Candy Shake (Closed)

最近天氣又焗又熱，出一出街都熱到想死，早2日去旺角行街，行一陣已經出哂汗，咁辛苦嘅天氣，當然要飲啲冰凍飲品涼一涼。記得早前電視介紹過一間小店，向舊家樂商場附近，一於決定去試試先。店舖空間不算太大，有4張高枱供食客進食，而門口放有各式各樣唔同口味嘅cheese tart , 而且店內就有唔同食物嘅display 供客人參考。店家自家獨創糖果奶昔，當然一定要叫一杯試試，順便涼快一下。特選金沙奶昔店員先將原粒金莎朱古力加鮮奶打混，之後再加入雲尼拿雪糕打成冰凍奶昔，面頭放上朱古力粒粒，還有店家名字「Candy Shake 」朱古力牌，好吸引啊先品嚐一啖，有濃濃嘅金莎朱古力味，而且奶昔軟滑，真係夏日消暑良品。日本蟹籽芝士手打墨魚哥爾夫球一上枱好大球墨魚球呀，店家貼心地將墨魚球一分為四，方便進食，墨魚球爽口彈牙，內裏芝士爆漿而出，滋味十足又新鮮美味。好在品嚐到一杯美味又冰凍嘅奶昔，可以舒緩一下悶熱嘅天氣。

食左呢間舖頭好幾次，今日再行過就再飲下野咁。唔知係咪轉左手佢d decoration & promotion 唔同哂 連menu都好似改左。今日嗌左杯金莎奶昔，之前飲過係熱嘅好正諗住今日可以再飲到點知佢話冇熱唯有叫杯凍嘅飲，味道依然係正，好重金莎味，上面仲有小小朱古力粒粒有d咬口咁，但對比都係熱嘅更香更值得飲 之後食左個綠茶芝士撻，20蚊一個都算貴但夠綠茶同流心，個批皮亦好香牛油味 再食會再試其他味 個人覺得以前嘅decoration 更好，不過可能真係轉左手唔同哂

打風前夕的日子，天氣份外悶熱焗促，同妹妹行經旺角街頭，是時候搵地方坐或休閒食下野~!!隨意的走進一間食店 - 油麻地Candy Shake，好喜歡牆身一個個透明圓筒的糖果箱，是裝飾??非也，是製作奶昔的材料之一，奶酸糖、可樂糖、吹波膠味糖都一樣可以加，隨你加^^我選擇了原味的3.6牛乳芝士奶昔，妹妹則點了我平日喜歡的宇治抹茶味。3.6牛乳奶味濃郁香滑，配合芝士後味道更香濃，芝士怪朋友可以一試^^有飲要有食，點了兩款小食: 車打芝士炸手指魚柳薯角、即焗黑松露拉絲芝士多士手指魚柳薯角是妹妹的至愛，個人感覺普普通通，畢竟煎炸野不太適合牙T這種易長痘痘的同體質，一食即見效^^黑松露反是我的至愛，那種香味亦是很個人，懂得欣賞的就會喜歡，不喜歡的人只把它當成發霉菇菌黑松露與芝士的搭配絕對是絕配，配上細細件多士，行街行到累入來似杯Shake食個小食，補充體力後又可以再出動^^

{3.6 牛乳芝士奶昔系列}貓山皇榴槤芝士 33 蚊{芝士撻系列}酥皮芝士撻 22 蚊小食店美味 , 環境一般 但食物種類多 .有熟食 最出名係有芝士tart同 唔同既奶昔 奶昔外表用七彩朱古力碎鋪面 加一塊寫左candyshake既朱古力 入面既奶昔 飲落去好香濃牛乳味 貓山王榴槤味充足 有aftertaste既芝士味 味道調配得剛剛好 正芝士撻熱辣辣 酥皮好多層 勁香脆一咬開入面既芝士流心出黎 勁香濃 好好味 !Score 平均分 <8.5/10>Taste 味道：👍🏻👍🏻👍🏻👍🏻👍🏻Present 外觀：👍🏻👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~Address地址Candy shake 旺角登打士街54 號~~~~~~~~~~~~~

上年已經聽過Candy Shake個大名 知道距地以糖果做主題 而且距地既芝士tart最出名 必定要試！最近「馬家開餐」有介紹Candy Shake 知道原來距地依家多左好多特色小食 咁我當然要黎試下！5:30左右黎到鋪頭入面同門口都人山人海 我地兩個好辛苦先等到個位 舒舒服服咁食下下午茶店入面 牆身全部都係各色各樣既糖果 岩晒我地兩個女仔😂Candy Shake有成50幾款小食 要試晒所有款都有排試我地叫左個3.6牛乳芝士奶昔 牛奶味好重！飲一啖之後有小小芝士味滲出黎 好特別！值得推介跟住就食下個拉絲芝士多士拼盤 實在太好味了呢四個多士分別係鮮蘆筍，煙肉蘆筍，黑松露同車打芝士腸多士邊又脆又香 多士中間就軟軟地 真係好正！拉絲芝士真係可以拉到絲！真材實料！值得推介

暫時來講呢間野我淨係試過佢嘅芝士撻，反而佢地招牌的糖果飲品我就未試過，始終覺得糖份超爆錶唔敢試！而最近經過睇到佢地出左個流心大判燒，咁比佢就燒着我的好奇心去試試～試完之後只能總結一句⋯伏。試食價＄18有五粒唔同口味，價錢無算平，但重點係食落口感好似一粒唔脆嘅雞蛋仔，而內裡的確流心，但各款流心味道不是特別好味，個人對士多啤梨味最有保留（爆漿程度五星但好易整到成身都係），芝士味同佢地本身出既芝士撻一樣是偏酸的，綠茶同朱古力為最正常。唔識大判燒係乜既比佢過左一棟，而我唔會再食了～

店舖門口個保暖板擺放左唔同款嘅芝士撻，每件都好飽滿，望落好吸引。行入店內見到個menu，先知原來呢間小店賣好多款小食。店內有座位。個drink menu都好特別，想點藍蝶花茶，老闆娘話而家無賣（唔知係咪冬天先有得賣）。於是我揀左個'全港首創特選金莎奶昔'。金莎奶昔外賣杯好靚、好girly. 店員將金莎落埋奶昔放攪拌機一齊搞匀。頂層仲有好多小珠做裝飾，未飲都覺得賞心悅目！我係即場飲奶昔，入口順滑，又唔會太甜.我揀咗件原味芝士撻同碗仔翅外賣。小店的外賣袋都咁靚 😍 回家後再用微波爐叮熱，酥皮部分脆口，中間芝士在焗完後更香。碗仔翅足料，有好多魚肉、瘦肉絲，食完一碗都好飽肚。

登打士街是小食集中地，晚飯後又來「掃街」。Candy Shake有十幾種唔同糖果製成的奶昔、店裡都放滿了一筒筒七彩繽紛的糖果。除此之外，還有三、四十種不同的小食、選擇繁多，真佩服這小小的廚房竟然可製作這麼多不同款的小食。麥提莎奶昔 $30上面有朱古力星星、好漂亮又吸晴。奶昔不算太甜、吃到麥提莎脆脆。海膽孖寶（海膽多士及海膽車打芝士焗磨菇）$48多士烘得剛好、配海膽起絲芝士挺好吃，不過份量太少。最近流行半熟芝士撻，特意買了個原味芝士撻$20 及榴槤芝士撻$25一試。榴槤甜品吃得多，榴槤芝士撻還真的很特別脹卜卜的芝士撻、榴槤味很濃、芝士很creamy，榴槤粉絲定必喜歡💕

行行吓口渴，咁啱經過此店，就鼠入去睇吓有咩飲啦。店內有好多款糖同朱古力嘅裝飾，係女仔見到都鍾意啦。睇翻啲飲品，哩度主打係milkshake，所以好多款糖同朱古力嘅milkshake，好似幾特別咁，賣相又好鬼靚，但係又唔想飲milkshake咁甜嘅嘢，好彩佢哋都有其他選擇。見menu有藍蝶花系列嘅幾款飲品，咁就揀咗柚子茶。其實都無乜特別，唔會因為有藍蝶花而有唔同，就係普普通通嘅一杯柚子茶lor ....- 藍蝶花韓國柚子茶（$24）

之前聽朋友話旺角好景附近有間<掃街>必到既小食店叫Candy Shake非常之正，今日就特登去試一試。果然無介紹錯，真係超好食Candy Shake的招牌很簡潔，less is better 舖內有一邊牆係女生最愛的糖果作裝飾另外兩邊牆就係有圖既餐牌，看圖就可以點餐，非常清晰方便於點餐位隔離有實物，睇清楚先點，仲有糖果作裝飾，淨係揀食品的過程都充滿觀樂結果係我左諗右諗都未諗到食乜好時，店員好熱情地介紹我試下<即焗拉絲芝士多士>。嘩！好吖好吖！一次過滿足晒4個願望左上 : 煙肉鮮蘆筍 ， 右上 : 鮮蘆筍芝士左下 : 車打芝士腸 ， 右下 : 黑松露芝士由於係即焗既，所以要稍等幾分鐘。不過等到店員姐姐行過來送餐時，我彷彿見到一團<黑松露氣場>逼緊過來！因為真係香得實在過份！急不及待即刻用枝叉去挑起啲芝士，真係有拉絲既效果嫁！首先我由最淡味開始食起，鮮蘆筍芝士多士既多士底焗到脆邊效果，中間個芯就有小小軟綿綿，配上新鮮爽脆嘅鮮蘆筍同埋水牛芝士，口感非常好至於煙肉鮮蘆筍口味就係頭先個蘆筍同芝士中間撒上脆卜卜既煙肉， 比頭先嗰個多少少油脂同煙肉嘅香

被電視飲食節目賣過後人氣極旺，因要買走所以不敢點海膽。在花多眼亂的選擇下我竟然沒有點"極邪惡"海膽/芝士/流心之類的小食，點了個手打墨魚滑多士，想比墨魚高爾夫球更容易分享和飽肚。多士即叫即烤，雖熱騰騰不過太乾了，沒有醬汁蘸的情況下吃下去是有點困難。手打墨魚滑很爽口，但鮮味不足，蟹籽也少得不見蹤影，更不要說吃下去有沒有味道。小食是很失色的。幸好奶昔補救，也是這店本來的招牌。每點一份小食就可以用半價點飲料，這金莎奶昔就加了$18。賣相已經很討好，想不到一杯奶昔也可以裝飾得這麼漂亮高貴。雖用上金莎，但整體果仁味道較重，不會過甜，又不失朱古力的香。奶昔打得非常細幼，沒有令人chok的碎碎，整個飲料味道好又夠新鮮感。

因為電視節目而留意佢，因為買咗飛同小朋友睇戲未夠鐘而揾小食吃兼小休，因為亞女想食雪糕又咁啱經過而入咗去。唉。。就咁中伏！三母女叫咗叉燒湯稻庭烏冬，意式焗薯皮，牛乳芝士雪糕，青蘋果綠茶，我唔可以話佢難食，但真係唔好食，除咗杯雪糕，其餘嘅都係淡而無味! 薯皮食唔到肉醬嘅番茄味同芝士咸香，烏冬個湯有色個連基本醬油味都無，綠茶只係一杯有酸味嘅冰水，最後個雪糕有強烈騷味。。。。唔好食嘅程度令我無心機影相，唔會再嚟!!!! 講完!

旺角街頭小食百花齊放，每逢假日都迫得人山人海。在「馬家開飯」看過candy shake，是日經過旺角就來嚐嚐。這裡賣特色奶昔，食客可選自己喜歡口味的糖果作奶昔。值得留意是每購一款小式，可以半價換購奶昔。店內有數個坐位，也有立食的空間。空間尚算闊落。牆上有大量看圖識字的menu，方便選擇食物。驚喜的是小食選擇眾多，大概40款。而且小食具特色，與一般旺角街頭小食大不同。 金莎奶昔（$18半價）入口有金莎淡淡的香味，不是太甜太濃味。而且奶昔打得夠滑。面頭的巧克力裝飾都十分精緻亮麗，也相當可口。總括而言半價的精緻飲料性價比高。日本蟹籽芝士手打墨魚哥爾夫球（$36）本來以為拳頭般大的墨魚球有一半會是麵粉，但這哥爾夫球咬下去啖啖墨魚肉，店內有剪刀自己剪開，剪開後熱辣辣的表面，可看到芝士拉絲。當然整個哥爾夫球不可當飯食，但作為間中品嚐的小食也相當不錯。仲了多款小食及奶昔，candy shake亦有芝士撻供應。candy shake不只是賣熱潮小食，也有充滿驚喜的小食。期待下次再光臨品嘗其他奶昔。

呢幾日天氣開始炎熱，行行吓街都要搵啲凍飲降降溫。去旺角我比較鍾意幫襯candy shake，因為佢嘅奶昔係用我最鍾意嘅朱古力做，而且佢嘅芝士蛋撻又係我嘅最愛。隔咗一年半冇來幫襯，今日下晝去到鋪頭嘅時候，真係嚇咗我一跳。。。成間鋪頭人山人海！賣嘅唔止係芝士蛋撻，Candy Shake 添加左好多人氣嘅日韓小食。見到啲客人食到好滋味，我都試咗佢哋嘅日本手打蟹籽芝士墨魚哥爾夫球 36元。真係成個高爾夫球咁得意，係台上有較剪同醬汁提供，係自助形式。我就加左紅醋落去。嘩，墨魚肉好香，好彈牙，手打係唔同啲！唔知係咪我落得太多紅醋，外層反而遜色d啲，比較油膩，唔多脆。但係都唔影響佢熱辣辣又好好食嘅內涵。飲品方面，我叫左麥提莎沙奶昔，我朋友琴晚唔夠訓，佢叫咗杯咖啡奶昔。麥提沙奶昔我嫌佢麥提沙既味唔夠突出，奶味重，當佢係牛奶奶昔既話都唔錯。反而朋友嘅咖啡奶昔出奇地好味，平時我哋食一粒咖啡糖都食好耐，呢杯奶昔可以俾你感受到淡淡的咖啡香濃，出奇地討好，係會飲晒成杯奶昔都仲回味無窮。呢度仲有咁多小食，下一次又可以再試吓其他口味！

當日週末，原先約了個靚女朋友去街，卻是她在星期五告訴我，翌日早上要上大陸睇神醫！好的，健康最緊要！臨時臨急，如果找好朋友陪自己，似乎缺乏誠意！所以，我都懶得約人陪我！於是，我獨個兒走到旺角掃街！登打士街食店林立，這條食街各式各樣的美食包羅萬有！ 令我都好花多眼亂呀！寒冬下，先要走到 <尚香>，嚐一個巨型蟹湯包！ 食完尚未飽，繼續掃街！ 又走到 Rotiboy Bakeshoppe 買榴槤烤包食，沿途經過 Candy Shake，覺得內裡很面善！ 原來最近在一個飲食節目「馬家開飯」介紹過的其中一間！小食店內放滿糖果作裝飾，極具代表性！  還有一個從來未見過如此凌亂的陳列櫃！ 設有堂食，立食及有座位！供應：特色小食、半熟芝士撻、糖果奶昔...等！ 如果小食配飲品，可半價換購指定飲品！如果只有藍蝶花口味，恐怕幾難入口！一問女店員才得知，共有三款口味可供選擇！冰糖雪梨藍蝶花茶 $24單是一杯紫色的藍蝶花飲品，已經色澤迷人！入口很熱燙， 加入細碎的雪梨肉，真材實料！而且口感豐富起來！本身已夠甜味！清甜潤喉！