車仔麵之家

Open Now

Now Closed

今日食晏嗰陣, 隔離個同事心血來潮 , 無端端話想食車仔麫, 於是去咗呢間出咗名要企喺度食嘅「車仔麫之家」, 我地就唔會喺嗰度食啦, 一於買外賣返公司慢慢嘆, 我一早就知會呢度食晏會好多人, 所以十二點前去到就最好, 唔駛排隊!入到去, 見到個湯底就知道堅料, 高湯的面層浮住起碼有十個鴨頭同雞頭! 於是我地開始點餸：１）油麫, 呢度的好彈牙又唔漏２）蘿蔔, 清甜無渣３）翼尖, 好滑, 有雞味４）大腸, 清理得幾乾淨, 冇肥膏又炆得幾腍５）豬皮, 都幾入味６）冬菇, 有香味, 咬落有厚感７）咖喱魷魚鬚, 醬料惹味８）魚蛋, 彈牙９）蠔油齋, 好味１０）唐生菜, 翠緣爽口　不過, 成碗麫個神緒就係記住加嗰PAT沙嗲醬呀！嘩！足足叫咗九個餸呀,好似食九大簋咁, 勁呀！ 個同事一路食一路話好好味, 真係冇介紹錯喎! 我叫佢慢慢食, 咁多嘢講, 小心哽死呀！　

因為附近冇其他車仔麵關係,13:00黎到想企都冇得企.唯有外買...雖然HK$22.00唔係多錢....但真係好小,好細,好SMALL呀. 一個正常女子都唔會食得飽啦,一隻冬菇仲要剪開4件...最重要湯低唔得,成碗車仔麵冇黎味道...就近有其他車仔麵檔就好羅.几年前食過同几年後食..都係一樣水準冇高過

passed by and have wanted to try this well-known cart noodlery for a while, so i went in.ordered a bowl of thick noodles (fettuccine shaped lye water noodles) with beef tendon and shitake mushrooms.the portion was meager. noodles is about 1 1/2 cups (less than a standard 80g package), with 4 pieces of halved mushrooms, which means 2 mushrooms in actual fact, and 3 pieces of beef tendons. never mind the size, the noodles was only $17, so i shouldn't expect anything. what happens next DOES bother

是次叫左:魚旦 (比5粒)- ok wo, 幾彈牙wo, 係味不太出, 好彩加左沙嗲辣~豬腸 - 又係幾彈牙, ok入味, 份量一般酸 (一大嚿剪開4份) - 其實我覺得浸湯食有d怪, 不過個個都叫, 所以我都試下, 係幾入味, 即刻食仲食得出佢剛炸過的質感, ok~因外帶關係, 盛惠$22

因為車仔麵之家好近公司 而我又好鐘意佢個辣醬 所以成日都會黎幫襯每次order都會叫墨丸 佢d墨丸入面有蒜粒 好香口亦會叫佢落extra辣醬諗起都想食! 但係佢果條永遠都排到去隔離酒店既人龍成日都嚇走我...

尋日特登去食好彩咁啱有企位雖然都係企但可以放低碗麵叫左油麵,豬皮,豬紅,魷魚全部餸都好入味,豬皮魷魚夠爽口細油麵嘅份量對女仔黎講已經夠(有大中細揀)個湯幾好味總體來說,,,這碗車仔麵很有水準lunch勁多人但佢地都好快手

很多店都是以車仔面為主打.不過此是少有有名有實的店.店中的面可選 大/ 中/小十分體諒不同食量的客人選了魚旦豬皮冬菇大腸蘿蔔魚旦好過'陳記魚旦', 用的是較實的旦, 而且辣味是和旦合2為1, 需不是全港最好, 不過都是入10大的.其他的都食物一吃都可以吃出店家是用了心去選擇及準備的.老實說, 香港的小食, 要造好一定不是好難造好, 只是要店家比心機, 一定會令客戶回頭的.現在是金融危機, 不是家家店都可以好好彩賺錢的.

行經這店好多次, 但因唔起眼及無座位, 所以一直無試. 大約幾個星期前, 我老公話不如試下, 就係這樣, 我們現在一星期最少去一次. 我最喜歡佢地的魷魚, 蘿蔔, 湯底及辣汁. 真的好野味, 又唔係好多味精(因食完唔覺口渴), 我老公更每次都會食酸齋!!! 一定要試試!!!!

今日lunch突然好想食車仔面所以特登行左過去買外賣,聞說呢度d酸齋好好食,不過我怕酸野所以都係試番蠔油齋一開左碗野已經搞到公司香噴噴d齋好大件,好有口感,仲似打邊爐果d山根咁,不過係勁有口感版,因為佢個湯底好夠味,所以令到其他的配料都好好食~~~下次會再行過去買,不過真係好遠!

現時既車仔麵﹐已跟十至二十年前有很大的分別。 當時﹐餸既款式大不了都是那四五樣﹐沒什麼選擇。但隨住時間歷史的改變﹐車仔麵檔亦由街上既木頭車轉營為大牌檔﹐言而轉營為現時每條港九新界街道﹐而且燈火十色可供多人能座底光顧既鋪位。時代不同﹐市民對食物要求亦大大提高﹐因而現在餸既款式亦大大曾加﹐湯底亦會用心地去餚製。令一碗平凡既麵食都可令人排長長人龍在其後巷和店內立食。因覺得車仔麵中既食物沒什麼營養而什少食車仔麵既本人都同老婆慕名而來試試。到達後已見到好多人在寒冷既天氣下拿著一碗一碗熱熱泡煙的車仔麵品嘗著。呢度廚房係開放式﹐因而見到佢地用既湯底煲內有很多鴨頭。酸齋 – 質感脆脆﹐不會因浸在湯內而變得淋淋。雞翼 – 大隻厚肉。不錯之選。魷魚 – 係魷魚身﹐爽爽。豬皮 – 入味爽口。幼麵 – 未透心﹐有些硬心﹐應該再煮多半分鐘。呢度係一間有心既車仔麵檔。湯底幾濃﹐同之前所見到用有質素既食材餚製有關。每位店員亦有禮貌﹐長長人龍忙不停手也一樣。

甚麼才一碗出色的車仔麵，每個人的定義也不同，對我來說，首要湯底濃淡味要適中。但何為適中？又是每個人定義也不同。就以「味精」為例，加入「味精」完全沒有問題，如果沒有加反而有點反傳統。世上如果真有「沒味精的車仔麵」，我覺得不會是一碗出色的車仔麵。只要加入的「味精」，不致令你喝下一公升清水或咬完整包曬駱駝後，仍然在口中賴死不走，已算是合格。除了湯底外，當然還有麵底及有十數款供選擇的「餸」。做雲吞麵的，只要有好湯底、竹昇麵及數粒出色的雲吞，已經可以作生招牌來做生意。但車仔麵供應的「餸」少至七八款，多至十數款，要每款也有穩定或出色的表現，要求的確更高。今次來到一間多次被「生果人啤梨」推介，位於灣仔的車仔麵店「車仔麵之家」，因為此處有我夢寐以求、坊間已買少見少的「硬身魚旦」。此店要求所有客人「立食」，當人多時還要在店外後巷捧著來吃，在「蘭杜街」及「晏頓街」已有多間食店的情況下，仍然不乏捧場客，當中吸引力應該不少。亦因「立食」的原故，有不少外賣客光顧。早上十一時來到，店內只有一位客人，並已經吃至尾聲。老板禮貌地問吃甚麼，馬上點了「油麵」($5.00)、「豬腸」($6.00)、「豬皮」($5.00)、

要搵好食0既車仔面其實唔易 ~ 嚟呢間車仔面之家試左幾次, 都覺得好好味, 價錢ok 啦, 有啲人就覺得貴, 我覺得如果好味0既, 貴少少又何妨呢 ~最鍾意呢度0既齋 (唔係酸齋), 我同媽咪都覺得佢唔油, 食落有少少脆, 當然要快手食啦, 比啲湯淋得耐過頭就淋哂 ~ 跟住佢地0既豬腸, 豬紅, 雞翼尖同尤魚都係我必選0既心頭好 ~ 呢度地方細細, 一到食晏時間, 星期六中午時分就好多人, 同埋呢度唔好0既地方就係無位坐, 一路食一路拎住碗面其實都幾攰, 不過, 我都會繼續嚟食佢地0既車仔面 ~

本人都好喜愛食酸齋, 所以黎試下呢度 D 酸齋我同我男朋友叫左10蚊酸齋佢比我地個陣, 真係少到嚇親我如果計未剪開, 大概都係得3-4塊左右10蚊wo, 我地差 D 以為佢剪錯5蚊份量心諗都算la, 如果好味都 ok 既點知....真係好普通, 甚至比普通既差佢個皮放到有 d 硬, 我 pefer佢係有 D 脆身加上真係唔係幾夠酸, D 味好普通我隨便係一間齋舖買既份量都多過佢, 都好食過佢咁貴真係冇下次, 車仔麵都唔想試

看到很多人說這間不錯,今日終於去左試下見到分大中細麵($5,$7.5,$10) 大部份餸都係$5,牛腩大腸果d$6 ,最後叫了4餸細麵共$27,如果唔介意冇位坐,同埋打算外賣的話...呢度比起其他食車仔麵既地方都算係平少少食物方便,豬大腸真的不錯,幾入味,但係切得太細,放落口幾乎可以直吞,想咬口都有d難 墨魚丸普通貨色,而且可能擺左太耐,食落口有d太腍既感覺 牛腩都唔係太好,佢全部俾晒筋我,而且好大舊好難放入口 紅腸不錯,細細塊加埋d湯一齊食好正至於湯底真係唔錯,去到咁岩見佢撈d鴨頭上黎湯夠濃,加埋d食車仔麵必備沙爹醬真係好正 飲品方便比其他地方平 大檸檬茶,水,可樂果d都係$5, 比起其他車仔麵店要$7-$10真係平好多下次有機會再去試下其他,不過真係希望佢d豬腸可以大件d,太細件食落去口感好差

每日lunch, 呢度必有長長的人龍, 今日終於決定加入人龍, 一試車仔麵.等左十多分鐘, 叫左個油麵加3餸外賣 $22湯底 - 真係唔錯, 好濃好味! 不過最好都係唔好飲咁多, 會好口渴的!油麵 - 有分大中細size, 我要細既, $5, 但真係份量幾細, 半個麵左右, 唔飽! 但味道唔錯!豬大腸 - 有點失望... 唔夠入味, 條腸好細, 無咩口感.蘿蔔 - 又係失望, 唔太清甜又唔夠淋魚旦 - 係最穩陣之選! 有車仔麵既風味.呢度其實甜酸齋出名的, 但最終我都無揀到, 覺得齋配車仔麵有點怪. 不過下次有機會再嚟, 都可以考慮試下...