車仔麵之家

Open Now

Now Closed

去完<金鳳茶餐廳>, 就轉戰去<車仔麵之家>, 因為灣仔區係露露小姐0既地頭, 所以有她帶住, 我就變成一個小朋友跟住, 哈哈!!! 去到0既時候, 又係0岩0岩有企位, 入面都真係幾迫0架, 容納五六個人都差不多0架啦. 係呀, 露露小姐話樣樣餸都好食, 等我試下先!!! 1. 積奇的車仔麵 (豬大腸, 甜酸齋, 冬菇配米粉 $21) ~ 我叫0左少辣, 0岩0岩好!!! 甜酸齋幾好味喎, 雖然唔酸, 不過好有咬口, 正!!! 冬菇好滑, 而且都幾入味. 豬大腸就普通d, 可能太細舊, 哈哈!!! 仲有豬皮(夠爽), 魚旦(夠彈牙)都值得推介!!! 果然樣樣都幾好味喎, 下次我會帶祖安去品嚐下!!! P.s. 之後去0左對面果汁店買0左杯雪梨汁都唔錯喎!!!仲有0黎一個兩大車仔麵對決：<金寶美食> V.s <車仔麵之家>1. 湯底味道各有特色................................打和2. 魚旦...................................................

每次若午飯時在Wanchai，都會把握機會到這車仔麵幫襯。禮拜六下晝兩點幾，依然排長龍，最後叫左基本野，幼麵、豬皮、豬腸、辣魚蛋，當然有我必要ge 酸齋！呢度D車仔麵食左大大話話超過十八年，講真，水準真係保持到。豬皮爽夾滑、豬腸無異味，係魚蛋就應該可以更好。但係講到個酸齋，就真係無得頂，我食過ge 酸齋，呢度Number 1！價錢就平均五蚊一個，其實都幾貴，我個碗都要$25，隨時貴過一個飯盒。不過，好食呀嗎，貴少少都值架！仲有佢地係香港代表，應該支持！＊即企係度食，無坐位餐廳

這天傍晚在灣仔漫步之際，突然想起七時關門的車仔麵之家。和babe立即跑過去，6:45pm，時間剛好，還剩下最後兩碗米粉。每人三餸，要了冬菇、酸甜齋、豬皮、蘿蔔、魚蛋、魷魚，少辣。湯底好濃，辣汁很惹味，少辣已經夠辣了。冬菇、蘿蔔、豬皮、魷魚都十分入味，酸甜齋味道有趣，反而魚蛋最遜色，淡而無味。每款餸都切得很細小，我很貪心，如果份量可以多點就更好了...論味道而言，車仔麵之家已成為我心目中的車仔麵no. 1!

jul 11, 08來lunch,叫咗 : 1) 4餸粗麵-有蘿蔔,翼尖,紅腸同豬皮-原來都幾細兜,嗰日我都唔肚餓,都食得晒-蘿蔔甜,又無渣; 翼尖滑,又有雞味; 湯底好夠味-不過粗麵就普通,腍咗d-其實咁多人嚟食都喺因為個秘製沙爹醬,之前友人同我講,食唔到辣都要+少少,咁我就聽佢講,要少少,但真喺幾辣呢~~-整體ok啦- 我1早就知會好多人,所以我已經做好立食嘅準備,但可惜張短企位枱仔已經客滿(全店無坐位),我無理由夾硬佔埋去,我又唔可以堅到企住,揸住碗嘢凌空食,所以最後都喺外賣算罷

Rainy day, forgot to order lunch, so rush to this restaurant to buy a quick lunch.As usual, there are a long queue outside shop. Don’t worry, it won’t take long cause there are actually more than 5 people working in such a tiny shop. An old uncle is always responsible for cooking noodles, he has good listening, could hear your order far far from the door.Anyway, today I tried “oil noodle”, not till today I realize there are several sizes of noodles. And I am so hungry so I ordered “Big oil noodl

0係 Spoil 食了閉門羹 (fully booked 喎...), 加上上星期食唔成呢間「立食」車仔麵, 今日夜晚趁佢人少少0黎試試, 順便比較一下 lunch 0個度的出品. 要了油麵 (細 $5), 配豬大腸 ($6), 蘿白 ($5) 及酸齋 ($5).好耐無食油麵, 呢度的好彈牙又唔漏, 好食; 蘿白無渣, 一般甜, 可以接受; 酸齋帶少少脆, 酸汁 (0係雜誌見到, 呢度的酸汁落了意大利陳醋的???) 甜多過酸, 不過味道幾特別, and more importantly 係比平日0係齋鋪買到的好食得多, 唔錯唔錯; 豬大腸就最正, 好乾淨, 去晒 d 肥, 無臊味, 仲好鮮味又帶甜, 好正! $21 一碗, 勁抵, 絕對值得試試!「立食」店得個 counter, 客人要 "bung" 住旁邊的鐵 shelf 食麵, 不過衛生一 d 都唔差的; 招呼亦好, 老闆 (?) 好好人!會再幫襯的 -- 為0左佢 d 豬大腸!題外話: 九龍城都有間同名車仔麵店, 不過0個邊的出品就真係..................

是日要在午飯後到灣仔幫公司辦事，所以午飯也順理成章到灣仔區"解決"。在剛過去的周末的聚會中，幾位食友提及到在晏頓街的車仔麵，既然會順道經過，就先來一碗車仔麵好了~要了的餸菜有：豬皮、豬腸、蘿蔔、冬菇、尤魚鬚和酸齋，麵底則為油麵加沙爹醬豬皮入味頗腍~豬腸份量不多但亦算入味~蘿蔔無渣、少甜~冬菇香味仍在尤魚上沾著的醬料惹味非常~酸齋加在本來是甜的湯底下，混合的味道令人開胃~要拿著車仔麵站在後巷吃著，已經很久沒有試過這樣做了，還好當天的"神經雨"暫時休息，不然一定會"風味大增"~ 在後巷那兒可以直接看到店內的情況，在邊吃邊看的後段期間，突然看到(少店主﹖)向著那滾滾的高湯爐中投了一些東西進去，細看之下原來在高湯的面層浮著不少於10個鴨頭和少量雞頭。少店主試了一口湯之後，左手拿著一碗東西，右手則拿著湯勺向碗內一動，原來那碗之中有一半白沙糖和一半碎粒的冰糖，難怪湯底有一股烤香味和清甜的味道。整體來說也算不俗，特別是那尤魚鬚和酸齋，還有那濃味的沙爹醬，也是令到這碗車仔麵味道提高的立要原因。

平時Lunch多數都會黎幫襯既，多數食魚蛋、雞亦、墨魚丸、菜....等等佢既特制辣汁一流，可選擇大、中、小辣，

從vanilla吃了超滿足蛋糕後,沿著大道東走向灣仔,"晏頓街"的路牌忽然出現,著名的車仔麵之家原來就在這裡,擇日不如撞日好了。將各款餸從碗底移放上面方便拍照後開始立食。米粉軟硬度剛好,沒有一般麵店米粉浸得過淋現象,份量也ok,後來才知道連粉麵份量也有大小之分;魚蛋是喜歡的實的的貨色,沒有腥味也沒有油益味,好吃!平時不太吃的豬皮今次也點了,煮得入味但又不會太淋,還有爽口感覺;豬腸同樣地入味,個人覺得腸頭吃來較有口感好吃;最好吃的是那片齋!!經過湯汁浸軟後,軟軟滑滑的感覺就像兒時在銅鑼灣吃過的一樣,很有回憶的味道!!為了這片齋,再來的機會很大!吃麵時順道看看店內的剪報,忘記點著名的咖喱魷魚,下次下次!立食完畢,將自己的湯碗放在下格方便其他客人,很好玩的一個立食經驗!

06年7月去食,真係好抵,料最貴ge牛腩都係5蚊比起旺角/其他地方都要$7,所以,通常30蚊就食得好豪氣有4~5樣料,到我畢左業,今日經過想回未下,見到人手多左,由3個人加到4個,冇變ge係一入門口,仲係帶眼鏡阿伯,問我要咩面...叫左3樣以前食慣ge料,打算,回味下.點知埋單由$19加到$23.5....平均每樣加左5毛到$1而且比我“尤”魚得兩小片...以前,最少都3大片/4小片,縮水得好緊要,可能通漲太緊要啦~最記得,依度d湯底,味道偏向甜味,今日食返,比以前更甜,重手左.================================================我想要返門口篇報道......我冇買到果日份報紙果個kenneth就係我>_<

以前駕車經過灣仔時，就見過這車仔麵，第一個印象是企係到食都咁多人，應該不錯吧。所以今日就專程去試一試，來一個企係到食麵，點了油麵、豬紅、大腸、牛丸，幾樣都好普通，無一樣突出，好多地方都食到呢D車仔麵，辣汁係OK，但好多地方都有呢隻汁。要講好食，呢間車仔麵，不是我杯茶!!

由於我公司响金鐘，我間中都會黎呢度食車仔麵。雖然地方細細要企响度食，但我都接受。但係今日再去，我好唔高興。早前已經聽同事講知佢加左價，加幅都幾大，由每個餸4元加至5元，即25% 升幅架。但係，我覺得最差既係，佢份量好似比之前仲少左添。今日無左昔日條人龍，唔知有無關係呢?! 不過我都打算罷食佢。好不忿咁加價，仲唔比足啲料。係咁早排就唔好裝修留番啲錢做福下大家啦，反正裝完都唔見得特別大分別。

早上，本要上課，但任性地ＣＡＮＣＥＬ了，專程來這裡吃個麵，試一試所謂全港最好的車仔麵看過ＯＰＥＮＲＩＣＥ的食評，知道麵店在灣仔，就專程搭地鐵往灣仔，打算再看看地圖，點知搵左輪原來係金鐘ＰＰ３後面，即係近星街果邊，唉，其實果邊叫金鐘應該好一點，不過仍然無損我心情看到麵店，已很興奮，因為心急想吃！小小的店內，有老闆，還有一兩名員工，小家作業的樣子，好ＦＡＭＩＬＹ第一次黎唔知麵都有分ＳＩＺＥ，冇指定老闆要邊種，要了油麵，生菜，雞亦ＴＳＩＭ，紅腸麵幾爽，可能即叫即正，唔會碌到好稔，而亦ＴＳＩＭ係我最鍾意，唔似其他鋪頭碌到林哂Ｄ肉爛哂；湯好清，唔太重味精，而果ＰＡＴ沙爹類既ＳＡＵＣＥ，好正，好香好醒胃，唔叫好辣，老闆都ＰＡＴ左幾大ＰＡＴ落去，哈哈食落會流鼻水！嘻要企係度食，冇得坐，不過風味十足，企一企食個麵，唔會介意啦！

來了個中米(份量時大時細)﹐那天我的中米和平常大米差不多大細!!!要了蘿白﹐是我一向最愛~ 現時蘿白當做所以份外香甜無根(其實他們做得一向也很少會有渣的)。聞說很多餐廳是會以冰糖加進湯內煮﹐蘿白才會這樣香甜。這個我不知道﹐只知很對我口味就是了。魚蛋是彈牙有咬口的那種﹐可能會對一些人來說會太硬但我覺得是不錯。朱皮呢...不是我那杯茶﹐他們做得是爽口那種但我喜愛是軟綿棉﹐很入味吸到汁那種。酸齋...也不是我愛的...幾香口但和比我想像有點太死實和硬, 如果能做得鬆一點和多少許酸汁(對我來說)就perfect!! 另外要了菜...菜就是菜喇...為健康而食﹐本想再加冬菰但好像有點兒誇張~ 為免老板會以為我10日無食飯所以我收手了。最後是湯底和沙嗲醬...要了中辣就有一大pat~ 幾香口架但一向會覺稍甜但又不損佢既魅力。很多時心情不好﹐受壓後亦會想起佢既甜美!

旁晚六點幾,想食d熱辣辣同份量唔係太大o既嘢。在灣仔附近就去咗車仔麵之家。由於本人鍾意食餸多過食麵,所以就叫咗個小幼麵。店內有分大、中、小的麵size,份量比較有彈性。幼麵:好有彈性,亦有麵的香味,淥的時間控制亦啱啱好!very good.牛腩:味道ok,不過我覺得唔太淋。豬腸:有些小「壓」味,而且腸皮變成深色和乾,不知是否風乾,腸皮比較un。冬菇:味道唔錯,冬菇亦好香。籮白:蘿白切得好骨子,細細粒,有蘿白味,不過我個人就覺得太甜。尤魚片:調味的味道淡咗d,不過d尤魚片就有d怪味(化學),返屋企問呀媽,佢\話可能係d發魷魚o既水過得唔清。有d舖頭用鹼水,有d用蘇打水。豬紅:不是完全入味,好彩我對豬紅o既腥味都頂得住。豬皮:非常爽口,不過未入味。可能因為就o黎收市喇。豬粉腸:有粉腸味,不過調味料o既味就未入落d粉腸內。Overall,好味。有少少口渴,可能味精重咗d。下次會早d去,試吓d要入味o既餸會唔會更好味。