車仔麵之家

Open Now

Now Closed

已經幫襯左呢間既車仔麵好幾年了，記得當初無咩電視雜誌報導，根本唔知有幾好味，只係純粹咁岩行過入去試，點知一試就愛上 雖然都幾多餸揀，但初初我只係試最basic既魚蛋、蘿白油麵，後來又試左門口推介既甜酸齋、魷魚，之後又試佢既雞翼、冬菇、墨魚丸，所以依家好多時去到都已經有心水: 雞翼/墨魚丸/甜酸齋+生菜+油麵+辣 雞翼...佢d雞翼係滷水雞翼黎，仲要滷得好夠味，唔會一味死咸或唔夠味 (不過有時雞皮上會有小小幼毛，要小心) 墨魚丸...佢d墨魚丸係有d墨魚粒響入面既，唔同平時車仔麵食開果d，所以好有墨魚味又有咬口，仲要大大粒，本人非常推荐 甜酸齋...雖然酸齋配車仔麵好似怪怪地，但佢d甜酸齋係仲有少少脆口，加上酸酸甜甜，配車仔麵上黎又幾夾 油麵...個人覺得車仔麵係要配油麵至夠地道，除非d油麵好難食我先會叫其他麵，而佢地既油麵就好正，唔太油之餘仲略帶煙un彈牙，所以我去到必點 辣醬...類似沙嗲醬既野黎，小小辣之餘帶有甜味，加入碗麵一齊食可以話係神來之筆 我唔係成日影相，所以呢幅相已經差唔多兩年前影落，但味道同上個月食既一樣好味，只係價錢已經加多左(相中呢碗2012年要 $22

終於試到啦! 好好彩人龍不算太長, 十個之內。店員做事超有效率! 會預早2-3個客便問要哪種麵, 之後可直接揀餸, 我點了細油麵, 酸齋, 魷魚, 菜和蘿蔔。酸齋實在很出色! 鬆脆非常, 而且味道酸中帶甜;魷魚的咖喱味香濃, 只可惜沒有魷魚鬚;蘿蔔腍且入味。

3送車仔麵 $26(好食指數:8/10)2013-06-21我地揀左甜酸齋、咖哩魷魚、豬紅、蘿蔔、豬大腸。甜酸齋好好味，反而咖哩魷魚就失色左。另外3款都好入味，係車仔麵既好選擇！麵可以選擇大小，小既份量唔係幾夠食

在香港可以找到地道風味的車仔麵，真是鳳毛麟角，少之又少，也許車仔麵之家尚可以保留部份傳統。以立食出名的店舖，因為毫無坐位的關係，人流去得極快，但以前在街邊驚走鬼的感覺是不會再發生，有時候社會進步，總有一止人和事會給淘汰，這也是無可奈何。今次特意去重溫一下舊味，點了生菜、豬皮及豬紅，生菜沒什麼好講，豬皮有部份浸得太耐，腍身了，失望；豬紅懶理是否雞紅，吃起來不會彈牙，而是一咬即裂開，味道不錯；加上澆了辣汁，吃起來辣度有層次而不會死辣，整碗麵即時變得惹味可口。

講起最愛的香港本土食物，大家應該都有不少心水吧。本人極愛蛋撻、雞蛋仔、菠蘿油之類，貪其夠方便而且份量細細(裝著看不見高高的卡路里~)，買走非常方便。但雲吞麵、車仔麵之類就甚少有吃。原因也簡單，家的附近沒有好吃的車仔麵店，要特意花時間外出去吃那十分鐘的麵，光是想想已經讓人避之則吉。幸好老天也待我不薄，原來公司附近就有一家非常出名的車仔麵，找天去試了一試。車仔麵之家最特別之處是不設座位，店內也只有三數個企位，大部分食客都是捧著麵豌就站在店後的小巷吃，風味可謂十足。所以如果帶著很多東西的話就不要去了! 當天早上有點小雨, 所以當我到達的時候只有4,5人在排隊, 馬上就得向專負責煮麵的叔叔吼出"我要油麵!", 亦沒有太多時間可以考慮挑甚麼餸, 最後只挑了牛腩墨丸蘿蔔冬菇大路貨色。友人比較聰明，點了此店最出名的甜酸齋和豬大腸。甜酸齋真的幾好吃開胃，只是碗麵會變得甜甜的，可能不是每個人都喜歡。豬大腸爽脆無異味，全因為店家每天花很多心機去清洗！真的不容錯過啊!喜歡味濃的話，記得要沙爹醬呢。

九月上旬‧晴即係咁，由小到大我都是「掃街王」，賣魚蛋的除了辣齋還會有酸齋，當然食食埋埋都好多，但幾十年來從來沒有一個地方比這裡更好。這裡的酸齋微脆而酸甜合度，秘訣就是天天新鮮自製，從不用來貨。每次來買，都要一次過買三十元才夠皮。這裡叫車仔麵之家，就在我公司樓下，好方便。

一點過後見到一條長龍已經唔想排但因好少機會經過嗰邊所以死就死啦！叫咗粗面加冬菇、蘿蔔、牛腩加人氣甜酸齋！分量幾多，蘿蔔甜，冬菇可以入味多D但已不錯，牛腩係一個surprise 比冬菇還好再撘上一條牛筋，正！齋是從未吃過脆口的！怪不得後面有人叫兩份。若佢offer 加腩汁會更完美！

平日中午 12 時開始，這裡就開始出現一條長長的人龍，為的就是一碗車仔麵。客人以外賣佔多，「立食」位置不大，只可容納 5-6 人，也有豪邁的客人捧著麵到店外的走廊吃 第一次來吃，選了魚蛋、蘿蔔、沙嗲魷魚、時菜。第二次來吃，選了酸齋、冬菇、蘿蔔、時菜。湯底：看牆上的店主專訪，原來湯底是由午夜開始熬的，難怪如此入味。細米：我不愛麵，獨愛米粉。所有麵類分大 / 中 / 小，女生吃小的已經夠飽。魚蛋：有五粒，沒有用咖哩醃過，味道較啖口。非常彈牙，很像小時侯去士多買的魚蛋呢。蘿蔔：冇渣，清甜，自然。有些店鋪把蘿蔔弄得過甜，感覺像假蘿蔔，我很怕。沙嗲魷魚：魷魚爽口彈牙，很入味，但份量不多。酸齋：據說是這裡的名物，比齋鋪賣的酸齋較硬和脆身，酸酸甜甜、挺特別的。店員貼心地放在最頂，不會被湯浸稔。冬菇：約有 8-10 片，鮮甜入味，家裡也做不到如此水準啊。時菜：吃過菜心、生菜，時間控制得好，兩款都新鮮翠綠鮮甜。在這裡「立食」過兩次，發現客人多會叫 5-8 樣送，可想而知這裡的車仔麵多出色。最受歡迎的是豬紅、豬皮、豬腸、蘿蔔、酸齋、冬菇，可惜我不愛吃豬雜。其實以這裡的人流，相信可以擴充，多開一家堂食的車仔

在這裏上班一年多，竟然才第一次吃這裏的車仔麵，某天跟同事不知吃甚麼好，於是就由她們帶著，到這家人龍店成為人龍的一分子。到店時自然是排到後巷，還好排了約五分鐘便能夠擠進店內，跟店員嗌自己要甚麼材料再付帳。要了同事極力推薦的酸齋、大腸、菜 & 蘿蔔，酸齋果然不錯，店家貼心的把酸齋放在湯上，所以齋卜入口還是相當脆，吃起來輕身一點，感覺沒一般的膩；甜酸汁也調得不錯，最怕吃到滿口糖精味，這裏的自然不會；我同事那兩碗嘛，酸齋甚至用膠袋另外盛著，這就更能保持齋卜的脆度了。另外的材料沒酸齋般亮眼，不過還是在水準之上，蘿蔔入味，稍嫌塊頭不夠大，吃起來沒有很多汁的感覺；大腸沒異味，肥脂不多，入口也有滷水香，只是分量有點少…麵底不太大，正好適合不想吃太多的鄙人，湯底入口帶甜味，讓我也竟然喝了不少！這裏四餸一麵，買單沒記錯約 $35，有水準的車仔麵即使貴一點也是物有所值，更何況在這幾條街之中，這家車仔麵的價位也是相對便宜呀。

是日又因為公司的事情來到了金鐘，但面目全非的金鐘區已經不是我找野食的地方。咨詢了搵食能手，他建議我來晏頓街食美味的車仔麵。又要排隊，又要立食，又要迫，又要由門口叫入去。來這個地方食車仔麵絕對不是好受的一件事。幸好，因為大多人都是外賣拿走的，所以排的隊雖長，但清queue清得好快。要堂食，找一個位企也是一個大難題，有部份食客乾脆的拿著碗子，站在空曠的地方食麵。而我就不太習慣咁食，要是這樣食的話我只會把成碗麵倒落地上，乜都冇得食，仲要隨時俾食環處罰我行我$1,500添。所以點擠，都要擠埋去有檯的地方立食。黎食車仔麵，最好的選擇當然是油麵啦。馳名的咖喱魷魚同酸齋是必叫之物，再加上豬皮同牛腩，大大碗車仔麵，我拿著包子，拿著麵，拿著相機，拿著筷子。在櫥窗旁邊找來了一個小小的檯面空間，再把上一手人食剩的碗放落下一格。一切都安頓好了，我開始食麵。車仔麵，我總是喜歡有牛腩，因為腩汁會更加帶起湯底，餸菜同麵的味道，變得更濃更香。而牛腩，雖然是傳統的碎細雜牛腩，但牛肉味香，腍，一絲絲的容易咬開，十分之好。另一樣又腍又香又爽口的，就是咖喱魷魚，爽爽的魷魚，帶點脆，香口得非常，我碗麵的湯汁，夾帶有咖喱魷魚的味

最近不知不覺間對車仔麵有了濃厚的興趣，在灣仔及銅鑼灣區內較為出名的，都試到七七八八了。當中，深感灣仔的車仔麵之家真是首選，由麵的質素至食材的選擇都非常好。這裡絕對是異數，不設座位，只有企位，店舖細小又擠迫，每逢午飯時間，門口都排了一條長長的人龍，細數之下亦達二三十人，個個皆是為了一碗”嗱吔麵”。先由麵條說起，油麵雖不特別，但居然容許我由店舖回到公司的十多分鐘的路程，應是糊掉才對，可是仍然彈牙。配料款式雖然不多，但以貴精不貴多的精神，做成每樣都十分出色，當中必選甜酸齋，製作時間很好，仍然有脆口的感覺，酸甜味道亦配合得宜。大腸亦是另一推介之作，鹵得非常入味，事前處理功夫足夠，既乾淨又軟稔，並且還帶有甘香的味道。蘿蔔雖然大件，但較為硬身，幸好是鮮甜無渣。冬菇已被燜煮入味，可是味道普普通通。豬紅則十分滑溜，不會一夾就散，不錯不錯。同事叫的是牛腩，同樣非常入味兼軟稔。雞翼尖炆得出色，但仍然不及榮記，其餘材料都是不錯，只是覺得大腸雖美味，可是份量十分之少。不能不提那一大堆的沙嗲醬，靈魂所在，辣度不算勁，可是有提升味道的功效，真的十分美味。事實上，價錢不是昂貴，還可以算是超值。在灣仔區平均都要三十多

講起食過既車仔面, 呢間係最好食之一係我唯一一間肯企係到食既車仔面,酸x: 好好食~加係車仔面度..簡直係一絕!! 同辣夾埋一齊..簡直滿足晒味覺!魚旦: 有口感, 辣醬都好正大腸: 洗得好乾淨, 一d 脂肪都冇, 好好食面: 軟硬岩岩`好 ,湯底沙爹醬又正如果係屋企附近就好了!

呢間車仔麵想試好耐,今日係中環行過來搵食,叫左五個餸,咖哩魷魚,豬腸,蘿蔔,豬紅,酸齊加咖哩汁油麵食完先左佢個麵原來有分大,中,細,今次我就咁叫油麵好似係細份量比較少唔夠我食,下次要叫個大呢間係冇位坐,1點女來食排完10分鐘呻野食,都係企係街到食,如果夏天都幾辛苦,望佢可以搵間大D地方可以食得舒服D咖哩魷魚:好食,一D都唔韌,但咖哩味唔太入豬腸:洗得好乾淨,入面一D肥膏都冇,前日食榮記果D佢入面全部都係肥膏,都幾爽口蘿蔔:呢樣同榮記差唔多,但記再林少少,但一樣甜豬紅:唔錯酸齊:呢樣最好食,好特別,佢好似再炸過咁仲有少少脆車仔麵好易整但做竹好食又乾淨就花好多心機,呢間小店真係做到,下次一定會再來試埋佢個牛腩同豬皮

從雜誌看到介紹這店...想必很值得一試那就專誠去嚐一嚐怎知重點推介最為吸引的咖哩魷魚於下午5點已經賣完唯有另找一天再光臨先試一份魷魚...看看是否如報導般出色$6一份...份量不多...是貴了點味道是濃...但就只是咖哩粉的濃就是不夠好吃...沒有想像中的精彩吃過很多家...還是別家的咖哩魷魚做得更好嚐過魷魚...暫時沒有再試別的款式的衝動了鎮店之寶沒有為這店加分...感覺很一般而已希望下次再來...會更有驚喜

接近13:30左右.剛好去到附近.. 榮式燒雞排, 美味果汁門口都有條人龍..車仔麵之家更誇張, 很多人就柑拎住碗麵企係門外的天井位立食..能令人忍受著30幾度高溫, ..相信食物必然有吸引之處!叫了4餸:牛腩, 豬大腸各$7酸齋, 魚蛋各$5共$24牛腩大大舊不是一般車仔麵的碎腩..good..而且夠淋身, 味濃..豬大腸果然有股"腸味", 有"咬"口...哈哈..好彩有鹵水汁中和一下...酸齋 - 邊位少少脆, 少少酸..幾得意..個人覺得比柴灣"合興" 還要好, 魚蛋5顆...不是粉不是彈牙類, 是兒時吃車仔麵的那種實實口感, 魚味濃..吃慣彈牙魚蛋..這個只是一般, 純粹勾起童年回憶..湯不算太濃...整體水準很高.食材製作比較認真, ..份量亦足..服務員也很有禮貌...衛生程度也覺得比cwb 的出名車仔麵店好, 值得推介!