Capri (Closed)

今天約咗朋友去荃灣行街,餓餓地,見到間好有外國小鎮餐廳feel嘅Capri,於是走位咗入去食晚飯,地方唔大, open kitchen, 好屋企feel, 服務非常友善，也很有禮貌。七十五至一百一個set dinner, 價錢不算便宜，尤其是在荃灣區(不過有九折，即係駛加一)，但相對食物質素就很高，絕對物有所值。我選擇了羊扒+鴨胸配薯菜，份量十足，羊扒好鮮嫩，絕對唔係一般餐廳嘅貨式，食得出厨師嘅心機，而我朋友就揀咗香魚柳，配以茄汁意粉，廚師用的並不是普通的茄汁，是新鮮的蕃茄蓉，帶點酸酸的很開胃！她亦讚不絕口！食完個set 已好鬼滿足，但見佢哋 有homemade的cheese cake (沒想到荃灣區都揾到自家製嘅芝士餅！) 外觀也不錯，忍唔住叫咗件雜莓芝士餅同朋友share, 嘩！裏面有好多料呀, 酸酸甜甜的，好清新，一啲都唔滯，好好味！聽講佢地經常推出唔同嘅 新款式添！整間餐廳質數好高，絕對值得recommend 俾朋友！P.S. 原來整間餐廳嘅主要員工係一家人嚟！(包括大厨弟弟,整餅姐姐及收銀嘅媽咪)

裝修不算高檔，但服務非常友善，也很有禮貌。四五十元一個set lunch，價錢不算便宜，尤其是在荃灣區，但相對食物質素就很高，絕對物有所值。尤其我選擇的羊扒+鴨胸配薯菜，份量足夠一個男人吃，雖然說是lunch，但也有足一份鴨胸！從前我吃鴨胸必然會去皮，但今次廚師卻把它煎得香香，淋上甜甜的燒烤汁‧‧‧二話不說我已經立即把它塞滿口裡！讚！還有茄汁魚塊意粉，廚師用的並不是普通的茄汁，是新鮮的蕃茄蓉，帶點酸酸的很開胃！因為享受完整個set lunch已經很飽，所以再沒quota識一下他們的cheese cake，聽說是homemade的，外觀也不錯。PS：餐飲可用半價轉為其他coffee

2個dinner sets:- 魚柳(forget what kind of fish): "醒" but 配菜幾好味- 大蒜忌廉湯: 無味, 唔知飲緊乜- 沙律: OK- 甜品: pina cotta: OK- 羊架扁意粉: 羊架太鹹太熟, 咬唔開但個扁意粉就好好味- Home made cheesecake: 面層硬晒, 好似罷咗好耐. 唔知點解會放入椰絲响芝士度, 口感好怪又唔夾, 好難食唯一可取的只有服服.

朋友生日, 近近地去左呢間, 全部叫左set dinner白湯: 比較稀,而且入面只有一點點菜粒...比罐頭湯還遜。麵包: classic 蒜蓉包，不過我食到上面的香草用左lavender點雖然朋友們吃不出), 特別,但不是我杯茶duck breast沙律: 有少少黑醋，不及沙拉醬，味道還好，duck breast都不會太老。主菜: (1)白汁蝦意粉:味道啖 (2) 羊架: 比較生, 切也切不到...=.= (3) 烤魚: 無味, 稍乾甜品:custard pudding, 上面的strawberry & mango jam有心思,不過個pudding比較甜。服務很好，所有waiter都很helpful而且有禮貌。不過...我寧願加多d 錢去dining room 或olive‧

之前睇左食評覺得呢間餐廳唔錯, 所以星期五同朋友去食晚飯.叫左兩個set share一齊食, 分別有:餐湯~ 唔知咩湯, 味道普通Toast ~ 夠脆, 味道ok沙律~ 夠清新, 幾好味主菜1 ~ 羊脾拼鴨胸, 羊脾好難切, 不過味道唔錯, 鴨胸就好好味, 夠晒稔主菜2 ~ 海蝦墨汁意粉, 又大碟又好味, d蝦都幾爽甜品~ 布甸, 幾好味, 不過得一款, 無其他選擇餐飲~ 柚子蜜+香濃朱古力, 無特別, 好似茶餐廳既野飲整體野食ok, 不過不失餐廳環境太迫, 好細間, 不過氣氛唔錯價錢一般, 埋單$216, 8點後埋單有9折, 其實即係唔加一服務超級好, 我地'瀋'唔到芝士粉, 果位侍應姐姐好好咁幫我地'瀋', 而且又成日執碟, 無微不至到不得了, 真係從未遇過.

呢間野住係荃灣咁耐都係第一次去....食晩飯..... 入面真係好好好好好好好好好好好細.... 如果自問係肥既話唔好入去, 免得阻住人地個鋪位.....D 服務幾好.... 上菜既時間都幾好.... 因為佢地會留意住你食左野先上菜....食物質素只係普通.... 唔好咁高期望.... 但個Mood 好正.... 有D 細細支既蠟燭照住....另外要一提既就係佢原來某段period 入座定賣單走有特價.... 入去前可睇睇門口.... 有寫住既.....

起初是因為朋友介紹而去試一試,但也真是充滿驚喜了,因為一般這一種規模的餐廳,會因為food cost 的關係而用不太良好的材料,但是呢,這裡的食物確實是令人覺得有一種地道的風格,比起其他的餐廳很的味道,這裡更有像小住家那種令你覺得正身處意大利民家的感覺,是很難以筆墨形容的特別.另外,那個用黑板寫的menu也很令人在意,這喜歡這種有圖案的menu,而店內畫在黑板的地圖也值得一提,細心的告訴你這間店的名字和菜式的由來,也看得出廚師對餐廳的用心,這是很值得欣賞的~總之是很值得去試的一間餐廳~ps:以上全是個人意見~不過~那間店那個美麗的waitress 那種對工作的熱誠與細心也是現代的餐廳很少見了~也值得在這裡給她一點點的鼓勵~比心機ar~

同朋友晌度食晚餐(因為見到啲食評幾好, 所以試試), 叫咗個牛扒餐。首先有個湯+TOAST, OK喇~朋友話個TOAST好脆~~然後SALAD, 我覺得個SALAD好正~~跟住係個扒, 我要六成熟, 都幾好~~甜品都唔錯~食物方面我覺得唔錯, 但未致於好突出。不過佢哋既服務真係好好, staff好好笑容兼好殷勤, 係我去過既食店裏面最好既服務...呢個一定要讚!!

去附近做完尖, 當然要好好吃一餐\. 行過capri好多次, 每次都是晩上, 好像很高檔, 每次都很多人的, 今次適值較少人的下午時段, 是時候試一試。推開門, 就是一陣意大利的香草味、乾蕃茄味；門口旁有雜誌, 也有意大利烹飪書. 實在很適合我這個意大利痴. 點了一個豬扒包和熱檸茶. 熱檸茶無甚特別. 但豬扒包却很有意思：甫落單, 大廚從前台的袋中取面包，走入open kitchen便塗上香草牛油, 然後煎豬扒, 手勢一絲不句. 最後上台, 那豬扒肉厚大軟冧又多汁無骨.似乎經過香草和茄汁醃製, 配以紅椰菜和蕃茄. 包本身軟厚、味道一般，但豬扒味道是很豐富而且不油膩, 入口香味直衝鼻樑!埋單約25元左右，在香草味中一面閱\讀書籍一面聽著音樂, 間或看著街外陽光的行人光影, 原來幸福可以來得很簡單的.

這間位於荃灣Capri的食物好好味呀! 我同老公一齊去吃dinner.之前因為中午去過所以又去幫襯.上菜時佢會慢慢等你食完一樣便再上另一樣菜包保一定是熱辣辣,不會似其他餐廳全部一次過上桌.不過一定要試佢地HOME MADE 整的芝士Cake 真是好好味.而且佢地的服務態度真是相當好直得再去

去過這餐\\\\\\\廳數次環境較細但裝修不錯~晚餐\\\\\\\都是要set, 有沙律餐\\\\\\\湯, 甜品主菜試過牛扒, 鵝肝拚鴨胸, 龍蝦意粉每次都覺得好滿意朋友都說一定要再光顧!!

尋晚，我同男朋友去左呢間餐廳食野，其實之前已經黎過，覺得幾好就再黎多次！！今次，我地叫左：餐湯：忌廉洋蔥煙肉湯餐包：蒜蓉多士前菜：鴨胸沙律伴黑醋汁主菜：瑞典豬牛丸墨魚面＆黑松露菌汁肉眼扒（六成熟）甜品：芝士奶凍飲品：熱咖啡＆凍檸茶Ｔｏｔａｌ：＄１９０～（係非常之咁抵既！）個牛扒真係超超超正呀！！其他野全部都好好味，但個牛扒實在太出色！真係要讚多幾次至得呀！！好味過ｏｕｔｂａｃｋ好多！！

(23/6/07)一個人,有時候都會對自己好d。今日想到olive或Capri吃lunch。但olive通常較多人。set lunch:忌廉湯,少稀,質素好過茶記/pizza hut。蜜糖麵包一片,略嫌求其。特色沙律,有點土耳其豆,顯得有點不平凡。羅勒忌廉汁火腿煙肉長通粉,份量剛剛好,煙肉一d都唔肥,我唔食煙肉既但有煙肉脆皮腸,加強「煙」味,欣賞!而且忌廉並不是一pet的白汁,輕輕的還有香草呢。八折價加甜品。一見到是home-made,橫掂來到都試埋啦。new york cheese,lemon cheese,mango cheese,吉士pudding,朱古力puff。選了mango cheese,好正~~好多芒果粒,平均分佈在蛋糕內,加埋個100%芒果feel的醬汁,似芒果芝士布甸!襯埋咖啡,一絕啊。地方較細,很易碰撞。侍應木口木面,但很留意客人,食完一樣才來一樣,食完主菜又會遞上牙纖。

假期最好都係去吃喝玩樂，是日的下午約了朋友去睇貴價東西，去之前當然要食飽飽先啦！荃灣城市中心附近，去過Olive好幾次，今次就試一試隔離的Capri。Capri，不論格局以致營運模式都與Olive相似，但地方就小得多。朋友朝早無有野落肚，所以成三點鐘都要食lunch set，而我就要一份下午茶餐便可以。Lunch Set要龍脷柳，Tea Set就要mini pizza；先講我的Pizza，沒有肉的，只有少許洋蔥，不過都焗得幾香口。試了一點龍脷柳，沒有雪味，幾鮮甜。再渴一紮熱檸茶，又是一個完美的下午。認同上位食友（P & J)所講，是比Olive遜色一點。不過，我覺得也值一個笑面。

Capri的而且確係荃灣少數的西式小店，和走相同路線，兼已上了位的Oliva，相隔只數個舖位，競爭應該相當大。Capri面積超細，坐桌擺放迫夾，講真，唔好坐。我倆都點了Tea Set，男友要了$36元的牛扒包，我就要了$26元的Pizza set。牛扒包即叫即整，新鮮熱辣；pita bread口感痴淋淋，我不喜歡，男友話OK。牛扒有三小塊，不算鬆化，加上有股中式醃料味，感質覺怪怪的。$36元，係荃灣算over-prize。我的pizza明顯不是自家製，唯一抵讚係夠熱。Pizza 面層只有數片青椒和紅椒，芝士非常少，頗不吸引。比Oliva貴，沒Oliva舒適好坐，食物味道相約，想突圍？難啲bor…