華星冰室 (E-Max) (Closed)

依家九展2樓開咗美食廣場，對九龍灣返工嘅人士嚟講絕對係一大喜訊，啱啱新入夥嘅就係華星冰室，華星冰室喺我心目中就係平靚正，依間華星冰室質素都係一樣唔錯，今日就食左個常餐同澳牛一樣，多士同炒蛋都係華星常餐既靈魂，炒蛋蛋味香濃，香滑於一身，多士夠厚切，散發出牛油同焦香味道意粉口感不錯，軟硬適中，掛湯能力高，湯頭鮮甜，叉燒夠淋，肉味香濃凍檸檬茶茶味夠濃，配埋檸檬茶可以解肥膩感，食飽飽义足電有精神繼續開工 45蚊果然性價比高

九展呢幾年開咗好多餐廳，我喺德福番工，有時都會搭shuttle去食飯，班次超密，好過mega box好多講番食，同事話最近開咗華星,又有報導話開咗food court, 即刻去試下去到九展，上一層就係華星,個food court 仲未開齊，暫時得一兩間餐廳，希望遲D會多D選擇最後都食番華星，好似一food court要自己霸位，另外好似大家樂要排隊叫食物俾錢再攞餐餐牌選擇唔多，9成人都係叫常餐，個friend叫咗煎蛋，我要炒蛋，結論係煎蛋大份D叉燒意一貫水準，茶走好香滑,$40係抵食, 但個餐份量唔，大應該好快肚餓

九展可算是一個開飯地獄，但奈何這𥚃方便泊車而每星期總會看一至兩齣電影，很多時趕時間趕場次下已吃匀全部食肆。吃到已經寧願空肚入場散場再去其他地方食！最近終於多了一個選擇。常餐$40----當街外茶記早餐加凍飲都已三十五、六的時候....叉燒湯意有四至五片叉燒在底，意粉不太腍湯亦夠熱。二片厚多士加上火腿及炒得火候不錯的滑蛋，抵食！魔鬼豬扒飽----不知魔鬼在那裡？飽身烘得脆，豬朳入味炸得夠香口，加上蕃茄生菜沙律醬帶點水份吃起來不太乾。鹵水雞脾----鹵水汁味道偏甜，雞脾鹵得入味生熟程度控制得不錯,中間厚肉位置熟而不嚡。自助形式無飯無炒粉麵，以湯麵三文治及小食為主，出餐速度是意料之外的快。