐的拼盤，沒有煮食技巧可言，但賣點是在食物選擇上。拼盤內三樣食物，蛋沙律，桃味乳酪，軟芝士，都是佐面包的良伴，試過三樣同時放在餅乾上一起吃，味道沒有排斥。同樣的感覺，一百蚊有找的價錢吃到半份咸豬手，大家大叫抵食。豬手肉未算得上很軟淋的那種，不過外皮卻焗得非常脆口，用刀切開時

今次係小弟第一次寫食評，寫得唔好，唔好介意！ 近排聽個朋友講火炭開左間新cafe，今日見得閒就去左試下。間餐廳唔算太易搵，因為佢係工廠區，又同火車站有啲距離，大熱天時行到身水身汗…之後先知原來沙田同火炭都有小巴直到！好彩一入到去坐低，待應姐姐就好好人咁斟左兩杯水比我地，服務幾唔錯。我地去到嗰時已經十二點幾，本來諗住去食個lunch嘅…但係見到個餐牌，原來星期六係 "whole day menu"，即係話仲有早餐食！正呀！因為好鬼死肚餓，又好想試新野…我地兩個人就叫左三個餐！第一個餐係芝士熱狗…本身以為佢應該會同宜x傢俬嗰啲熱狗差唔多，點知原來勁好多！個熱狗上面鋪滿左兩款芝士，d芝士真係好鬼邪惡！個條腸辣辣地好野味，同啲芝士夾埋一齊，辣味中和返，正呀！仲叫左一個漢堡…只係六十幾蚊就有咁既質素， 個漢堡好好味，好juicy！不過同熱狗比，都係熱狗好食d (可能因為我係芝士控) 配菜薯角亦都好大條好脆！ 仲有一個黑松露炒蛋德國腸嘅早餐set… 黑松露好香，個炒蛋好嫩滑！最後，不得不提既就係佢嗰個菠蘿梳打特飲！炎炎夏日簡直係透心涼！ 可惜嘅係佢哋淨係開到五點…如果唔係夜晚可以同班friend黎

今日開完會，同大口仔仆過嚟睇睇呢度嘅到會食物係點，嚟到工業大廈，諗住應該冇乜特別，點知又令我喜出望外喎！雖然喺工廈入面，停車場又唔係好靚，不過估唔到呢度嘅裝修又幾不錯，可能新開，所以特別乾淨，凳又坐得舒服。我同大口仔即刻揀張檯坐低揀野食，之後行出去落單香脆鹹豬手配甜椒汁 （＄72）大口仔初初好擔心，通常成舊鹹豬手食都會好尷尬，手又污糟又驚佢硬會好難切，不過唔知點解最後佢都係叫咗呢個菜，亦都好在佢有叫，否則唔會食到咁好味嘅鹹豬手！一上菜已經好有驚喜，因為係起晒肉，大口仔切都唔洗切！皮脆又乾身又煙韌，肉嫩滑又夠鹹，啱晒佢啦；旁邊有好多紅椒黃椒，個甜椒汁又充滿椒嘅香味，鹹度適中，用嚟點薯角及豬手肉真係啱晒喇；份量好大，連大口仔都唔係好食得晒，抵食！香烤慢煮春雞配南亞黃薑飯 （＄69）春雞？大肥雞呀話！足足有半隻雞喎呢度！餐廳悉心挑選嘅大春雞，慢煮10幾個鐘之後肉質滑不溜口，不過有啲見紅喎，雖然我知道煮咗咁多個鐘之後係一定熟晒，不過都係唔鍾意見到紅色嘅雞肉，所以都係麻煩大廚幫我再整熟啲，整走啲紅色喇；配菜嘅切法好有趣，唔係一粒粒，而係一長片咁鋪喺肥雞下面，一切雞肉嘅時候啲雞汁就會流晒落去啦；我